اخر اخبار ادارة مطوبس التعليمية

[roaaaa]

انا كنت فى الادارة النهارده عرفت من المدرسة النهارده ان مرتبنا الشهر ده على القديم سالت مدير الادارة ليه الكادر مش فى مرتب شهر 5 قالى مين قال كده الكادر هيكون فى شهر 5 وشهر 3 و 4 هيكونوا مع بعض قولتله المسئول فى المدرسة قال ان الادارة هتعمل الشهر الجديد على قديمه قالى خلى مسئول المدرسة عندك يعمل الكشف بالكادر ويجيلى بكرة
طلعت فوق عند الماليات وسالتهم قالولى احنا هنديكم الكادر على بعضه قولتله احنا عايزين كل شهر لوحده قالى خلاص اعملوا استمارة لشهر 3 و 4 واعملوا كشف شهر 5 فيه الكادر
وسالته على العلاوة قالى ان احنا بناخدها 30% قولتله ازاى قالى ان احنا بناخد على الاساسى من 2008 يعنى 48 جنيه لو اتحسبت هيطلع العلاوة 14.40 على انها 30%
قولتله واحنا الاساسى فى 2008 كان 48 قالى اه بداية مربوط الدرجة
قولتله امال ازاى فى محافظات صرفت العلاوة 43 جنيه مش الاساسى واحد فى كل المحافظات قالى اه واحد هما صارفين غلط وانتوا ممكم تاخدوا زيهم بس بعد 4 او 5 سنين هيتخصم منكم تانى لما الجهاز المركزى يراجع اوراقه هيكتشف الغلط ده
وقالى ان الموضوع ده حصل معاهم فى اول تعيينهم ورجع اتخصم منهم تانى
المهم انا دلوقتى مش عارفه احنا الاسى كان كام فى 2008
ارجو التواصل للتوضيح
والله الموفق

[نور العين أحمد]

عندنا فى كوم دميس السكرتير عمل كادر 3و 4 ووداهم الادارة اما شهر 5 بيقول انه هيعمله 435 جنيه
وبخصوص العلاوة مفيش اى اخبار بس احنا جاءت لينا الشكوى النهاردة ومضينا عليها

[ammhhe]

الاساسى فى 2008 كان100حاجه و50مش فاكر بالضبط
اما موضوع ان المركذى للمحاسبات هيخصمهم فانا اعتقد انه دحك
لان باقى العلاوات لا تحسب من اساسى ال48ج
وبينى وبينكم الاله الحاسبه
هتلاقو ان باقى العلاوات تحسب من الاساسى بعد اضافة العلاوات الجديدة اى الاساسى المرفوع

[mhmdmarey]

المشاركة الأصلية كتبت بواسطة نور العين أحمد

عندنا فى كوم دميس السكرتير عمل كادر 3و 4 ووداهم الادارة اما شهر 5 بيقول انه هيعمله 435 جنيه
وبخصوص العلاوة مفيش اى اخبار بس احنا جاءت لينا الشكوى النهاردة ومضينا عليها

فى مجمع مدارس الخليج تم عمل المرتبات على 459جنيه
وبخصوص العلاوة 2008 ابلغونا ان الادارة اوقفتها بناء على الفاكس القادم بها فى 2008 بانها 14 جنيه

[roaaaa]

لا جديد ولا ايه ؟؟؟؟؟؟؟؟؟؟؟؟

[roaaaa]

تم ارسال مذكرة الى الوزارة على الفيس بوك وتم الرد على الاستاذ وائل عن طريق المكتب الفنى وطلبوا ارسال بطاقة تدرج المرتب وقام بالفعل بالحصول على هذه البطاقة بعد معاناة ومشارجات ومشاحنات داخل الادارة وسوف يقوم بارسالها غدا على نفس الفاكس الخاص بهم وان شاء الله هيردوا
وانا ان شاء الله هكلم مدير الشئون المالية فى المديرية لانه مهتم ايضا بالموضوع وبيروح الوزارة اسبوعيا وقالى انه هيشوف الموضوع فى الوزارة .

وعموما احنا هنروح يوم الاحد ان شاء الله الرقابة الادارية فى مطوبس ونشوف رأيهم فى الموضوع وانا عارفه انهم معانا لانهم يعرفوا الموضوع
والرقابة الادارية مهمتها انها تراقب الماليات والحسابات فى الادارة وديما بتطلع وراهم اخطاء
وربنا يسهل الامور
والله الموفق

[ammhhe]

هل الرقابة الادارية تقصدين فى كفر الشيخ لان مطوبس ليس بها رقابه اداريه ارجو التوضيح اما سبب الانقطاع كان بسبب ما قد يطلق عليه فى عالمنا ما يسمى بالامتحانات وارجو فتح حلقة نقاشيه عن احداث الامتحانات وكيف تقضون وقت فراغكم فى المدرسة وعدد ايام الذهاب الى المدرسة و من الاحق بالترشيح والانتخاب فى النقابه بكل حيادية وعقلانيه بلا تعصب فارغ بلا ابن بلدى بلا ذفت انا سوف ادفن فى قبرى وحدى واحاسب وحدى فمن يا ترى يصلح؟؟؟؟!!!!

[mahmood1888]

ربنا يسهل لكم

[roaaaa]

انا سالت وعرفت ان فى رقابة ادارية فى مجلس المدينة
موجود فيها الاستاذ كمال الخواجة والاستاذ سيد زبيب

[ammhhe]

سوف اتاكد واتواصل معكم
وشكرا للاهتمام
والرد الريع

[ammhhe]

السريع السريع

[ammhhe]

السادة الأفاضل

الأساسى الجديد للمعينين حديثاً كان على حسب تاريخ التعيين

ـــ هناك من تم تعيينهم فى 10/3/2008 الأساسى الخاص بهم هـو 191.60 وجملة الصافى المقتضى صرفه هو 448.94 جنيه


ــ وهناك من تم تعيينهم فى 5/10/2008 الأساسى الخاص بهم هو 187.60
والصافى المقتضى صرفه هو 415.34 جنيه
وإذا كان متزوجاً يضاف 2 جنيه وعلى كل طفل له 2 جنيه حتى 6 جنيه بحد أقصى.

فهذا يرجع إلى أقدمية التعيين وضم العلاوة فى 2008 فهى التى ترفع الأساسى. لأنها 30 %.


هذا فى محافظة البحيرة ـ إدارة المحمودية
منقول
ما رايكم

[ammhhe]

كيفية اختيار اعضاء نقابة المعلمين
تُلزم المادة (48) من قانون النقابة أن يمثل في المجلس عدد (8) أعضاء من الشباب تحت السن
(اقل من 15 سنه خدمه )
نص المادة
يراعي في انتخاب هذه المجالس أن تمثل فيها النوعيات الآتية:
1‌) التعليم الابتدائي. 2 ) التعليم الإعدادي والثانوي. (التعليم العام )
3 ‌) التعليم الفني. 4) دور المعلمين والمعلمات والتعليم العالي والجامعي.
5) الإدارة التعليمية والإشراف الفني (الوظائف الإشرافية )
علي أن يكون للمحالين علي المعاش الحق في التمثيل وفقا للنوعية التي خرجوا منها إلي المعاش ويشترط الا يقل تمثيل أحداها في كل مجلس إدارة عن 10% ولا يزيد علي 50% إلا إذا كانت دائرة المجلس خالية منها ويشترط أن يكون نصف عدد أعضاء مجالس الإدارة(8) أعضاء من الذين مضي علي اشتغالهم بمهنة التربية والتعليم أقل من خمس عشرة سنة والنصف الآخر (8) أعضاء ممن مضي علي اشتغالهم بها خمس عشرة سنة فأكثر وتنظم اللائحة الداخلية للنقابة طريقة الانتخاب ومواعيده والنظم التي تكفل تحقيق هذه الشروط
منقول

[ammhhe]

اين الاخوة الافاضل ابناء مطوبس الابطال
اين المشاركااااااااااااااااااااااااات

[roaaaa]

الامتحانات خلصت وكله اخدت الاجازة ومفيش حد بيسأل على حاجة
بس عموما الفاكسات لسه شغالة
وربنا ييسر الامور وتيجى بفايدة