طلبه ثانوى تتفضل :))

[Mustafa Aboalwafa]

السلام عليكم يا رجاله وبنات ثانوي عاملين ايه ف بعبع الثانويه

اول حاجه انا كنت طالب زيكم كده السنه اللى فاتت وربنا كرمنى وجبت 98.6 ودخلت هندسه القاهره عقبالكم

انا كنت ناوى بقالى فتره اعملكم pdf فيها تجربه الثانويه وشويه نصايح كده وكل حاجه عن السنتين اللى فاتت والسلبيات اللى انا وقعت فيها عشان متقعوش فيها

وعلى ماعملكم الكلام ده هاقولكوا كام نصيحه كده ع السريع

1-اياكم والتوتر ..اياكم والتوتر ...اياكم والتوتر

اول حاجه لازم يبقى عندك ثقه ف نفسك انت تفرق ايه عن الاول ع الجمهوريه ؟؟

ماتفرقش حاجه عنه كل الحكايه انه كان واثق ف نفسه وبينظم وقته وعارف هدفه


2-حدد هدفك وركز عليه من دلوقتى من دلوقتى سواء كنت 2 او 3 ثانوى حدد هدفك شوف انت عايز تبقى ايه ف المستقبل ..

3- خلى النيه لربنا ..انت كده كده هتذاكر عشان تنجح خلى النيه انك بتذاكر عشان تنجح وتشرف بلدك وتفرح اهلك وترضى ربنا هتلاقى ربنا بيساعدك

4-اسمع الكام حكمه اللى جايين دول

-الفشل هو الشيء الوحيد الذي يستطيع الانسان ان يحققه دون اي مجهود .. حكيم قديم

-مرير ان تفشل .. واكثر منه مرارة ان لا تحاول النجاح .. حكيم غيره

-اني احمد الله علي ان نجاحي في جميع مبتكراتي كان نتيجة فشلي ...حكيم غيرهم

- الليله ليلتك يا معلم .. يلا بقى يا قلبى اتعلم.....حكيم اللى بيغنى


نرجع تانى عادى انك تفشل ف الاول بس اهم حاجه ان الفشل ده مياثرش عليك انا الحمدلله كنت بجيب 30 من 50 وساعات 25 من 50 ف امتحانات الفيزيا و كنت هتطرد مره من درس الرياضه وف الاخر جبت 49.5 فيزيا و49 رياضه وف هندسه القاهره وطبعا انا مبقولكش كده والسبب ف الكلام ده كنت لما بلاقى نفسى جايب درجات قليله كنت بضايق واروح اذاكر اكتر
من الاول مكنتش بقعد اقول انا فاشل ومش هذاكر واخش ف اكتئاب والكلام ده

5-تنظيم الوقت ...تنظيم الوقت ...تنظيم الوقت


كفايه لحد هنا وان شاء الله هبقى معاكم علطول ف المنتدى وان شاء الله هنزلكم ال pdf اول ماخلصه واى حد عنده اى اسئله يتفضل