حرمان الطلاب الذين تعدت نسبة غيابهم 20% من دخول الامتحانات

[teacher_2]

المشاركة الأصلية كتبت بواسطة تقى 93

ياجماعة حرام عليكم الناس اللى مبسوطة من قرار الوزير دى وبتقول دة حاجة كويسة بيقولوا كدة عشان هما مش فى ثانوية عامة مش عارفين يعنى ايه اروح المدرسة من 8 الصبح لحد 2 العصر وبعديها اروح درس ارجع بيتنا الساعة 6 7 بالذمة اذاكر امتى لا ومطلوب منى اجيب اخر السنة مجموع طاب ازاى حد يرد عليا وبعدين مدرسة ايه اللى اروحها وانا بلاقى فيها مدرسين معندهاش ضمير ماهو لو كل مدرس بيشرح فى الفصل زى ما بيشرح فى الدرس مكانش حد اخد دروس وكنا اعتمدنا على المدرسة ومكانش هيبقى فيه مشكلة هو ماسك فى الطلبة ومبيبصش للمدرسين طاب ما يخليهم يشرحوا بضمير وبعدين يجى يكلمنا بجد القرار دة فاشل ومش صح ومفيش طالب هيقبلوا لانه لو فعلا روحنا المدرسة كل يوم مش هنخش كليات عدلة يبقى نقعد فى بيتنا احسن من دلوقتى ونخلص بدل ما ندفع فلوس فى الدروس وفى الاخر مش هنستفاد حاجة

ربنا يهدى الجميع

[Observer]

المشاركة الأصلية كتبت بواسطة apido

بس فعلا الخبر ده من موقع وزارة التربية و التعليم .. يعنى مش اشاعه .. دى حقيقة .. يبقى هنموت يعنى هنموت .. ربنا معانا .. بس اللى عايز افهمه .. هو لما يحرمنا من الأمتحان هنعمل ايه بقى .. هناخد الأجازة بدرى يعنى ولا هندرس ف وقت الأمتحان ده .. و لا هنمتحن السنة الجاية ولا ايه ؟؟؟؟؟
:************

http://knowledge.moe.gov.eg/arabic/news/main.htm

محدش عارف بس حافظ على ال 10 ايام اللى فاضلين