خسرت كثير من زملائى المدرسين

[كتائب الشهداء]

المشاركة الأصلية كتبت بواسطة منى عربى

يا ريت كل اليشوف الغش يكون عنده الجراة يصور الغش فى اللجان و ارساله برامج التوك شو علشان يفضح شيوخ المعاهد الازهرية المتجبرين او ينشره على النت هى دى احسن طريقة . عندنا فى معهد القوصية الابتدائى - اسيوط الغش علنى و ال مايغشش يستبعدوه نهائيا و يعاملوه على انه شاذ برغم ان القطاع موجود فى نفس المعهد فى الدور الارضى . حتى الموجهين الذين يمرو على اللجان بيشوفوا الغش و يبتسم و كانه يعطى الضو الاخضر . حسبى الله ونعم الوكيل .

المشكلة لو صورتى زميلك وهو بيغشش نتحول للتحقيق لانى معاه فى اللجنة

[كتائب الشهداء]

المشاركة الأصلية كتبت بواسطة معلم متعاقد

بالنسبه لنا فى معهدنا اولياء الامور بيجوا تخش اللجنه تلاقيهم واقفين على باب اللجنه وده يتحايل وده يتحايل واللى تقولك معلش ربنا يخليك اصل ابنى تعبان خصوصا فلى المرحله الابتدائيه مش بتبقى عارف تعمل ايه وكمان التلاميذ اتعودوا على كده ولو سبتهم يحلوا من نفسهم اكثر من نصفهم هيسقط وحصلت معانا نيجى نصحح نلاقى نسبه رسوب عاليه يجى الموجه يرجع الورق تانى ويقول نجحوا الاولاد ده نقل مش شهاده يعنى كده كده لازم يخليك تنجح الطالب قولى بقى نعمل ايه هو مش مبرر بس المجتمع كله ماشى على كده انا عنى نفسى لما كنت طالب كنت متفوق بفضل الله وكنت بمنع اى حد يحاول انه يغشش بس ده اللى كل اللى حواليك عايزينه

انا انجحه بأمر الموجه أحسن ما انجحه بالغش

[حسين حافظ]

هذا هو الحق فمن غشنا ليس منا ولكن لابد من الأخذ فى الإعتبار أن يؤدى كل معلم دوره كاملاً
ولايبخل بجهده طوال العام وان يكون قدوة حسنة لزملائه وطلابه " أرجو لكم التوفيق "

[teacher120]

والله انا نفس الشىء اعز الناس زعلانين منى

[abu mohammed]

الدروس هي السبب

[mab4math]

أنا معكم ضد الغش بالرغم من أني لا أحرك ساكناً لمنعه في معهدى وذلك لظروف كثيرة ( أهمها بعد المسافة عن مقر إقامتي حيث المسافة تبلغ 60 كيلومتراً وتستغرق أكثر من ساعة ونصف ذهاباً وساعة ونصف إياباً بالسيارة).
وهذا يعني أنني لا استطيع الحضور في الموعد المحدد كما أني اضطر للإنصراف مبكراً بعض الوقت لمحاولة اللحاق بالمواصلات.

[جلال السعيد]

ما اقراه [b]علي المنتدي شيء جميل ولكن الواقع ان المجاملات لا تنتهي اذكر شيء ظريف هو ان مدرسين المعهد المحترمين والذين هم بمثابة اولياء الطلاب وهم المربين لهم مبداهم الاول هو ان ينجح الطالب لان ولي الامر صاحب اولاد ومرض وحالته غير ميسره وغير ذلك من الامور .......... ونسوا ان اهم شيء هي الاخلاق أليس الغش من الاشياء المفسده لها ولكن اسال كيف يحترم الطالب المعلم هو لا يفعل ما يعلمه للطلاب واكدا ان ذلك لمصلحه شخصيه وهي ان تكون مجموعه من الطلاب للدروس العام القادم لان المدرس سوف يعمل علي ان يجتاز الطالب الامتحان بتفوق واسفي علي مثل ذلك من المعلمين وهم اصحاب راء في مجتمعهم ولكني اراهم من المخربين لكل قيم الانسانيه فذلك هو بداية خراب التعليم الازهري الذي واضح للجميع ويدور داخل صدور معلمين الازهر انهم ليسوا اكفاء في موادهم سواء العربيه او الشرعيه او الثقافيه فانتم من عملتم علي خراب الازهر اقول اتقوا الله فيما بين ايديكم من جيل . نأمل من الله ان يخرج منه عالم يملء الارض علم يذكر الناس باحولهم, واعلم اخي المعلم انك ستسأل عن ذلك والله المعين.

[أحمدالرياضي]

استمر أخي العزيز علي مبدأك فأنت لست وحدك من يواجه هذه المشكله في الازهر ولقد تعبت أنا أيضا من هذا الموضوع وأريد أن يصل صوتي الي شيخ الازهر

[fatema2004]

|ن شاء الله ما خسرت
بل ربحت نفسك

[أشعة الشمس]

أكيداللي بيغش بيخون نفسه وبيغضب ربنا أولا وبيسيء لنفسه ثانيا قبل ما بيسيء لأي حد تاني بس طالما كل واحد مش بيخالف ضميره اكيد المجتمع حينصلح حاله " لا تنظر لغيرك وكن انت الأحسن و الأفضل " لأن في الآخر الصح صح والغلط غلط
على فكرة ولى المر اللي بتسمحلوا تغشش ابنه بينه وبين نفسه حيقول برضه انك معندكش ضمير ومدرس معندكش امانة وبتخون .
من الآخر خليك أنت الصح ومايهمكش من احد

[الاستاذة نجلاء علي]

المشكلة ان الغش اصبح حق مكتسب فالطالب تعود علي الا يكتب كلمة في ورقة الاجابة حتي و لو كان يعرف الحل الا لما المدرس يغشش فانا في معهد ابتدائي و يحدث هذا فية

[Sally82]

دلوقتي انا اعمل ايه لو شيخ المعهد نفسه هو اللي راعي الغش؟
بمعنى انه عايز يغشش و يأمر مدرس المادة بالدخول و تغشيش الطلاب على غير رغبتي انا كملاحظة في اللجنة و لو رفضت يتحايلوا علي لاخراجي من اللجنة حتى يغششوا براحتهم و لو رفضت الخروج من اللجنة يعمل لي فرح و يحاول يستبدلني بزميل آخر ليلاحظ رغم اني بالفعل قمت بالتوقيع لاستلام اللجنة و انا مسئولة منها..
اعمل ايه انا مع شيخ المعهد ده؟!

[محمد المت]

استمر فانك على حق وفقك الله مفيش يأس وبالصبر كل شىء يتصلح