|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
07-08-2008, 07:26 AM
|
|||
|
|||
اقتباس:
وكمان كلنا بشر وكل بنى ادم خطاء والنفس اصلا امارة بالسوء وكلنا بنغلط بس الغلط الاكبر اننا مش بنتعلم ومش بنغير من نفسنا عارف حضرتك لو كل واحد مش ملتزم او وحش الناس بعدوا عنه عارف حضرتك هيبقى فى ايه معدش هيتعلم والمجتمع هينفصل اتنين وهنا بقى هو الغلط يعنى حضرتك ممكن تقولى كام واحد منتظر بس حد يمدله ايده كتير والهدى بيتم بفضل الله وحضرتك عندك حق لازم كلنا نقف جمب بعض ونساعد بعض ونمد ادينا لايد بعض ومش لازم نتعمل نفسنا على الى قدامنا لانه بشر زينا ومحدش يعرف بكرة فى ايه واذا كان يموت على حاله ده ولا ايه وكمان ياخى طنش بجد اى حد يكلمك وحش ولا بطريقه مش هى المهم المفيد من ورا الكلام الى هو الخلاصه وعلى فكرة الى حضرتك بتعمله ده مش غلط لانك حابب انك تتغير عارف الغلط الى هو ايه انك تغلط وتكابر اما حضرتك عاوز تتغير الغلط علينا احنا الى مش عارفين نمد ادينا لبعضنا وكل واحد فى مواله الغلط عندنا يااخى اما عن الطريقه فهى وبكل بساطه اه وبكل بساطه تجمد قلبك كده وتروح على الشرايط الى عندك وترميها او اقولك تسجل عليها حاجات اسلاميه وتروح على الكمبيوتر وتمسح الى عليه كله وعلى الموبيل وتدور كده او بلاش تتعب حضرتك انا عندى اناشيد كتير بالهبل ممكن ارفعهم ولو حضرتك حابب وتسمعها بدل الاغانى وتنزل القران على الكمبيوتر ومقاطع على الموبيل بالصوت الى حضرتك تحبه وتسمع الاناشيد والقران والله العظيم احسن من مليوم اغنيه كفايه ان حضرتك هتحس براحه وهدوء وسكينه وبعد كده تعمل جرد لاصحاب حضرتك وتحافظ على الى هو هيرفعك وتخلى برضه معاك الى هو قابل للتغير وتصلى الصلوات الخمس فى الاول من غير نوافل وبعدين ابقى دخل النوافل وقراءة القران واهم حاجه الدعوة وحضرتك ساجد لان ده بيكون اقرب وقت حضرتك قريب فيه من ربنا والازكار قبل وبعد النوم وحضرتك مترهقش نفسك بحاجات كتير ورا بعض بمعنى متجيش تقول انا هقرا عشر اجزاء وهصلى 20 ركعه وكده لاء يااخى الدين مش كده الدين يسر خالص هقولهم تانى فى هيئه نقط 1_حذف جميع الاغانى وابدالهم باناشيد دينيه وقرا كريم بالصوت المحبب لديك 2_جرد للاصدقاء 3_حافظ على الصلاة فى وقتها 4_قراة القران 5_الاكثار من الدعاء والازكار انا عارفه انى رغايه بس بامانه ربنا هحس بحلاوة فى قلبك وشعور بالرضى وانك مش خايف انك تموت فى اى وقت لانك هتكون مستعد واه حاجه اخيرة معلش غض البصر لان بيجى من وراها بلاوى دى عاوزلها موضوع لوحده وربنا يهدينى ويهدى امه المسلمين جميعا ويثبنا على الهدى |
|
#2
07-08-2008, 07:31 AM
|
|||
|
|||
|
اه معلش نسيت اقول حاجه كمان
النيه لازم تتصحح وتنوى ان حضرتك بتعمل كل ده عشان ربنا ومن ترك شيئا لله عوضه الله بافضل منه وفى الختام السلام عليكم ورحمه الله وبركاته |
|
#3
07-08-2008, 01:03 PM
|
|||
|
|||
|
انا كمان بسمع اغانى وكتير كمان
بس انا عارفه انى مش هقدر ابطل اسمع الاغانى مش عارفة ايه السبب بس انا حاولت كتير ومقدرتش يعنى ابسط حاجه انا عمرى ما هقدر ابطلها وانا فى السن ده اكيد الاغانى حرام ومحدش يقدر يقول حاجه غير كده انا ايام المتحانات مكنتش بسمع اغانى خالص ده انا والله كنت كل يوم قبل المذاكره افتح المصحف واقرأ ربع قران وكل اما احس انى مضايقة برضه اقرأ قران واياميها كنت حاسة براحه كبيره جدا وكنت حاسة ان ربنا هيوفقنى وكنت ناوية انى مش هبطل اللى بعمله اما الاجازه تيجى بس اقول ايه بقى النفس اماره بالسوء وكمان كل سنه أول اما رمضان ييجى اقول هبطل اسمع اغانى وبمسح كل الغانى اللى على الموبايل بس برضه اول اما العيد ييجى.................. اما بالنسبه لموضوع تامر حسنى ده فانا مبطيقش البنى ادم ده أولا هرب من الخدمه العسكريه وانا فى نظرى اللى يهرب من خدمة وطنه ميبقاش راجل وميستهلش يعيش فى بلده وميستحقش انه يكون موضوع حوار أساس هو واحد فاضى وأغانيه كمان فاضية انا بحس انه بيجيب اى كلمات ويحطها جنب بعضها ويعد يقول (ااااااااه وايييييييه) وحاجات غريبه أوى كده وتطلع اغنية فى الاخر وبعدين بجد ليه اغانى مش محترمه خالص و كلماتها مبتذله جدا وملهاش اى هدف خالص يا جماعة والله الانسان ده ميستاهلش اننا نحبه الصراحه انا ساعات بسمعله اغانى بس انا بجد عمرى ما اتعلقت بيه او بأى اغنية من اغانيه وربنا يهدينى ويهدى الجميع |
|
#4
07-08-2008, 01:43 PM
|
||||
|
||||
بالنسبة لموضوع ان الاغاني حرام دي حاجة ميختلفش عليها اتنين وهي فتوة صريحة ومنتشرة جدا ومعروف ان الموسيقى مزمار الشيطان
بالنسبة للناس اللي بتسمع الاغاني في منها نوعين نوع عارف انها حرام وعايز يبطلها ومش قادر زي الاخت ولكمو وانا بجد احترمت رأيها جدا جدا انها عاوزة تبطل الاغاني بس انا عاوزة اسألك سؤال اشمعنى تبطلي الاغاني ايام الامتحانات بس وتيجي بعد كدة وتسمعيها وتقولي مش قادرة ابطلها طيب ازاي قدرتي تبطليها في ايام الامتحانات ومش قادر تبطليها بعديها !! يبقى انتي كدة بتلطيها عشان ربنا يوفقك في الامتحانات مش عشان ربنا عاوز كدة وبعدين موضوع ان انتي تبطلى الاغاني في رمضان دي حاجة جميله والله لان ده معناه ان الشيطان اللي محرضك انك تسمعي اغاني مش نفسك واول مابيبعد عنك الشيطان بتبطليها وعلى فكرة التخلص من الاغاني سهل مش صعب انا كنت بسمع اغاني كتير في الاول وبالذات لاخينا ده ومحدش قالي بطليها ولاحتى قرييت حاجة كل اللي حصل اني مرة وانا بسمع اغنيه جه في مخي ان ربنا قالي متسمعيش اغاني وانا قاعدة بكل بجاحة حاطة السماعات في وداني وبغني كمان قدام ربنا اللي بيقولي متسمعيش اغاني!!! وبقت الفكرة ده بتجيلي وسط مانا بسمع في كل مرة وكنت بقفل على طول لغاية مابقت بتجيلي اول مافكر اسمع لغاية مابطلت الحمد لله على فكرة الطريقة دي جمييييله جدا وحطيها في دماغك كل ماتيجي تسمعي اغنية يعني انتي لو مدرس مثلا قالك ماتعمليش حاجة ينفع تروحي في وشة كدة وتعمليها فكري في الفكرة دي وان شاء الله هتنفع معاكي وفي بقى النوع التاني هتكلم عليه بعدين عشان انا رغاية اوي 
|
|
#5
07-08-2008, 02:33 PM
|
|||
|
|||
|
اقتباس:
على فكره أنا مبطلتش الاغانى ايام الامتحانات عشان اجيب مجموع كويس ولا حاجه فى موقف حصل ضايقنى اوى فى شهر 4 كده ومن يوميها وأنا حاولت ارضى ربنا بأى طريقه وفضلت على كده لحد شهر 7 بس المشكله ان اول اما الاجازه ابتدت رجعت تانى بسمع اغانى والله مش عشان الامتحانات خلصت ولا حاجه ده عشان انا فى الجازه بخرج مع صحابى وبنزل وبتفسح كتير واما بعد مع صحابى وهم بيتكلما عن اغانى بتكلم معاهم ورجعت ريمه لعلدتها القديمه انا عارفة انك هتردى وتقوليلى دول اصدقاء سوء وسيبيهم بس انا هرد واقولك مقدرش دول والله محترمين جدا وانا نفسى فى يوم نشجع بعض على حاجه كويسه ان شاء الله هتابع باقى الموضوع وشكرا على ردك ونصيحتك |
|
#6
07-08-2008, 12:47 PM
|
||||
|
||||
|
نا الحمد لله ماكانش عندنا تليفزيون لحد من شهر تقريبا ولسه جايبين دش بس مافيش غير قنوات الاطفال والقنوات الدينية والباقى كله اتلغى
بس انا لما بروح عند خالتو او اى حد من قرايبنا بسمعها غصب عنى عشان كده كرهت اروح عندهم بسبب التليفزيون . ربنا يهدي جميع المسلمين واللى بيسمع للى اسمه تامر ده يحاول يبطل لان كل حاجة بتيجى بالتعود لو اتقللت تدريجيا هاتختفى خالص وهاتكره انك تسمعها تانى بس الواحد لازم يدرب نفسه على كل حاجة ويجبرها وهو اللى يقودها مش هى اللى تقوده عشان كده انا منزلة لكم اناشيد جميلة اوى هاتعجبكم ان شاء الله بدل الاغانى والكلام الفارغ ده افتحوا موضوعى الاخير لو عايزين تسمعوها
__________________
قال تعالى(يايها الذين ءامنوا اتقوا الله وكونوا مع الصادقين) وفى الختام ،،،،نترككم فى رعاية الله وأمنه والسلام عليكم ورحمة الله وبركاته
 |
|
#7
07-08-2008, 12:56 PM
|
||||
|
||||
|
خلاص احسن بردو بلاش تامر انا بحب عمرو عموما
__________________
https://www.facebook.com/islam.nasr.7 |
|
#8
07-08-2008, 01:08 PM
|
||||
|
||||
|
انا بجد مش عارفة لية بس انا اصلا مش بسمع اغانى كتير ولما بسمع عدنى كلو زى بعض . بجد موضوع فى غاية الجمال اشكرك
|
|
#9
07-08-2008, 01:16 PM
|
||||
|
||||
|
انا شايفه ان دى هيافه انا مش هقلكوا مش بسمع اغانى لا طبعا بسمعا وكل حاجه
وربنا يهدينا كلنا بالنسبه لموضوع تامر ده باه اللى روشنا انا اصلا مش بحبه علطول عامل فيها سهتان كده يمكن فى كام اغنيه بحب اسمعهاله لكن هو اصلا كشخصيه هايف جدا والبنات اللى بتتلم عليه دى سورى يعنى مش مؤدبين و قمه فى الهيافه بس على العموم ميرسى على الموضوع الجميل ده
__________________
هاغيب عن المنتدى مش عارفه اد ايه
طبعا عشان الدراسه بليز متنسونيش KoL SaNa W eNtOm TaYbEeN |
|
#10
07-08-2008, 01:22 PM
|
||||
|
||||
|
اقتباس:
و شكراااااا على الاناشيد الجميله مع انى معترضه عليها فى رعايه الله
__________________
 In God's care HaPpiLy eVeR aFtEr |
|
#11
07-08-2008, 01:41 PM
|
||||
|
||||
|
كلمتين وبس هرد بيها على الموضوع دا
البنت المتيمة بالأشكال دي ناقصة تربية ودين والعيب على أهلها وتقصيرهم وربنا يهديها لكن الولد المتيم بالأشكال دي ـ عايز ضربه بالنار في ميدان عااااااااااااااااااام |
|
#12
07-08-2008, 01:57 PM
|
||||
|
||||
|
ب
صراحة مش عارفة ارد عليكى اقول ايه
انا اتخنقت منه ومن كل المغنين يكفى اللى حصل فى مول سان ستيفانو السنة اللى فاتت بعد ماعملوا فيلم عمر وسلمى وكان الاخ تامر والاخت مى جايين عشان يحضروا عرض الافتتاح وانا معرفش حاجة وفى نفس الوقت كنت رايحة مع اخويا هناك عشان اشترى حاجات فوجئت باعداد كتيرة جدا من البنات هناك مع العلم ان عددهم زاد اكتر من المعتاد ولقيتهمشبه مجانين وحاطين mp3وغرقانين فى الجنون سألت اخويا على اللى بيحصل قالى النهاردة تامر حسنى حيحضر العرض  اتخنقت من المناظر دى مشيت علطول وقولت عيال هايفة ربنا يهدى والسنة دى بعد افتتاح كابتن هيما العدد بقى اكتر من السنة اللى فاتت وسمعت انه مشى من الباب الخلفى عشان البنات والمعجبين بيه ادى هو ده القدوة اللى بناخده مش معنى انى قلت الكلام ده عشان اخنق اللى بيعجبوا بيه بس العملية زادت اوى ومعظم الشباب بقوا يروحوا يقلدوه فى كل حاجة مفيش مرة اسمع اغنية ليه الا لما الاقى كله غرام فى غرام ربنا يهدى بجد اهو قبليه كان مصطفى قمر وكان نفس الهيصة وقبليه عمرو دياب وهكذا... لحد مايبقى كل واحد موضه ويروح لحاله اى نعم بيبقى لسة فى معجبين بس مش زى الموضة الجديدة اللى طالعة ربنا يهدى 
__________________
عشت دنيا غير دنيتى وصدقتهم وكانت غلطتى مين ده قلبه ابيض فى الزمن ده  |
|
#13
07-08-2008, 02:01 PM
|
||||
|
||||
|
العيب مش علبه العيب على اللى بيسمعوا ليه
__________________
وعساك ترضى ربى عن عبد جفا فوق التراب ضاقت به الدنيا فجائك تائبا مما اصاب 
|
|
#14
07-08-2008, 02:02 PM
|
||||
|
||||
|
هو لو محدش سمع ليه كان هيغنى ويبقى مشهور كده
__________________
وعساك ترضى ربى عن عبد جفا فوق التراب ضاقت به الدنيا فجائك تائبا مما اصاب
|
|
#15
07-08-2008, 02:17 PM
|
||||
|
||||
|
انا مش عارفه ليه كل البنات بيحبوا تامر حسني مفيش ولد بيحب تامر حسني قليل اوي بس بصراحه تامر مش لطيف خالص
انا بسمع اغاني كتير بس مش عارفه اتخلص من الموضوع ده
__________________
love starts with smile grows with kisses and ends with tears |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 03:12 AM.
