اللى عايز يصدق يصدق واللى مش عايز ميغلطشى

[امجد7007]

ام هيما انا اول واحد هفرحلك بجد لو كان الخبر صحيح لكن انا دايما عقلانى حتى مع نفسى احنا قدام حقائق محدده
اولا قانون الكادر اشترط اجتياز اختبار الكادر والدبلوما (لغير خريجى التربية)
ثانيا قرار الوزير كان ل 43 الف هما اللى استوفوا الشروط
ثالثا يا ما سمعنا كلام من ناس فى ادارات حتى وكيل وزاره قبل كده قال كلام ضد المنطق والقانون وطلع كلامه غلط يعنى لا يصح الا الصحيح
رابعا كل اللى حضرتك ذكرتيه ده ممكن يكون الناس اللى يحق لها انها تسجل فى اختبارات الكادر لان طبعا مش اى حد يحق له دخول الاختبار
خامسا ركزى كده فى الكلام اللى على الموقع بتاع قرار التعيين اللى على موقع الوزارة
تتقدم وزارة التربية والتعليم وادارة الاكاديمية المهنية للمعلمين بالتهنئة للسادة المعلمين المساعدين وذلك بصدور القرار الوزارى رقم (53) بتاريخ 14/2/2011 للذين اجتازوا الاختبارات و استوفوا كافة متطلبات التعيين فى وظيفة " معلم".
اخيرا ايه رائيك بقى نصدق الادارة ولا الوزارة؟؟؟؟؟؟؟

[elsaqer11]

والله من اغرب ما يكون
طيب تقولى ايه في اللى خلص أكاديمية + تربوي + اي سي د ل وماتعينش؟؟؟؟؟؟؟؟؟؟؟

[simsim12]

كلامك مظبوط يا ام هيما
انا إدارة السنبلاوين ونفس الكلام دا تم معانا اليوم
كنت في الادارة الاسامي موجودة هناك كل اللي مر عليه 3 سنوات هيتثبت
اللي امتحن الاكاديمية هيثبت على درجة معلم
واللي ممتحنش هيثبت على درجة معلم مساعد ولما يمتحن يترقى
انا ممتحنتش الاكاديمية ووجدت اسمي واسامي معظم زمايلي اللي كانوا معايا في التربو ي
والف مبروك للجميع

[العنب الأحمر]

ألف مبروك يا ام هيما .... من قلبى والله .

[ramy12]

طب الناس الى شغالة بالحصة وبقالها اكتر من 3سنوات اسمائها جات من ضمن ولا لا؟؟؟؟؟؟؟؟؟؟

[كابتن محمد فوزى]

ام هيما قالت وحلفت و4 شافوا وبعدين راحت هيا وكمان كللمها منطقى وقالت كمان اللى مش عايز يصدق مايصدقش تعمل ايه تانى تحلف بالطلاق ايه يا جماعه عيب( العهده على الراوى ) ممكن تكون غلطانه بس ايه يعنى هيه بتتكلم عن نفسها .
عيييييييييييب كده احنا احسن من كدة وبعدين الكلام ده مظبوط ؛ التعين غير الكادر . الوزير خد قرار التعيين بس صرف الكادر متعلق باتمام شروط الاكاديميه
وياريت اللى عنده وجهة نظر تانيه يقول

[عمر العدوى]

ام هيما
انا بقول اكيد انتى صادقة وفرحانة ربنا يفرحك كمان بس انتى ادارة اية ؟
عشان انا ادارة غرب المنصورة هى الاسامى نزلت فى الدقهلية كلها ؟؟ ولا انتو بس ولا اية

[خالد ابوالعلا]

اللى امتحنوا ونجحوا وخدو الرخصة الدولية وجاتهم الرسالة مش مطمنين وخايفين اسمهم مايكنش فى الكشف وده حالى

وانتم من غير امتحان ولا اى سى دى ال ولا حاجه اسمكم فى الكشف دى تبقى فله اوى طمنتونى الله يطمنكم ياريت يكون الكلام ده صح عشان انا عايز زمايلى كلهم يتعينوا ومايتمروش زيينا فى امتنحان وشهادات وكمبيوتر وانجليزى بس بينى وبينكم مش مصدق ولا مكدبكم بس احتمال يكون الكشف اللى شفتوه احصاء فقط والله اعلم بالتوفيق للجميع

[eva2010]

الف مبروك ياام هيما ربنا يفرحك انتى وكل اصحابنا يارب .....
سيبك انتى احلى مافيكى شخصيتك القوية الكبير ..كبير

[Mark 2011]

http://www.thanwya.com/vb/showthread.php?t=289950

أصدر اللواء نبيل العزبي محافظ أسيوط قراراً بتثبيت 2473 معلم مساعد بمديرية التربية والتعليم بالمحافظة الذين استوفوا كافة الشروط الوظيفية.

أوضح المحافظ أن هذا القرار جاء تنفيذاً للقرار الوزاري رقم 35 لسنة 2011م والذي ينص على اتخاذ إجراءات التعيين للمعلمين المساعدين الذين اجتازوا الاختبارات الخاصة لكادر المعلم وحصلوا على شهادة الصلاحية واستوفوا كافة الشروط المطلوبة في وظيفة معلم وفقاً للمادة 73 للقانون 150 لسنة 2007م والمعدل بالقانون رقم 190 لسنة 2008م.

كان المحافظ قد وفر 12 ألف عقد معلم مساعد منذ ثلاث سنوات بمختلف المراحل التعليمية لأبناء أسيوط لسد جزء كبير من العجز الذي تعاني منه مدارس المحافظة في التخصصات المختلفة وهو ما ترتب عليه حسن سير العملية التعليمية وتحسين جودتها.

[bright.light****]

طب ممكن تفيدونى
انا تخصص حاسب الى واشتغلت سنة 2007 بالحصة وبعدين استلمت العقد 1/1/2009
يبقى انا كدة مر عليا 3 سنوات ولا هيتحسبوا من تاريخ العقد (1/1/2009)
افيدونى افادكم الله

[mhyo2008]

يا جماعة انا شايف كلكم صح........

1- اللى نجح فى الكادر حيتعين على وظيفة معلم.

2- اللى لسه ( عقد عادى - حصة ) حياخد عقد معلم مساعد ودى اول درجة فى الكادر

ملحوظة : درجات كادر المعلمين تبدا بوظيفة ( معلم مساعد ) .

وكده الكل يبقى تمام
ويارب التوفيق للجميع