يا قارء موضوعى ماذا تفعل لو كنت مكانى .......محتاجلكم بجد اوى

[abdelRhman772007]

يا حسام يا شرقاوى هما كلمتين علطول بقولهملك
بطل تعيش الدور ده
استعين بالله تقدر تقهر الأرض و اللى فوق الأرض و كل المخلوقات
كل ما تزهق روح صلى ركعتين هياخدوا من وقتك كتير ؟؟؟
و أظن الكل يعرف أن الركن الأساى فى حياة أو شخصية أى إنسان هى مدى ارتباطه مع الله و مدى صلاح سريرته
عارف أنك هتقول هتعملى فيها فيلسوف بس حد يقدر ينكر اللى قولته؟
خلاصة القول استعين بالله خير معين

[حسام الشرقاوى]

المشاركة الأصلية كتبت بواسطة abdelRhman772007

يا حسام يا شرقاوى هما كلمتين علطول بقولهملك
بطل تعيش الدور ده
استعين بالله تقدر تقهر الأرض و اللى فوق الأرض و كل المخلوقات
كل ما تزهق روح صلى ركعتين هياخدوا من وقتك كتير ؟؟؟
و أظن الكل يعرف أن الركن الأساى فى حياة أو شخصية أى إنسان هى مدى ارتباطه مع الله و مدى صلاح سريرته
عارف أنك هتقول هتعملى فيها فيلسوف بس حد يقدر ينكر اللى قولته؟
خلاصة القول استعين بالله خير معين

مش هقدر اكلمك بس علشان انتا حبيبى


ماشى يا عبدالرحمن فى الاجازة لينا كلام

[حسام الشرقاوى]

المشاركة الأصلية كتبت بواسطة 3olomgy

فى الاول بس احب ابدى لك مدى اعجابى باحساسك ورومانسيتك اللى اثارت دهشتى
بالنسبة للازمة اللى انت فيها فده شىء عادى جدا ولعلمك الازمة دى متواجدة عند غيرك من الشباب ( ربما انا منهم) وسببها عدم تقدير الآخرين لمشاعرك ...؛ تحس انك دايما خايف على غيرك وهو ولا فارقة معاه , بتخاف على احساس غيرك من اى جرح وهو عادى شايف ان جرحك شىء طبيعى واحيانا محبب له
حاجة كمان لفتت نظرى فى موضوعك واتمنى ما تفهمنيش غلط
دلوقتى لما اكون بحب بنت زى اختى مش هوصل لدرجة انى اكون ملهوف عليها بالشكل ده واحاول جاهدا بشتى الطرق انى اتطمن عليها لدرجة انى انادى ماما تكلمها واخلى فلانة وفلانة يسألوا عليها ...عشان ايه ده كله ؟ ؛ سؤال كمان ...لما انت بتحب بنت زى اختك وبتعاملها كده وحاسس ناحيتها كل الاحساس ده ..., لما تحب بنت بقى حب عاطفى افلاطونى هتعاملها ازاى او هتحس تجاهها ايه ..؛ بمعنى اخر ..ايه الفاصل اللى يخليك تفرق بين الحب الاخوى والحب العاطفى ؟
اللى اعرفه انى لو ليا صديق ( ولد او بنت ) وبحبه وبخاف عليه وهو رافض صداقتى يبقى خلاص يولع ويغور مش عايز منه حاجة ؛ الحب والصداقة يا صاحبى مشاعر متبادلة ومشتركة زيها زى الدايرة الكهربية مينفعش قطب واحد يشتغل, لازم القطبين سوا
وانا بصراحة لو مكانك هطنش خالص ..عارف ان ده صعب عليك لانك انسان حساس اوى بس حط فى اعتقادك حاجة ( انا مش هجبر الناس يحسوا انا حاسس ايه ولا هقدر اجبرهم يقدروا مشاعرى غصب عنهم ) وكمان مفيش داعى تتأثر اوى لصداقة بنت ؛ انا شايف ان صداقة الولد اهم مية مرة والولد ع الاقل هتقدر تحكيله اسرارك وهينصحك نصايح خالصة واخوية مفيهاش احقاد ولا عقد نفسية ولا غل
ده كان رأيى بالنسبة لصاحبتك او صديقتك او حبيبتك ( المسمى اللى يعجبك ) اللى عرفتها من ع النت وغالبا - وليس دائما - علاقات النت دى كلام فى الهوا ..؛ كيبوردات بتطلع الكترونات ...حد يصدق الكترونات ؟ وعموما انا مش بعمم لان فيه علاقات حب وصداقة من ع النت ونجحت نجاح كبير بس الاستثناء لا ينفى القاعدة
بالنسبة لصديقتك ( كالعادة اختار المسمى اللى يعجبك ) اللى كانت معاك فى اعدادى ...اعتقد هى نسيت اسمك اصلا :D ولو قابلتها صدفة وحكتلها عن الموقف ده هى نفسها هتندهش وتقولك انا مش فاكرة وحتى لو افتكرت فدى حاجة عادية يعنى انك تقف ع الفصل وتكتب اسمها ع السبورة ( انت لو عشت بالحساسية دى فى حياتك هتنتحر او هتودع بدرى بدرى )
بالنسبة لصديقتك او جارتك اللى صاحبك خد ايميلها ..؛ انا شايف ان الموضوع ده هو اللى فعلا وحش ولازم يأثر فى اى حد وببساطة انا ر أيى انك تروحلها او تستناها او تشوف اى طريقة للاتصال بيها وتقولها بمنتهى الوضوح انا اسف ع اللى حصل وحقيقى انا ما عملتش كده وتحاول تبرهن على كده بمواقف حصلت بينكم زمان ...؛ يعنى تقولها احنا طول عمرنا اخوات و انا بقدرك حتى تفتكرى زمان اما حصل كذا كذا ...او لما كنا بنقول كذا ..يعنى حاول تقلب الموضوع هزار وفى نفس الوقت تبينلها ان انت اتظلمت فى الحكاية دى ( اعتقد محدش فهمنى لانى مش عارف اعبر فى النقطة دى )
اخيرا احب اقولك ان فيه ناس كتير كانت زيك كده بس اول ما هتدخل الجامعة هتبقى شخص تانى خالص ( اسأل مجرب ) انا عن نفسى اما دخلت الجامعة اتأكدت ان اى علاقة بين اى اتنين ( ولد وبنت او ولد وولد او بنت وبنت) بتقوم ع المصلحة الشخصية
الا من رحم ربى , وده علمنى انى اخد الامور عادى ..اخسر صاحب انهاردة بكرة اكسب عشرة اخسرهم بعد بكرة الاسبوع الجاى هييجى غيرهم
الحياة عمرها ما بتقف على شخص مهما كان , واللى خلاك تقدر تستحمل وتصبر على فراق اعز الناس ليك وهو والدك هيخليك تنسى اللى ماكنش ليهم لزمة فى حياتك اصلا وما يستحقوش انك تذكرهم فى خيالك من الاساس
تحياتى القلبية ليك وربنا يوفقك ان شاء الله واتمنى تكون انجزت فى امتحاناتك وباذن الله ترجع متفوق زى الاول وخصوصا انى معجب بيك لانك مخترع وان شاء الله نلاقيلك اختراعات علمية عن قريب

يخربيتك دا كلة رد
بص يا عم حكاية البنت التانية
انسى انى اروح واكلمها دى فى الشارع او فى اى حتة تانية
اللى مارضهوش على اختى ما ارضهوش على غيرى
صعب بل مستحيل

[Ra2oF]

و الله يا صحبي انت عامل زي لان انا اكره ان اتظلم من حد الحوار ده اتعمل معايا بالذبت بس في 3 اعدادي و الله واحدة كانت زي اختي و كل حاجة كنت باخد معاها درس برده وقعوا بنا و قالولها اني بقول عليها كلام و بشتمها و بتاع و يشهد ربي ان مقولتش حاجة عليها :::: المهم البنت لحد السنادي قلت لخمسن و حدة و خمسين واحد يفهموها الموضوع بالذبت لاني كنت محروق لحد السنادي بس الحمد لله فهمت الموضوع و النار انتفت انت حاول تعمل كيده بالنسبة لاول واحدة :::: و بالنسبة ببتاعت النت خلاص يا صحبي طالما ده هيرضيها و انت اكيد تتمنلها الخير خلاص الهي عايزاه اعملوا و نصيحة يا صحبي متكتمش النار علشان هيجيلك لحظة فرقعة ممكن تعمل في نفسك حاجة علشان كيده حاول تفضفض و ارجع لاختراعاتك تاني علشان انا بحب الاختراعات و بحب الشخص الذكي :::::: و ربنا معاك

[HaZeM TaKeR]

انا مش فاضل حاجة اقولهالك بعد الجماعة دول قالوا كل حاجة
وان شاء الله تاخد بكلامهم وربنا يوفقك ان شاء الله
اخوك\حازم

[ZAHIMR]

حسام تاكير يامعلم من حازم كويس انو ماقالش حاجة جديدة لحسن دة معاه مسدس

هههههههههه

[حسام الشرقاوى]

المشاركة الأصلية كتبت بواسطة ra2of

و الله يا صحبي انت عامل زي لان انا اكره ان اتظلم من حد الحوار ده اتعمل معايا بالذبت بس في 3 اعدادي و الله واحدة كانت زي اختي و كل حاجة كنت باخد معاها درس برده وقعوا بنا و قالولها اني بقول عليها كلام و بشتمها و بتاع و يشهد ربي ان مقولتش حاجة عليها :::: المهم البنت لحد السنادي قلت لخمسن و حدة و خمسين واحد يفهموها الموضوع بالذبت لاني كنت محروق لحد السنادي بس الحمد لله فهمت الموضوع و النار انتفت انت حاول تعمل كيده بالنسبة لاول واحدة :::: و بالنسبة ببتاعت النت خلاص يا صحبي طالما ده هيرضيها و انت اكيد تتمنلها الخير خلاص الهي عايزاه اعملوا و نصيحة يا صحبي متكتمش النار علشان هيجيلك لحظة فرقعة ممكن تعمل في نفسك حاجة علشان كيده حاول تفضفض و ارجع لاختراعاتك تاني علشان انا بحب الاختراعات و بحب الشخص الذكي :::::: و ربنا معاك

شكلها مشكلة طلبة كتير فى مصر

[ALFARES]

اولا يا اخ حسااااااام انا اخوك محمد انت كل مشكلك تنقسم ثلاث حاجات
1: انك كل مشكلك مع البنااااات وانت بتحس بيهم اوى اكترا ماهما حاسين بيك وازاى كل البنات اخواتك والدليل على عياطك وحزنك لما زعلت البنت انة مش اخوة بس او انت فى اعتقادك انة اخوة انما هى غير كدة ومكنش المفررررروض انك تكوون اسى علية للدرجادى
يعنى كان المفررررروض انك تعرفة بهدووء عجبنى فيك صارحتك مع اهلك وبزات ولدك الله يرحمة ويغفر لة حاسس من كلامك انه شخصية ممتاز ة جداااااااااا
متزعلش منى : حاول انك متفكرش فى الحاجات البسسيطة ديت ووبلاش تبقى حساس زيادة شوية وتهتم بناااس مش حسين بيك
وحاول تصالح البنت الاول لانة شكلة كانت بتحس بيك اووووووى

ارجوا انك متزعلش من كلامى اخوك محمد