بيت الحب يا بيتنا

[الرهينه]

المشاركة الأصلية كتبت بواسطة ضياء الدين سعيد

والله مشتاقين إننا نعرف أخرها
يا ريت يا جيجى
بعد إذن سيادتك بسرعه بقى

ممممممممممم افكر
ههههههههههه
يا سلام انت تأمر يا مسيو:D

المشاركة الأصلية كتبت بواسطة nada hosam

قصه جميله جدا

بس بجد يا جوجو عايزين الباقى

انتى بتزلينا ولا ايه الحكايه ولا مفيش باقى اصلا

فى انتظار البقيه وياريت فى اقرب وقت

حتى انت يا بروتس
متقلقيش يا جميل من ناحية ليها تكمله فهى ليها
وان شاء الله هنزل الحلقه الجديده ع طووووووول:D

[The Happy Angel]

نفسي اعرف علي طول دا امتي

[nada hosam]

جوجو حبيبى الباقى النهارده صح

بلاش تقولى لا عشان خطرى

انا مش عارفه انتى بتعملى كده ليه

بس اكيد عشان يبقى الموضوع ممتع صح

انا متشوقه للباقى جدا

يالا يا جميل فى انتظار الباقى النهارده وياريت دلوقتى

[الرهينه]

يلا هيصوا اى خدمه بس على فكره دى مش كامله خالص بس هكملها على طول ان شاء الله:D

تك تك .. تك .. تك تك .. تك

كان هذا صوت القلم في يد حسناء ..

الثالثة صباحا ..

وهي تجلس في غرفتها والجميع نيام ..

تتربع على سريرها و تحدق في جهاز الهاتف الموضوع أمامها ..

كانت طريقة نظرتها للهاتف تبعث الضحك ..

فهي لم ترفع عينها عنه منذ ربع ساعة كاملة ..

كانت متوترة ..

وأحسنت في التعبير عن توترها ذاك بطقطة القلم في يدها باستمرار ..

تفتحه وتغلقه .. مرارا وتكرارا ..

تك تك .. تك .. تك تك .. تك ..

دائما كان هذا الصوت يزعجها .. لكنها الان لا تشعر به ..

ترر..........

رفعت السماعة قبل أن تكتمل الرنة حتى ..

جاءها صوت رفيع للغاية ..

في الحقيقة هو صوت خشن يحاول أن يكون رقيقا ..

- الووووو .. حسناء موجودة ؟؟

ضحكت حسناء حتى ارتمت على ظهرها على السرير ..

- انت مش هتبطل الشويتين بتوعك دول ؟؟

اعتدل الصوت .. عاد كما كان ..

صوتا هامسا ..

- بحب أطمن بس ..

- كل مرة تعمل نفسك صاحبتي .. قال يعني فيه حد هيكلمني الساعة تلاتة ..

والمشكلة انك مش بتعرف تقلد صوت بنت ..

- ما انتي معلمة بليدة .. مش عارفة تعلميني كويس ..

ضحكت .. وضحك ..

- بس انا زعلانة منك ..

- مني أنا ؟؟ أنا عملت ايه ؟؟

[The Happy Angel]

علي فكره يا جهاد مش هينفع كدا انا معاايا باقي الحكايه لو مش هطحتيها انا هكملها

[الرهينه]

المشاركة الأصلية كتبت بواسطة The Sad Angel

علي فكره يا جهاد مش هينفع كدا انا معاايا باقي الحكايه لو مش هطحتيها انا هكملها

ولما هى معاك مستنى انى اكملها ليه ؟
والله يا جماعه انا بحاول انزلها بس حظكوا بقى كل اما انزلها النت يفصل
على العموم انا هنزلها ف اقرب وقت ان شاء الله

[nada hosam]

بجد انتى حرام عليكى يا جوجو

انتى تقصدى تزلينا بجد

ماتخلصى بقى وكملى هو فى ايه

بصراحه انا بدائت امل من الموضوع ده

[sweety girl]

بت يا جيجو نزليها بقى الناس عايزاها والا هيضربكو

وانا مش عايزه انا قرياها كلها يا اوختشى

تحبو احرقهالكو

[فارس الأحزان/ضياء الدين سعيد]

إحنا هنلعب بقى
كملى يا جيجى ويا ريت على طول
اوكى
علشان القصه التانيه اللى هتكتبيها
ههههههههههههههههههههههههه

[الرهينه]

المشاركة الأصلية كتبت بواسطة nada hosam

بجد انتى حرام عليكى يا جوجو

انتى تقصدى تزلينا بجد

ماتخلصى بقى وكملى هو فى ايه

بصراحه انا بدائت امل من الموضوع ده

انا قاصده ازلكوا ؟انتى تعرفى عنى كده برده؟
انا زعلانه على فكره
بس انا قولتلكوا والله غصب عنى مش بمزاجى يعنى
وبعدين زى مانتى قولتى ممكن كده تملوا من الموضوع يعنى ده مش ف صالحى

المشاركة الأصلية كتبت بواسطة dark_angel

بت يا جيجو نزليها بقى الناس عايزاها والا هيضربكو

وانا مش عايزه انا قرياها كلها يا اوختشى

تحبو احرقهالكو

يا اوختشى ؟
بت انتى بطلى رخامه احسنلك ماشى

المشاركة الأصلية كتبت بواسطة ضياء الدين سعيد

إحنا هنلعب بقى
كملى يا جيجى ويا ريت على طول
اوكى
علشان القصه التانيه اللى هتكتبيها
ههههههههههههههههههههههههه

:D:D
اتس اوك مسيو
حرقتلى المفأجه بس مش مشكله ولا يهزك

[الرهينه]

- اتاخرت المرة دي نص ساعة بحالها ..

صمت ولم يرد ..

- ينفع كدة يعني خليتني على نار المدة دي كلها؟ ..

مازال حسام صامتا ..

- اتأخرت ليه بقى ؟؟

دقائق مرت صامتة أيضا ..

- حسام ..

- هه ؟ أيوة يا حسناء أنا معاكي ..

قطبت جبينها في ضيق ..

- لا مش معايا .. فيه حد واخد عقلك غيري ؟؟اعترف

- اه ..

كان صوته شاردا للغاية فلم يلحظ أنه رد على سؤالها بالإيجاب ..

وبدأ فؤاد حسناء يغلي ..

- مين دي ؟؟ اسمها ايه وشفتها فين ؟

ضحك حسام رغما عنه ..

ثم عاد صامتا من جديد ..

ومع كل دقيقة صمت .. كان غضب حسناء يزداد اشتعالا ..

ما هذا ..

انه لا يفقه ما يقوله لها ..

انه في عالم اخر ..

- حسام .. ايه اللي حصلك ؟؟

- أنا عاوز أسألك سؤال يا حسناء ..

فاجأها بالجملة ..

- اسأل يا حبيبي ... دا انت لو سألتني عيني هـ ....

- لو باباكي ..........

ضمت حسناء يدها على شكل قبضة وضغت بقوة من الغيظ ..

لقد كانت تغازله .. وقاطعها ..

ماذا يحدث هنا ..

- ماله بابايا هو كمان ..

- لو باباكي رفع السماعة من الناحية التانية دلوقتي وسمعنا ..

- هااااااااااااااااااه

شهقة .. خرجت من حلق حسناء رغما عنها حين تخيلت المنظر ..


وحسام يكمل ..

- هتعملي ايه ؟؟

برغمها .. وضعت حسناء السماعة وخرجت مسرعة الى صالة البيت ..

نظرت الى الجهاز الاخر .. كان في مكانه صامتا ..

تنهدت في راحة وعادت الى غرفتها ..

- أيوة يا حسام ..

- هتعملي ايه يا حسناء ؟؟

- انا كنت رحت فيها ..

قالتها شاردة ..

فهي مازلت تتخيل المشهد المرعب في خيالها ..

واعتصرت السماعة في قوة ..

- لو ده حصل ..معرفش بابا ممكن يعمل ايه .. ولا ماما .. ولا اخواتي .. ولا جيراني .. ولا ..............

- طب وربنا ..

- ربنا ؟؟

- ربنا كان شايفنا طول الوقت يا حسناء ..

اشمعنى هو مش خايفين منه ؟؟

كانت يتكلم وقد تكونت غصة في حلقه ..

حتى انه سعل عدة مرات في قوة ..

وتخيلته حسناء وهو يمسك السماعة ويعتصرها بقوة ..

وعينيه تلمعان .. من الدموع ..

انه حزين بقدر ما هو حائر بقدر ما هو غاضب من نفسه ..

و بقدر ما هو خائف ..

- ربنا عارف يا حسام ..

قالتها حسناء في حزم بعد فترة صمت ..

وأنصت حسام ..

- عارف اللي جوانا

- قصدك يعني ان ......

- أيوة .. ربنا عالم اننا جادين ومش بنلعب ..

ومش ناويين نعمل حاجة غلط ..

وان آخر مشوارنا حلال ف حلال ..

لكن بابا ما يعرفش .. وهيفتكر حاجة تانية ..

هيفتكرنا بنغلط ..

ومش هنقدر نقنعه بالحقيقة ..

مش هنقدر يا حسام ..

صمتت ..

تنتظر ردة فعله ..

كانت متأكدة ان كلماتها سرت في عقله ..

ربما اقتنع بما قالت ..

- مش كدة والا ايه يا حسام ؟؟

مازال صامتا ..

ثم ..

- يعني احنا صح يا حسناء ؟؟

حائرا قالها ..

- الا صح .. طبعا صح ..

وابتسمت ..

تخيلت انه رأى ابتسامتها تلك فاطمئن قلبه ..

أغلقت معه بعدما ودعته الى لقاء آخر ..

وأسندت رأسها على حافة السرير ..

كانت الشمس قد بدأت تصحو من نومها ..

تضفي خيوطا محمرة خجولة على غرفة حسناء ..

وكانت حسناء تفكر بعمق ..

ماذا حدث لحبيبها ..

لقد كانت سعيدة .. وكان هو سعيد ..

بل كانا في أسعد أيام حياتهما ..

نظرت الى خاتمه في يدها ..

مالذي غيره ..

مالذي جعله حائرا شاردا حزينا ..

فيما مضى عندما يكون معها ..

كان يشرد عن الدنيا ومافيها الا هي ..

ماالذي قلب الموازين اذن ..

نظرت مرة أخرى الى الخاتم .. وتذكرت يوم الحديقة ..

تذكرت فكرته البارعة لاقناعها واستمالة تصديقها له ..

لقد نجح .. بجدارة نجح ..

ألقت عينيها على خيوط الشمس اللامعة وابتسمت في ثقة ..

سأريك يا حسام أفكاري أنا ..

سأريك ألاعيبي أنا التي ستجعلك تعود كما كنت ..

حسام الذي ملك على كياني ..








في اليوم التالي ..

ارتفع رنين هاتفها المحمول في حقيبتها ..

كانت تهم بالخروج الى الكلية ..

تقضية واجب ليس إلا ..

فتحت حيبتها في ضجر ..

أهذا وقته ! ..

لكنها ما ان رأت الاسم يزين شاشة الهاتف حتى ابتسمت في رقة .. وأسرعت بالإجابه ..

- حسام .. يا صباح الحب .. يا صباح الـ ...

لم تتم كلماتها حين سمعت من على الهاتف يتكلم ..

واستمعت وهي صامته ..

طالت كلمات من على الطرف الآخر ..

ومع كل دقيقة .. كان وجه حسناء يتغير ..

اتسعت عيناها ..

وارتجفت يدها ..

وانطلقت من حلقها صرخة مكتومة ..

ومن على الهاتف مازال يتحدث ..

ثم لم تقو رجلها أكثر من ذلك ..

فسقطت مغشياً عليها .

[The Happy Angel]

هههههههه والله كل الحكايه ياجيجو اني بحثت عن بيت الحب يابيتنا في جوجل ولقيت القصه بس مقرأتهاش ولا حاجه

بس انا مكنتش اقصد اضايقك بس يعني انا حاولت اساعدك مش اكتر

[محبة الله]

اهلا يا ست جيجو ياترى سى حسام جرى لو اى
بجد حرقتى اعصابى دا لو مسلسل كان زمانو خلص
عمر ماحد زلنى الذل دا
واى يابت القصة اللى ناوية تكتبيها التانية دى
بتخبى عليا!!!!!!!!!!
ربنا يستر منك ياسوسة

[فتاة الاسلام]

جيجوووو جميلة القصة يا قمر
كمليها قى عايزة اعرف اية اللى هيحصل ؟؟


وبعدين اية حكاية القصة اللى هتكتبها دى انا اخر من يعلم يعنى ماشى يا ست جيجو

[nada hosam]

[QUOTE=فتاة الاسلام;334131]جيجوووو جميلة القصة يا قمر
كمليها قى عايزة اعرف اية اللى هيحصل ؟؟


وبعدين اية حكاية القصة اللى هتكتبها دى انا اخر من يعلم يعنى ماشى يا ست جيجو[/QUO

تكمل ايه احنا تقريبا هننسى الابدانه وهى مش عايزه تكمل

مش عارفه ليه وبتقول عندها قصه تانيه عايزين نعرف اخر الاولى الاول

برحتك ياست جوجو