الشرقيه التعيين لكل من مرعليه 3 سنوات امتحن كادر اوممتحنش بالصور (السبت 18/6/2011)

[ashraf mansour]

1- انا من الناس اللى مضو عقد 1-1-2009 تمام .. تمام.
2- انا شغال فى التربيه والتعليم بقالى 6 سنين من سنة 2005
3- دخلت امتحان الكادر ونجحت الحمد لله .
4- اتعينت النهارده على درجة معلم مساعد .


احب اعلق بقى
1- احنا كنا متعاقدين صح والا لا ...... صح . تمام
2- يبقى لازم نتعين الاول علشان يتطبق علينا الكادر .... يعنى ندخل فى درجات الكادر .
3- ونظام الكادر بيقول ان فى شروط لازم تتوفر فى كل مدرس علشان ينتقل الى الدرجة التى تليها فى الكادر
4- احنا الحمد لله شروط مش هاقول تعيينا لا لاننا ا تعيينا خلاص لا ولكن شروط انتقالنا من مرحة معلم مساعد الى معلم متوفره فينا الحمد لله .
5- لازم هاينزل قرار بنقلنا او تسكينا زى مكانو بيقولة من معلم مساعد الى معلم .
6- واللى يأكد كلامى زى اللى حصل مع المعلمين الاساسيين ... هما كانو متعينين ولكن اتطبق عليهم الكادر .. وفيهم اللى بقى معلم اول -- ومعلم خبير ---- وكبير معلمين .

معلش انا طولت عليكو بس ياريت تقرو كلامى وتفكرو شويه بس فيه وردو عليا


والله الموفق

[ashraf mansour]

لابد من التعيين على درجة معلم مساع اولا ثم التسكين على درجة معلم والراتب 920 من غير الكادر وعند التسكين على درجة معلم سوف نحصل على 50% من الاساسى طبقاً لهيكلة الاجور الجديده اى حوالى 200 جنيه مضاف للراتب .. المطلوب الصبر .. والخير جاى كثير .. بسى نشتغل بضمير أنا عارف ان كلنا تعبنا ... انا بقالى6 سنين بالعقد .. لما تعقد .

[محمد ديااب]

الحقية ان الموضوع ده في كلام كتييييير

يعني النهاردة في الادارة واحنا بنخص اورقنا

كان في قول ان المعلم المساعد خاص بمعلمي الحصة والعقود
اللي ما امتحنش الكااادر

في قول تاني زي ما حضرتكم قولتم .. تعيين اولا ثم قرار ثاني
للتعيين علي درجة معلم لمن تتوافر في الشروط

لكن مافيش حد عارف او متاكد من راي

الايام هي اللي هتعرفنا قدام
و يا خبر بفلوس

ربنا يسترها

[قلبك حنين]

ن أنس ـ رضي الله عنه
قال: نزلت (يا أيها الناس اتقوا ربكم) إلي قوله (ولكن عذاب الله شديد) على النبي صلى الله عليه وسلم، وهو في مسير له، فرفع بها صوته حتى ثاب إليه أصحابه فقال: "أتدرون أي يوم؟" هذا يوم يقول الله لآدم: قم فابعث بعثاً إلي النار: من كل ألف تسع مائةٍ وتسعة وتسعين إلي النار وواحداً إلي الجنة" فكبر ذلك على المسلمين، فقال النبي صلى الله عليه وسلم: "سددوا وقاربوا وابشروا، فوالذي نفسي بيده ما أنتم في الناس إلا كالشامة في جنب البعير، أو كالرقمة في ذراع الدابة، إن معكم لخليقتين ما كانتا في شيء قط إلا كثرتاه: يأجوج ومأجوج، ومن هلك من كفرة الجن والإنس".

[ashraf mansour]

المشاركة الأصلية كتبت بواسطة قلبك حنين

ن أنس ـ رضي الله عنه
قال: نزلت (يا أيها الناس اتقوا ربكم) إلي قوله (ولكن عذاب الله شديد) على النبي صلى الله عليه وسلم، وهو في مسير له، فرفع بها صوته حتى ثاب إليه أصحابه فقال: "أتدرون أي يوم؟" هذا يوم يقول الله لآدم: قم فابعث بعثاً إلي النار: من كل ألف تسع مائةٍ وتسعة وتسعين إلي النار وواحداً إلي الجنة" فكبر ذلك على المسلمين، فقال النبي صلى الله عليه وسلم: "سددوا وقاربوا وابشروا، فوالذي نفسي بيده ما أنتم في الناس إلا كالشامة في جنب البعير، أو كالرقمة في ذراع الدابة، إن معكم لخليقتين ما كانتا في شيء قط إلا كثرتاه: يأجوج ومأجوج، ومن هلك من كفرة الجن والإنس".

ايه قصد حضرتك

[ashraf mansour]

المشاركة الأصلية كتبت بواسطة حسن رزق

هو احنا يوم ما وقعنا على عقد يوم 1/1/2009

كان عقد اية

ماهو كان معلم مساعد ولا انا غلطان

وما فائدة اختبار 1/4/2011 المزعوم باختبار الكادر للحصل على وظيفة معلم

وسلملى على التعيييييييييييييييييييييييييين

وهذاكلة لماذا؟

لانك اكيد ---------اكيد فى مصر

لا قوانين ولا عدالة ولا ------------------------------------------------لا -----------------------الخ

الصبر الصبر ان الله مع الصابرين

[استاذ ابو اية]

المشاركة الأصلية كتبت بواسطة ashraf mansour

والله انا مش عارف الناس مش مصدقه ليه والله العظيم استلمت العمل النهارده والصور باينه زى الشمس ... وبعدين انا هاستفاد ايه لما اضحك عليكو .... انا عملت اللى عليه .... واللى عايز يصدق يصدق واللى مش عايز برحته ...

والسلام عليكم ورحمة الله

استلمت العمل علي درجة معلم مساعد

يعني ايييييييييييييييييييييييية

اومال احنا امتحنا كادر لية علشان نفضل معلم مساعد
انا بدعو كل المتعاقدين من 1-1-2009
انهم مش يستلموا العمل الا علي درجة معلم
زي الناس الي قبلنا

[ashraf mansour]

المشاركة الأصلية كتبت بواسطة استاذ ابو اية

استلمت العمل علي درجة معلم مساعد

يعني ايييييييييييييييييييييييية

اومال احنا امتحنا كادر لية علشان نفضل معلم مساعد
انا بدعو كل المتعاقدين من 1-1-2009
انهم مش يستلموا العمل الا علي درجة معلم
زي الناس الي قبلنا

يااخى الكريم خلليهم يستلموا عملهم اللى هو تعيين تعيين تعيين مش عقد عقد عقد وفى فرق حضرتك .
وبعد كده هينزل قرار قريب ان شاء الله بتسكينهم تسكينهم تسكينهم على درجه معلم .


واقرا رد الوزير على سؤال الاستاذ عبد التواب محمود محمد فى الرابط اللى تحت ........ وكفايه بقى تشكيك عايزين نفرح شويه .

الرد بتاريخ 18-6-2011 يعنى على الناس اللى امتحنو كادر 1-4-2011
http://ahmedgmousa.blogspot.com/

[ahmed khatam]

إلى الزملاء بمحافظة الشرقية المعينين على درجة معلم مساعد:
فى اتصال هاتفى من المديرية بالزقازيق بأن السيد وكيل الوزارة بمحافظة الشرقية قد أصدر تأشيرة ستصل الإدارات قريبا إن شاء الله بعدم عمل اخلاءات طرف أو اقرارات قيام بالعمل لحين مجىء كشوف أخرى من الوزارة بأسماء الناجحين فى اختبارات 1 / 4 والمعينين على درجة معلم ..
ولعل الأمر خير إن شاء الله
ص المنشور: ونصه هو (يتم ارجاء تسليم العمل للمعلم المساعد بالعقود المميزه والوارد اسمائهم بكشوف القرار رقم 8162 بتاريخ 24/5/2011 والزين اجتازوا اختبارات الكادر والخاصه بالأكاديميه ولحين ورود كشوف باسمائهم من الوزاره لاتخاذ الاجراءات الخاصه بهم وفقا لما يرد الينا من الأكاديميه ) وتفضلوا بقبول وافر التحيه مدير المديريه /
محمود محمد احمد العرينى 18/6/2011

[خالد خلف الله]

مبروك مبروك

[محمد أبوعلي]

مبرووووك لمدرسي الشرقية وخااااصة مدرسي الحاسب الألي الذين عانوا الكثير من الظلم

[محمد أبوعلي]

نتمن أن يكون تعيين علي درجة مالية وأن يطبق الحد الأدني للأجور عليهم

[يثرب28]

انا حسه ان من كتر ماسمعنا كلام خلاص يأسنا وبقينا خيفين حتى نصدق ان فيه امل داحنا حتى خيفين نصدق نفسنا
عليه العوض ومنه العوض

[marwa elminia]

فين التعيين انا مش شايفه فى تعيين مجرد كلام وبيضحكوه بيه علينا المسؤلين

[محمد أبوعلي]

لأ صدقوا فيه تعيين ببدليل الشرقية استلموا خطابات التعيين ونفذوا فعلاً