شويه فرفشه على كيفكوا ان عجبوكوا وقولولى وانا اذود

[أحمد علي]

مسطول كان في الأستاد وبيفرج علي ماتش ، ففي جمهور كان قاعد جنبه ومتحمس قوي وعمال يقول : الله حي الأول جي ، راح جاء الهدف الأول ، راح الجمهور هتف تاني : الله حي التاني جي ، راح جاء الهدف التاني ، راح المسطول قام وهو متنرفز وقال : يا جماعة الي شاف الماتش ده قبل كده ميتكلمش

[أحمد علي]

كلايت تاني مرة : د يك بيقول لفرخة : أنتي كل يوم بتبيضي وعمرك ما كلتي بيض ، قالت له الفرخة : ما أنت طول عمرك بتدن الفجر كل يوم عمرك ركعتها

[أحمد علي]

سمير ألحق مراتك بتولد ، قام سمير يجري ويجري ، ووقف وقال : بس ده مش شهرها ، مش مهم أروح برضه أشوف فيه أيه ، قام يجري ويجري ، وقف وقال : بس مراتي مش حامل ، مش مهم أروح برضه أشوف فيه أيه ، قام يجري ويجري ، وقف وقال : بس أنا مش متجوز ، مش مهم أروح برضه أشوف فيه أيه ، وقام يجري ويجري ، وبعدين وقف وقال : أصلا أنا مش سمير

[أحمد علي]

فيه قردين : قرد محظوظ وقرد فقري ، كل يوم يروحوا عند شجرة الموز والقرد المحظوظ يطلع فوق الشجرة ويحدف الموز للقرد الفقري وكل يوم صاحب الشجرة يلم الفلاحين ويمسكوا القرد يضربوه علقة سخنة والقرد الثاني يجري منهم ، في يوم القرد الفقري قال للقرد المحظوظ : أنا حأطلع فوق الشجرة وأنت تستني تحت ، فطلع القرد الفقري الشجرة وراح الفلاحين اتلموا علي القرد المحظوظ الي واقف تحت الشجرة ومسكوه ، وراح صاحب الشجرة قالهم : سيبوه ده أضرب كتير قوي ، هاتولي القرد أبن الجزمة الي فوق ده علشان نضربه

[أحمد علي]

أب بيقول لأبنه : أنا نويت أخطب لك يا أبني ، الأبن قاله : لا يا بابا أنا شوفت أمي وعارف ذوقك

[أحمد علي]

مصري بيسأل لبنابي : الدنيا عاملة ايه معاك ، قاله اللبناني : بالنهار سايق هامر وبالليل مع قمر ، وأنت يا مصري الدنيا عاملة أيه معاك ، قاله المصري : في النهار سايق تريللا وبالليل مع غوريللا

[أحمد علي]

أسرع مخلوقات العالم : المركز الثالث : الغزال ، المركز الثاني : الفهد ، أما المركز الأول : واحد ساقط وأبوه بيجري وراه

[أحمد علي]

أذا أردت شخص ما بشدة فأطلق عليه النار ، فإن مات فأعلم أنه لم يكن لك من البداية ، وأن لم يمت فأجري يا معلم ده طلع عفريت

[أحمد علي]

أسد ونمر وتعلب وفار تايهين في غابة ، فقال النمر : أحنا جوعنا ، رد التعلب : أيه رأيكم نأكل أضعف واحد فينا ، راح الفار وقف جنب الأسد وقال : أقسم بالله الي حيلمس الأسد لأمسح به الأرض

[أحمد علي]

مرة واحد بلدينا أتخانق مع أبوه ، فساب له البيت وحيمشي ، أبوه قاله رايح فين ، مردش عليه ، وقام موقف تاكسي وركب ، السواق قاله : علي فين ، رد بلدينا وقاله : هع هع ، إذا كان مقلتش لأبويا رايح فين يبقي حأقولك أنت

[أحمد علي]

واحد مبيصومش في رمضان قال لمرأته : جهزي لنا السحور ، قالت له : ليه هو أنت بتصوم ، قالها هو يعني يبقي لا صيام ولا حتي سحور ، خلاص بقينا كفرة للدرجة دي

[أحمد علي]

اتنين بلدينا بيكلموا عن شهر رمضان ، الأول بيقول : الجو حر قوي السنة دي والصيام صعب ، راح التاني قاله : والله الواحد مش عارف كان حيعمل أيه ، لولا شوية الميه الي الواحد بيشربهم وهو بيتوضأ كان كمل اليوم ازاي

[أحمد علي]

ابليس سمع العيال بتغني : رمضان جانا ، فوقف يغني ويقول : رجب حوش صاحبك عني

[أحمد علي]

واحد بيسأل صاحبه : أنت لسه خاطب ؟ قاله صاحبه : لا ، قاله أحسن برضه دي خطيبتك كانت وحشة وهبلة ، ما علينا ، أنت عامل أيه دلوقتي ، رد صاحبه وقاله : أجوزتها

[أحمد علي]

واحد بيعاكس واحدة ماشية وقالها : يا عسل ، قالت له : أنت أهبل ، قالها : طيب ممكن رقم تليفونك ، قالت له : أنت أهبل ، قالها : تتجوزيني ، قالت له : أنت بتتكلم جد ؟ قالها : أنتي هبلة