الى كل مجاهد فى الثانوية العامة xd

[ميكانيكي اسنان]

المشاركة الأصلية كتبت بواسطة aalaaabdelhamed

انا بقيت مخنوقة اووووي ومعتش ليا نفس اذاكر التيرم الاول الحمد لله ربنا وفقني ف التيرم الاول ده وطلعت الاولي بس مش عارفة التيرم ده ايه اللي بيجرالي انا لسة ف تانية انا نفسي اتفوق ف الثانوية العامة وادخل طب ان شاء الله بس مش عارفة اعمل اييه النفسية عندي وحشة اووي مفيش ثقة خالص وبقارن نفسي باقل مني عشان هم اللي بيجوا معايا دروس وذنوبي كتيرة و متعلقة بالنت اووي وبتاثر باي حد ف ثاانية معنتش عارفة اعمل ايه ممكن حد يساعدني لله

عادة الانسان انه بيقرب من ربنا شوية😇 و بيبعد عنه شوية😈 ..الا القليل اللى بيفضل معاه على طول

الحتة بتاعت المقارنة ....
سيبك من اى زميل او زميلة ...... حطى المدرس منافس ليكى !! و حاولى تغلبيه ... حاولى انتى اللى تشرحى لزمايلك!
اى نعم ... ممكن يروحوا فى ستين داهية 😂 بس برده 😊

اما النت علاجه سهل و بسيط .... متشحنيش رصيد 😂 .... خدى الامور ببساطة

والذنوب بقى ..... عندك ربنا موجود .... ومحدش يفهمنى غلط😂
قصدى ان مفيش غيره هيسمعك ..... قعدة لذيذة كده بينك وبينه هتظبط الدنيا 😊

[aalaaabdelhamed]

المشاركة الأصلية كتبت بواسطة ميكانيكي اسنان

عادة الانسان انه بيقرب من ربنا شوية😇 و بيبعد عنه شوية😈 ..الا القليل اللى بيفضل معاه على طول

الحتة بتاعت المقارنة ....
سيبك من اى زميل او زميلة ...... حطى المدرس منافس ليكى !! و حاولى تغلبيه ... حاولى انتى اللى تشرحى لزمايلك!
اى نعم ... ممكن يروحوا فى ستين داهية 😂 بس برده 😊

اما النت علاجه سهل و بسيط .... متشحنيش رصيد 😂 .... خدى الامور ببساطة

والذنوب بقى ..... عندك ربنا موجود .... ومحدش يفهمنى غلط😂
قصدى ان مفيش غيره هيسمعك ..... قعدة لذيذة كده بينك وبينه هتظبط الدنيا 😊

ههههههههه ميرسي لحضرتك يا دكتور والله الكلام ده سهل وبسيط

[ميكانيكي اسنان]

المشاركة الأصلية كتبت بواسطة aalaaabdelhamed

ههههههههه ميرسي لحضرتك يا دكتور والله الكلام ده سهل وبسيط

العفو ! ..... على الله نعمل بيه بس! .....اصل الاكتئاب عدو الاكل 😂 والمذاكرة برده 😂

[ميكانيكي اسنان]

الى اى حد ...
ليه تقوللى يا دكتور ! لما ممكن تقوللى يا اى حاجة تانية 😂
بحتقر نفسى لما بتساوى مع واحد اتخرج من الكلية و برده اسمه طبيب مش دكتور !
او واحد عامل دكتوراة !
ايه جاب الحرنكش للمانجة !
بص لما تحب تنادينى ..... قوللى يا جلااااال 😂😂

[منوليا ^^]

ياااااااه ي عبدالصمد
كان فين الموضوع ده من زمان
بداية ربنا يوفقك ويسعدك
وبما ان حضرتك كنت ف ازهر فياريت تفيدنا بخبرتك
المواد كتير ومحتاجة وقت والوقت عندي الحمدلله
بس المشكلة كل الوقت ضايع ع مذاكرة الدروس ومراجعه المستر الفلاني بكرة والمستر ده هيسأل ف ده
ومبلاقيش وقت ليا انا اراجع فيها مادة قديمة او الم اي حاجة
انظم وقتي ازاي ؟
مع ان انا دروسي كل يوم من 10 ل 2 وطول اليوم فاضي يعني عندي وقت
او خليني اسأل بطريقة افضل .. الم المواد دي كلها ازاي ؟؟
وخصوصا المواد العربية
اسفة لو طولت ع حضرتك
وربنا يجزاك خير

[ميكانيكي اسنان]

المشاركة الأصلية كتبت بواسطة منوليا ^^

ياااااااه ي عبدالصمد
كان فين الموضوع ده من زمان
بداية ربنا يوفقك ويسعدك
وبما ان حضرتك كنت ف ازهر فياريت تفيدنا بخبرتك
المواد كتير ومحتاجة وقت والوقت عندي الحمدلله
بس المشكلة كل الوقت ضايع ع مذاكرة الدروس ومراجعه المستر الفلاني بكرة والمستر ده هيسأل ف ده
ومبلاقيش وقت ليا انا اراجع فيها مادة قديمة او الم اي حاجة
انظم وقتي ازاي ؟
مع ان انا دروسي كل يوم من 10 ل 2 وطول اليوم فاضي يعني عندي وقت
او خليني اسأل بطريقة افضل .. الم المواد دي كلها ازاي ؟؟
وخصوصا المواد العربية
اسفة لو طولت ع حضرتك
وربنا يجزاك خير

بداية . . . يسمع من "ردك" ربنا 😆
ياااااه ... فكرتينى بالفضايح التى مضت
هو انا كنت ممكن ارد بان جدولنا بيبقى واسع و حلو وممكن الواحد يلم فيه نفسه
بس على ما اسمع كده ان الكلام ده ... بفضل الله و نعمته "كان زمان" .... وطبعا مش بعترض 😂😂 ... لأ بالعكس ربنا يزيد و يبارك فى التخلف 😩
بس عموما
اللى هيخليكى تعرفى تدرسى اصلا عشرتاشر مادة هيخليكى تعرفى تراجعيهم !
انا مش بشوف ان الوقت هو المشكلة .. خالص
اناشايف المشكلة هى مقدار ثقتى بنفسى و التحفيز اللى بحطه قبل ما ابدا
يعنى ممكن مثلا النحو ... يتلم كله فى نص ساعة ... لو انا فهمت الالفية
البلاغة ...لو فهمتيها .... هتحلى اى امتحان من غير ما تذاكرى اصلا !
الادب .... عبارة عن تاريخ .... حدوتة ... وشوية كلام كدب فى النص ... و مفيش احسن من الازهرية فى التاليف 😂 زى نظام اشرح البيت و طلع المظاهر الجمالية .... بتلاقى نفسك بتطلعى من البيت و هو مفيش اصلا 😂😂
اما النصوص ... مش محتاجة اتكلم عليها ...
وبالنسبة للصرف ..... مبحبش اجيب سيرة حد مش موجود 😂
بس هو بيظبط فى الاخر .. حاولى تذاكرية مرة واحدة على بعضه ... مش هو بس ... لأ يعنى اى مادة لما تجيبيها من اولها لاخرها .. هتلاقى فى حاجات بتفيد حاجات تانى ..... و هتلاحظيها اوى .... فى النحو والصرف مع التفسيروالحديث .... .

.....

الحل باختصار ... لما تيجى تذاكرى ... ذاكرى بهمة .. و ميبقاش فى اى حاجة فى دماغك غير انك تفهمى كل حرف قدامك ... مش تبقى كأنك ماسكة جورنال !
بلاااش ابسطهالك 😆
ممكن تحلى النهاردة مسالة فيزياء فى 5 دقايق .. و فى يوم تانى نفس المسالة فى ربع ساعة !

[aalaaabdelhamed]

فعلا التنفيذ صعب يا دكتور

[ميكانيكي اسنان]

المشاركة الأصلية كتبت بواسطة aalaaabdelhamed

فعلا التنفيذ صعب يا دكتور

لا اله الا الله .
ما هو طول ما انتى بتقولى كده ... هيفضل صعب !
ثقى فى نفسك شوية
اسف 😂

[aalaaabdelhamed]

المشاركة الأصلية كتبت بواسطة ميكانيكي اسنان

لا اله الا الله .
ما هو طول ما انتى بتقولى كده ... هيفضل صعب !
ثقى فى نفسك شوية
اسف 😂

حاااضر انا هثق ف ربي وف نفسي بس براحة علينا يا دوك

[*Sara Ahmed*]

يا دكتور لو ظبط نفسى انى اخلص المواد مراجعة على اخر 4
وابدأ فى 5 احل المتحانات السنين ال فاتت والمراشد وكده
يبقى كويس ؟
وتتوقع انا ممكن اعرف اعمل كده اصلا ؟؟؟
اه نسيت :
بتعصبك يا دكتور ؟
يا دكتور يا دكتور يا دكتور

[ميكانيكي اسنان]

المشاركة الأصلية كتبت بواسطة aalaaabdelhamed

حاااضر انا هثق ف ربي وف نفسي بس براحة علينا يا دوك

اعتبرينى بسقفلك 👏👏👏👏

[ميكانيكي اسنان]

المشاركة الأصلية كتبت بواسطة *Sara Ahmed*

يا دكتور لو ظبط نفسى انى اخلص المواد مراجعة على اخر 4
وابدأ فى 5 احل المتحانات السنين ال فاتت والمراشد وكده
يبقى كويس ؟
وتتوقع انا ممكن اعرف اعمل كده اصلا ؟؟؟
اه نسيت :
بتعصبك يا دكتور ؟
يا دكتور يا دكتور يا دكتور

بصى هو من ناحية تقدرى .... فانتى اكيد تقدرى ونص
اما بقى كويس ولا لأ
فانتى لو عملتى كده يبقى ما شاء الله عليكى
انا فى مواد كنت بشوف امتحاناتها قبل اللجنة الصبح
و لينا اخرة هنصفى حساباتنا فيها 😂

[aalaaabdelhamed]

المشاركة الأصلية كتبت بواسطة ميكانيكي اسنان

اعتبرينى بسقفلك 👏👏👏👏

ايوة شجعني كده يا دكتور

[واثقه]

المشاركة الأصلية كتبت بواسطة ميكانيكي اسنان

لا ما هو انتى متمسكيش فى الكلمة اوى كده xdd
مرة اكل .... مرة شرب .... مرة شيكولاتة ... كده
وعموما متخافيش ... كده كده هتخسى قبل النتيجة ... وان محصلش
الجامعة كفيلة بده xdd

ربنا يخليك لينا يادكتور يادكتور هو المواد العلمية تمام العربي اعمل فيه ايه الشرعي بقيت اخد درس فيه عشان يتلم طيب العربي يا دكتــــــــــــــــــــــــــــــ دكتور ــــــــــــــــــــور

[Only Forward]

المشاركة الأصلية كتبت بواسطة ميكانيكي اسنان

بسم الله .... فالاول كده .. لو انته فاتح فى السكرتة كده ولا من ورا مامتك .. متكملش قراية

"الشغلانة دى تحب الفايق" XD

صلى الاول على سيدنا محمد كده و يلاا

اعرفكم بنفسى
بنى آدم ... زيك بالظبط باكل و بشرب و بنام ....وبعمل حاجة تانية مش لازم نقولها..... ومش بدح برده
كانت المذاكرة بالنسبة لى هيا الساعة او الاتنين .. اللى لو مذاكرتهومش مجبر هتعلق من قفايا
وكمان الدروس .. اروح واجى .... واجى... وبعدين اروح برده
وكانت حياة زى الفل

و زى اي طالب ثانوية اصاب بالاحباط واجى هنا واقرا كلام يحمسنى ... اقوم رايح واذاكر
وبعدين افقد الحماس .. مش عشان طاقة خدتها وخلصت .... لأ !!
بس عشان اللعب و النوم وحشونى XD
اقوم رايح وآكل وانام XD

المهم انى فى الآخر كان قدامى ادخل اى كلية من "طب بشرى" لحد كلية "زبالة قسم ورق و قصاقيص"
ازاى ؟ ركز بقى . . . . . . . . . .
واعذرونى لان الكلام مش هيبقى منسق قوى ... بس هقول برده
================
الاول ............ الحاجات اللى هتخلينى اذاكر

مش هقولّك الكلام التقليدى بتاع
- دى سنة واحدة هتتعبها وبعدين تستريح طوووووووول عمرك ..........
- هات المجموع اللى احنا عايزينه وادخل اللى انته عايزه ..........
- خش الكلية الحلوة عشان الجو بتاعك لما تروحلة تبقى مالى مركزك ..........
- الكلية اسهل من الثانوية
- هاتلى كلية حلوة واجيبلك عربية و موبايل و تاب و هروقك
وحاجات كتييييييييييييييييييير قوى بنسمعها

اجيبلك من الاخر
كله كذب ....... كذب .. كدب
عارف ليه ؟ مش عشان ان الكلام ده غلط !!! بل بالعكس ده كله صح
(ما عدا الحتة بتاعت العربية .. لانك هتكتشف فيما بعد ان باباك مقشفر XD "
انما غير كده كله صح ... وكدب فى نفس ذات الوقت
اكيد هتقولوا انى اهبل ... بس استنى هوضحلكوا

- مفيش حاجة اسمها استريح طول عمرى !!... الحياة شقاء و تعب ............ وامتحانات برده
- بعد ما تجيب المجموع 90% من البهبهات والمهمهات (جمع بابا و ماما ) .. مش هقول هيغصبوا عليك
ولكن هتشوف الزعل فى عيونهم لو مدخلتش كلية بعينها
- الجو بلاش نتكلم عنه ... عشان هو لوحده اعاصير و زعابيب
- مين اللى قال ان الكلية اسهل من الثانوية ؟
الكلية مينفعش يطلق علىيها لفظ سهل لانها اسهل من كلمة سهل ... واخد بالك انته XD
الكلية عبارة عن حاجة كده ملهاش تعبير .. لعب و تنطيط وباقل مذاكرة بتجيب امتياز !!
الكلام بتاع امتحانات الثانوية وان الامتحان بيقيس مدى رزالة اهل اللى حاطط الامتحان مش مستوى الطالب
مش موجود فى الجامعة خالص ... هناك المهم تفهم و تتعلم وبس

هتقوللى طب انته كده كسرتللى كل الدوافع اللى كانت عندى هقللك لأ .. ده انته لو مخدتش بيهم
مش هتنجح اصلا XD

مهو اصل انته برده لو بتذاكر عشان مجرد العلم وانك كده بترضى ربك مكنتش هتقول كده
لو بتذاكر عشان حاجة تنفعك مش هتقول كده
يا مؤمن ده انا كل اللى انا امتحنته نسيته تانى يوم XD

لسه فى دافع واحد بس
هيا كلمة واحدة ....................... مامتك وباباك والمدرسين والناس اللى حواليك اللى انته قارفهم فى عيشتهم الله يهديك ...... هتحبطهم ولا هتحقق املهم ؟

على فكرة انا ازهرى وكتير اوى اتقاللى "حول للتربية والتعليم" بس حطيت نية انى هتفوق فى الازهر عشان
اكون مثل اعلى لغيرى ...
مش عشان انا تفوقت .............. لأ
عشان طلعت حى ارزق ... من غير اى كسور او رتوش XD

كده انته عرفت هتذاكر ليه ..... عشان ربنا فى الاول وفى الاخر .. وعشان متتشويش فى نار جهنم على اللى انته عاملة فى الناس اللى حواليك XD
================
تانى حاجة ......... حاجتين لازم تاخد بالك منهم كويس جدا

1- مفيش حاجة اسمها القطر فات .... انته ممكن تركب القطر من غير تذكرة اصلا .. هتدفع 16 جنيه زيادة ماشى XD بس هتوصل فى الاخر
2- المذاكرة بالـــ "كيف" مش بالــــ"كم"
يعنى المهم بتحصل قد ايه من الىى انته ذاكرته ... هل لما تيجى تذاكره تانى هتتعب فيه نفس التعب ولا لأ
3- ان مكنش ربنا واهلك راضيين عنك ... مش هتعمل حاجة
================
تالت حاجة شوية نصايح كده
= متبصش لغيرك و بيذاكر قد ايه وانك مش زيه ... لان زى ما قلتلك المذاكرة بالكيف
= لسه الوقت طويل بس ابدأ .. لانك بعد كده ممكن تندم على الثانية .. يعنى انا مش هقلك هتلحق تراجع .. لأ ده انته هتلحق "تذاكر" .. توكل على ربنا بس
= دور على مدرس "كذاب"
مستغرب ليه XD ... قصدى واحد ميحبطكش ولا يقولك انته مش هتعدى نسبة كذا ولا الكلام ده
لأ ... خليك مع واحد يقلك انته زا الفل .. انته هتبقى كويس .. و ايفرى ثنج از جونا بى فاين .. وشوية الافلام دول XD
لانك انته عارف مستواك ومش بتكدب على نفسك وهيجى الوقت اللى انته هتقول كده فيه لنفسك
فلو اجتمعت انته والمدرس على نفسك ... مع السلامة
= متقفلش على نفسك الباب وانته بتذاكر .. عشان متعملش زيي و تقعد تلعب و اول ما حد ييجى تقلب الشريط XD
= هات موبايل بكشاااااف XD بينفع فى الضلمة و هيبعدك عن اى لعب .. لان صدقنى الفيس بوك مش بيحلى الا وقت الامتحانات
= انا اول يوم عكيت جامد وضيعت كتير و كنت منهار .. وعملت افلام احسن من تيتانك .. بس رجعت و ركزت على الباقى و الحمد لله وصلت
= عادى انك تشترى كتب كتيير و متذاكرش فيهم ... انا فى كتب استفدت منها قبل الامتحان بساعة واحدة .. واللى استفدته كانوا 3 مسائل فيزياء اول مرة اشوفهم
وقت ما فتحت الكتاب ... ولقيتهم جوه فى الامتحان
=المسألة كلها مسألة توفيق من ربنا ....
- يعنى ممكن لو عكيت فى امتحان ... تخرج تلاقى الامتحان اتلغى !!! انا مثلا كنت كل اما احل امتحان حلو جدا و اقفله اخرج الاقيه ملغى XD عادشى
- ممكن بعد ما تخلص امتحانات .. تعمل زىى و تقعد تدعى بقى
"يا رب اللى بيصحح الورقة بتاعتى يتعمى و ميشوفش الابداعات بتاعتى XD .... يا رب يجيله اسهال مزمن قبل ما يجى على الحاجة الغلط .. يرجعلها يتوه يدينى
الدرجة النهائية .. يا رب ورقتى الشاى يدلق عليها و تتقطع و ما يعرفوا يلموها و يدونى الدرجة" عادشى ... الله اعلم ايه اللى بيحصل
=لو اقتنعت انك تقدر تعمل حاجة هتعملها
=لو مقتنعتش بكلامى اقراه تانى .. يمكن تقتنع :P
=لو فى يوم وقفت معاك حاجة صلى ركعتين
=الاستغفار
= مينفعش تشد او ترخى ... خير الامور الوسط
==================
بحب بقى اشكر كل المدرسين هنا و خصوصا استاذ احمد بهدر ربنا يبارك فيهم جميعا
وبحب فى نهاية البرنامج اقول لكل شاب ولكل فتاء .... مهما عملت او عملتى ... ربنا كاتب عليك اللى هتكونه
==========
لو اه حاول تشوف الصحبة الصالحة
ولو حد عايز يسأل عن اى حاجة فى المذاكرة او المراجعة او اى حاجة ممكن على ask .fm
ask. fm/mekaneky_asnan
عشان بس هيبقى صعب انى اشوف كل حاجة فى المنتدى
ربنا يوفقكوا

ربنا يوفق حضرتك ف مساعدة الكل
و ان شاء الله ربنا يكرم كل واحد حسب اجتهاده
و ف الاخر برضه كله نصيب

ملحوظة تانيه برضه
حضرتك بوظت المهنه خالص
بكلمه ميكانيكى دى
يعنى 6 سنين كلية و ف الاخر ابقي ميكانيكيه o.O
اظن ان كده حرام بقي

بالتوفيق للكل ان شاء الله