أرشيف تساؤلات الطلاب (موضوع تجميعى )

[مافيا الكمبيوتر]

لوسمحت يامستر او اللي هترد بس يفضل المدرسين


انا حليت مسالتين بس في الامتحان والباقي كلو غلط مسئلتين حساب مثلثات البرج ومساحة الدائرة


والباقي كلو عامل في خطوات يعني مثلا جايب الميل - 8 ومشتق صح مش عارف ايه الظروف دلوقتي

[profvip]

*بشمهندس مافاي الكومبيوتر
أنا عاوزك بس بجد تركز فى اللى جاى و تذاكر الجبر كويس جدا
و ان شاء الله متقلقش
ان شاء الله التنسيق حينزل السنه دى
ويريت المدرسين يراعوا الطلبه فى التصحيح

[sohibe19]

و عایزین توزيع الدرجات

[toto-shosho]

ان شاء الله تدخل الكليه التى تتمناها وربنا معاك ومحدش دلوقتى يعرف توزيع الدرجات هيبقى ايه بعد الشكاوى

[anafazora]

كل الطلبة بيقولوا الامتحان صعب وزفت وكل شوية القى واحد يقول الامتحان فى المستوى المتوسط ......... دا باين علية شارب حاجة

ياخى الواحد مش عايز يشتم تانى بعد اللى شتمة بعد ماطلع من الامتحان


الاقصر - الطود مدرسة مبارك الثانوية المشتركة بالعديسات بحرى

[مافيا الكمبيوتر]

ياخوانا لازم الواحد يجيب كام علشان ينجح في التفاضل

وكام في الجبر

وهل الجبر مكمل لحساب المثلثات ولا كل واحد لوحدو

[Dr. Toka]

انا فى السؤال الرابع ب فى اخر خطوتين كتبت جتا ج تنتمى للفترة المقفولة -1/1 وبعدين قولت ان بما ان الشكل مثلث تبقى الجتا فى الفترة المفتوحة -1 /1 (ودة انا قولته اعتمادا على ان الجتا 1و -1 = 0 و180 وبالتالى المثلث مينفعش تبقى فيه 180/0)0بس كل الخطوات انا عاملاها صح بس انا بدل ما اعمله متباينة عودت مكان الجتا ب 1 و-1 طلعت كاف ب0 و4 وبعدين قولت ان بما ان الشكل مثلث تبقى جتا فى الفترة المفتوحة 1 و-1 وتبقى كاف فى الفترة المفتوحة 0 و4 كدة انقص ولا يدينى الدرجة كاملة بس طلعت الزاوية فى اخر ب120

[artnee]

[size="5"]بسم الله الرحمن الرحيم .

السلام عليكم ورحمة الله وبركاته .

هل لاحظتم فى الامتحان كـــــــــــــــــله ان مفيش حتى مسألة واحدة اثبات مثلثات .

يـــــاه !

بس على فكرة الحمد لله على كل شئ و اللى عاوزه ربنا هيكون .

مهما الواحد عمل ايه من اللى عاوزه هيحصل غير لو ربنا أراد ؟

قدر الله وما شاء فعل . [/siz

ان شاء الله ربنا يرزق كل الطلبة برفق فى التصحيح ان شاء الله وتحقيق امالهم ان شاء الله وتهوين التنسيق ان شاء الله
ودخول كل واحد الكليه اللى عاوزها ان شاء الله .

اعرفوا حاجة وحطوها فى بالكم وهى ان لو الشخص عمل ايـــــــــــــه بردة اللى ربنا عاوزه هو اللى هيكون وعلى فكرة لو كان حد مثلا غلط فى الامتحان ( ربنا عاوز كدة ) والله اعلى واعلم الخير فين .

يعنى انا مثلا غلطان فى مسألة زوايا الارتفاع والانخفاض بدل ما أعمل البرج اكبر من المنزل عملت القمتين متقابلتين ومع ذلك كتبت عند البرج 100 وعند المنزل 35 . وبعدين انا طلعت معدل التغير بصفر والله اعلم المتوسط صح ولا غلط او فى غلطات تانى ولالا . ( قدر الله وما شاء فعل )

سبحان الله و الحمد لله و لا اله الا الله و الله اكبر .


والسلام عليكم ورحمة الله وبركاته .

[artnee]

ايه يا شباب فى مسائل جبر ولالا ؟

[فيروز*]

:
فى مسائل فى الغرفة الصوتية.

ربنا يوفقكم

[ahmed asmy]

عفوا لجميع الطلبه الامتحان ليس صعب لهذه الدجه انا شخصيا جاوبته كله العيب في الطالب او المدرس لان انا تقريبا حللت مثل هذه المسائل مع المدرس اكثر من مره باستثناء اخر مسأله من السنه الماضيه ولكنها سهله وعاديه

[جومانه مهند ناصر]

انا ملاحظة إن اللي بيقول إن الإمتحان سهل وكويس بتبقي دي تاني أو اول مشاركة له
ليه مش عارفة ؛

هو انا سألت الأستاذ قال إنه ممكن يتحل بس تقيل شوية
ده عاوز واحد حالل طن أسئلة ودماغه صاحية وبيحب التفكير .

[ypkill]

المشاركة الأصلية كتبت بواسطة جومانه مهند ناصر

انا ملاحظة إن اللي بيقول إن الإمتحان سهل وكويس بتبقي دي تاني أو اول مشاركة له
ليه مش عارفة ؛

هو انا سألت الأستاذ قال إنه ممكن يتحل بس تقيل شوية
ده عاوز واحد حالل طن أسئلة ودماغه صاحية وبيحب التفكير .

طب عفوا يعني , وهي الرياضة محتاجة إيه غير تفكير وحل وتدريب كتير ؟ محتاجة حفظ مثلا ؟ لأ يبقى أنتم يا جماعة فاهمين الرياضة غلط خالص .. ولي ناوي يدخل هندسة وماشي بمنطق الحفظ ده ومعندوش ليونة فدماغه احسنله مايفكرش يدخلها ... ودي نصيحة من اخوكم الكبير أولى هندسة. ربنا يوفقكم كلكم.

[امل اليكس]

المشاركة الأصلية كتبت بواسطة ahmed asmy

عفوا لجميع الطلبه الامتحان ليس صعب لهذه الدجه انا شخصيا جاوبته كله العيب في الطالب او المدرس لان انا تقريبا حللت مثل هذه المسائل مع المدرس اكثر من مره باستثناء اخر مسأله من السنه الماضيه ولكنها سهله وعاديه

بص مهو حاجة من الثلالثة انت

1 تبع زكي بدر
2 تبع الحزب الوطني
3 لا تبع الثانوية العامة ولا شفت الامتحان من اصله

تختار ايه؟

[جومانه مهند ناصر]

علي العموم انا في هندسة وأختي منهارة من لإمتحان
وفعلا المفروض يراعوا شوية ؛ الوقت مش كفاية خالص

فكروني بلإمتحان الأوبن بوك اللي الدكتورة جبيته ؛ الدفعة كلها جيد أو مقبول .
ربنا يصبركم
وعلي العموم الكليات بتبقي طالبه أعداد معينة فبإذن الله التنسيق هينزل .