منشورجديد بتاريخ اليوم

[من ضيّع فى التعليم عمراً]

انا لله وانا اليه راجعون
يا جماعه يالللي بتبعتوا منشورات وتوزعوا مناهج وتنزلوا قرارات محدش فكر يسأل الناس اللي في المعاهد هن حلول للمشاكل اللي خلت الازهر زفت
وبعدين فين الطلاب اللي بيوقع عليهم *** لفظي وجسدي وهو حد بيروح المعاهد ؟؟!!!
المدرسين بتروح المعاهد علشان روتين يومي وبس
اعداد الطلاب لا تصل الى ربع النسبة وان وصلت لا تستكمل اليوم الدراسي
وان استكملت اليوم لن تفهم شيئا لان البناء المعلوماتي لديهم مهلهل
واغلب الحضور في المعاهد الابتدائي بسبب التغذية
يا ناس بلاش حكاوي المكاتب وارحمونا من اللي بتقولوه وبتعملوه
الطلبه في المعاهد الاعدادية والثانوية فتوات
الامتحانات عندنا غش مع سبق الاصرار والترصد
المراقب اللي مش هيغشش هو وحظه يا يروح بيتهم بعاهة يا ميروحش من اصله
راجل موجه جا الامتحانات وحب انه يضبط اللجنه اتلم عليه سته من الشباب قدام المعهد من اقارب الطلاب
ولولا الناس لحقته من ايديهم مكنش هيعيش تاني
دكتور من الشيوخ قال كلاام معجبش الطلاب خرج من المعهد لقى عربيته متدغدغة وسمع اللي محدش يسمعه
طلاب ايه اللي الناس دي بتتكلم عنها
حد يقنعنا بطريقة تانيه غير الثواب والعقاب تنفع للتعليم