ايه اللى بيحصل لعمرو خالد ده

[طاالب علم]

سبحان الله
المشكله تبقى هى هى
الناس اللى بتدافع عن الاستاذ عمرو خالد مش عارفه هى بتدافع ليه
وتقريبا مش عاوزين يتنعوا او ما حاولوش يوصلوا للحقيقه
ياترا انت يهمك عمرو خالد اكتر من همك رضاء ربنا ولا ايه
واحد يقولى طب عمرو خالد عمل ايه علشان تقولى يهمك هو ولا ربنا؟؟؟
اقولك طالما سألت السؤال دا يبقى ارجع تانى للى مكتوب فوق عن اخطائه علشان تعرف وتقرر
يا جماعه الخيرررررررررررررررررررر هسالكم كام سؤال؟؟؟؟

هل ابليس كفر ولا لا؟؟ هاااا تعرف تقولى
هل سيدنا محمد بقى نبى بالانتخاب من قبل البشر ولا ربنا اللى جعله نبى ؟؟؟ هااا مستنى اجابتك
هل سيدنا محمد كان بيشجع على الاختلاط بين الرجال والنساء ولا لا ؟؟؟ مين يجاوب
هل الكلام اللى كان بيقوله سيدنا محمد بوحى من الله عز وجل ولا نتيجة ذكاء وقدرات خارقه للرسول ؟؟؟ ممممم
هل الغناء حرام ولا حلال ؟؟ ايه جاوبنى
هل الافلام اللى مليانه رقص وبنات عريانه وبنات بتتحضن وبيبوسوا بعض حلال ولا حرام؟؟؟ هااا
هو النبى عليه الصلاة والسلام فنان تشكيلى؟؟؟ايه

يا جماعه اللى شفته فى الموضوع دا حاجتين

ناس ربنا يكرمها بتوقل استاذ عمرو شخصيه كويسه ما نكفرهوش لكن ما نسمعلهوش لانه لا يمتلك علم دينى يؤهله ليكون داعى واخطائه كتييييييره وتمس العقييييييده وجابوا ادله على كدا بصوت وصورة عمرو خالد وبنقل كلامه فى برامجه الملىء بالاخطاء وتصحيحها من قبل العلماء

ناس ربنا يكرمها بتقول انه كويس ب مش عارفين كويس ليه هو كويس وخلاص وتركوا كل شىء ومسكوا فى ان المفروض ما نشتمهوش ( الغريب ان ماحدش فى التوبيك كله شتمه فمش عارف اللى بيقول ما نشتمهوش بيقول كدا على اى اساس) سيبنا الموضوع الاصلى وروحنا لفرعيات

نقول تانى

عمرو خالد ليس من حق اى شخص يكفره لان التكفير ليه شروط ولكن من حقنا لما نعرف انه بيخطأ ويمس أمور فى العقيده ويكذب ولعياذ بالله كلام الله عز وجل ورسوله صلى الله عليه وسلم
يبقى والله لو عسل وطعم وسكر وامور ولبق فى الحديث ومسهل كل حاجه عالشباب برضه مش هسمعله لانه بيقول عكس ما يوجد بالقران والسنه
سواء يقصد او لا يقصد فهو محاسب والله اعلى واعلم

رجااااااااااااااء شخصى

اللى يقول هو مش مع الاستاذ عمرو يقول ادلته ودا شفناه من الناس فوق
واللى يقول انا معاه يعرف هو بيقول كدا ليه وايه رايه فى اخطاه العكسيه لما يتواجد بالقران والسنه

يارب الناس قبل ما تدافع او تهاجم حد تعرف هى ليه بتعمل كدا مش لمجرد الكلام وبس

واحنا اخوات اولا واخيرا وعاوزين الخير لبعض والله

[hend ere]

حسبى الله ونعم الوكيل
انا كنت حاسه انى بسمع واحد ارهابى بيحاول يشوه صورة عمرو خالد
انا صحيح مش بسمعله لكنى عارفه انه انسان كويس اوىىىىىىىىىىىىى
واغلب الناس بتحبه.
وبعدين مافيش حد بينتقد حد بالشكل ده وبجد حسبنا الله ونعم الوكيل.
لكن مش تستغربو كده اوى مافيه ناس بتحاول تشوه صورة الرسول الكريم محمد صلى الله عليه وسلم
وفيه وفيه.
ربنا يعنا ويبعدنا عن الفتن دى كلها

[uoua]

مش عرفه الحياه هتوصل بينة لغايت فين اكيد ده مش مسلم عشان بيشوه صورة مسلم زى عمرو خالد
حسبى الله و نعمة الوكيل

[ayman24279]

المشاركة الأصلية كتبت بواسطة احمد رضا

السلام عليكم ورحمة الله وبركاته

في البدايه انا اتناقشت في القضيه بتاعت الاستاذ / عمرو خالد دي كتير جدا
عمرو خالد مُفكر ومٌصلح اجتماعي
وليس داعيه إسلامي بالمعني المعروف
عمرو خالد قد يفشل في ربط الأفكار
لانه يختار موضوع الحلقه ولا يجهز كل الكلام
بل يجمعه في ذهنه
ودي معلومه قد يُستدل عليها من اللي هقوله بعد كدا
وده بيؤدي لتولد بعض الأفكار اللي بيسقط فيها المنطق القرآني
واللي بيصدقها ده بيكون علي غفله بما ورد في القرآن الكريم
يعني مثلا في الفيديو وهو بيقول هل ابليس كفر ؟
ورد بيقول لاء مكفرش
هو ربط بعض الالفاظ اللي وردت علي لسان ابليس
مثل
" خلقتني .. وعزتك وجلالك .. إلي اخره مما ذكر "
ونسي فعلا ان ربنا سبحانه وتعالي أعلن كُفر ابليس
{وَإِذْ قُلْنَا لِلْمَلاَئِكَةِ اسْجُدُواْ لآدَمَ فَسَجَدُواْ إِلاَّ إِبْلِيسَ أَبَى وَاسْتَكْبَرَ وَكَانَ مِنَ الْكَافِرِينَ }
نساها ياجماعه مُجرد سهو
والسهو يحسب عليه
لان ممكن يحصل فتن بسبب كلامه من غير ما يقصد
--
وبالنسبه بقي للفيديو التالت
فبتاع المونتاج بتاعهم دماغه شغاله شوية - بس علي نفسه دي لعبتنا -

جاب الجمله بس وعلق عليها الحج
مكملش بقيت الكلام
ومكملش ومربطش هو كمان بفكرة منطقية
بالنسبه لحرية الاعتقاد
عمرو خالد قال
" الإسلام سمح ان كل واحد يعبد اللي هو عايزه "
اينعم سمح بحرية الاعتقاد والتسامح مع من يعتقدون غير الإسلام
الرسول صلي الله عليه وسلم جنازه يهودي معديه قام واقف ولما استعجب الصحابه قالهم دي نفس بشرية من صنع الخالق ويجب احترامها
في ظل ان اليهوديه بعد ظهور الإسلام التمسك بيها كفر
لان لو اليهودي ده يهودي بحق كان زمانه اسلم
لان كل ديانه بتسلم للديانه اللي بعديها
لذلك ففيه احترام اهوه
كمان حاجة
"لَكُمْ دِينُكُمْ وَلِيَ دِين "
ومع ذلك فمسكتش القرآن علي كدا واننا نتركهم
لاء
بل انه امرنا بالدعوه للخير والأمر بالمعروف
والجدال بالحكمه والموعظه الحسنه
وفي الآخر كمان امرنا ان لو محدش اقتنع بقي بالدعوة
فنسيبه ونتمسك بديننا ونحافظ عليه
--
ده بالنسبه لشوية اللي بيتكلموا في الفيديوهات ومفكرينا بهايم زي معظم اللي عندهم
المصابين بأخطاء المسرح ()
--
انما بنسبه لعمرو خالد مره تانيه
ففعلا ينقصه ترتيب الأفكار
وينقصه المعرفه الكليه الشامله بالقرآن الكريم
عشان تقدرتربط بين كل الأفكار
--
ينقصه كمان تقبل النصيحه والاعتراف بالخطأ
--
حاجة مهمه اوي بقي ياجماعه
معظم متبعي عمرو خالد هم في الأصل لا يفقهون شيئا ً في الدين
يعني معظمهم من الطبقات الارسترقراطيه اللي اتولدت وفي بطاقتها مسلم وبس
ميعرفهوش يعني ايه صلاه
او صوم
او اي شئ
يعني واحده تعرف ازاي انها تشرب مخدرات
تسهر في الملهي الليلي
تجامع ده
تهزر مع ده
وده كلام معظمهم
واحد غرقان
بس غرقه غصب عنه نتيجه للي حواليه
وربنا رازقه جواه بفطره سليمه عايزه الحقيقه
يعني غريق بيتعلق بقشايه
اوكي لو هتنقذك اتعلق بيها
لكن مش تمشي متعلق بيها طول حياتك
لاء اصنع لفسك قارب بقي
يعني عمرو خالد سبب وجزء
مش غايه وكل حاجة
لذلك
فأي ترتيب منطقي في نظر الناس اللي بتسمع - اكيد هيبقي منطقي لواحد مش فاهم -
ده شئ
--
حاجة كمان
مش اي حاجة حواليها لمه وجماعه
تبقي صح
وتبقي الناس كويسه
واللي ملمومين عليه كويس
دي مش قاعده أساسيه

لان الذباب بيتلم علي القذاره بردو
والهايفين بيتلموا علي النصاب اللي بيلعب تلت ورقات
والاغبياء اللي بيسمعوا كلام من شخص من غير ما يفكروا فيه
والمنافقين اللي بيوافقوا شخص عشان مصلحه معينه

يعني نظرية التجمع علي شئ كويس دي
نظرية ساقطه
واتمني من عمرو خالد ميستخدمهاش تاني
ومحدش يستخدمها تاني
شكرا
واسف جدا للإطاله
اتمني الإفادة
واتمني اننا نلتزم الموضوعية بأي شكل من الأشكال

يا عم الحاج الله يكرمك قال الرسول الكريم صلى الله عليه وسلم أن الله عصم أمتى من بعدى من أن تجتمع على ضلالة ، وهذا رد مباشر على كلامك اللى انتى بتقول عليىه نظرية التجمع
ثانيا : قال الرسول الكريم : تركت فيكم ما إن تمسكتم به لن تض1لوات بعدى أبدا كتاب الله وسنتى عضوا عليها بالنواجز "
وده رد على كلامك برده بتاع التجميع ده
ثالثا : عمرو خالد قدم أعظم ثلاثة برامج حتى الأن ( على خطى الحبيب ) جعل الناس تتعرف أكثر وتتعلق بشدة برسولها وحبيبها محمد صلى الله عليه وسلم أكثر من أى وقت مضى
رابعا برنامج باسمك اللهم الذى أعاد تعريف الناس بمعان أسماء الله وجعل الناس تزداد ألسنتها ذكرا لله
خامسا : برنامج قصص القرآن والذى ربط الماضى بالحاضر مع استلهام لخطى المستقبل من خلال ما ورد فى كتاب الله من قصص غفل كثير من الناس عن معناها الصالح والمتجدد لكل زمان ومكان
سادسا: نحن منهيون تماما أن نكفر بعضنا بعضا فريأيك خطأ يحتمل الصواب ورأيي صواب يحتمل الخطأ ، وكل مخلوق يؤخذ ويرد عليه إلا رسول الله صلى الله عليه وسلم


وفى الختام اتقوا الله ولا تخوضوا فى أعراض الناس بغير دليل أتذكرون حادثة الإفك وكيف انقسم الناس حولها على عهد الرسول صلى الله عليه وسلم فاللهم اجعلنا من الذين يظنون دائما الخير بالناس ولا نكفر الناس أبدا

[dr.saeed]

السلام عليكم ورحمة الله

اولا انا مشوفتش الفيديوهات
لكن اللي انا واثقة منه ان الداعية عمرو خالد انسان مهذب ومحترم وكان سبب في بداية التزام ناس كتير جدا
وميصحش اننا نغلط في رجل فاضل زيه
ويكفيه ثقته في نفسه وروحة الطيبة واخلاقه

عارفين ايوة الكلام دة
بس مش يغفرله الكلام الغريب الى هو بيقوله على الانبياء

وفى الختام اتقوا الله ولا تخوضوا فى أعراض الناس بغير دليل

مين الى قالك اننا اتكلمنا بدون ادله حضرتك؟

[dr.saeed]

عشان يبقى الكلام واضح شوية كدة واجيبلكم كلام الشيوخ الافاضل عن عمرو خالد لانكم باين بتتكلموا وزى ما تيجى

[( لؤلؤة الإسلام )]

أولا : انا ما اتفرجتش عالفيديوهات عشان دمي ما يتحرقش ..
أ / عمرو خالد ... ما فيش زيه بجد بيتعب جامد اوي عشان الامة و المسلمين ..
ربنا يجازيه خير و يبارك فيه .. كفاية البرامج وز المشاريع الجامدة اللي بيعملها و الشباب اللي صحيوا على ايديه ..
بجد انا حاسة ان ربنا بيحبه اوي ..

هو ممكن يكون قال حاجة وصلتنا غلط بس احنا ما نعرفش نيته ايه .. و ما فيش حد ما بيغلطش ..
بس هما بيحاربوه عشان خايفين من اللي ممكن يعمله و النهضة اللي هتقوم على ايديه بإذن الله ..
ربنا يعليه و ينصره و يثبته ..

حسبنا الله و نعم الوكيل ...
مش من حقنا بردو ندعي على حد ..

انا ما لحقتش اقرأ الردود كلها .. بس ان شاء الله هيكون ليا رد تاني ..

[( لؤلؤة الإسلام )]

( إن الله يدافع عن الذين آمنوا .. )

( إنما الأعمال بالنيات .. )

مش احنا اللي هنحاسب الناس .. اللي مش عايز يسمعله هو حر ..
بس ياريت نحسن الظن بإخواننا المسلمين و .. كفاية الفرقة اللي احن فيها ..
عايزين نلم شملنا مش نختلف أكتر ..

[dr.saeed]

بس هما بيحاربوه عشان خايفين من اللي ممكن يعمله و النهضة اللي هتقوم على ايديه بإذن الله

يعنى الشيوخ مش عاوزين النهضة للمسلمين
والى يقول الكلام دة عن النبى هو الى عاوز النهضة بجد؟

[mostafa kernawy]

ربنا يهديهم .... عمرو خالد ملحد.... لا حول ولا قوة الا بالله

[( لؤلؤة الإسلام )]

بس هما بيحاربوه عشان خايفين من اللي ممكن يعمله و النهضة اللي هتقوم على ايديه بإذن الله يعنى الشيوخ مش عاوزين النهضة للمسلمين
والى يقول الكلام دة عن النبى هو الى عاوز النهضة بجد؟

لأ طبعا انا مش بشكك في مشايخنا الكبار .. دول على راسنا من فوق و ربنا يباركلنا فيهم ..
بس انا حاسة انهم حكموا عليه بسرعة و أكييييييييييد هو ما يقصدش يغلط فحد من الأنبياء خااااااااااااااااالص ..
بس هو اسلوبه كان غلط و احنا فهمناه غلط ..

و ما ينفعش اننا نشكك في ايمان حد او انتماؤه للدين .. انما حسابه على الله ..
و ان كان غلط فهو ليه حاجات كتييييييييير تتحسبله ..

و اكيد كلنا مع الحق و ما نرضاش حد يغلط فالدين او احد الانبياء ..
و لكن .. قال رسول الله صلى الله عليه وسلم ... ( التمس لأخيك المسلم سبعين عذرا .. ) ..او كما قال صلى الله عليه وسلم ...

يعني هو بينهانا عن اشاعة الفتن و التفريق بين المسلمين ...
و أكيد ربنا هيظهر الحق و لو بعد حين ...

[wafa2y]

يا شباب
لو سمحتوا متخلوش العاطفه هي اللي تحكم في الأمور الدينيه لو سمحتم
و اللي معندهوش دليل و بيتكلم علي هواه
و يقول أنا شايف و المفروض والكلام منده
لو سمحت مش عايزينه
فلتقل خيرا أو لتصمت
بدليلك
من القرأن و السنه
و طبعا محدش يقدر يقول كلمه بعد اللي قاله
الدكتور سعيد
"اللهم ما بلغت
اللهم فاشهد"
و جزاكم الله خيرا

[احمد رضا]

المشاركة الأصلية كتبت بواسطة ayman24279

يا عم الحاج الله يكرمك قال الرسول الكريم صلى الله عليه وسلم أن الله عصم أمتى من بعدى من أن تجتمع على ضلالة ، وهذا رد مباشر على كلامك اللى انتى بتقول عليىه نظرية التجمع
ثانيا : قال الرسول الكريم : تركت فيكم ما إن تمسكتم به لن تض1لوات بعدى أبدا كتاب الله وسنتى عضوا عليها بالنواجز "
وده رد على كلامك برده بتاع التجميع ده
ثالثا : عمرو خالد قدم أعظم ثلاثة برامج حتى الأن ( على خطى الحبيب ) جعل الناس تتعرف أكثر وتتعلق بشدة برسولها وحبيبها محمد صلى الله عليه وسلم أكثر من أى وقت مضى
رابعا برنامج باسمك اللهم الذى أعاد تعريف الناس بمعان أسماء الله وجعل الناس تزداد ألسنتها ذكرا لله
خامسا : برنامج قصص القرآن والذى ربط الماضى بالحاضر مع استلهام لخطى المستقبل من خلال ما ورد فى كتاب الله من قصص غفل كثير من الناس عن معناها الصالح والمتجدد لكل زمان ومكان
سادسا: نحن منهيون تماما أن نكفر بعضنا بعضا فريأيك خطأ يحتمل الصواب ورأيي صواب يحتمل الخطأ ، وكل مخلوق يؤخذ ويرد عليه إلا رسول الله صلى الله عليه وسلم


وفى الختام اتقوا الله ولا تخوضوا فى أعراض الناس بغير دليل أتذكرون حادثة الإفك وكيف انقسم الناس حولها على عهد الرسول صلى الله عليه وسلم فاللهم اجعلنا من الذين يظنون دائما الخير بالناس ولا نكفر الناس أبدا

هههههههههههههه
أولا واضح انك لسه متعلمتش تتكلم معايا ازاي
انا لسه منولتش شرف اني احج
لذلك فانا مش حج
هتتكلم معايا وهتتناقش معايا تتناقش باسلوب مهذب وبراحه كدا
عشان اتكلم معاك كويس
رابعا افهم الحديث صح وبعدين اتكلم
مهو 3/4 امه محمد مجمعه علي الهايف الكبير تامر حسني
امه سيدنا محمد دي ولا امه مين ؟
افهم الحديث صح وافهم الرسول كان بيتكلم عن ايه
وبيدعو لإيه بالظبط
وبعدين تعالي اتكلم
--
انا مش مطلوب مني اتابع ياayman24785 مش فاكر
اتفرج عليهم انت واتثقف واتعلم
انا مش بتفرج غير لما يجيلي مزاج
واكتر معرفتي - إن كان عندي - من كتب موثوق من كتابها وبيتحروا الدقه
مش واحد بيقول ابليس مكفرش
بيهجص في الحقائق كمان ؟
- إلا ابليس أبي واستكبر وكان من الكافرين -
--
انت علي اي اساس تعرف اللي في نيتي يعني
انا مكفرتش حد
انا بلتزم الموضوعيه
هو العرب مش هيسيبوهم من اللي هما فيه ده ولا ايه ؟
يارب ارحمني
--
هتلتزم حسن الاسلوب
هتلاقيني كويس معاك
مش هتلتزم
من الافضل متدخلش معايا في مناقشه
ورأيك روح في اي حته وقوله
لكن هنا
يااما تكتب اسم العضوية اللي قدامك ( احمد رضا ) لو مش عارف اللقب
يااما تتغاضي عن ده
يالا عالبركه

[hanoooooooda]

لا حول ولا قوه الا بالله العلي العظيم

كفايه كلام عنه سيبوه في حاله