|
|
|
#1
20-08-2009, 08:54 PM
|
|||
|
|||
مش عارفه بصراحه اذا كان ينفع الانسحاب و لا لأه خصوصا بعد امتحان الميد تيرم ...... بس جيت على الاخر و بتفكر تنسحب يا فوكس ...طيب ليه ؟!! مش باقي كتييير يعني ..دول هما كلهم محاضرتين في الميكانيكا .... و بعدين ما انا كمان باخد سامر كورس في الميكانيكا .. و امتحان الميد تيرم كان حلو اوي بصراااحه ..و سهل جداااا ..و على فكرة بيجيبوا الامتحانات سهله في السامر كورس ..يعني ان شاء الله تقديرك مش هينزل و لاحاجه .. بالعكس ممكن يزيد.....
طيب و حتى لو هتنسحب يعني ...مهو لازم تاخد الميكانيكا 2 و البحته ..اذا مش في الصيف ده يبقى في التيرم الاول في السنه الجايه...وكده المواد هتزيد عليك ...من رايي تكمل... و الامتحانات هتبتدي يوم السبت 29 ,, الجدول نزل و متعلق في الكليه 
|
|
#2
21-08-2009, 06:11 PM
|
||||
|
||||
|
ياجماعة انا عندى شوية اسئلة
انا داخل لسه اولى علوم ونفسى ابقى مهندس بترول فقالولى عليك وعلى شعبة الجيولوجيا وقسم الجيو فيزيا القسم ده جامد وحيدخلك اللى انت عايزه وساألت عليه ناس تانية وقالولى شعبة الجيولوجيا دى شعبة وحشة والناس اللى مش بتذاكر بتخشها هل الكلام ده سليم........؟ وفى سؤال لاستاذةnogha بعد اذنك هو فرق الدرجات بينك وبين علوم اسكندرية كان اد ايه لما حولتى علشان انا جتلى علوم طنطا وفرق الدرجات بينى وبين اسكندرية درجة ونص ومش عارف ححول ولا لآ..................؟
__________________
يارب ذهب رمضان وذهبت الايام واليالى ولم يبق لنا سواك فندعوه ونرجوه ونتوب اليه
|
|
#3
21-08-2009, 07:04 PM
|
||||
|
||||
|
بعد اذنك يا perfect girl انا ممكن ارد على اسألتك انا معاكى ف علوم اسكندرية و داخلة تانية ان شاء الله قسم علوم طبيعية
الاول بس احب اقولك ان الفيزياء ف قسم علوم طبيعية تعتبر كانت من اسهل المواد عندنا و باجماع من الطلبة كلها و ممكن اى حد يقولك الكلام ده ف متقلقيش منها لو انتى عايزة تدخلى علوم طبيعية ثانيا الكيمياء مادة مشتركة بين اقسم الكلية التلاتة بيولوجى و جولوجيا و علوم طبيعية يعنى واحد ف التلاتة مفيش فرق و اللى انا اعرفه ان فيه كيمياء سبشيال من علوم طبيعية بس مش عارفة موجود ف جولوجيا ولا لأ ثالثا بقا لو انتى عايزة تدرسى حاجة ليها علاقة بالبترول و كده يبقى مفيش ادامك غير قسم جولوجيا و بردوه حتلاقى حاجة تخص الكيمياء و الكيماويات ف جولوجيا علوم طبيعية مفيهوش حاجة للبترول بس متعمق ف مجال الكيمياء و الكيمياويات و لو دخلتى علوم طبيعية ف المواد اللى حتدرسيها هى كيمياء - فيزياء - رياضة بحتة - رياضة تطبيقية ( الميكانيكا ) - لغة انجليزية - حقوق انسان ده ف الترم الاول ف الترم التانى حتدرسى كيمياء - فيزياء - بحتة - تطبيقية - كمبيوتر ( برمجة ) - و مادتين اضافتيتن تختاريهم انتى من مجموعة مواد اضافية .. انا عن نفسى كنت اخده برمجة اضافى و لغة عربية يا رب اكون عرفت افيدك و لو في حاجة تانية عايزة تسألى فيها اتفضلى اسألى
__________________
|
|
#4
22-08-2009, 05:09 PM
|
||||
|
||||
|
اقتباس:
طب موضوع ان الكمياء مشتركه ده
 يعنى قسم اسبيشال ده متاح لكل الاقسام بيولوجى وجيولوجيا بصى يا ستى انا برضه سمعت كلام مش حلو عن جيولوجيا يعنى ناس قالولى ان الطلبه فيه مش يامه ولازم وسطه فى الشغل وكمان خوفونى علشان مش اخدت جيولوجيا قبل كده بس ده مش مهم لان كل الطلبه زى اول مره ياخدوها انا حابه اعرف منك طلبه علمى رياضه الى فى جيولوجيا بيحسوا بصعوبه فى الحيوان والنبات !! اصل الاحياء دى اكتر ماده بكرها
__________________
|
|
#5
21-08-2009, 07:11 PM
|
||||
|
||||
|
بص يا وليد الكلام اللى انت سمعته عن قسم جولوجيا انه وحش و بيدخله الناس اللى مش بتذاكر ده بردوه نفس الكلام اللى سمعته لما كنت داخلة الكلية بس حاقولك على حاجة اللى عايز يذاكر حيذاكر وهو ف اى قسم و ملهوش دعوة بالناس اللى حواليه المهم هو حابب ايه و عايز يكون ايه ... لو انت فعلا عايز تبقى مهندس بترول مفيش غير قسم جولوجيا اللى ينفع تدخله و ربنا يحققلك حلمك ان شاء الله بس انت اجتهد و ذاكر من الاول
بالنسبة لسؤالك التانى انا كان معايا ناس صحابى السنة اللى فاتت جايبين 86% و حولو اسكندرية و انا كنت جايبة 90% و قبلت اسكندرية من الاول يعنى فرق الدرجات كبير متقلقش نفسك انت س و ان شاء الله حتبقى معانا ف اسكندرية ربنا يوفقك
__________________
|
|
#6
21-08-2009, 09:56 PM
|
|||
|
|||
|
السلام عليكم يارب تكونوا جميعا بخير وكل سنة وانتم طيبين ........ هو بجد الامتحانات هتبتدي 29 مش قالو 3\9 ولا ده علوم طبيعيه وياريت لو حد يعرف امتحان نبات 2 امتي يقول لاني بقالي مرتين مرحتش ومعرفش غير ميعاد امتحان العملي
|
|
#7
21-08-2009, 11:06 PM
|
||||
|
||||
|
اقتباس:
 انتى بتحبى الرياضة يعنى ممكن علوم طبيعية بس فنفس الوقت عيزة بترول و كدة يبقى جيولوجيا و خلى فبالك ان اقتباس:
اقتباس:
و الله ال3 اقسام فالكلية محدش يقدر يقول عليهم انهم وحشين طبعا الكلام ده مش سليم و انا ليا صديقات فجيولوجيا و ما شاء الله اوائل على دفعة الجيولوجيا فأكيد فيهم الشاطر و فيهم اللى غير كدة زى اى قسم تانى دى ترجع للشخص نفسه و الله توكل على الله و متسمعش كلام حد استخير ربنا و اعمل اللى ترتاحله و ربنا يقدم اللى فيه الخير اقتباس:
يعنى 0.7 درجة على ما اظن فى الحدود دى بس على فكرة معايا وحدة صاحبتى كانت جايبة 82% و جاتلها مش فكرة علوم ايه بس حاجة فى الصعيد يعنى و حولت من عالنت و جابت اسكندرية برده عادى خالص الفرق عندك مش كبير خالص و ان شاء الله يتقبل التحويل هى نتيجة التحويل امتى ان شاء الله؟ ياريت تبقى تطمننا
|
|
#8
21-08-2009, 11:10 PM
|
||||
|
||||
|
اقتباس:
كل سنة و الجميع طيبين و بخير ان شاء الله لما اشوف الجدول حبلغ حضرتك بس انا فيه وحدة زميلتى عندها امتحان يوم الاتنين نبات 2 بس مش عرفة بصراحة نظرى و اللا عملى و اللا ايه بالضبط اللى اعرفه ان مدخل قانون يوم 30 و اللى فهمته ان نهاية الامتحانات حتكون 3/9 او 5/9 عالعموم اى معلومة حعرفها حقولها ان شاء الله
|
|
#9
21-08-2009, 11:50 PM
|
||||
|
||||
|
بجد انا عاجز عن شكرى ليكم
اوجه شكرى الحار الى الاستاذة nogha والى الاستاذة lovely girl بجد انا مش عارف اشكركم ازاى على مساعدتكم وان شاء الله النتيجة يوم السبت او الاحد وباذن الله حطمنكم اول لما تطلع ويارب اروح معاكم اسكندرية وشكرا تانى
__________________
يارب ذهب رمضان وذهبت الايام واليالى ولم يبق لنا سواك فندعوه ونرجوه ونتوب اليه
|
|
#10
22-08-2009, 02:47 PM
|
||||
|
||||
|
لافلي جيرل .. انتي قولتي ان علوم طبيعية ملهاش علاقة بالبترول .. كلامك مش غلط بس عايز اوضح حاجة.
البترول مجالين .. تنقيب و استخراج .. و تكرير و بتروكيماويات. التنقيب مش بيحتاجو فيه بتوع كيمياء الا قليل اوي عشان بيبقى في مختبر...و بتوع الجيولوجيا احسن في المجال ده. التكرير و البتروكيمياويات ده بتاع الكيمياء و باين من الاسم .. و بالنسبة للسبيشيال في من كل الشعب. آخر تعديل بواسطة محمد.فوكس ، 22-08-2009 الساعة 02:50 PM
|
|
#11
22-08-2009, 03:57 PM
|
|||
|
|||
|
اقتباس:
|
|
#12
22-08-2009, 05:18 PM
|
||||
|
||||
|
اقتباس:
والله انا يوم بعد يوم
بيزيد احترامى للكليه دى  بس انا كده محتاره حد يفدنى بالله عليكوا جيولوجيا ده فيه بنات!!
__________________
|
|
#13
22-08-2009, 03:16 PM
|
||||
|
||||
|
اقتباس:
و اى حاجة عايز تعرفها اسأل اقتباس:
انا فعلا مكنتش اعرف الحاجات اللى انت قولت عليها شكرا 
__________________
آخر تعديل بواسطة l0vely girl ، 22-08-2009 الساعة 03:19 PM
|
|
#14
22-08-2009, 06:07 PM
|
||||
|
||||
|
انا برضه من فترة كنت بسأل الاستاذ زيزو 1900 على مجالات الفيزياء لأني في انتظار اعرف هدخل قسم ايه و الفيزياء محتملة.
طبعا لازم نبقى عارفين اننا عشان في دولة مش بتهتم بالبحث العلمي. يبقى قسم زي ده مجالاته قليلة .. و هي حاجاة زي مراكز البحوث و اعتقد مش اي حد يعني لازم تفوق..و معامل الاورام و غيرها على اجهزة الاشعة .. و اعتقد ان لو حد فيزياء و هو من ابناء العاملين ممكن يشتغل في شركات بترول و غيرها , عشان انا شوفت واحد قسم حيوان سبيشيال و بيشتغل في بترول و قال انه ابناء عاملين,يبقى الفيزياء اولى من الحيوان. و لما ربنا ينفخ في صورتنا و نعمل مفاعل في مصر يمكن ياخدو الفيزيائيين و الكيميائيين و المهندسين النووين(عددهم قليل)... مع ان شركة اجنبية هي اللي هتعمله مش عارف هل المسؤولين في مصر هيثقوا في المصريين انهم يشتغلوا في المفاعل .. ولا هتشتغل عقدة الخواجة.. و لو مخدوش المصريين سواء مهندسين او علميين يبقوا بيعترفوا ان ناظم التعليم في مصر فاشل بدليل انهم مش بيستعينوا بالخريجين من جامعات مصر. آخر تعديل بواسطة محمد.فوكس ، 22-08-2009 الساعة 06:11 PM
|
|
#15
22-08-2009, 06:20 PM
|
|||
|
|||
|
اقتباس:
وبالنسبه للفزيا شغلها بتقي بحث علمى وممكن تبقي اخصائي اشعة وتشتغل في المستشفيات والمعامل وكدة وفيه دبلومة فزياحيويه في علوم القاهرة تقدر بعدها تبقي اخصائي اشعه ووممكن تفتح مركز اشعه باسمك ودة رابط لاخصائي الاشعه من العلميين http://clinicalanalysis.healthgoo.com/montada-f34/
|
 |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 06:43 PM.
