تعالوا نرتقى شوية بمنتدى الفيزياء...ونختبر بعض

[dr.saeed]

المشاركة الأصلية كتبت بواسطة dr.boggy

سوف اتلقى اجابات اسلام وانس ونوبل العرب وفتى الازهر باذن الله
نبتدى على بركة علل:
فى تجربة الشق المذدوج لينج يجب ان تكون المسافى بين كل شق وبين الشق فى الحاجز الاول متساوية.؟
عرف صدر الموجة؟
م الفرق بين النغمات التوافقية والنغمات المتوافقة؟
مالعوامل التى تتوقف عليها:تردد الوتر المهتز على هيئة موجات موقوفة؟
ما العلاقة بين كل من معامل الانكسار والكثافة الضوئية والطول الموجى وسرعة الضوء فى الوسط؟
منتظر الاجابات وتعريف صدر الموجة اسنتاجى وغير مكالبين بيه بس لازم نكون عارفينه عشان نفهم تجربة توماس ينج صح
والله الموفق
فى امان الله

المشاركة الأصلية كتبت بواسطة dr.boggy

الاجابة
السؤال الاول حتى تصل للشق المودوج امواج الضوء لها نفس التردد والسعة ولها نفس الطور وبالتالى تعمل عمل المصادر الضوئية المترابطة
صدر الموجة هو المستوى الذى تكون جميع نقاطه متساوية فى الطور ويكون عمودى على اتجاه انتشار الموجة
الفرق هو ان النغمات المتوافقة يكون التردد فيها متقارب بينما فى التوافقية يتساوى التردد
بزيادة معامل الانكسار تزداد الكثافة الضوئية وتقل سرعة الضوء لقلة الطول الموجى
منتظر امناقشة فيها ودة هايكون نظامنا عشان اضع غدا بقية الاسئلة

المشاركة الأصلية كتبت بواسطة إسلام هولمز

بزيادة معامل الانكسار تزداد الكثافة الضوئية وتقل سرعة الضوء لقلة الطول الموجى


أولا الكثافة الضوئية هي قدرة الوسط على كسر الأشعة الضوئية...فأكيد لما معامل الانكسار لوسط كبير..يبقى قدرته على كسر الأشعة كبيرة برده

بعد كده معامل الأنكسار بيتناسب عكسيا مع الطول الموجي...والحتة دي هتلاقيها في الكتاب في جزئية المنشور الرقيق تقريبا...وبكده بزيادة معامل الإنكسار يقل الطول الموجي

بعد كده انت عند العلاقة بتقول "سرعة الموجة = الطول الموجي × التردد" ...يبقى السرعة بتتناسب طرديا مع الطول الموجي عند ثبوت التردد ، وكده كده التردد ثابت لان الموجة متغيرتش...ومدام الطول الموجي قل يبقى السرعة هتقل برده.

والسلام عليكم ورحمة الله وبركاته

المشاركة الأصلية كتبت بواسطة dr.boggy

انت لما تشوف تعريف كل واحدة هاتلاقى ان التوافقية الى هية الموقوفة تنشا مت تركب حركتين موجيتين متساويتين فى لتردد
بينما المتوافقة(الضربات) متقاربتين فى التردد
ودى حتة تايهة فى الكتاب المدرسى
انتظروا السبت الاسئلة المميزة
بس انت اول سؤال عندك غلط لانه بيحصل تداخل هدمى وبناء
والسلام عليكم

المشاركة الأصلية كتبت بواسطة Nobel

انا اسف يا جماعة كان عندى امتحانات احياء فماقدرتش اخش واحل
بس عندى
علل
تمثل الموجات المستعرضة بمنحنى جيبى؟
وياريت حد يجاوبنى عشان السؤال ده خنقنى وماشفتوش قبل كده

المشاركة الأصلية كتبت بواسطة dr.boggy

لان كل جزء من اجزائها يقوم بحركةتوافقية بسيطة فى الاتجاه الراسى

المشاركة الأصلية كتبت بواسطة إسلام هولمز

على فكرة هي هتبقى بعد الظهيرة لكن مش علشان سطوع الضوء

هو الراجل كان متجه شرقا ...وشاف قوس قزح...يبقى قوس قزح ظهر جهة الشرق...يبقى الشمس كانت جهة الغرب...يعني أثناء فترة الغروب أو قبلها بشوية

المشاركة الأصلية كتبت بواسطة dr.boggy

تشرفنا يا اخ محمد طب خد انت السؤال دة ما الفرق بين قوة الرفع للبالون 20 نيوتن وقوة الدفع للبالون 20 نيوتن
ما الفرق بين kg/m.s , kg/m.s2

المشاركة الأصلية كتبت بواسطة dr.boggy

لا دة عشان محمد بس
ماذا نعنى بقولنا ان فرق المسير بين موجتين متداخلتين يساوى 2.5 لامدا؟؟؟؟؟؟؟؟؟؟؟؟؟؟؟السؤال دة حلو

المشاركة الأصلية كتبت بواسطة dr.boggy

ماذا نعنى ان سعة الاهتزازة لموجة مستعرضة 10 سم
تردد موجة مستعرضة 20 هرتز

المشاركة الأصلية كتبت بواسطة إسلام هولمز

يجب توافر مسافة معينة بين مصدر الصوت والسطح العاكس(لا تقل عن 17 متر) حتى يمكن تمييز صدى الصوت لأن الإحساس بالصوت في الأذن يستمر لمدة 0.1 ثانية ...فاذا كانت المسافة اقل من 17 متر فان الفارق بين الصوت الأصلي وصدى الصوت يقل عن 0.1 ثانية مما يؤدي إلى امتزاج الصوت الأصلي بالصدى فلا يمكن تمييزه

انا عملتهم هنا تانى عشان الناس الى دخلت جديدة
فى امان الله

[dr.saeed]

كل يوم الاسئلة
والباب لمدة اسبوع
السؤال الاول قربتوا من اجابته النموذجية ننتظر الباقى

[إسلام هولمز]

المشاركة الأصلية كتبت بواسطة saeed_2015

كل يوم الاسئلة
والباب لمدة اسبوع
السؤال الاول قربتوا من اجابته النموذجية ننتظر الباقى

يا عم قول الإجابة محدش واخد منها حاجة...بس أهم حاجة يكون فيه إختلاف فعلا ومفيد...يعني دي فيزياء مش تاريخ...يعني مش لازم تحفظ الإجابة بنصها...ده غير إن السؤال مش من منهجنا أصلا يعني للفهم وبس وبالتالي ادينا بنقول اللي فاهمينه:D

[إسلام هولمز]

بسم الله الرحمن الرحيم

معايا شوية أسئلة هما مش صعبين لكن حلوين وهيعجبوكوا ان شاء الله

ما المقصود بكل من التضاغط ، القمة

علل : أ) تنتشر موجات الماء عند السطح مستعرضة بينما تكون طولية عند القاع...وأيهما أسرع ولماذا

ب)ينتشر الصوت في الهواء على شكل موجات طولية فقط

ج) يمكن أن تلحق النبضة الثانية لوتر النبضة الأولى لوتر اخر مثبت طرف كل منهما في حائل ويقوم شخص بشد طرفيهما الاخرين

د) يمكنك رؤية وجهك على زجاج نافذة حجرة مضيئة ليلا وخارجها ظلام ولكن يصعب ذلك نهارا

هـ) يتألق الماس بشدة أكبر من الزجاج

ز)عند وضع مصدر ضوئي أزرق اللون في مركز مكعب مصمت من الزجاج يواجه كل وجه من أوجهه الجانبية حائل أبيض تظهر بقعة مضيئة دائرية على كل حائل وعند استبداله بمصدر احمر اللون تغير شكل البقعة المضيئة لمربع

كفاية عليكوا وعليا كده.

والسلام عليكم ورحمة الله وبركاته

[dr.saeed]

المشاركة الأصلية كتبت بواسطة إسلام هولمز

يا عم قول الإجابة محدش واخد منها حاجة...بس أهم حاجة يكون فيه إختلاف فعلا ومفيد...يعني دي فيزياء مش تاريخ...يعني مش لازم تحفظ الإجابة بنصها...ده غير إن السؤال مش من منهجنا أصلا يعني للفهم وبس وبالتالي ادينا بنقول اللي فاهمينه:D

مين الى قال ان هو مش فى المنهج اصلا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[dr.saeed]

الفرق ان ترتيب هذا التداخل هو التانى لان ماذا نعنى لازم تجيبه من القانون وانا ماقولتش ان الفيزياء حفظ وانا بفهم يعنى والحمد لله

[dr.saeed]

دى اخر اجابة هاكتبها وهاعمل زى ماقولت ان الى حاول بس هابعتله الااجبة قبل ما احط الاسئلة التانية
فى امان الله

[dr.saeed]

من الاخر دى زى مثلا مالدكتور هشام بيضع اسئلة النابغين يعنى فى المنهج وممكن تيجى كمان بس مش اى حد يعرف يجاوب عليها

[إسلام هولمز]

يا خـــبــــــــــر ...ياعم دا انت مخك راح لبعيد أوي....يا بني انا مقصدش اللي انت فهمته ده...وطبعا عارف ان انت بتفهم وواضح جدا كمان ، أنا ما قولتش حاجة ..وانا لما قولت ( مش لازم تحفظ الإجابة بنصها ) مش قصدي عليك إنت بالذات...أنا قصدي إن الطالب بيفهم الإجابة وبعد كده ممكن يعبر عنها بأسلوبه....وأنا قصدي مش في المنهج يعني مالهاش تعريف محدد ثابت في الكتاب إنما ده إنت بتستنتجه حسب فهمك إنت لكن طبعا ممكن تيجي في الإمتحان إيه المانع يعني

يا سعيد أنا معجب بيك جدا وفعلا واضح إنك حليت كتير ومتمكن من المنهج زي ما بدأت موضوعك ...وإن كنت إنت فهمت حاجة غلط فأنا أسف ياعم...وأدي راسك أبوسها ((بوسة))

[dr.saeed]

حصل خير
فى امان الله

[إسلام هولمز]

بسم الله الرحمن الرحيم

السلام عليكم ورحمة الله وبركاته

خلاص محدش يستناني وتبقوا تحطوا الاجابات بعد كده لما الباقي يخلص...أنا خلاص ده اخر يوم ليا في المنتدى إن شاء الله وغالبا مش هدخل تاني...خلاص الإمتحانات على الأبواب ومش فاضل غير شهرين

بس قبل ما امشي ياريت محدش يزعل مني سواء في الموضوع ده أو في قسم الفيزياء أو حتى في المنتدى كله...واللي زعلته في حاجة اديني باعتذر اهه.

والسلام عليكم ورحمة الله وبركاته

[ahmasd]

elsakka_ahmad@yahoo.com

[dr.saeed]

بص يا اخ الموضع شبه ميت هاتلى ايميلك واحنا هانتصرف مع بعض

[Dr.Nobel]

المشاركة الأصلية كتبت بواسطة saeed_2015

بص يا اخ الموضع شبه ميت هاتلى ايميلك واحنا هانتصرف مع بعض

شكرا اووووووووووى يا سعيد

[dr.saeed]

انت تعلم ان وضع الاسئلة بياخد وقت ومافيش غير اتنين بيشاركوا وواحد قال اليوم ماعتش هشارك
ممكن ندخل مع بعض احنا على الياهو وننظم العملية وانت تكون معانا