يا عينى عليك يا طالب يا مصرى :(

[المســ نور ــتقبل]

اتفق معك التعليم المصري فاشل

[ايه سيد]

المشاركة الأصلية كتبت بواسطة h3sh4m

أولاً أنـا معاكِ في إن المفروض يبقي لينا رأي في كل حاجة بتحصل..

ومع إن لازم يبقي لينا يد في أي قرار بيطلع بخصوص الثانوية العامة أو التعليم لأن إحنا أللي بيطبق علينا وإحنا أللي بندرس ,

لكن ثانياً مش متفق معاكِ إن قرار الثانوية سنة واحدة هيكون فاشل علي العكس ! ،


القرار دة هيريح ناس كتير من الدروس دي أول حاجة ، تاني حاجة بخصوص المدرسين هيريحهم من حاجات كتير برضو

دة غير كمان الطالب هيرتاح من الضغط والمذاكرة المستمرة سنتين ورا بعض !

انا متفقه مع حضرتك انه هيريحهم من الضغط لكن الدروس..اكيد لاء..لان الدروس دلوقتى للاسف بقيت حاجه لا غنى عنها .مع احترامى لكل المدرسين فان بردو فيه مدرسين مش بيشرحو بضمير...وبتعاملو مع الكل على انهم بياخدو دروس..

أكيد هنذاكر ، وأكيد لازم نجيب مجاميع بس الضغط ! , إحنا في النهاية بشر ،، ممكن يكون هتبقي السنة صعبة زي ما في ناس بتقول لكن هيبقي فيه حذف من المناهج بيحث ندرس منهج سنة واحدة
على فكره مش فيه حذف انا اللى سمعته ان المنهج تقريبا هيتقسم على تانيه وثالثه

بس علي أكتر من مادة , / وهيبقي النظام مريح جداً لينا , بالنسبة للي بيقول عشان تعوض عن مجموعك في تالته

لو جبت مجموع مش أوي في تانيه , مع كامل إحترامي أنـا مش مع النظرية دي ، الفكرة مش في إني أعوض عن مجموعي وأجيب أعلي منة ، الفكرة في إني أقدر أحافظ

علي مجموعي أللي في تانية ، ومش أنزل في تالته بسبب الضغط عليا بسبب المذاكرة والجهد سنتين

خلينا نحسبها ، واحد جايب 85% في تانيه , لو جاب 99% في تالته في النهاية هيجب كام؟! تصوري كدة؟!

91% ، إية الفرق؟! , يضيع مجهود سنة كاملة ودروس ومصاريف ومذاكرة عشان الفرق بين 85% لـ 91% , دة غير كدة إن تالتة أصعب من تانية وأنـا بتكلم في أحسن الحالات وهي إنه يجيب 99% !


على فكره دى الحاجه الوحيده اللى كانت تعبانى من القرار ان الثانوى سنتين
مع إن المفروض نفترض الأسواء ونعمل علي الأساس دة..

أنـا شايف إن القرار صائب 100% ، ومش فية أي غلط وهيبقي لمصلحتنا مش لضدنا والكل بيقول كدة

ومفيش حاجة إسمها فران تجارب ، تجربتنا حتي لو كانت فاشلة مش هتكون بقدر فشل نظام السنتين الموجود حالياً..

مع إنها من المتوقع إنها تكون أحسن ، وهيبقي في مصلحتنا من كل الجوانب , !
واحنا بنتمنى الاصلح لينا علشان نقدر نرتقى بالبلد

وآسف لو كلامي كان كتير..

لا عادى .. حضرتك نورتنى .. وشكرا للاضافه ..
تحياتى

[ايه سيد]

المشاركة الأصلية كتبت بواسطة البروف1

ابنتى الغالية أية السيد أتفق معك تماما فيما علقتى به على نظام التعليم فى مصر ....ينبغى أن ننظر لسوق العمل أولاً ويدخل كل طالب ما يستطيع أن يبدع فيه ويقدم فيه لمصر
بس أكيد سنة واحدة أفضل شوية من سنتين... ونسأل الله أن يوفق القائمين على أمور التعليم إلى ما فيه الخير
** ملحوظة ** لا تقولى ( لا حول الله يارب... ) ولكن قولى ( لا حول ولا قوة الا بالله )

شكرا لمشاركه حضرتك...
وجزاك الله خيرا على الملحوظه
تحياتى

[ايه سيد]

المشاركة الأصلية كتبت بواسطة المســ نور ــتقبل

اتفق معك التعليم المصري فاشل

شكرا للمرور الجميل

[ايه سيد]

والله كل طلبه الثانوى عايشين فى رعب ... انا حاسه ان الثانوى ده كانه تعبان هياجى يوم وهيقرصنى...
اشمعنا احنا فى مصر الرعب من التعليم بقى مزروع فينا.. ومهما قولتو ان فيه ناس ممتازه واكتر من بيرفكت وبتحب المذاكره
فبردو هتلاقو جواهم رعب شديد من امتحان يتوقف عليه عمر بحاله اما فوق او تحت