الى كل من يحب مصر رجاء الدخول للاهمية القصوة

[Observer]

يا راجل

دنا افتكرت إن مصر جالها عريس ولا حاجة

امال ايه اللى بيحب مصر يدخل والحركات دى

كل دة عارفينه واكتر منه كمان

الله يسامحك ...

[sallam200468]

انا والله بصراحه هطرشق
بس لو كل الناس طهقت وزهقت كدة
الحال مابينصلحش ليه
لان كل واحد بيقول يلا نفسى
ياريت كل واحد يراقب ربه فى السر والعلن فى كل عمل يوكل اليه
اظن كده ساعتها نبقا احسن

[احمد بك مرسى]

انا بعد اذنك احب اقول حاجة
انا مش موافق على كلمة اتكتبت و مصر اية ذنبها فى الصور الى حضرتك ناشرها هى هى الى عملت زحمة المواصلات و لا هى الى شردت الاهالى و لا هى الى و لا هى الى ..... و هنقعد نقول حاجات كتير
بس انت لو بطلت تبص للنص الفاضى و بدات تبص للجزء المليان من الكوباية بجد هتقول من قلبك عظيمة يا مصر
يا اخى دى ذكرت فى القران كام مرة ... ذكرها الرسول فى احاديثة كام مرة
السيدة مريم و المسيح عيسى علية السلام هربوا وجم على مصر
مصر من كل ناحية عظيمة .... رغم انف اى حد ينكر و بجد
لو لم اكن مصريا لوددت ان اكون مصريا
اكيد الاراء هتتراوح بين مؤيد و معارض بي اكيد انا و بكل فخر مع المعارض
حاول تقلل من السلبيات ممكن اكون فتحتها محاضرة بس هو توبيك شوية مستفز
اسف لو طولت ....

[amer_bana]

مجهود مشكور انت كده صورت العله الباقى تصور العلاج زى مافيه صور سيئه بايدين خبيثه فيه صور رائعه مشرقه بايدين نظيفه شريفه احنا العله و احنا الدواء كل مفسد حواليه اخوان لو ضربوه على ايده هايرجع و يفوق لكن لو نافقوه و نفخوه يا ويلهم و يا ويله

[مروه]

عادى عادى


لما تشوف زى الصور دى يبقى انت اكيد فى مصر


شكرا ع الموضوع

[alfares3000]

هل كل مصر مثل هذه الصور وللاسف الشديد نفس الصور رأيتها فى منتدى خليجى فلو انك حصلت عليها من نفس المنتدى وعرضتها هنا فعيب عليك كل العيب لانك لابد من ان تظهر محاسن بلدك وليس عيوبها ولا تنقل حقد الاخرين على مصر لماذا يا اخوانى تبحثوا عن عيوب مصر فهل كلها عيوب لايوجد هناك اى مزايا واذا كان هناك عيوب بالحب و الاتحاد وانكار الذات نقضى على العيوب مصر تستحق منا الحب لا الكره وايه ذنب الناس الغلابة علشان تفضحوهم بصورهم هذه حرام عليكم واتقوا الله فى مصر وانا دخلت للموضوع لانى اعتقدت ان الموضوع فى حب مصر ولكن للاسف الموضوع كله حقد واساءة لبلد ذكرها الله فى القرأن ولو انك مصرى محترم اعتذر لمصر حتى فى سرك