اقتباس:
المشاركة الأصلية كتبت بواسطة interpreter
طب بذمتك ده بيحصل ؟
|
ساعات ساعات;
اقتباس:
المشاركة الأصلية كتبت بواسطة brave_mido
بسم الله الرحمن الرحيم
انهرده انا جاي اجمعكم عشان عندي كلام كتير لازم اقوله و مش عارف ابتدي منين و اقول ايه ولا ايه
الموضوع باين من عنوانه كلنا بنحب بلدنا و اكيد كلنا بنحب كوننا مصريين بس الاكيد اكتر بقة ان محدش فينا عاجبه حالنا واننا محتاجين للتغيير
محتاجين التغيير اللي يخلينا فعلا اصحاب بلدنا و نحكمها بارادتنا و نمشيها لمصلحتنا مش لمصلحة فئة معينه عماله تشيل فلوسنا في البنوك لحسابها و ده فعلا حقنا و كلامهم مش كلامي طبقا للمادة 3 من الدستور المصري اللي بتقول
محتاجين التغيير اللي يمنع الكوسة و الوسايط من بلدنا
محتاجين التغيير اللي يضمن مجانية التعليم في مدارسنا و جامعاتنا _ و طبعا انتوا فاهمين قصدي _
محتاجين التغيير اللي يضملنا حقوقنا من مكاسب قناة السويس والبترول و الغاز اللي رايحين اسرائيل كل يوم و خلافه
التغيير اللي يخلينا نقدر نتعامل مع اي ظابط شرطة فاكرنا وليمة و لا ملناش لازمة بيتعامل معانا علي اننا كوم لحم ملهوش ثمن
و النقطة دي بالذات انا عايز اقف عندها شوية لا عايز اقف عندها كتير
و طبعا كل يوم بنشوف و بنسمع عكس كده خالص و المصيبة ان اهالينا مفهمانا ان هما صح و احنا غلط و اننا المفروض نمشي جنب الحيط و حتي الكلام بلاش منه احسن الحيطان ليها و دان
بس تخيل بقة لو في يوم حصل معاك موقف زي كده و روحت سارد للظابط ده المادة دي بزمتك مش هيخاف منك و يقول عليك واعي و يخاف يخدك مع الزباين
طبعا كلكوا سمعتوا عن فضايح الاقسام و خصوصا قسم المنتزة اللي بقي اشهر قسم في البلد و علي فكرة القسم ده المسافة بينه و بيني اقل من ربع ساعة
و لمزيد من الفضايح اول بأول شوفوا الموقع ده _ هتلاقوا بلاوي متلتلة بتحصل كل يوم _
http://tortureinegypt.net
انت انهرده لو مشيت في مظاهرة ولا قولت ان في اي حاجة مش عاجباك بتبقي قاعد في بيتكوا و مستني اي حد يكسر الباب و تغمض عينك تلاقي نفسك في اوضة الفران
دلوقتي معادش حد عارف مين شايف مين ولا مين بيسمع مين
حرية الرأي مكفولة وعلي الله تفتح بقك :sm4:
يا راجل دانا ببقي قاعد في الدرس و خايف ليعتبرونا تجمع سياسي
خلي بالكوا من 3 كلمات اعتداء - جريمة - تعويضا يعني مينفعش تمشي اسفين علي الازعاج
هنا بقي فيه سؤالين ليه مجلس الشعب بقي بتاع الوطني والاخوان ؟
طب ليه الناس مش بتروح ترشح الناس اللي شايفاها كويسة ؟
ولا خلاص مبقاش في ناس كويسة
طب والنبي محدش معاه رقم حسني مبارك ولا اي وزير من اللي ملهومش لازمة دول ؟؟؟
وللعلم في مكتب في ميديرية االامن بيكون مخصص لمحاسبة ضباط الشرطة واللواء اللي ماسك المكتب ده في اسكندرية عندنا هنا بيشتكي من انه قاعد فاضي معندوش شغل محدش بيجي يشتكي _ عشان اصلا محدش يعرفه _
مهو فعلا اللي بيحصل في الاقسام ده مش عقوبة ده تعذيب و بشاعة
لا هنا بقي بيتبعوا : البرئ اللي ماشي في حاله متهم حتي تثبت برائته _ ده لو مكانش زبون فيه الطمع _
طب بالله عليكوا الناس اللي بيتلموا في البوكس كل يوم بالليل دول تهمتهم ايه ؟؟؟؟؟؟؟
واضح ان الهيئة دي فاشلة حتي في تطبيق قوانينها
بزمتكوا يا جماعة كام واحد كان عارف الكلام ده و كام واحد مسمعش عنه قبل كده ؟؟؟
كام واحد نفسه اليومين دول مصر تاخد موقف من اللي بيحصل في غزة ؟؟؟؟ بس قبل مايجاوب ويقول ايوة انا يقولي ازاي هنساعد شعب فلسطين و احنا مش عارفين لسه نساعد نفسنا ؟
لامتي هنفضل ساكتين ؟ جنب الحيط خايفين ؟
لامتي هنخاف نطالب حتي بابسط حقوقنا اللي موجودة في دستورنا ؟ _ علي فكرة كل المواد الدستورية اللي انا قولتها دي جايبها بالنص من موقع بوابة الحكومة المصرية وهو موقع حكومي بحت يعني مش المعارضة اللي بتقول الكلام ده _ واللي عايز يشوف الباقي يدخل علي الموقع ده
http://www.egypt.gov.eg/arabic/laws/...n/default.aspx
لازم نتحرك لازم نعمل حاجة طب هنعمل ايه ؟؟؟؟؟؟ يا عم احنا غلابة :sm247:
لا احنا مش غلابة بصوا لشعوب اوروبا ليه حكوماتها بتحترمها ؟؟؟؟ اشمعني حكومتنا بتعاملنا كده ؟؟؟؟ هو احنا اقل من الناس دي في ايه ؟؟؟؟؟
الاجابة ان الناس دي عارفة حقوقها كويس
سيبك من اوروبا يا عم تعالي شوف هنا في مصر بيحصل ايه لو ظابط وقف محامي في الشارع و سأله عن بطاقتة مثلا المحامي بيطلع كارنيه النقابة بيروح الظابط يقوله اتفضل حضرتك اسفين علي الازعاج
برده لان المحامي ده عارف حقوقه كويس
طب اي حد فيكوا كده يا جماعة يسأل اي محامي يوم لما طلع الكارنيه و راح يحلف اليمين في النقابة قالوله ايه ؟؟؟؟؟
هيقولك قالولي لو انت مش قد الكارنيه ده متطلعهوش و لو في يوم حصل معاك اي موقف مهين ليك يبقي مهين لينا و لو معرفتش تجيب حقك و حقنا تعالي و احنا نجيبلك حقك و حقنا
طب هات من الاخر عايز تقول ايه ؟؟؟؟
اول امبارح دخلت السيبر لقيت اربعة حبايبي عندهم روح وطنية عالية اوي قاعدين بيتكلموا قعدت معاهم وقعدنا نفكر في حل و وصلنا لانه مفيش قدامنا غير اننا نحاول نوعي الناس و نعرفهم حقوقهم عشان يقدروا يساعدوا نفسمهم و و بالتالي نغير شكل بلدنا للاحسن
طب احنا اللي انت واجع دماغنا من الصبح دورنا ايه ؟؟؟؟
والله دوركوا بيتلخص في كلمة بسيطة اوي احنا كنا قاعدين خمسة و يهمنا اوي اننا نبقي ستة و اتعاهدنا ان كل واحد فينا في كل مكان قاعد فيه يحاول علي قد مايقدر يفهم اللي حواليه
يعني من الاخر كل واحد فينا بعد ما عرف حقوقه يبدأ يطالب بيها و ميخافش من اي حاجة هي في الاصل من حقه و يبدأ يعرف كل اللي حواليه و صدقوني حياتنا هتتغير بجد
لازم نطالب بان الكلام ده يتحط في المناهج التعليمية و لو بأي صورة بدل الحاجات اللي ملهاش لازمة و بيعلموهلنا عافية دي
ولحد مايجي اليوم ده لازم كلنا نعلم اطفالنا حقوقهم و مش اطفالنا بس نعلم الكبار اللي مش عارفين كمان عشان يعلموا اطفالهم و مش بس حقوقنا لأ اللي يقدر يعلم اي حاجة يحاول يعلمها لكل اللي حواليه يبدأ باسرته و اصحابة وجيرانه و زمايله و حتي عالنت يحاول ينشر العلم في كل مكان و محدش يقول ده سر مهنتي ولا اكل عيشي عشان الرزق بتاع ربنا مش بتاع حد تاني
انا بدأت معاكوا هنا في المنتدي و ان شاء الله هانشر الموضوع ده في منتديات تانية و ربنا يسهل و هنعمل موقع علي النت خالص بالحملة دي بس طبعا محدش يقدر يصحي مجتمع لوحده و لا حتي احنا الخمسة نقدر لوحدنا محتاجينكوا معانا و محتاجين كل مصري معانا
و في النهاية عايز اقول لأي حد بيتمني يسيب بلده و يسافر انت غلطان عمر البلد اللي انت رايحها ما هتديلك زي بلدك و حتي لو مش لاقي حاجة من بلدك لازم تحاول تغيرها مش تتخلي عنها في ظروفها الصعبة و ان شاء الله ايدك في ايدي نوصل ببلدنا للعالم الاول |
رد جميل جدا
وانا موافقك فى معظم كلامك
وربنا يوفقك فى حكاية الحمله
شكرا على مرورك
اقتباس:
المشاركة الأصلية كتبت بواسطة هنا الفقي
طيب حلو اوي اوي اوي
جدا
بس في حاجة
احنا
المواطنين
المصريين
بنطبق اللي يجي على هوانا
اللي يخدم مصالحنا
واللي هايدايقنا
نكنسله
شعب بتاع دماغ يعني
عشان كده
عشان نعرف القوانين دي
ونقرر نعمل بيها
يبقى نعمل بيها كلها صح زي ماهي
وعشان كتير من واد الدستور غلط ف غلط يبقى محتاجين نظبطها الاول
وترييحا للدماغ من هذه القلبة
يبقى محتاجين ننفذ ما يمليه علينا ديننا
ديننا اللي بيتعامل بالمنطق العقلي
وبيقولنا :
..........................
.............................
.....................................
ان الله لا يغير ما بقوم حتى يغيروا ما بانفسهم
|
عندك حق
شكرا على مرورك
يمكن بس عالاقل نحاول نفهمهم :D
شكرا على مرورك يا بوسى
10-01-2009, 06:26 PM
.. هقوله هو ده اللى قالى أقول كده يا باشا
العرض العادي
