«السيسي» يطالب المصريين بالنزول الجمعة لمنحه تفويضًا لمواجهة الإرهاب المحتمل

[مستر أحمد حمدى]

1- إعتراضكم على مرسي كان لأنه كان بيخطب في "أهله وعشيرته" زي ما قلتم...
طيب هوا خطاب السيسي كان لأهله وعشيرته ممن يؤيده فقط ولا كان لكل المصريين من يؤيده ومن يعارضه؟
2 - إعتراضكم على كل من سمى 30 يونية إنه انقلاب عشان حجتكم إن فيه رئيس مدني وحكومة مدنية..
طيب هو إزاي وزير الدفاع يتخطي رئيس الوزراء والحكومة ونائب الرئيس والرئيس ويخاطب الشعب لو دول فعلا اللي بيحكموا واللي بيمشوا السيسي؟
3 - إعتراضكم على مرسي كان لأنه كان بيحشد "أهله وعشيرته" يتظاهروا لدعمه وكان رأيكم : "هوا فيه حد ينزل يتظاهر تأييدا للحكومة...المظاهرات للمعارضة فقط"..
طيب ما انتوا الحكومة دلوقتي..نازلين تتظاهروا ليه؟
4 - إعتراضكم على الإخوان كان لأنهم كانوا "خرفان" على حد تعبيركم لأنهم بيدوا تفويض على بباض لمرسي رغم إنه كان رئيس منتخب...
طيب إزاي تنزل تتظاهر وتدي تفويض على بياض دلوقتي لواحد لا هو رئيس ولا رئيس وزرا؟
5-هو الجيش والشرطة محتاجين تفويض للقبض على أي إرهابي معاه قنبلة ولا أربي جي؟ ولا هما عمرهم مسكوا اي مسلح في سينا مثلا والشعب اعترض؟ ولا السيسي محتاج غطاء سياسي شعبي لجرائم هتحصل ضد معتصمين ومتظاهرين؟
***محتاج تقف مع نفسك وقفة تقييم بعيدا عن مرسي والإخوان والسيسي..الموضوع مش هزار..خطاب السيسي هو دعوة لحرب أهلية في مصر وإدخال للجيش المصري في حرب شوارع هتدمره وتدمر مصر...أمريكا اللى عندها أقوى جيش في العالم خسرت حرب الشوارع في كل حرب شوارع دخلتها في أفغانستان والعراق...واسأل زمايلك أو قرايبك الدكاترة في أمريكا عن حالة الجنود الأمريكان النفسية والجسدية بعد دخولهم في حرب الشوارع في العراق رغم قوة الجيش الامريكي وتطور أسلحته...ما تخليش التشفي السياسي يعمي عينيك...ومش هاقولك انزل ولا ما تنزلش..لأنك مش "خروف"..اعمل اللي ضميرك يمليه عليك...ضميرك وبس!

[Mr.Optimistic]

عارفين إيه الفرق ..

مجرد فكرة استحوذت عالعقل الباطن بقيت شايف إن دا صح وده غلط بقيت وفتنع أو بمعني أصح مؤمن مؤمن برأيك . فكرة نالت كل تفكيرك زز هتدافع عنها لو بكل شيء ..حتي لو هي غلط إنت مقتنع إنها صح ,,

عموما يارب لو السيسي هيودي مصر في داهية .. يتحرق في جهنم
لو الإخوان هيودوا مصر في داهية .. يتحرقوا في جهنم

[Mr.Optimistic]

تمام ... أعتقد إن أغلب المشاركين في المواضيع كرهوا بعض

أنا طالع من القسم دا بلا قلبة دماغ

[mr/Guirguis George]

[(*أحمد عرفة*)]

السيسي أرجل واحد ع الأرض دلوقتى و انا أفوضه حتى تعود امخاخ المغيبين لعقولهم .... ليمحو الارهاب الأسود و تجارة الدين و الدم

[Âñå Prïñcëŝŝ zoza]

انا اؤيد مرسي ﻭﺍﻧﺖ ﺗﺆﻳﺪ الcc ﻫﻌﺘﺒﺮ ﺍﺣﻨﺎ ﺍﻻﺗﻨﻴﻦ ﻣﻨﻌﺮﻓﺶ ﺍﻟﺤﻖ ﻓﻴﻦ !! ﺗﻌﺎﻝ ﻧﻘﻮﻝ ﺣﺎﺟﺔ ﺍﻧﺎ ﻭﺍﻧﺖ ﺟﺎﻣﺪﺓ ﺟﺪﺍ ﺑﺲ ﻟﻮ ﻫﺘﻘﺪﺭ ﺗﻘﻮﻟﻬﺎ ﻳﺒﻘﻰ انسخها واكتبها فى مشاركة ﻋﺸﺎﻥ ﺍﺗﺎﻛﺪ ﺍﻧﻚ ﻗﻮﻟﺘﻬﺎ " ﺍﻟﻠﻬﻢ ﺃﻫﻠﻚ ﺍﻟﻈﺎﻟﻤﻴﻦ ﺑﺎﻟﻈﺎﻟﻤﻴﻦ ﻭﺍﺧﺮﺟﻨﺎ ﻣﻨﻬﻢ ﺃﻣﻨﻴﻦ ﺳﺎﻟﻤﻴﻦ " ﻭﺍﻟﻈﺎﻟﻢ ﻓﻴﻬﻢ ﻳﺒﻘﻰ ﺍﻟﺪﻋﻮﺓ ﺩﻯ ﻋﻠﻴﻪ . ﺃﻇﻦ ﻣﻔﻴﺶ ﺃﺑﺴﻂ ﻣﻦ ﻛﺪﻩ

[Mr.Optimistic]

" ﺍﻟﻠﻬﻢ ﺃﻫﻠﻚ ﺍﻟﻈﺎﻟﻤﻴﻦ ( الإخوان ) ﺑﺎﻟﻈﺎﻟﻤﻴﻦ ( كتائب حماس والقسام والبلطجية في مصر ) ﻭﺍﺧﺮﺟﻨﺎ ﻣﻨﻬﻢ ﺃﻣﻨﻴﻦ ﺳﺎﻟﻤﻴﻦ ( الشعب المصري "

مين معايا هيقول آمين

[Mr.Optimistic]

وجهات نظر .. الايام هتثبت من الصح

[Âñå Prïñcëŝŝ zoza]

" وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ "

[المصري أشرف]

السادة المحترمين .. لقد إزدان الموضوع بمروركم العطر
مستر / علي ( عبد من عباد الرحمن )
مستر / جرجس جورج
مستر / nmun
شكرا لحضراتكم وبارك الله فيكم

[الاستاذة نجلاء علي]

الفريق السيسي انسان في منتهي الذكاء ربنا يحميه و يحفظه فهو لا يحتاج تفويضا من الشعب لمواجهة الارهاب و لكنه يريد أن يبطل مافعلوه الاخوان و ما زالوا بفعلوه طيلة 27 يوما الماضية (من محاولة تشويه صورة الفريق السيسي أمام الرأي العام العالمي) بالخروج ليوم واحد فقط ليظهر للعالم أجمع أن ما حدث يوم 30/6 ليس انقلابا عسكريا و لكنه انتفاضة شعبا حماها الجيش
فماذا اذا لم يقف الفريق السيسي بجانب الشعب المصري يوم 30/6 !
هل الاخوان كانت سترحم المتظاهرين و حركة تمرد و جبهة الانقاذ أم كانت التهم حاضرة أبسطها الانقلاب علي الحكم و عقوبتها الاعدام
الفريق السيسي قبل أن يفعل شيئا يحذر قبلها و يعطي مهلة و معها الحلول فهو رجل و نعم الرجال
هل الهجمات الشرسة و حركات الغدر و الخيانة الموجهة لأكمنة الشرطة و الجيش ليل نهار هل يقبله انسان مصري عاش علي أرض هذه البلد ماذنب هؤلاء الرجال و ماذنب أسرهم أن يعودوا اليهم جثة هامدة أي جهاد و أي اسلام
لابد أن تكون المظاهرات المؤيدة للرئيس السابق سلمية خالية من السلاح فهل المتظاهرين لا يحملون سلاحا
ثم ما الهدف من المظاهرات لقد دعوا للحوار و المصالحة فيمكنهم عرض مطالبهم لماذا المكابرة و العناد لقد كانت الكرة في السابق في ملعب د. مرسي و لكنه خسر الموقف بعناده و مكابرته لقد طلب منه اجراء استفتاء علي وجوده أو رحيله و لكنه رفض و طلب منه اجراء انتخابات مبكرة و لكنه رفض
الفريق السيسي قال جملة في نهاية خطابه ليتنا جميعا نعيها و نفهمها أننا جميعا مصريين و المؤيدين للرئيس السابق أخواننا و أشقائنا و لكننا نريد أن يعاملوننا كأخوة أ شقاء لهم

[محمد محمود بدر]

المشاركة الأصلية كتبت بواسطة أشرف الرميسي

طالب الفريق أول عبد الفتاح السيسي، نائب رئيس الوزراء، القائد العام، وزير الدفاع والإنتاج الحربي، المصريين بالنزول إلى الميادين، «الجمعة 26 يوليو» لمنحه تفويضا لمواجهة القتـل والإرهاب المحتمل.

شكرا على الخبر

حفظ الله مصر والمصريين

[حسام محمد اسماعيل]

الى كل اخوانى / اتقى الله واعلن انشقاقك عن جماعة الخيانة والارهاب وعد الى صفوف وطنك ...ما تقوم به خيانة للوطن من اجل مصالح جماعة كل همها السلطة ولا تفكر بدماء المصريين ... ارجع الى احضان وطنك فالرجوع للحق فضيلة .

[المصري أشرف]

الأستاذة / نجلاء علي بارك الله فيك وفي رأيك السديد
======================
شكرا للأستاذ المحترم علي المرور العطر
مستر /محمد محمود بدر

[ورق اللوز]

اخشى على مصر من رجل لم يحارب فى حياته حتى حرب اكتوبر لم يحضرها ولم يشعر يوما بمعاناة امهات الشهداء
نتمنى لمصرنا السلامة