روزاليوسف : استبعاد أصحاب الكادرات الخاصة من الحد الأدني للأجور

[الهامى زينة]

اشاعات كفاية حرام والدليل فيديو للوزير على موقع (((منتديات نجوم مصرية ))) اسف لعدم وضع الرابط اصل لازم 25 مشاركة

[YaserTrboush]

لازم نوحد جهودنا وندخل على صفحة عصام شرف ووزير ديوان التربية والتعليم ومش حنسكت على الظلم خلاص وقت السكوت انتهى اصلا ما ينفعش معاهم الا الصوت العالى الاطباء اضربوا يوم واحد واخدوا 1600 جنية حد ادنى والممرضات 1200 واحنا اخدنا الترماى ماعذرونى على لغة الحوار لانى الصراحة اتخنقت وحاسس انى ضيعت عمرى على وظيفة ملهاش قيمة فى البلد دى

[moohammed]

خلاص هما عرفوا واتاكدوا ان المعلمين بلا انياب
بعكس الاطباء والشرطه وكل من طالب بحقه
ومحدش يقولى البلد مش واقفه على رجليها
البلد حالها واقف فقط مع المعلمين

[الهامى زينة]

كد* ‬الدكتور عبد الفتاح الجبالي مستشار وزير المالية المسئول عن ملف اصلاح الاجور ان عدد المستفيدين من تطبيق زيادة الحد الادني للاجور الي* ‬700* ‬جنيه يصل** 9.1 ‬مليون موظف، وقال انه لن يستفيد من الزيادات اصحاب الكادرات الخاصة مثل المعلمين والاطباء لتجاوز مرتباتهم وفقا للكادر الخاص بكل منهم مبلغ* الـ 007 ‬جنيه*، فيما أشار الي أن الزيادة لباقي الدرجات الوظيفية سيتم زيادة راتب الموظف بقيمة* ‬872* ‬جنيها شهريا*.

وذكرت صحيفة الاخبار المصرية الجمعة أن مستشار وزير المالية أوضح أن عدد موظفي الدولة الخاضعين لكادرات خاصة يصل إلي 2.6 ‬مليون موظف، كما تم استبعاد موظفي الوزارات ذات المرتبات المرتفعة مثل الاستثمار والمالية والبترول لتجاوز مرتباتهم بكثير الحد الادني الجديد*.

وشرح الجبالي ان كل موظف يتقاضي مرتبا شاملا اقل من* ‬700* ‬جنيه، سيتم رفعه الي 700 ‬جنيه شهريا ووفقا للارقام المتوافرة لدي وزارة المالية فإن الحد الاقصي للزيادة يصل *‬64٪*‬، لكن بشكل عام اذا كان هناك من يتقاضي مثلا مرتبا شهريا شاملا يصل* ‬350* ‬جنيها كما يدعي البعض في بعض الجهات مثل المحليات، فانه سيتم رفع راتبه الي* ‬700* ‬جنيه شهريا أي بزيادة * ‬100٪،* ‬لكن كما سبق ان اشرت فان المعلومات المتوافرة لدينا تشير الي ان اقل راتب في الجهاز الاداري يتجاوز* 004 جنيه شهريا وان اقصي زيادة وفقا للبيانات المتوافرة لدينا تصل* 46%.‬

وحول معدل الزيادة لباقي الدرجات الوظيفية، اكد الجبالي ان كل موظف من الدرجات الاعلي من الحد الادني الجديد سيتم زيادة راتبه بقيمة* ‬278* ‬جنيها شهريا*.

‬واشار الجبالي إلي ان الحكومة* ‬راعت استفادة اصحاب المرتبات المتدنية من الزيادة في الحد الادني لتحقيق العدالة الاجتماعية، مشيرا الي ان الحد الادني سوف يتحرك سنويا ليصل* ‬1200* ‬جنيه خلال خمس سنوات*.

‬واضاف ان رفع حد الاعفاء الضريبي لدخول أصحاب المرتبات يمثل زيادة اضافية في المرتبات، اضافة الي استمرار اعفاء العلاوات الاجتماعية التي تصل نسبتها الاجمالية حتي الآن 430‬ ٪*.

[YaserTrboush]

الي كل المعلمين بمصر لازم صوتنا يوصل للمسئولين اللذين لا يعرفون شئ عن احوال المعلم بمصر ولا يعرفون شئ عن الكادر الملعون الخاص بالمدرسين ولا يعلمون العائد علينا من هذا الكادر لا يعلمون ان الكادر دا بناء عليه تم الزيادة لاغلب المعلمين مبلغ لا يزيد عن 150 جنيه بعد امتحان ومذاكرة ومهانه وقلة ادب واستهتار بالمعلم لانهم يساونا بكادر الاطباء في الحديث عن الحد الادني هل يعلم الجميع ان اقل طبيب بيقبض الان 1600 جنيه ... وان نسبة كبيرة جدا من المعلمين لايتجاوز راتبها 400 جنيه بالكادر بالحوافز ... الناس دي بتستهبل وعايزة البلد تولع .. ودا تحذير شديد اللهجة من كارثه قادمه من المعلمين لان خلاااااااااااااااااااص نفذ الصبر ... اللهم ما بلغت اللهم فأشهد

[hemakasem]

طيب يا جماعة الخير لدي استفسار ارجو الرد بارك الله فيكم
انا مدرس مساعد لسه ماضي عقد ب110 جنيه في شهر 4 الماضي ... هل العقود هذه تدخل تبع الحد الأدنى ؟ وعاوز اعرف كمان انا الآن بأعتبر متعين على الدرجة الكام علما باني مؤهل عالي بكالوريوس؟ وشكرا جزيلا

[عبدالله نصر سيبويه]

أكيد الامر فيه سوء تفاهم
لو مفيش سوء تفاهم يبقى طز في المدارس وفي التعليم وفي الوزراء وحقنا هناخده غصب عن أي حد متخلف في مصر

[gonejn]

السلام عليكم
اخوانى الاعزاء انا مرتبى بالكادر كله 577 جنيه درجة تالتة
يعنى بعد شهر واحد العامل اللى عندنا ياخد 700 و انا بالكادر و مؤهل عالى هضطر احقد عليه اكيييييييييييد فى حاجة غلط اكييييييييييييييييد مش ممكن مش عايز اقول كلام ابيح احتراما لمهنتى لكن شكلى مش هقد سامحونى
******************************* طلعت غصب عنى انا متنازل عن الكادر بجد انا متنازل عنه و هبقى زى عمو الفراش و مش رايح امتحان الثانوية العامة لا انا هستقيل احسن انا بجد مش حاسس بالكادر بجد مش حاسس بيه اكيد احنا مش فاهمين او فيه مفاجأة او الخبر ناقص الموضوع ناقص و هقنع نفسى بكدة عشان عندى السكر و الضغط و مش عايز يجيلى البواسير اصلى خدت الكادر

[Ahmed Farag12]

اضراب اضراب اضراب حتى يتم استماع مطالبنا
1200جنية حد ادني للمعلمين
دي فرصتنا
اتحدوا اتحدوا اتحدوا ونفذوا الاضراب عن امتحان الثانوية والتصحيح حتي تنفيذ مطالبنا