|
#556
14-11-2012, 01:54 PM
|
|||
|
|||
الاعزاء انج وهاب -مشتاقة - محمود السلام عليكم جميعا ورحمة الله وبركاته العزيزة المحترمة الغالية البقاء لله وخالص عزائي لكي ولأسرتكم الكريمة وربنا يغفر لها ولأمهاتنا وأمهات المسلمين أجمعين ويعطي الصحة والعافية لكل أمهاتنا في الدنيا والأخرة انا اسفة مقصرة جدا معاكم في الفترة الاخيرة الاخ الفاضل محمود كيفك وكيف أحوالك منذ زمن لم تخبرنا ايه أخبارك وأخبار الوالدة وأدعو الله عز وجل أن ينعم عليها بالصحة والعافية وإن شاء الله تنزل قريبا وتطمئن عليها وكمان تخطب فأنا أختي الصغري أتخطبت في الاسبوع الماضي وربنا يتمم لها علي خير وفيه أحتمال ان يكون الزفاف في نصف السنة وليس هناك افضل من هذه فرصة أني أنزل بحجة زواج اختي الصغري عشان اشوفهم وأشوف حبيب قلبي وقمري الغائب والدي وروح قلبي يارب يمتعه بالصحة والعافيه طول العمر عقبالك في القريب إن شاء الله الحبيبة مشتاقة أزيك يا مشتاقة أخبارك وأخبار أولادك ايه وأخبار المدرسة طمنينا عليك دائما ولكم مني جميعا السلام والتحية والسلام عليكم ورحمة الله وبركاته 
|
|
#557
18-11-2012, 02:11 AM
|
|||
|
|||
|
السلام عليكم ورحمة الله وبركاته
اختي انج جزاك الله خيرا لدعاؤك لي ولأمي.. ندى : الحمد لله انك بخير.. الف مبرووووك..وبعدين مش كنت انا اولى برضه والا ايه الحكاية جايز مش قد المقام خدي عندك مدرس بدون كادر قد الدنيا وكمان شغال في الوطنية.. افتكرت النكته بتاعت مهندس وفاتح صيدليه.. يارب يتمم ليها على خير والفرصة اهي جت علشان تقري عينك برؤية الوالد يارب ينعم عليه بالصحة والعافية ويشوف اولاد اولادها ان شاء الله.. امي والحمد لله تتحسن وبتصل بيها تقريبا شبه يومي الفترة اللي كان تعبها شديد كنت حاسس بدوار كامل.. فقدان للوعي.. بحس ان عمري وحياتي كلها ولا حاجه من غيرها.. بالنسبة لموضوع الخطوبة ان شاء الله هنزل اخر مايو القادم بس المرة دي بجد على المأذون عدل وامري الى الله.. سلامي الى مشتاقة واحمد.. يارب ما يحرمني منكم ابدا وتصبحوا على خير..
|
|
#558
18-11-2012, 01:20 PM
|
|||
|
|||
|
السلام عليكم ورحمة الله وبركاته اخوانى واخواتى الاعزاء
والله يااخوانى ال حصل لاطفال اسيوط كان حادث مفزع ادمى قلبى اللهم صبر اهلهم الرقيقة ندى شكرا لك على دعائك لى وربنا يبعد عنا الحزن ويفرج كربنا مبروك لاختك كدة والدك عمل كل ال عليه وزيادة يارب نقدر نكمل رسالتنا زيه انا لو قلت لك جوزوه انا عارفة انك هتزعلى منى ولكن هذه حقيقة عند نزولك الى فرح اختك ربنا يتمم لها على خير تشوفى له عروسة مناسبة ليه وليكم وربنا يعمل ال فيه الخير اخى محمود الف مبروك وربنا يرزقك الزوجة الصالحة والذريه الصالحة الاخت مشتاقة لعلك بخير يارب يحنن قلب اهلك وكذلك اطفالك فى البيت والمدرسة عليك وربنا يعينك ويعيننا الاخ احمد جزاك الله كل خير على دعائك لى اللهم اصلح حالك وحالنا وتجد اولادك كما تتمنى
|
|
#559
29-11-2012, 12:14 AM
|
||||
|
||||
|
احبتى واخوانى والله وحشتووووووونى وبجد
انا مقصرة جد وياكم وعن الاطمئنان عليكم اولا ندى الف مبروك يا حبيبتى وربنا يتمم بخير ويسعدها ويطمنك على حبيبك بابا انج البقاء لله يا حبيبتى وربنا يصبركم والحادث اللى حصل فى اسيوط بجد كان مؤثر جد جد جد فى كل الناس لدرجه الارق والدعاء لاهل الاطفال دول باستمرار من كل من اراه والله مؤسااااااااااااه بكل ما تحمله الكلمه من معنى محمود ايه اخبارك ؟؟ يا رب تكون بخير وربنا يطمنك على والدتك احرص دايما على انها تدعيلك يا محمود وربنا يوفقك لبنت الحلال معلش مودى حزين شويه من اللى بيحصل فى البلد ربنا يطمنا على بلدنا ويحميها من كل من يتاجر بالدين ويجعل كل من اراد بها سؤ كيده فى نحره معلش مشغوله شويه فى عملى ومركزة شويتين مع اطفالى فى الروضه وربنا يعنى على انى اقدر اعطيهم كل ما ينفعهم تخيلو يا جماعه انا بقيت سعيده فى شغلى رغم مشاكله عارفين ليه ؟؟ من دعوة ولى امر ليه فى اهتمامى بابنه والله مش هكدب عليكم لو قولتلكم اد ايه اولياء الامور محسسنى انى انسان خدووومه جد وانا بقولهم ده شغلى يا جماعه وزميلتى بالعمل لولاها ما استطعت الوفاء بالعمل يهزو دماغهم ويقولولى لا يا ميس انتى ربنا يباركلك الغريب اللى حصل مرة استدعيت ام طفل علشان احكى معاها على ابنها لانه انطوائى مجتش غير لما الحيت عليها واكد مع الوالد يبعتها الست بتقولى انا اتخضيت انتى عايزانى ليه ؟؟ لالا انا عايزه اعرف طبيعة محمد ابنك فى البيت وهل عنده مشاكل فى البيت نفسيه ؟؟ وكده استغربت الام انتى فاضيه مع الاطفال دى كلها تعلميهم وكمان تاخدى بالك من الاطفال اللى عندهم مشاكل نفسيه وكمان تهتمى بعلاج المشكله مع البيت ؟؟؟؟؟؟؟؟؟؟؟ قولتلها شغلى وانا شايفه ان انا ربنا مدينى موهبة فهم الشخصيه وكيفية التعامل معاها فاغفل هذة الموهبه وانا شايفه ان اللى قدامى محتاجها والله يا جماعه كانت تقولى على مواقف لابنها معذباها فى البيت واقولها ازاى تتعامل معاها على ارض الواقع وبالتصرف البسيط كانت تبصلى باستغراب والفت نظركم لحاجه وربنا انا مبعرف بكون جايبه الكلام ده منين بس ربنا بيلهمنى به وبيكون بطريق بسيييييييييييطه جد لدرجه ادهشت الام وراحت ورجعت ممكن اقولك ابنى الكبير فى كذا ...... فكلمتها ببساطه برضو ولغه سلسه زاد دهشتها واصرت على اخد رقم تليفونى وفضلت تدعيلى بجد من ساعتها وانا سعيد من قلبى انا بتكلم مع اولياء الامور دايما وبديهم نصايح اول باول لاولادهم والحمد لله ربنا يجعلنا مما يساعد الناس ويقضى حوائجهم معلش طولت عليكم بس حسيت انى نفسى اكلمكم واحكى معاكم زى زمان دوشششششششششتكم تصبحو على خير
__________________
 
|
|
#560
02-12-2012, 05:43 PM
|
|||
|
|||
|
اقتباس:
|
|
#561
20-12-2012, 10:34 AM
|
|||
|
|||
|
السلام عليكم ورجمة الله وبركاته احبتى فى الله ندى ومشتاقة ومحمود واحمد
عظم الله اجرك استاذ احمد ربنا يرحمنا برحمته جميعا الصريحة ندى لعلك بخير انت واولادك والاسرة كلها بصحة وعافية انا عارفة انت اخترتى ايه فى الانتخابات لقيت انى الوحيدة فى زملائى فى اختيارى لذلك وجدتنى مترددة وعندى بنت من بناتى بتميل لاختيارى وقبل التصويت مباشرة اغير كل ال فى دماغ زوجى مع انه يعنى له ارؤه وافكاره وطلابه لانه استاذ جامعى ولكن ربنا يعمل ال فيه الخير الواضحة مشتاقة يارب تكونى بخير وعافية انت واسرتك ويقدرك على فعل الخيرات والله اهم مرحلة فى تنشئة الطفل هى رياض الاطفال هى ال بتنمى قدرته على الكتابة والقراءة والفن مش هقول لك ان ابنى كره الروضة عشان كانت مدرسته غير متخصصة ربنا يجازيكى خير ويكثر من امثالك االاستاذ محمود اخبارك ايه ربنا يعطيك الصحة يعنى انت غايب عننا بقى لك كتتر لعل المانع خير ربنا يشفى والدتك ولا تنساها وتنسانا من دعائك
|
|
#562
20-12-2012, 09:00 PM
|
||||
|
||||
|
عزيزتى انج ازيك زازى اولادك
ايه اخبارك ؟؟ مع انك مسألتنيش عن الاستفتاء لكن هقولك هعمل ايه يوم السبت لانى مرحله تانيه طبعا لالالالالالالا للدستور انا تناقش مع ناس كتير من وجهة نظرى ولقتهم الحمد لله اقتنعو بوجه نظرى وكتير منهم غيرو وجه نظرهم لكن اللى عايزة اعرفه انتى كنت ايه وبعدين صوتى بايه ؟ ندى وحشتينا جد والله ووحشنا كلامك ربنا يطمنا عليكى محمود اخى الصغير طمنا عليك يا استاذ محمود وسمعنا عنك كل خير ويارب احمى مصر واخرجها من كل ضيق قادر على كل شىء يارب معلومه على السريع كده فاروق العقده رئيس البنك المركزى واللى بفضل الله استطاع الخروج بمصر من ازمات اقتصاديه كثيره قرر الاستقاله من منصبه ويصر عليها مع انه فاضل على مدته اكثر من 3 سنوات عارفين ليه ؟؟؟ لانه اتقن ان مصر اشرفت على الافلاس قرييييييييييبا جد ويستحى ان يعلن هذا فى عهده وهو ذا التاريخ الوظيفى العظيم
__________________
|
|
#563
20-12-2012, 09:23 PM
|
||||
|
||||
|
برهامى: يجوز للزوجة أن تخدع زوجها "المعارض" للمشاركة فى الاستفتاء
وهنا السؤال لو كانت هتروح تقول لالا للدستور برضو يا شيخ يجوز خداع الزوج ؟؟؟ ده كان ردى يا ترى ردكم ممكن يكون ايه اشجووونى
__________________
|
|
#564
21-12-2012, 06:26 PM
|
|||
|
|||
|
السلام عليكم
الجمد لله على كل شىء الولاد عندهم امتحانات والدنيا مقلوبة عندى انا عارفة انت وندى هتقولوا لالالالا وانا زيكم بس لما باتكلم مع زملائى بالمدرسة بجد انى فى دنيا لوحدى كلهم نعم لان محافظتى متأخونة... وبكرة التصويت عندنا بالنسبة للسؤال انا اعرف ان خداع الزوجة جائز لكن خداع الزوج لسة ما عرفتوش وكله يجوز فى مصلحة الاخوة
|
|
#565
19-01-2013, 09:23 AM
|
|||
|
|||
|
اعزائي واصدقائي الاعزاء انج وهاب - مشتاقة - محمود
السلام عليكم جميعا ورحمة الله وبركاته وحشتوني وحشتوني اخباركم جميعا ايه حسه اني بقالي سنه مادخلتش المنتدي انا كويسه وتمام والحمد لله بس الفترة اللي فاتت كان عندي حالة طواريء بالبيت فالدكاترة الصغيرين ولادي كانوا بيمتحنوا والحمد لله انا نجحت مش هما . دي فترة الامتحانات فترة عسيرة بس عدت المهم اخباركم ايه أنا فرحانة جدا لأني نازلة مصر في نصف السنة عشان زفاف اختي إن شاء الله يوم 23/2 ياسلام لو تكونوا موجودين وتشرفوني جميعا نفسي اتعرف عليكم وطبعا انا رديت عليكي انج وهاب بس مش عارفة لما قفلت وفتحت تاني بعدها لم اجد اللي كتبته اشكرك اولا علي كلامك الحلو والغالي علي قلبي بخصوص حبيب الروح ابويا ربنا يعطيه الصحة والعافية ويعطي جميع اباءنا وأمهاتنا الصحة والعافية في كل وقت وحين ويديمها نعمة لمن لديه اب او ام في حياته فعلا مهما اقول لن ولم أوفيههم حقهم ودائما أحلم بأني أقبل يد وأرجل أمي الحبيبة الله يرحمها برحمته الواسعه . المهم أحنا فعلا لما والدتي توفيت والدي تزوج ولم يتكلم مننا أحد لأنه حقه الشرعي والطبيعي ولكن للأسف لم يكمل معاها والدي لأنه حينما اتفق مع أهلها كان شرطه انه لن ينجب منها فهو جد وليس من المستحب في مثل عمره أن ينجب ( هذه كانت رغبته ) لم يتكلم أيا مننا ( رغم أني بداخلي وأخواتي قلبنا يتقطع من زعلنا ) انا بكلمك بكل صراحة ( كان تفكيرنا ازاي بابا يفكر يتزوج تاني بعد ماما فين العشرة فين العمر الطويل اللي ماما قضته معاه وأكثر ) ده كان تفكيري أنا وأخواتي وقتها . ولم يتحدث احد مننا نهائيا في هذا مع بابا لأنه كما ذكرت حقه ويجب علينا أحترام رغبته بل كان كل مننا يهنيه ويبارك له لكن ما في القلب في القلب المهم لم تلتزم هذه السيده بما اتفق عليه والدي معهم وفكرت في الانجاب وايضا هذا حقها لكي أكون منصفه بس أبويا رفض وانفصلوا تقريبا بعد سنه من الزواج ولم يتدخل أي مننا في أي شيء وحاولنا معه مرة أخري انه يفكر في الزواج مرة أخري بس هو رافض تماما هذه الفكرة وأنا من المؤيدين في أخواتي أنه يتزوج مرة أخري لأننا تربينا علي تقديس الحياة الزوجيه والاسرة والبيت والزوج . بس بابا رافض مجرد الكلام في هذا الموضوع علي العموم البيت هيفضي علي ابويا فأختي ستتزوج في نصف السنة وأخي الصغير أخر العنقود زفافه إن شاء الله بالصيف فعلا كلنا مش عارفين نعمل ايه وبابا رافض رفض مطلق انه يجي عند اي حد فينا فهو يجد راحته فقط في بيته عارفه لما انزل اجازة واعزمه عندي في البيت يرفض يقول لا انتي تعالي البيت واعملي كل حاجة عندي وفعلا اجازتي كلها بقضيها معاه وبكون في قمة سعادتي وعشان كده مش بكون فرحانه لما زوجي ينزل معايا الاجازة لاني بضطر اني اكون في بيتي وبابا في البيت بتاعه فبيكون هناك تشتت انا طولت عليكي معلش بس فعلا انتي حسه بيه فأنتي ايه رأيك؟؟ عارفة انا فكرت انزل نهائي بس زوجي اعترض وقال ليه انتي اللي تنزلي ؟؟ الاولي ان اختك الكبيرة هيه اللي تنزل. اصبح فيه ليه واشمعني انتي ايه رايك انج وهاب وانتي عارفه انا برتاح لك وبثق في أرائك ؟؟ ياريت لو تقدري انتي واسرتك تشرفونا في بورسعيد يا انج الغالية مشتاقه حبيبتي الغاليه شكرا علي سؤالك انا فعلا مقصره معاكم في الفترة الاخيرة ؟؟ايه رايك في مصر دالوقتي ؟ طبعا انا تنبأت منذ فترة طويلة بأن الرياح ليس كما تشتهي السفن ؟؟احنا في وادي والبلد في وادي ثاني خالص المهم انا عزماكي يا مشتاقه في فرح اختي ياريت لو تقدري تشرفينا انتي واسرتك الكريمه يا مشتاقه . ولا بعيد عنكم بورسعيد ؟؟؟ يعني بينا وبينكم حوالي ساعة يا مشتاقه لو ظروفك سمحت ياريت اشوفك مشتاقه الاخ الغالي العازب محمود يا محمود كيف حالك واخبارك ؟؟ بس اهم حاجة بصراحة صحة الوالدة اخبارها ايه دالوقتي؟ عقبالك يا محمود في القريب ان شاء الله انك تكمل نصف دينك وتبشرنا بأن اصبحت خاطب وانا منذ فترة طويلة ملاحظة انك مش بالمنتدي لعل المانع خيرا ان شاء الله طمنا عليك يا محمود وعلي اخبارك ... وفي النهاية لكم مني جميعا كل التقدير والاحترام والسلام عليكم ورحمة الله وبركاته
|
|
#566
23-02-2013, 08:02 PM
|
||||
|
||||
|
طمنينى عليكى يا ندى انتى بورسعيد واخبار زفاف اختك ايه ؟؟؟؟؟؟؟؟؟ معاد الزفاف صعب جد فى بورسعيد ربنا يتمم بخير
بس طمنينى عليكى
__________________
|
|
#567
24-02-2013, 02:26 PM
|
|||
|
|||
|
ا
السلام عليكم ورحمة الله وبركاته اصدقائى الاعزاء
يارب اصلح حالنا وحال مصر يارب العالمين اللهم استجب والله الناس فاض بيهم من الظلم والفساد والتخلف ..................... ندى يارب تكونى بخير انت واهلك وطمنينا عليكم وعلى بور سعيد وربنا يتمم لاختك على خير و يقوى والدك ويعطيه الصحه وعيزاكى اول ما توصلى الكويت تكتبى لنا.... وعشان تبقى بجانب زوجك واولادك ما يتأخروش عن دراستهم والله الموفق مشتاقة حمدلى على سلامتك ويارب تكونى بخير الاخ محمود سلامنك
|
|
#568
26-02-2013, 07:14 PM
|
||||
|
||||
|
اقتباس:
الله يسلمك يا انج الحمد لله بس مين سمعك والله من كتر الللى فينا عايزة اصرخ لحد اسبوع ومش اكون مبالغه لو قولت لك نفسى انزل امشى وبجد وانا مش عارفه اروح فين ولحد فين !!!!!!!!!!!!!!! البلد باااااااااظت وكل حاجه فوق التحمل ربنا يرفع مقته وغضبه عنا ياارب والله تعبانه نفسيا جد جد جد معلش ازعجتكم بس غصب عنى ندى طمنينا عليكى بجد لو اعرف رقم تليفونك كنت اطمنت عليكى ان شاء الله قريب نسمع عنك كل خير محمود مسمعناش عنك اخبار من زمان سلامى لكم بس اسألكم الدعاء والله متضايقه جد جد جد جد جد ج...................... .
__________________
|
|
#569
28-02-2013, 02:11 PM
|
|||
|
|||
|
احلي اصدقاء انج وهاب - مشتاقة - محمود
السلام عليكم جميعا ورحمة الله وبركاته شكرا كثيرا علي سؤالكم فأنا لسه واصلة اليوم والحمد لله اختي تزوجت بس كانت فترة عصيبة بسبب الاوضاع اللي زي الزفت بمصر فنحن كان عندنا عصيان مدني والجمارك مغلقة وطبعا كان جاي لنا قرايب بس الحمد لله كان الفرح تحفة وعدت الأمور علي خير عقبال الفرحة دي تكون في كل بيت. فالناس شبعت قرف وزهق من الأوضاع التي لا تتحسن انا لما نزلت ومشيت في بورسعيد جاء لي حالة حزن شديدة علي الاوضاع بالبلد بصفة عامة وعلي بورسعيد بصفة خاصة. والناس بقت عصبية لاتفه الاسباب. ادعو الله ان الازمة التي بمصر تعدي علي خير وكمان ادعو يوم المحاكمة اللي هتكون 9/3 تعدي علي خير ومرة تانية اشكركم من كل قلبي علي سؤالكم ولكم كل المودة
|
|
#570
13-03-2013, 06:24 PM
|
|||
|
|||
|
احبائي
وحشتوني
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:07 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
