خلاص فضينا للحب ؟

[الاستاذة نجلاء علي]

QUOTE=BaNZeR;4661079]

بل حتلاقي معظمهم متفوقين دراسياً وعلمياً وسياسياً
وعاملين اختراعات وكل حاجة

[/QUOTE]

هذا نص مشاركة حضرتك الأولي

[QUOTE=نسمة احمد محمد;4667541]

يمكن لأن البعض يعاني من الفراغ و عدم العمل و غير محدد لأهدافه و بعدين الشيطان هيشتغل عندنا و لا عندهم ربنا يهدينا و يحمينا آمين يارب العالمين و يمكن لأن الممنوع مرغوب
و لكن هل تتصور حضرتك أن هذا الموضوع سبب عدم تقدمنا أم أن هناك أسباب أخري كثيرة
منها 1- الغش في المدارس
2-عدم الحصول علي الوظيفة المناسبة و اذا حصل عليها يكون الدخل غير ملائم
3-عدم اتقان العمل 4- عدم تبني الكفاءات العلمية و الأبحاث الجديدة فكم من الأبحاث و الرسائل تجري للحصول فقط علي الدرجة العلمية ثم توضع في الأدراج فمن الذي يتبني هذه الأبحاث لكي تنفذ علي أرض الواقع فهناك أسباب كثيرة و متداخلة جزاك الله خيرا و بارك الله فيكم

[/QUOTE]

المشاركة الأصلية كتبت بواسطة BaNZeR

هما اول سطرين كانوا كويسين
وبعدين دخلنا في الغش وعدم وجود وظايف وعدم تبني الكفاءات
انا بصراحة نسيت موضوعي كان عن ايه اصلاً

لكن بصفة عامة هو فعلاً الفراغ عامل مهم في الموضوع
وهو سبب لجوء الشباب للكلام ده يضيعو بيه وقتهم
ويعملو فيه اي حاجة وخلاص

شكراً لمشاركة حضرتك

سبب تقدمهم هو أن التعليم عندهم صح و الشغل صح و هناك تبني و تشجيع للكفاءات العلمية و إن كنت تقصد أن المرأة تعمل مع الرجل عندهم فعلي فكرة عندنا أيضا المرأة تعمل مع الرجل في الأوساط العلمية و بخاصة الكليات العملية أو في الأوساط المحدده هدفها و لقد لاحظت ذلك بنفسي

شكرا لحضرتك

[BaNZeR]

المشاركة الأصلية كتبت بواسطة روووووز

بجد اسوب جميل جدااا وفى نفس الوقت فيه روح الفكاهه

وعندك حق فى كل كلامك انا لما بتكلم مع حد اجنبى بتختلف 180 درجة لما بكلم حد عربى او مصرى

بس عارفه انا برتاح معاهم اكتر لسبب انهم متفهمين اكتر من العرب وبيتقبلوا كلامك بصدر رحب اما طبعا العرب لو اتكلمت معاهم ودخلت معاهم فى اى نقاش بتقلب

على فكرة احنا بنفسر كل حاجة بالعكس المقياس بتاعنا الوقتى بقى ده بدقن ولا مش بدقن دى بنقاب ودى سايبة شعرها ده يعنى بنفكر بتفكير راجعى خالص فى الوقت اللى الدول بتبنى وبتشتغل وتصنع واحنا لسه بنفكر فى مواضيع غريبة هى سبب تأخرنا

اما بالنسبة للمشاكل عندنا زى التحرش والمعاكسات وغيره وغيره ده مش بسبب اللبس او بمعنى اصح مش العامل الاساسى اللبس السبب هو غياب الاخلاق ومش نقول ان السبب البنت لانها لابسه كذا وكذا لان اللبس عندى مش مقياس للاخلاق بس مش لدرجة كبيرة

اهو الحمد لله حد وصل تاني للفكرة وفهم كلامي
واللى اتعامل مع الاجانب حيفهم كلامي اكتر
هما مش ناس منحلة اوي زي محنا متصورين يعني


وفعلاً تفسيرنا دلوقتي للحاجة بقى شكلي فقط
حتى تديننا بقى شكلي واهم حاجة اني اربي لحية والبس نقاب
ومش مشكلة بعد كدا اعمل اي حاجة تاني

وموضوع الحب ده والله الواحدة بتشوف بلاوى وبضحك اكتر من قناة الفراعين
تلاقى بنت لسه طالعة من البيضة وتقول كلام غريب تحسسك ان عندنا قوق 20 سنة ونفس الموضوع بالنسبة للولاد
وفعلا اعظم حب هو حب الله ورسوله اللهم ثبتنا على ايمانه

وفى النهاية التركى انا بكرة كرة العمى اعوذ بالله انا مش عارفه تركيا دى فضتلنا بالمسلسلات دى اكلت عقل البنات وللاسف فى ولاد متابعين

الحمد لله في ناس كتير مش من انصار التركي اهو

الولاد مش كتيير بيتابعوه الحمد لله

بس يارب يهديهم على اي حال

[BaNZeR]

المشاركة الأصلية كتبت بواسطة مريم السباعى

بص انا متفقة معاك فعلا فى كلمة ان الناس هنتاك طبيعتهم غير الى احنا شيفينوة دة خااالص ودة فعلا واتفق معاك ان فى ناس كتيؤمنهم كويسن او يعنى كطباع وضمير ذينا وبرضه مش بقول اننا يعنى الى ملاك قوى انا بس بقول ان هناك حرية اكتر مش بيخليهوم عندهم كبت يدفعهم انهم يعملو افعال شنيعة او غلط ذى ميحصل هنا
وبرضه علفكرة بيختلف من شعب لشعب من الشعب البريطانى لاسبانى لالمانى كل منهم فى كم صفة كدة بتمزهم

يعني من الاخر عايزين نقول انه ديننا عاملنا كبت وبيدفعنا اننا نعمل الحاجات دي
انا مش عارف انتو ليه حولتو الموضوع لمقارنة بيننا وبين الغرب
انا غلطان اني استعنت بالموقف البريء ده لاثبات وجهة نظري

[وردة امل]

مسالخير عليكم

[BaNZeR]

المشاركة الأصلية كتبت بواسطة modym2020

الاجانب فى تعاملاتهم بيفصلوا بين كل حاجة يعنى لو وقت شغل يبقى شغل
لو فى أعياد او فسحة يبقى صعب جدا يتكلم معاك فى شغل
لو فى شات يبقى كلام هو عارف حدوده ايه

والشات عندهم حدوده ايه ؟
الشات بيبقى مفتوح ولا له علاقة بالشغل ولا بالفسحة
بنتكلم في اي حاجة

المشاركة الأصلية كتبت بواسطة modym2020

لكن كمان زى ما فى وقت لكل ده فى اوقات تانى يعملوا فيها اللى عايزينه دون اى شعور بالذنب
ده غير ان فى منهم ليس له دين اساسا يعنى البعض تسأله عن دينه يقولك nothing
يؤمن بالعقل وبس وده معناه ان مافيش اى رقابة على شهواته

أنا عن نفسي لا أحب صيغة التعميم
وأعلم جيداً ان هناك من لا دين لهم وان كانوا محسوبين على احد الاديان
فنحن ايضاً لدينا نفس هذا الصنف وفي هذا البلد الموقر !
وهذه الحالات هي خارج نقاشي وحساباتي

فهم مع ذلك فيهم العديد من المتديين الذين لا يقبلون هذا الانحلال وهم ليسو منا

المشاركة الأصلية كتبت بواسطة modym2020

وعلى كل حال ايا كان حال المسلمين فنحن أفضل منهم ولا مجال للمقارنة
اسأل سؤال ولنفسى اولا
مين مننا اتعلم دينه صح ؟ وفين ؟
فى المدارس ؟؟؟
ولا فى البيت ؟؟؟؟
عقيدة صحيحة وتوحيد وفقه و..................
سهل جدا اى حد يتكلم عن الاسلام مع اننا لانعلم عنه الا قليل
عشان كده احنا احسن منهم بكتير لو اتعلمنا وطبقنا صح
قال رسول الله صلى الله عليه وسلم " الخير فى وفى أمتى الى يوم القيامة "
ربنا يصلح حال المسلمين

مازلت أصر أنني لم أجعل الموضوع للمقارنة
وان كان الغرب بعضهم محترم ولم يتعلم تعاليم ديننا
فهم افضل من هؤلاء الذين تعلمو ديننا ولم يحترموه

طبعاً لو طبقنا ديننا احنا احسن الناس دي مفروغ منها
ولكن محور الموضوع ليس عن الدين او التدين هنا

[BaNZeR]

هذا نص مشاركة حضرتك الأولي

اجيبلك المصحف احلف عليه يعني
والله موضوعي ما عن التقدم والتعليم

وأكيد مش الجملتين دول هما محور الموضوع في كل اللى قلته !

[still think of you]

ممممممممممم
موضوع جميل و الله كان ف دماااغى من زمان
بصراحه كدا يعنى اعتقد ان المسلسلات هيا السبب بتخلينااا نستعجل ع المواضيع دى
مع الاسف لو انت حتى بتتكلم مع الناس ببراءه بيفهموك غلط
اعتقد ان خطا فى التربيه من الاساس
كل واد طالع فاكر بنات الدنيا هتموووت عليه و العكس
عشان كدا ما بقاش فيه علاقات بريئه ابدا
حتى لو الموضوع مش ف دماااغك
بتلاقى الناس بيقولو فلان و فلانه بيتكلمو سوا ع جنب او ع الفيس اهااا يبقا اكيد بيحبو بعض
مجتمع اعذرنى يعنى متخلللللللللف

و السبب الرئيسى هوا المجتمع و التربيه اللى خلتنا بالشكل المقرف دا

كل ولد عاوز يكوش علا اكبر عدد من البنات و العكس

......... و الله الواحد زهق

تقبل مرورى

[masryaa]

موضوع رائع
أكيد أننا مش مثالين فى كل حاجة ولكننا أفضل منهم بكتيييييييييييير
احنا عندنا دين وتعاليم . والتقليد هو اللى مودينا فى داهية كله عايز يبقى ع الموضة .
المسلسلات التركية لها تأثير كبيييير ع الناس أنا عن نفسى مليش فى التركى.
ياريت نلتزم بدينا احنا لو التزمنا بديننا هنبقى افضل من أميركاا.

اللهم احفظ مصر وأهلها.

[Mr_Ahmed Ghanem]

اولا شكرا على الموضوع الجميل لكن خلينى اقول رأى فى الموضوع بكل صراحة

لازم يا جماعة لما نلاقى مشكلة او ظاهرة غريبة او سيئة او عادة مش عاجبانا او بتناقد الصحيح وبتناقد دينا وتقاليدنا لازم نبحث عن اسبابها ونسال نفسنا هما ليه بيعملوا كده ؟؟؟

المشكلة سيدى الفاضل تكمن فى قاعدة من كلمتين تقول : " الممنوع مرغوب "

بمعنى ان انت لو دلوقتى قاعد فى بيتك ممكن يكون حواليك حاجات كتير ما بتسخدمهاش وسايبها وناسيها خالص لكن تعرف لو جه حد له سلطة عليك وقالك متمسكش الحاجة دى او متقربش من الحاجة دى حتى لو انت مكونتش بتستخدمها ولا كنت اصلا بتفكر فيها حتبتدى انك تفكر فيها وتبقى عايز تجربها وعايز تمسكها... اكيد فاهم وجهة نظرى

هية المشكلة الوحيدة فى طريقة حكم المجتمع على الشباب وتحكمه فيه او بمعنى اخر خطأ فى تطبيق دينا وعاداتنا وتقاليدنا اللى قايمة برضه على دينا مش عارفين نطبقها صح على ارض الواقع عشان كده لما نلاقى ولد بيعاكس بنت او بنت بتحب ولد او فى علاقة مفتوحة معاه زى ما بيقولوا يبقى اكيد فى خلل فى تطبيق الدين او القواعد او العادات بتاعتنا لازم نراجع نفسنا لكن تعالى شوف احنا بنعمل ايه حتلاقينا بنتمسك بعادتنا اكتر من غير مراجعة ولا حساب باسلوب " هوة كده وخلاص"