انتبهوا ايها المعلمين حقيقة الحد الأدنى بعد اصدار القوانين

[sadq7]

علاوة العبودية والمذلة والمهانة
مش عاوزين علاوات نعيش بكرامتنا أفضل.

[gamalgamal1]

المشاركة الأصلية كتبت بواسطة sadq7

علاوة العبودية والمذلة والمهانة
مش عاوزين علاوات نعيش بكرامتنا أفضل.

كلامك صح
لإن لو إحنا مخدنهاش النهاردة بهذه الطريقة المذلة
هنخدها بكرة أكثر مما هى الآن وبكرامة

[أبو عبدالباسط]

حسبى الله ونعم الوكيل اين العدل ياوزير التربية والتعليم كل العاملين بيأخذوا حقهم بدون شروط الا التربية والتعليم كفاية ظلم والغوا قرار 57 المجحف للمعلمين

[جماااال]

ده قرار كارثى بمعنى الكلمة هو مفيش غير المعلم إللى بياخد فلوس فى البلد المحليات حصلت على 200% ومحدش سمع وحصلوا على مقابل الحد الأدنى دون شرط واحد لماذا هذه التفرقة

[شعبان عطيه]

معلمين بقى يا استاذ جمال

[المسيو المنشاوى]

ده معناه ان الغالبية من المدرسين الجدد مش هيقبضوا حاجه لانهم لسه مخدوش غير تقرير واحد وفى كتير كمان من المديرين ادت تقرير اقل من 90 فى الميه لانهم مش فاهمين ان كده مش كفء وبناء عليهم تم خصم 170 جنيه من مرتبهم باثر رجعى لمده عام اللى هو حافز الاثابه يبقى الشريحه الفقيره مش هتستفيد وكمان ربط العلاوه ده بشروط معينه هيخلى مديرى المدراس تذل فيهم اكتر

[شعبان عطيه]

صدقت توقعاتى التى كنت اتمنى أن اكون مخطىء فيها
علاوة واحده مشروطه وارجعوا للصفحه التالية
http://www.thanwya.com/vb/showthread.php?t=575029

[احمد يدوي]

الاستاذ شعبان يتمنى ان لا تقرر اي زيادة مالية علشان خاطر عيون مرسي و جماعته
واضح جدا يا استاذ شعبان انك تتمنى ان يكون كل الكلام عن الزيادات كلام فاضي علشان تقعد تضحك وتتشفى وتثبت وجهة نظرك وان مرسي كان على حق .. لكن احب اقولك ان ده عشم ابليش في الجنة

كلها كام يوم او حتى كام شهر وهتعرف وهتقبض .. سعتها بأه افتكر ان مرسي اتنطط واتشال واتهبد علشان يزودك 50 % لكن في عهد السيسي شوف انت زدت كام وما تنساش تسلملي على مرسي

[شعبان عطيه]

الله يسامحك استاذ اخمد
بسرعه صنفتنى وبدل ما تناقش ما طرحته بموضوعيه ولمجرد انى لدى لحيه قصيره ما كلفتش نفسك تفهم تعليقى يا سيدى الفاضل انا بقول ( صدقت توقعاتى التى كنت اتمنى أن اكون مخطىء فيها
علاوة واحده مشروطه وارجعوا للصفحه التالية
http://www.thanwya.com/vb/showthread.php?t=575029
ولو كلفت نفسك وفهمت التعليق لفهمت انى كنت امنى ان اكون مخطىء فى فهمى ان ما فيش غير علاوه واحده مشروطه ويكون لنا فى العلاوتين
ياربت قبل ما تعلق وتسىء لأى من اعضاء المنتدى ان تنصف من نفسك أولا وان تتعامل بموضوعيه
أما تصنيفك لى بانى من اتباع مرسى وانى حا زيد فى عهد السيسى اكتر منه رغم انى مسلم تابع للنبى صلى الله عليه وسلم ولا انتمى لأى تيار ورغم ان انتمائى لأى تيار لا يعيبنى ولا يسىء الى شخصى الا انه وبمراجعة ما يصدر من قرارات وكونى لدى خبره جيده بالمرتبات وراجع ذلك على المنتدى ان كنت منصفا فأقول لك ستظلم وكل المعلمين بهذه القرارات غير المدروسه والتى ستجعل اعداء آخرين للحكومه بخلاف الاخوان وهم المطحونين من المعلمين وانا منهم وساعتها سيدى سيعمنا جميعا الضرر ولا تقولى تبع مرسى ولا السيسى
اشكرك على اسلوبك ومرة اخرى سامحك الله

[AYMANMMII]

المشاركة الأصلية كتبت بواسطة شعبان عطيه

الله يسامحك استاذ اخمد
بسرعه صنفتنى وبدل ما تناقش ما طرحته بموضوعيه ولمجرد انى لدى لحيه قصيره ما كلفتش نفسك تفهم تعليقى يا سيدى الفاضل انا بقول ( صدقت توقعاتى التى كنت اتمنى أن اكون مخطىء فيها
علاوة واحده مشروطه وارجعوا للصفحه التالية
http://www.thanwya.com/vb/showthread.php?t=575029
ولو كلفت نفسك وفهمت التعليق لفهمت انى كنت امنى ان اكون مخطىء فى فهمى ان ما فيش غير علاوه واحده مشروطه ويكون لنا فى العلاوتين
ياربت قبل ما تعلق وتسىء لأى من اعضاء المنتدى ان تنصف من نفسك أولا وان تتعامل بموضوعيه
أما تصنيفك لى بانى من اتباع مرسى وانى حا زيد فى عهد السيسى اكتر منه رغم انى مسلم تابع للنبى صلى الله عليه وسلم ولا انتمى لأى تيار ورغم ان انتمائى لأى تيار لا يعيبنى ولا يسىء الى شخصى الا انه وبمراجعة ما يصدر من قرارات وكونى لدى خبره جيده بالمرتبات وراجع ذلك على المنتدى ان كنت منصفا فأقول لك ستظلم وكل المعلمين بهذه القرارات غير المدروسه والتى ستجعل اعداء آخرين للحكومه بخلاف الاخوان وهم المطحونين من المعلمين وانا منهم وساعتها سيدى سيعمنا جميعا الضرر ولا تقولى تبع مرسى ولا السيسى
اشكرك على اسلوبك ومرة اخرى سامحك الله

يا عم ريح دماغك كل واحد فيهم مش عاوز يفهم وكل واحد يخالفهم يقولك دا اخوان دول فجره ربنا يخدهم لانهم السبب في الي احنا فيه