مسابقة البقاء للاقوي للصف الثالث الاعدادي( الدخول للكبار فقط )

[استاذ احمد عادل]

بسم الله الرحمن الرحيم

مسابقة البقاء للاقوي

للصف الثالث الاعدادي

واحد يقولي

يعني اية يا مستر

اقولك

يعني الولاد تحط سؤال صعب للبنات والبنات تجاوب علية

وتاني يوم البنات تحط سؤال صعب للولاد والولاد تجاوب علية

وبعد اسبوع نعرف مين اللي حل صح وميين اللي فاز

بس خلي بالك من شروط المسابقة

1. مدة كل سؤال يوم فقط يبدء من 12 بالليل وينتهي 12 بالليل تاني يوم
2. المستر هو اللي هيحدد ميين يبدء بالسؤال يعني الولاد والا البنات
3. محدش يكتب السؤال غير لما المستر يعمل مشاركة ويكتب فيها ابدء بكتابة السؤال الجديد
4. مدة المسابقة 6 ايام فقط
5. الاسئلة اللي الناس تجيبها تكون من امتحانات السنين السابقة فقط ( علشان محدش يألف اسئلة )
6. الاسئلة تشمل الجبر والهندسة
7. لو البنات جااااوبو علي سؤال البنات مليش دعووووووووووووووووووه ونفس الكلام للولاد
8. لو الولاد كتبوا اكتر من سؤال .... البنات تحل اول سؤال بس ...... ونفس الكلام للولاد
9. الاسئلة هتكون سؤال للولاد وتاني يوم سؤال للبنات
10. الناس كلها تحل مش واحد بس
11. لو في الاخر حصل تعادل يبقي هنشوف في كام بنت حلت الاسئلة كلها وكام ولد حل الاسئلة كلها والاكتر هو الكسبان

اما بقي بالنسبة لجوائز المسابقة

الحقيقة
.
.
.
.
مفيش جوائز

طبعا اتخنقتم

لا في جوائز بس صدقوني هتكون مفاجاة