|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#46
22-09-2008, 03:08 PM
|
||||
|
||||
اقتباس:
 طيب انتى مشفتيناش ؟؟ انا النهاردة كنت لابسة خير اللهم اجعله خير اسود فى اسود فى اسود  والطرحة رمادى  اه انا دخلت محاضرتكوا والدكتور بتاعكوا طردنا بالذوق ((شعبة فيزيا يلا بيتك بيتك  ))هو الكلام ده كان النهاردة ولا امبارح 
__________________
 ••• والعز كل العز في ايماني •••
|
|
#47
22-09-2008, 03:11 PM
|
|||
|
|||
|
بجد كان يوم جميل جدااا
الواحد كان تايه اوى مش عارف يروح فين ولا يجى منين كان مولد وصحبه غايب بس المهم سالنا بنات الحلال ودلونا على المدرجات واستنينا الدكاترة تدخل بس كان يوم كده تحسه انه مش طبيعى يعنى تعب وتراب وشمس بس مسيرنا هنتعود شكرا ليكى يابراءه على الموضوع الجميل ده ملحوظة تعرفى عضوة اسمها رحمة فى أداب ؟ |
|
#48
22-09-2008, 03:19 PM
|
||||
|
||||
|
اقتباس:
اصلنا طالعين من ثانوية وكده وزمانك مش متعود مسيرك هتتعود اخدت ايه بقي النهارده ؟؟ وايه حوار بنات الحلال دول كان ايه نظامهم  رحمة ؟؟؟؟ ايه الاسم اللى يضحك ده
__________________
••• والعز كل العز في ايماني •••
|
|
#49
22-09-2008, 03:28 PM
|
|||
|
|||
|
اخدت ايه ازاى
احنا هنكدب ونصدق الكدبة ولا ايه آخر تعديل بواسطة احمد رضا ، 26-09-2008 الساعة 07:54 PM |
|
#51
22-09-2008, 06:56 PM
|
||||
|
||||
|
لالالالالالالالالالالا
ريما مبينة نفسها بريئة زى اسمها ....................... اول يوم قضناها موبايلات انتى فين ....وقعدت اغلس عليها لما عرفت انها راكبة المترو وانا زيها قلتلها يبقى احنا مع بعض طلع الفرق بينى وبينها 6 محطات وانا بفضل قاعدة فى المترو 21 محطة ان لما تكن 23 محطة وكنت قاعدة هبقى عاملة زى مومياء نفرتيتى  الناس كلها داخلة خارجة داخلة خارجة وانا الوحيدة اللى ثابتة على حالى مبتغيرش الكرسى متغيرش قاعدة عليه 45 دقيقة فا طبعا خلاص طهقانة وانا وريما موبايلات والشبكة موبينيل فى اليوم ده كانت (ربش اوى) كانت واقعة بطريقة غبية بمجرد ما اقول احم...يفصل على طوول ........................... المهم المترو وقف وكلمت ريما ولا اقول (براءة) علشان دى هتطلع زى اسمها قلتلها استنينى قدام الجامعة بعد كده قلت لالا منتعبش البنية كلمتها تان قلتلها خليكى جوة انا هجى عند الكلية اتفقنا وكده ........ كان معايا واحدة عرفتها من المترو عمالة تبصلى تبصلى قلت معجبة بقى  كلمتها ومشيت معاها لغايت ما وصلت لجوة قلتلها بيتك بيتك هى طلع عندها محاضرات فى سنة تانية فمشيت (يتبع)
__________________
 عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#52
22-09-2008, 07:16 PM
|
||||
|
||||
|
(-2-)
رحت هناك عند الكلية بتاعتنا وما ادراكوا بالطريق الجامعة عندنا عاملة زى الكلمات المتقاطعة المكان اللى تمشى فيه مرة استحالة تمشى فيه تان مبيتعرفش اصلا ويا سلام بقى لو تهت هناك وسالت واحدة زى حلاتى رخمة اوى ................ كل ما امشى الاقى طلبة تسالنى هو فين كلية سياحة وفنادق انا قلت فى نفسى هى الجامعة كلها سياحة وفنادق ولا ايه قمت مرخمة عليهم وقلتلهم امشوا كده <---------- ---------------> معرفش بقى هما فهموا ازاى الاسهم لاقتهم بيشكرونى اوى وانا من جوايا بفرح اوى باول يوم كلوا بيبقى ماشى عامل زى الكتكوت التايه وانا ببقى غلسة اوى بتوههم بس مش اى حد لو اعرف المكان بقول غير كده بغلس وهما مش واخدين بالهم اصلا (لانهم مخدوش بالهم من اتجاه ايدى) المهم وصلت للكلية بتاعتى وانا وريما رنات هى عرفتنى انا معرفتهاش لانى كنت فاكرة انى هشوف واحدة بقى 13 سنة زى الصورة اللى شفتها سلمت على بنات اعرفها واحدة منهم عملت لاسمى (شو) لاقيت شغل اطفال رهيب زينب زينب (5 مرات) والله الطلبة كلها لاقتهم بيبصوا مين زينب انا اتكسفت اوى عملت نفسى مش واخدة بالى لاقتها قامت قايلالى ايه مش واخدة بالك منى الطلبة كلها بصة قلتلها انتى تعرفينى ؟؟ انا مش زينب النمرة غلط متحاوليش مرة اخرى وهزرت بعد ما اتفضحت  ولاقيت واحدة جت ورايا بتقولى ايه مش شايفانى كل ده طب مش سامعة الرنة بتاعتك وانا شغالة كنسلة انا قلت مين دى معجبة باسمى دى ولا ايه ؟؟ بدات اشبه عليها لغايت ما عرفت انها ريما بقى بسرعة وسلمنا على بعض فعلا زى ما هى قالت وكان معاها بنات سرحتهم ومشينا انا وهى (يتبع)
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#53
22-09-2008, 07:19 PM
|
||||
|
||||
|
اقتباس:
__________________
••• والعز كل العز في ايماني •••
|
|
#54
22-09-2008, 07:30 PM
|
||||
|
||||
|
اقتباس:
__________________
••• والعز كل العز في ايماني •••
|
|
#55
22-09-2008, 07:32 PM
|
||||
|
||||
|
(-3-)
ببص انا وهى على الجدول لاقيت ناس غريبة 4 واقفين عاملين زى السلم الموسيقى واقفين بترتيب طولهم من الاطول والاضخم الى الاقصر والمسلوع انا شفتهم اتخضيت غير كده الطلبة هناك طوووووووووويلة اوى تلاقى 7 طوال واقزام حواليهم والمنظر العام مش ظريف وعلشان اوصل للجدول لازم عملية انتحارية حد يفجر نفسه علشان الامم دى تبعد وتخلص حبة (كان نفسى كده حد ابن حلال زى اسلام (المرشد) يشخط شخطة يخليهم يختفوا) انا وريما بصينا لبعض مفيش امل انه يتنقل ده علشان يتنقل ونعبر وسط التتار ده محتاجين سلم مطافى ولا قمة الاهرامات علشان نشوف شكل الجدول بس مش يتنقل كمان وانا وهى اصلا كنا مكسلين نقلناه فى الاخر فيديو احدث طريقة فى تسجيل الجدول المهم سرحت انا وهى بقى فضلنا نمشى مع بعض ونرغى وماشيين ورا جروب كده بيدور على المعمل وانا وهى شغاااااااااال (رغى) مبيفصلش كاننا نعرف فعلا بعض من 20 سنة (يعنى اكبر من سنى وسنها) شخصية مرحة جداااا ولذيذة اووووووووووووووووى  المهم بعد ما لفينا كتيير ودخلنا بقى المحاضرة اولا مفيش دكاترة بتعبرنا كلوا كان لسه نايم محدش بيفكر انه يصحى المهم انا وريما قاعدين جنب بعض ريما بقى عملت ايه؟؟ لسه بعمل الموب (صامت) لاقتها عرفت اول مدرجين من قدام واول مدرجين من ورانا  كل ده فى 10 دقايق بس انا بصتلها استغربت طبعا اللى بيتعرف عليها انا كمان معاها واتغلنا رغى مع اللى عرفناهم وهى مكتفتش بيهم لسه كانت بتكمل باقى المدرج لولا بقى ان فى واحدة قالت ان بتوع قسم الفيزيا مش مكانهم هنا كانت عرفت المدرج كله وطلبة علوم كلهم اللى معانا واللى مش معانا خرجت انا وهى ورحنا للمعمل تقريبا هو يقال عليه معمل دخلت انا وهى وواحدة عرفناها من المدرج السابق قعدنا عادى على البنش لاقيت ريما واخدة الكرسى بتاعها ورايحة تقعد على البنش بتاع المعيدين وتنده عليا انى اققعد جنبها...ابدااااااااا فى الاخر هى اخدت الكرسى بتاعى وقعدتنى جنبها والمعيدات اشتغلوا رغى وفتحوا على السابع مع البنات وريما كل شوية فى النص تنط بسؤال وتنامبعدين تقولى انا عاوزة انام اقولها (مى توووووووو) جت واحدة صحبتها ودخلت هى مش عارفة ان اللى واقفين دول معيدات قامت معدية من وراهم وعدت من على البنش بتاعهم (يتبع)
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#56
22-09-2008, 07:52 PM
|
||||
|
||||
|
(-4-) قعدنا نتريق عليها هى فعلا مكنتش عارفة انهم معيدات فضلوا يرغوا يرغوا خلص المعمل الظريف بعد رغى والله كنت هصدع لانى مش كنت مركزة فى اى حاجة المعيدات كانت بتقولها وانا وريما كابس علينا النوم وعاوزين نرغى كتيير (دى كانت وظيفتنا فى الحياة) مشينا من المعمل ورحنا للمدرج تان بس واحد جديد الطلبة كانوا عاملين هجوم (ولا كان فى حد بيوزع هدايا ولا لحمة) الولاد والبنات زحمة بشعة وفعلا مفيش اى ولد مثلا يشوف بنات رقيقة(اللى هو احنا) يقول مثلا عدوا ...اتفضلوا لا دول بيزقونا علشان يدخلوا يحجزوا (ولا كانهم داخلين اتوبيس) المهم انا وريما فضلنا نبص لبعض عاوزين ندخل والباب اصلا ضيق اوى ميدخلش منه غير فرد او فردين (بس مسلوعين) ريما قالت مش هنفضل كده هى مسلوعة اصلا لاقتها بتخترق وانا ماسكاها لغايت ما دخلنا فعلا جوة اتنين صحابها (بقوا اصحابنا) قعدوا قدامنا وانا وريما مع بعض وراهم انا وريما شغالين رغى (وظيفتنا فى الحياة) قاعدين نرغى كتيير ....اللى قدامنا قالولنا بسسسسسسسسسسسسسسسسسس ايه ........... رغى رغى رغى اهدوا شوية اييييييييييييييه ده .... اللى جنبى ولدين واحد حط ايده على ودنه والتانى حط راسه على البنش والكشكول فوق راسه ..... اللى ورانا لاقتهم بيقولوا الصبر من عندك يااااااااااااااارب الرحمة من عندك !!!!!!!!!!!!!!! شككونا بجد ان احنا رغايين مع اننا متكلمناش فى اليوم ده غير اليوم كله كل ما نمشى فى حتة نفضل نتكلم بجد ريما شخصية ظريفة جدااا وانا مرتاحة معاها فى الكلام وكاننا اصحاب من زمان اصلا المهم فى المحاضرة مدخلش الدوك. كالعادة ودخلولنا اتحاد الطلبة 4 شباب واحد منهم خطب خطبة الجمعة التان اللى عاوز اى حاجة ساقعة بيبسى (كان بيقولنا يعنى اللى عاوز يعرف اى حاجة عن الاقسام يقول) التالت كان بيصلح المكرفون لان التان صوته كان مسلوع اووووووووى والرابع مش عارفة تقريبا كان بيوزع ورق علينا (يتبع)
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#57
22-09-2008, 07:56 PM
|
||||
|
||||
|
اقتباس:
__________________
••• والعز كل العز في ايماني •••
|
|
#58
22-09-2008, 08:21 PM
|
||||
|
||||
|
(-5-)
المهم خرجنا من المحاضرة اللى ملهاش اى معالم اصلا وكالعادة . . . . . . قعدنا نرغى واللى كانوا ماشيين معانا قالولى انى رغاية اوووووووووووى (هو انا كده)؟ قعدت انا وريما على جنب كده فى حتة ضل كان قدامنا بنااات وولد من على الحرف وجروب ولاد على بنات مع بعض على الجنب التان انا وريما شغالين رغى فوجئت ان البنات اللى قدامنا متابعين الحوار كله والله كانوا بيبصوا على بقى انا وريما واحنا بنتكلم علشان اللى ميسمعهوش يترجموه عن طريق طريقة كلامنا والولد برضه كان متابع الحوار الجروب الكوكتيل اتنين منهم فضلوا يبصولنا والغريب اللى مش فاهماه يمكن يكون تبع التطور ولا حاجة ان اللى بيبص بيبص من تحت لفوق (مش عارفة بقى ايه الحكمة فى كده) واللى بيبص خلاص بصة ودور على حد تان بقى لأ دى كانت كاميرات فيديو مش صورة وخلاص وبرده من تحت لفوق انا اتكسفت قعدت اقول فى نفسى هو احنا فينا حاجة غلط ولا ايه؟ تكنش الصورة عندهم معكوسة مش عندهم تجميع شبكية زينا .............. وفضلنا بقى نتكلم كتيير وننم على المنتدى والاعضاء الحلوين (اوعوا حد يسال مين علشان احنا مش هنقول)  جم البنتين اللى بيمشوا معانا وشافونى بتكلم لاقيت واحدة شخطت فيا قالتلى زوزو الرغاية افصلى انا صدعت منك (ازاى بقى وهى مكنتش بتمشى معانا) وعالم فضولية اوى. . . . . . عاوزة تعرف احنا بنتكلم فى ايه؟ ........... اااااه نسيت فى المعمل انا وريما قعدنا نتريق اوووووووووى لما لاقيت المعيدة بتقول:: هتجيبوا يا حلوين القلم الرصاص والاستيكة والكالكوليتور (الالة يعنى) والمقلمة والحاجات دى اللى هيجيى وحاجة ناقصة منه ميدخلش انا سمعتها بتقول القلم والاستيكة ومقدرتش اسكت قعدت اقول والزمزمية والسندويتشات والدريل (اصل فى واحد رخم اوووووووووووووى اتريق عليا وقالى كده) ومكنش عندى اى رد غلس عليه لما قالى كده (اول مرة ما الاقيش رد) مش فاكرة بقى تقريبا قعدنا نلف على اصحاب ريما علشان المدينة الجامعية وملحقناش نسلم على بعض سلام حار (بالشطة والفلفل) هى شافت التاكسى طارت يا دووب سلمنا كده اى حاجة ومشينا وكانت معاها صحبتها (يتبع)
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#59
22-09-2008, 08:53 PM
|
||||
|
||||
|
(-6-)
انا بقى يومى كان تكملته جمييل ركبت المترو وطبعا 23 محطة المهم نزلت فى نفس المحطة اللى ركبت منها ورجعت فى نفس الخطوات اللى رحت بيها للكلية المهم لاقيت اتوبيس مكتوب عليه . . . . . . . (منطقتى يعنى) سالت واحد كان واقف برة قلتله هو الاتوبيس ده رايح . . . . . ؟ قالى اه اركبى دخلت الاتوبيس سالت الناس : يا جماعة. .الاتوبيس ده رايح . . . .؟ قالولى اه اركبى قلتلهم ما انا راكبة هركب فين تان المهم لا قيت الاتوبيس بيفضى والطريق مش هو اللى انا كل مرة بشبه عليه قلت هو مش ده رايح . . . . . . ؟ لاقيتهم بيقولولى لا عارفين ترافل بقى لما حد بيضايقها بكون باردة شوية المرة دى لالالالالالالالالالا والله لو اقدر اولع فى الراجل والاتوبيس كنت عملتها زعقت فيه هو اتاسفلى على المعلومة الغلط طلع انه نزلنى فى قصر النيل يعنى مش طريقة خالص قلتله يعنى انت هتكمل تروح فين قالى هقف فى المحطة خلاص علشان اجهز الفطار قلتله اه يعنى انا مدعوة انى اجى افطر نزلنى هنا هو نزلنى عند المحطة وقالى اركبى كذا وهو هيوديكى للبيت قلتله اللهم انى صائمة ومشيت طبعا عقبال ما لفيت وعرفت انا فين وهمشى ازاى لاقيت اتوبيس مكتوب عليه . . . . . . سالت الاول هو الاتوبيس ده رايح . . . . قالولى اه قلت مش مصدقة المهم السواق هو اللى قالى بنفسه انا رايح . . . . اركبى المهم ركبت واحد قعد جنبى قلتله لو سمحت: هو الاتوبيس ده رايح. . . . ؟ قالى اه انا رايح كمان...(بصيتله وقعدت اضحك بس مع نفسى طبعا ..اممممم اتريقت عليه) قلتله طويب.... مكملتش 5 دقايق قلتله لو سمحت: هو الاتوبيس ده رايح. . . . ؟ قالى اه ما انا قلتلك انا رايح قلتله طويب بتاكد بس مكملتش 5 دقايق قلتله لو سمحت:هو الاتوبيس ده رايح. . . . ؟ قالى والله العظيم والله العظيم والله العظيم وربنا راااااااااااااااااااااايح قلتله خلاص ما انا عارفة انه رايح بس بتاكد (الراجل ولع شد شعره منى خلاص..لاقيته مشى ركب اتوبيس تان وواحد تان قعد)اشتغلت نفس الاسطوانة بس حظه مطولش معايا كتيير لان ماما طبعا لما عرفت انى تهت..كملت معايا موبايلات سبب انى كنت بعمل كده انى جالى شك رهيب من ساعة ما الاتوبيس الاول توهنى المهم: وانا نازلة خلاص لاقيت واحد قاعد على الحرف ونازل معايا بيقولى لو سمحت::هو الاتوبيس ده رايح . . . . ؟(وهو مبتسم) بصتله (ابتسامة السذاجة)...قلتله اتريق حضرتك ونزلت (مش معقولة يعنى ههزر معاه طبعا و غير كده هو اصلا كمان عامل زى الديك المنفوش) امممممممممممممممم هبقى اكمل بكرة بقى لحسن انا تعباااااااااااااااااانة اووووى تصبحوا على خير 
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#60
22-09-2008, 09:05 PM
|
||||
|
||||
|
زينب
إنتى رغاااااااااااااااااااااااااااااااااااااااااااااااا اايه أوى
__________________
 Always remember two things Don’t' take any decision when you are Angry Don’t' make any promises when you are Happy |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:13 AM.
