هل تؤيد اشتراك البنات في (الفيس بوك)؟؟؟؟؟

[Ahmed 3030]

انا خايف اتكلم لحد يفتكرني بهزر
هو ايه الفيس بوك ؟ أنا عارف انه موقع , أقصد يفرق ايه عن المواقع الأخري؟
وموجود فيه ايه ؟

[libero]

لا اؤيد .....

كل عام .....
كل عيد ......
وأنتم إلى الله أقرب .....

[ام المومنين عائشة]

كل عام والامة الاسلامية بالف خير

[shima'a]

والله المحترمة محترمة مع ربها ومع نفسها قبل اى حد لايمانها ان فى رب يراقبها
اما موضوع انها ماينفعش يبقى معاها لاب توب او موبايل فهذا شئ غير مقبول
لان الفتاه ممكن تحتاجه فى شغلها او لنفسها مع بقائها محافظة على اداب دينها
ولكم جزيل الشكر

[mony_love2211]

انا مع اشتراك البنت على الفيس لان البنت محترمه محترمه
ما انا عندى اكونت بس مش بكلم شباب وكمان مش بحط صورى
فانا بالنسبه لى عادى بس بشروط ويجب انا لا تتعدى البنت هذه الشروط
وشكرا لطرحك المتميز

[طبعي كدا]

مفيش حاجة اسمها البنت المحترمة محترمة
والكلام ده احنا مش خايفين ع البنات انها تكفر او تتجوز عرفى او حاجات كبيرة لا دول لو عايزين كده هيعملوا كده
خلاص دول انتهوا من تفكيرنا لا احنا نقصد حاجات تانية كتيييير ممكن تكون ابسط من كده في اذهانهن و لكنها كبيرة عند ربنا انا دلوقتي بتكلم في الفيس بوك تحديدا و ايضا قد يكون في المنتديات
مثل الكلام اللي فيه تجاوز بين الاعضاء مثل اختي العزيزة الاعضوة الفاضلة وغيرة بل من الممكن ان يصل التجاوز الى عزيزتي في يوم من الايام او معرفة اسم العضوة وغيرة وعلشان خاطرك انتي بس انتى عارفة غلاوتك عندي ههههه
وتبادل الايميلات الحاجات دي يا جماعة بتيجي واحدة واحدة يعني ممكن واحدة محترمة والله بس واحدة ورى واحدة تبقى كده مش مرة واحدة
وغيره من الاسباب

[المشتاقة للنقاب]

اولا
السلام عليكم ورحمة الله وبركاتة

اختلفت الاراء حول اشتراك البنت فى الفيس بوك
بس انا من رأى اساسا ان الفيس بوك دة عالم غريب
صعب البنت تدخل فيه حتى لو فى قمة الاحترام
انا اشتركت عليه بس عشان اشترك فى برنامج معين
بس ماعرفتش اشترك لانى مش حباه
بس والله والله والله لو البنت محترمة وكويسة جدا جدا
فمهما عملت لازم هتغلط لانه عالم غريب وبيتوه اوى
و الشيطان شاطر...
وربنا يهدى الجميع

[Ahmed 3030]

وانا أعترض
أنا أشجب
أنا أستنكر
أنا مش فاهم حاجة خالص ومحدش عايز يفهمني ايه هو الفيس بوك
وموجود عليه ايه

[Heartbeat]

المشاركة الأصلية كتبت بواسطة zaza5000

وانا أعترض
أنا أشجب
أنا أستنكر
أنا مش فاهم حاجة خالص ومحدش عايز يفهمني ايه هو الفيس بوك
وموجود عليه ايه

حضرتك والله انا كمان مكنتش اعرف ايه هو الفيس بوك ده بس قبل كده كنت على موقع الاستاذ مصطفى حسنى فكان مكتوب انى اسجل عليه علشان اكتب تعليق على مصطفى حسنى بس وانا زى العبيطة دخلت وسجلت كمان باسمى الحقيقى ومش بدخل عليه تانى لانى مش فاهمة حاجة

[Ahmed 3030]

المشاركة الأصلية كتبت بواسطة "حبيبة الله"

حضرتك والله انا كمان مكنتش اعرف ايه هو الفيس بوك ده بس قبل كده كنت على موقع الاستاذ مصطفى حسنى فكان مكتوب انى اسجل عليه علشان اكتب تعليق على مصطفى حسنى بس وانا زى العبيطة دخلت وسجلت كمان باسمى الحقيقى ومش بدخل عليه تانى لانى مش فاهمة حاجة

يعني انتي مش عارفة زيي بالظبط

[artistgirl]

مستغربه ان لسه فيه ناس بتفكر بالطريقه دى يعنى ايه ميرضاش ان اخته تشترك فى الفيس بوك اولا دى حريه شخصيه وثانيا لو هوة مرضاش انها تشترك فى الفيس يبقى هى كمان من حقها تعترض عليه وهوة كمان ميشتركش ثالثا اللى عايز يعمل حاجه غلط بيعملها مش مستنى يعنى الفيس بوك عشان يشترك فيه

[ASERMAN]

مشكووووووووور و بارك الله فيك

[H . M]

والله هو لكل شيئ حدود
يعني البنت المحترمه اللى تشترك في الفيس أكيد عارفه الحدود اللى تتعامل بيها مع الاشخاص المشتركين
وطبعا تكون مش بتكلم غير صديقاتها البنات واقاربها بس
لكن موضوع الشباب والصور الشخصيه و.... والكلام الفاضي ده يبقي قله أدب

وبعدين انا مش شايفه ان للفيس بوك أهميه في حاجه
غير إنه بيجيب مشااااااكل

[رمضان كريم 2]

الفيس بوك كغيره من الأشياء التى استجدت فى عصرنا كالانترنت والفيديو والدش وغيرها .
والعلماء وضعوا قاعدة فى الحكم على هذه الأشياء " أن ما استوى طرفاه بين الحل والحرمة فحكمه حكم ما أفضى إليه "
فلو استخدم فى حلال فهو حلال ولو استخدم فى محرم فهو محرم ولا يوجد شيئا محرم بإطلاق فكما هناك من يستخدمه فى أشياء محرمه هناك من يستخدمه فى الرد والدفع عن دينه ونشر الدعوة الاسلامية .
خلاصة القول هو جائز لمن استخدمه فى خير وحرام فى غير ذلك ولا فرق بين رجل وامرأة فى ذلك

[على سبيل الحق]

المسألة تحتاج ضوابط كثيرة سواء كان الداخل شابا أو فتاة وإلا يكون الأمر
ألقاه فى اليوم مكتوفا وقال*إياك إياك أن تبتل بالماء