ايه اخبار تعيين أوائل الكليات ياجماعة؟

[zoom_mak]

حد يتطوع جزاه الله خير ويقولنا على المؤهل والوظيفة

[alaarabie]

أنا لسة مستلم جواب التعيين من القاهرة وأكتب إليكم من التليفون ..أنا خريج ألسن ومرشح لشغل وظيفة أخصائي علاقات عامة بمديرية الشئون الصحية بالمحافظة..مش عارف إيه علاقة اللغات بالصحة ؟ وبعض زملاء ألسن موزعين با لتربية والتعليم وطبعا غير مبسوطين..

[aaa.agri]

السلام عليكم ورحمة الله وبركاته

أُرْسِل سلامي لأعضاء المنتدي جميعاً وأرجو من الله أن يُكْرِم الجميع بالوظائف الحسنة التي تليق بالأوائل والتي يكون لهم فيها خَيْرَيِّ الدنيا والآخرة

(أنا متابع لهذا الموقع من زمان لكنِّي لا أكتب تعليقات كثيرة)

سؤالي

بالنسبة للمستندات المطلوبة هل هي البطاقة الشخصية فقط ولا فيه حاجة تاني ؟

[نولي 22]

السلام عليكم

مبروك للجميع

ياريت يا جماعه الي استلم جواب التعيين يقولنا ع المؤهل او الوظيفه وجزاكم الله خيرا

انا اختى طالعه التالته ع جامعه الفيوم كليه تربيه نوعيه قسم رياض اطفال فعازظين نطمن يارت تقولولنا بس المؤهل او الوظيفه

[نولي 22]

احنا منتظريين ردود االي استلموا جوابات التعيين وياريت كلكم تحصلوا علي وظائف كويسه

[احمد الماكن]

ياجماعة ياريت تتطمنونا بجد كل واحد بمؤهله والوظيفة الل حصل عليها؟؟؟؟؟


بالنسبة للمستندات المطلوبة هل هي البطاقة الشخصية فقط ولا فيه حاجة تاني

[معلم مساعد 2011]

بسم الله الرحمن الرحيم
متابعة لاول يوم لاستلام خطابات ترشيح جامعات ( بنى سويف - المنيا - دمنهور )
1- فيما يخص الحضور كااااااااااااان كبييييييييييييييير جدا ومش حد كان عنده ظرووف ...... اكيد عاوزين تعرفوا انا عاوز اقول ايه ؟؟!!!! الحمد لله .
2- كان هناك زحااام شديد جدا وسوء تنظيم بشكل كبيييير للغاية .
3- موجود كشوفات باسماء الاوائل ال ليهم جوابات ( وهو فقط ال فى الكشوفات ال اتبعتت من الجامعهة من رقم 1-20.... وال قدموا فى مديريات التنظيم والادارة ) .... بحيث بتشوف اسمك وبعد كده بينادوا الاسماء ............ بتستلم جوابك وتمضى وتغادر . والاستلام عن طريق البطاقة .
4- حدثت مشكلة لكليات لخريجى تربية ودار العلوم جامعة المنيا لانهم مش لاقوا جواباتهم .............. وهيتم تلسليمهم من مديرية التنظيم والادارة بالمنيا يوم الخميس .
5- استلام العمل بتاريخ موحد للجميع كما اعلنا من قبل وهو 22-1... بحيث لا ياخذ احد اقدمية عن احد فى الاستلام .
6- الماجستير والدكتوراة ثم من 1-5 هم تقريبا فى افضل الاماكن المتاحة .
7 - امثلة للوظائف (
1- خريجى حقوق وتجارة ( معظمهم بالضرائب - وزارة المالية - الجامعه ) واعتقد ان وظائفهم كويسة الحمد لله . ( كل حقوق بنى سويف فى الضرائب العامة .
2- خريجى تربية ( معظمهم مدرسيين ... فيما عدا القليل - فى الجامعه - ديوان عام المحافظة )
3-خريجى اداب ( ديوان عام محافظة - اخصائى تدريس بالجامعات - هيئات مختلفة بالنسبة للغات - تامينات )
4-حاسبات ومعلومات ( اخصائى تدريس بالجامعة - ديوان عام محافظة )
5- سياحة ( ديوان عام الوزارة - الجامعات - ديوان عام محافظة - علاقات عامة فى جهات مختلفة )
6- هندسة ( مهندسين فى وزارة النقل والكبارى - الجامعات )
6- الطب البيطرى ( مديرية الطب البيطرى .. والصحة والحيوان )
7- تربية نوعية ( مدرسين + جامعات )
8- فنون جميلة ( وزارة الثقافة - المسرح القومى )
9-زراعه ( مديريات الزراعه - التموين - جامعات )
10-علوام ( اخصائين فى معامل - مستشفيات - جامعات ) .


منقول

[د.بتول]

طمنونا يا ااااااااااااااااااا جماعة
حاسبات جالها ايه وكمان التوزيع جغرافي في نفس المدينة

[يوسف ا]

لو سمحت عاوز اعرف كلية الخدمة الاجتماعية والوظائف المتاحة لها

[تقى83]

الف مبروووووووووووووك للجميع اكيد فى ناس مبسوطة وناس تانية مش مبسوطة بس لازم نقول الحمد لله ونفرح.

[تقى83]

الاخبار اية هناك انهاردة يادكتورعبدالرحمن عملتم اية طمنونا وفية هناك اى اخبار عن موضوع اصحاب المنح .يارب يكون فية حاجة تطمن .

[د.بتول]

طمنونا يا حاسبات ومعلومات

[د.بتول]

وهل التوزيع جغرافي؟ في المدينة ولا بس المحافظة

[doaa 1990]

لو سمحت يا دكتور عبد الرحمن انا خريجة 2010
ياتري تربية نوعية قسم تكنولوجيا التعليم متوزعين فين ؟؟؟؟؟؟؟؟؟؟؟؟؟؟؟؟

[احمد الماكن]

ربنا يقدم ما فيه الخير ؟ خريجين سياحة بجد ايه الاخبار ؟؟؟؟؟؟؟ انا حاسس ان الناس مش مبسوطة