امتحان قدرات لدخول الجامعات

[احمد عطا]

طبعا موافق

[sandy_love]

والله انا شايفة انو شئ كويس

بس مينفعش هنا فى مصر

لانو هيفتح باب الوسايط والمحسوبيات

اللى هو اصلا موجود ومش هنستفيد حاجة غير اننا نتحطم اكتر

مش عارفة بس هو دة رأى

[وحوح العظيم]

لو سمحتوا انا جايب 59.1 فى المية ادخل معهد ايه حلو واربع سنين يا ريت كفاية انتاجية

[heba_e1]

طبعا مش موافقه خالص لان الوسايط هيا الي هتدخل الكليات وبكره تشوفو كدا احسن

[lolo.91]

لا طبعا مش موافقه ده قرار كله غلط وما فهوش اي حاجه لصالح المغتربين ده كله عك علشان يخلوا نسبنا اقل وما نعرفش نقول جايبن 100% ومش لاقين كلية وبعدين ده اختبار عامل زي الفوازير هو انا هعد ازاكر طول السنه واخد دروس وبعدين اجيب 100% بمجهودي وادخل اختبار القدرات ده او الي اسمه فوازير وما اجيبش فيه حاجه علشان ماليش في الفوازير ده بجد حرام وياسلام لو حد ليه واسطه تبقى امه دعياله واكيد هتكون بالواسطه وبعدين لو هما بيقولو ده بدل المستوى الرفيع الي اتلغى المستوى ده كان بيرفع المجموع لكن القدرات ده من نفس المجموع و30% ده كتير اوي ولو قالولنا احنا مثلا عندنا 50 طالب الكليه عايزه خمسه بس نعمل ايه ؟ نقلهم يعني الكليه دي من ستين سنه لما كانت عايزه خمسه كنتوا بتعملوا ايه وبعدين لو قفلت معاهم اوي في اقتراح حلو كل واحد يكتب الكليات الي هو عايزها ويختبر في الحاجه الي تخص الكليه يعني مثلا طب يختبر في الاحياء وعلوم وكده ولو هندسه يختبر رياضيات وهما يشوفو مين الي يستحق ولا بلاش كمان اختبار يرجعوا لنل المستوى الرفيع واحنا راضين بالظلم ده بس ما نتظلمش اكتر من كده

[الفتى المصري الأصلي]

يعني مش لازم نقلد الدول الخارجية وبس لاازم نشوف اللي يناسب مجتمعنا[/quote]

[AhmedKapo]

المشاركة الأصلية كتبت بواسطة solom_x

طبعا لا اوافق بشدة التنسيق افضل بكتير
لكن ممكن يتعمل قسم او عدد معين من الطلبة اللي ليهم قدرات في شيء معين يعني واحد مثلا عبقري فيزياء ورياضة ومالوش في العربي والمواد الادبية ده ممكن يدخل هندسة مثلا بس بشروط يكون جايب الدرجة النهائية في المادتين او اقل درجة ويجتاز امتحان القدرات
يعني تبقى كدة بحيث يكون مفيش واسطة ولا كوسة
لكن مش اجيب 99 ومدخلش الكلية اللي انا عايزها عشان فشلت في امتحان القدرات اللي ممكن اكتسب هذه القدرات في الجامعة مع التدريب والممارسة
يعني مش لازم نقلد الدول الخارجية وبس لاازم نشوف اللي يناسب مجتمعنا

يا استاذ في حاجة حضرتك مش فهمها ان الثانوية العامة هتكون من 50% بس يعنى تنجح صافى وبعدين تشوف الكلية اللى انتا شايف انك بتفهم فيها و تعمل امتحان قدرات و بيتهيألى ان لو الواحد بيحب حاجة اكيد هيكون متميز فيها وإلا يكون بيوهم نفسة و بعدين احلى حاجة في النظام دة انة مافيهوش مجااامييييع ولا في الثانوية و لا فى القدرات المهم انك تنجح و بالنسبة للمحسوبية دى حاجة موجودة على طووول في مصر بس للناس الهااااى خليها يا اخى تبأة مرة للناس الباااى يعنى اللى تحت و انا في 3 ثانوى يعنى مش هتطبأ عليا بس انا مافق عليها

[bahaaeldeen]

لو عايز تعرف ادق اجابة لتساؤلاتك شوف اوروبا وامريكا والدول المتقدمة وانت هتعرف انهم مطبقين نظام قدرات
يعنى ممكن يكون اى حد جايب مجموع مش مؤهل ولكن تفكيره كويس فى مجال ما والعكس مش شرط
وباذن الله بمجرد ما الفكرة دى تتطبق مصر هتتغير للاحسن مع انها اصلا ليها دور صغير ايجابى يعنى كويس فى مجال التعليم

ميزة المصريين انهم فراعنة بيحبو العلم ويعشقو البحث فى الافق

[manolaa]

ارفض لان هيكون فى ظلم للى تعب طول السنة

[eyes_smile]

اكيد طبعا موافقه لان كده كل واحد هيقدر يدخل الكليه اللى تناسبه مش تبقى كليه مفروضه عليه ومش عايزها ومش يقدر يمشى فيها لانه بيكرهها فبالتالى ممكن يطلع دكتور فاشل او مهندس فاشل او غيره........ وفعلا لازم يكون الاختبار ده خالى من الواسطه

بس من رأيى مش هيبقى فيه لا كوسه ولا واسطه لان الاختبار ده هيبقى على الكمبيوتر يعنى عباره عن مجموعة اسئله الطالب يحلها ويعرف درجته وهو قاعد يبقى ازاى حد هيتدخل وتبقى كوسه؟

ده على حسب معرفتى

[حسامون]

والله دا نظام جديد فى مصر ونظام جميل يا ريت يتححق انا طالب جامعى وكنت اتمنى لو النظام ده كان مو جود فى السنين الى فاتت

[اميره الاحزان]

lموافقه طبعا دا قرار كويس جدا بس ياريت بس لو اتحقق
يتحقق السنه دى يارييييييييييييت

[Slgado]

من رأيي كده افضل ...
علشان محدش يتحط في مكان غير المكان اللي المفروض يتحط فيه ..
وانا شايف ان التعليم في الثانوي ملوش علاقة باللي في الكليات خااااالص ..
يبقى على اي اساس الواحد يحدد الكلية اللي عايزها .. ويحكمو المجموع ..
ومن وجهة نظري ان القدرات اسلم حل علشان الواحد يكون موجود في المكان اللي شايف نفسه فيه ..

[ندي الوحيين]

مموافقه











--------------------------------------------------------------------------------

طبعا

[BeeRoo]

اكيد طبعا ولازم علشان مش اي حد يدخلها