ضع سؤالك هنا ...وباذن الله تجد الاجابة الصحيحة

[Its My Life]

شكرا على الاجابه

[احمد الديب ( ابو زياد )]

بجد سؤال رائع ومميز فعلا بارك الله لكم

[ahmed_va15]

ضع صح او خطا
اذا توازى مستويان ووقع مستقيمين متوازيين فى كلا منهما فان هذين المستقيمان يكونان متوازيان

[الاستاذ على الدين يحيى]

المشاركة الأصلية كتبت بواسطة ahmed_va15

ضع صح او خطا
اذا توازى مستويان ووقع مستقيمين متوازيين فى كلا منهما فان هذين المستقيمان يكونان متوازيان

يا أحمد أكتب العبارة صح الأول
فكيف تعطى أن المستقيمين متوازيان وفى النهاية تقول أن هذين المستقيمن متوازيين ؟!!!

[طارق محمود على]

السلام عليكم

حضرتك وأنا بذاكر مذكرتك وقفت عند أحدى المسائل وعندى أستفسار





أريد أن أعرف يا مستر من أين حصلت على قيمة ال ( ى) ؟؟؟


ولو سمحت فى سؤال تانى




وشكراً لك يا مستر

[الاستاذ محمد سرور]

المشاركة الأصلية كتبت بواسطة طارق محمود على

السلام عليكم

حضرتك وأنا بذاكر مذكرتك وقفت عند أحدى المسائل وعندى أستفسار

أريد أن أعرف يا مستر من أين حصلت على قيمة ال ( ى) ؟؟؟

الزاوية بين الشرق والشمال = 90 درجة صح
طيب
ولما نيجى نقول اتجاه الشمال الغربى من غير ذكر زوايا
يبقى بنتكلم على زاوية 45 درجة

ويبقى الزاوية بين الشرق والشمال الغربى
= 90+45=135 درجة

ولو سمحت فى سؤال تانى

وشكراً لك يا مستر

عوض عن قيمة
ق1^2+ق2^2 = 34 من المعادلة الاولى
فى المعادلة التانية

فتبقى المعادلة التانية هى
34+ ق1 ق2 = 49
ومنها تجد ان ق1 ق2 = 15
ويبقى ق2 = 15/ ق1............. (3)
عوض بيها فى (1) لايجادمعادلة فى ق 1 ومنها اوجد ق 1 وبعدها عوض فى (3) لايجاد ق2

[الاستاذ على الدين يحيى]

جزاك الله خيراً يا أستاذ محمد سرور
وكلنا تحت أمرك ياطارق فى أى نقطة أو استفسار وفى أى وقت بإذن الله

[طارق محمود على]

جزاك الله كل خير يا مستر محمد
هى المعادلة بتتحل تمام بس فى مشكلة بيطلع أحتمالين :
الأحتمال الأول :
ق1 = 3 ، ق2 = 5

الأحتمال الثانى :
ق1 = 5 ، ق2 = 3

بينما المستر فى المذكرة معملش أحتمالين وطلع حل واحد وأنا بصراحة أتخنقت من المسئلة دى فياريت لو فى أجابة منطقية

[الاستاذ محمد سرور]

المشاركة الأصلية كتبت بواسطة طارق محمود على

جزاك الله كل خير يا مستر محمد

هى المعادلة بتتحل تمام بس فى مشكلة بيطلع أحتمالين :
الأحتمال الأول :
ق1 = 3 ، ق2 = 5

الأحتمال الثانى :
ق1 = 5 ، ق2 = 3

بينما المستر فى المذكرة معملش أحتمالين وطلع حل واحد وأنا بصراحة أتخنقت من المسئلة دى فياريت لو فى أجابة منطقية

طيب انا لو قتلتك دلوقتى تزعل منى
شوف يا طروق
هو مين اللى فرض القوتين ق1 و ق2
مش الطالب اللى بيحل
ولا هو اللى حطها فى المسألة

طبعا الطالب اللى فرضهم
وفى النهاية طلع اختيارين للقوتين
3 و5
او
5 و 3

يا سلام ماهو المفروض ان احد القوتين 5 وواحدة 3
مين بقى فيهم ق1 ومين ق2 مش مهم
المهم ان الاختيارين زى بعض 3 و 5

هه تحب اموتك ازاى

[الاستاذ على الدين يحيى]

المشاركة الأصلية كتبت بواسطة الاستاذ محمد سرور

هه تحب اموتك ازاى

أنا رأيى بالسكينة ..
لأن المشنقة عطلانة ومفيش مسدسات !!!
والراجل دة أتخنق قبل كلامنا يعنى مش حيؤثر فيه أى حاجة ....!

[طارق محمود على]

هههههههههههههههههههههههههههههههههههههههههههههههههه هههههههههههههه
ربنا يخليك يا مستر متشكر أوى على الرد وبعدين أنا لاحظت حاجة :
أن المستر كاتب جنبها :
باعتبار ان ق1 أكبر من ق2 !!!!!!!
عذراً الخطأ عندى وعلى العموم شكراً لكما

[theotherface]

اولا السلام عليكم

ديه اسئلة متنوعة وفيها بعض الافكار

1.اذاكان(س+ص ت)^5/1 =أ+ب ت اثبت ان
أ/س _ ب/ص=4(ب^4 _ أ^4).

(ملحوظة:5/1 معنها واحد على خمسة وليس خمسة على واحد وهكذا...)

2.يضخ الماء فى حوض فارغ طوله 120 سم بمعدل 60 سم3/دقيقة والمقطع القائم للحوض على شكل مثلث متساوى الساقين راسه الى اسفل. وارتفاعه يساوى30سم وطول قاعدته 30سم اوجدالمعدل الذى يرتفع به الماء فى الحوض عندما يكون ارتفاع الماء فيه 10 سم.

3.مثلث متساوى الاضلاع ضلعه ل يراد قطع مستطيل منه بحيث يقع راساه من قاعدة المثلث والراسان الباقيين على احد ساقى الثلث اوجد ابعاد المستطيل لتكون المساحة اكبر مايمكن

ارجو الجواب عليهم

مع تحياتى....

[الاستاذ على الدين يحيى]

السؤال الأول
نفرض أ = جتا هـ , ب = جا هـ
ثم س + ت ص = ( جتا هـ + ت جا هـ )^5
ونحسب س , ص ثم نعوض بكل طرف يطلعوا متساويين

السؤال الثالث
يعتمد على التشابة ثم نكمل الاشتقاق

[غازى عبداللا]

حل مسألة الحوض


الحل فى الملف المرفق

[الاستاذ محمد سرور]

[



2.يضخ الماء فى حوض فارغ طوله 120 سم بمعدل 60 سم3/دقيقة والمقطع القائم للحوض على شكل مثلث متساوى الساقين راسه الى اسفل. وارتفاعه يساوى30سم وطول قاعدته 30سم اوجدالمعدل الذى يرتفع به الماء فى الحوض عندما يكون ارتفاع الماء فيه 10 سم.




وقف الحوض واعتبره زى الاسطوانة بس القاعدة بتاعته على شكل مثبث متساوى الساقين (( يعنى حيبقى منشور ثلاثى قاعدته مثلث متساوى الساقين ))

ويكون ارتفاع المثلث يمثل عمق الحوض وهو بشكل افقى
ويكون ساقى المثلث هما جانبى الحوض
وتكون قاعدة المثلث هى عرض الحوض
طيب ايه هى 120 .. دى بقى حتكون ارتفاع الحوض
والمطلوب منك يا بطل ايجاد معدل تغير ارتفاع المثلث اللى هو عمق الحوض

يلا بقى حجم الحوض يساوى ايه

مظبوط
= مساحة القاعدة ( المثلث ) فى الارتفاع (طول الحوض = 120 )
افرض ان ارتفاع المثلث = س ... اللى هو بيعبر عن عمق الحوض وحيكون هو المتغير الوحيد والباقى ثوابت

الحجم = 1/2 طول القاعدة فى الارتفاع(للمثلث ) س فى الارتفاع للحوض = 120

يلا بقى كمل زى الشاطر وقول وصلت لحد فين

بس ما تنساش تعدل الحوض بعد ما تخلص المسألة