أستفتاء للدكتور أحمد جمال الدين بألغاء الأكاديمية

[محمد أحمد ناصف]

المشاركة الأصلية كتبت بواسطة مدرس اللغة

وانا محبذ على الغائها ووضع امتحان في الإدارة في التخصص فقط وليس في التربية ولا دياولوو
لأنه لو قلنا التربيويين بس هما اللي ليهم الحق في التعين في التعليم طيب وباقي الكليات النظرية هتروح فين
زي دار علوم واداب بجميع أقسامها وعلوم وتجارة وكل الكليات اللي ملهاش مجال محدد

اية يا استاذ بقي علوم واداب وعلوم وتجارة ملهاش مجال امال كلية تربية ممكن يشتغل اية تاني غير مدرس اما تجارة بنوك حسابات كل حاجة علوم مصانع ارصاد جوية وملايين الاعمال اداب سياحة (هتقولي عربي ) والله هو اللي اختار بقي يشتغل ازاي والله معرفش بقي بس ياريت متقللش من شان تربية

[marwasamy]

المشاركة الأصلية كتبت بواسطة مدرس اللغة

وانا محبذ على الغائها ووضع امتحان في الإدارة في التخصص فقط وليس في التربية ولا دياولوو
لأنه لو قلنا التربيويين بس هما اللي ليهم الحق في التعين في التعليم طيب وباقي الكليات النظرية هتروح فين
زي دار علوم واداب بجميع أقسامها وعلوم وتجارة وكل الكليات اللي ملهاش مجال محدد

اهو انتم اللى مليتوا البد كان فتنا متعينين الا ان فينا الغير تربوى ودة اللى بوظ التعليم والمفروض ان التدريس خاص فقط بكليات التربية لان ما ينفعش مهندس يشتغل دكتور كلة فى تخصصة

[عالمى]

هوا احنا هنفضل طول عمرنا بنمتحن
امال مش بيمتحنو المهن التانية ليه ولا احنا اللى طلعنا من قعر القفة

وعجبــــــــــــــى

[omda2008]

لا بد من المطالبة بالغاء امتحانات الكادر التى تمثل قمة الاهانة والاذلال للمعلمين والتى لا تعود بالفائدة على اى طرف من اطراف العملية التعليمية والافضل ان يتم بدلا منها عقد دورات تدريبية دورية للمعلمين كل فى تخصصه لاطلاع كل معلم على الجديد فى مجال تخصصه والارتقاء بمستواه المهنى فى تخصصه وكفى ذلا ومهانة للمعلمين الذين هم اساس النهضة فى اى مجتمع كما انه لا بد ايضا من المطالبة برفع مرتبات المعلمين والتى لا تعادل ربع ما يحصل عليه اقرانهم فى الكهرباء والبنوك والبترول وغيرها من الوزارات ان المعلمين يريدون ان يحيوا حياة كريمة حتى يتفرغوا لاداء رسالتهم التعليمية السامية
نطالب بالغاء امتحانات الكادر
نطالب بالغاء امتحانات الكادر
نطالب بالغاء امتحانات الكادر
نطالب بالغاء امتحانات الكادر
نطالب بالغاء امتحانات الكادر
نطالب بالغاء امتحانات الكادر
نطالب بالغاء امتحانات الكادر
نطالب بالغاء امتحانات الكادر

[werwera]

إخواني المعلمين أكاديمية المعلم عبارة عن مادة من قانون155 الخاصة بكادر المعلم و القوانين لا تلغى بالاستفتاءات
أرجو من الجميع عدم الانسياق وراء من يستخفون بعقولكم و يسوقونكم كما تساق النعاج
انساقوا وراء من يعلمونكم حقوقكم و كيف تحصلون عليها

[marwa elminia]

يتلغى طبعا دى كرامه المعلم بقيت فى الارض

[سمير صبرى العدوى]

لابد من الغاء الاكاديمية . والبديل يكون اعطاء دورات الزامية فى الكمبيوتر او التخصص او التربوى لكن دون ارتباطها بالتعيين او الترقية او الكادر

[tones]

الغاؤه طبعاااااااااااااااا

[مسيو عاطف]

كله من الجمل

[yoyo_595]

والله مفيش حاجة من الاقتراحات اللى فوق متفق معاها أولا الاكاديمية تتلغى مش عشان تعجيز التعيين لا لانها اصلا ملهاش معنى وامتحاناتها تافهة ومبتقيسش حاجة مطلوبة لكن المفروض يكون فيه بديل عملى واقعى وغير تعجيزى لان المهنة دى متنفعش لاى حد وخلاص لازم يكون مربى وعلى خلق فاضل ومثقف ذو فكر ايجابى وبناء وقدوة ومثل أعلى يحتذى به وعلى دراية بالمادة العلمية القائم على تدريسها ولكن للاسف اين قياس تلك الاشياء فى اختبار الاكاديمية ( اختر من بين الاجابات المتشابهة فى اللفظ والمعنى .... وانتوا عارفين ده مش قياس ) وكمان مش لازم يفضل 3 سنوات للتعيين كفاية عام تحت اختبار شامل تربويا وعلميا وسلوكيا ثم التثبيت لكن الكل هيقول ليه هو هياخد كام لما يكون بالمواصفات دى لكن للاسف فعلا اللى بالمواصفات دى قليل جدا والمفروض نزودهم ونهتم بيهم عشان يكونوا قدوة لغيرهم والناس تقلدهم مش تقلد حد تانى.... وانتوا عارفين النتيجة

[سيلفانو]

الالغاء طبعا

معنى الاختبار يعنى المفاضلة بين الذى يصلح والذى لا يصلح
ولما هما شاكيين فصلاحيتنا كمدرسين وبيمتحنونا عشان يتأكدوا
كانوا عينونا ليه اساسا ولا ادونا عقود ليه اصلا

بالرغم من انه امتحان فاااااااااااااشل لا جدوى ولا فائدة منه ولا يقيم الفرد ولا يقيم مستواة التعليمى والعلمى

[أزهرى وأفتخر]

لازم يتلغى
لازم كلنا نقف ايد واحده ياجماعه
وناخد كل حقوقنا

[اشرف الباجورى]

الالغاء ثم الالغاء ثم الالغاء الغى الغى حراااااااااااااااااااااااااااااااااااااااااااااااا ااااااااااااااااااااااااااااااام .

[melad2009]

يا عم العنب الأحمر متقولش كسلانين لان ليس الهدف من الغاء قانون الكادر لاننا خايفين منه لأ احنا مش خايفين ولكن هو معطلنا وحاطط شرط 3 سنين ياسيدي يعمله بكرة وشوف هننجح ولا لأ والا ما كناش عرفنا نعدي من الكلية علي فكرة الوزارة الوحيدة اللي مصرة علي شرط 3 سنين هي وزارتنا بس مع العلم بان جميع المتعاقدين عملوا سنين طويلة بالحصة او بالمكافأة الشاملة ولم تحسب لهم تلك المدة مش ده ظلم ؟

[abdelghany1987]

بسم الله والصلاة والسلام على رسول الله

أنا لا أرى أى أهمية للأكاديمية غير انها تقرف الواحد فى عيشتة وخلاص وأطالب بالغائها

واحد خريج تربية يمتحن لية ؟؟؟؟؟؟؟؟ هم الاطباء والا المحاميين والا غيرهم بيمتحنوا قبل مايتعينوا ؟؟؟؟؟؟؟؟؟؟؟

طبعاً لا وألف لا.

ملحوظة :
اللى يضايق اكتر ان الواحد مش عارف لهم منهج محدد يذاكرة مثلا
المهم يارب الاكاديمية تتلغى