ناجحو الثانوية العامة يحاولون اقتحام وزارة التعليم العالى ( اغلقوا مواضيع التظاهر )

[Nesma Mohammed]

المشاركة الأصلية كتبت بواسطة monmon 1

لا دي مش بلطجه عشان كل وزير بييجي يعمل ال هو عاوزه ويمشي
والوزير الجديد ما شاء الله تاني يوم ما مسك الوزاره قدم طلب اجازه عشان يروح يصيف!!
ومش كده وبس لأ كمان لغي كل القرارات ال قررها الوزير ال قبله عشان الثانويه والتنسيق
ومعاليه لسه راجع امبارح م المصيف بيقولهم ايه عملتوا ايه ؟؟
وبعدين متلوموش علينا احنا اتبهدلنا ف الامتحانات دي ف حين ان كان فيه ناس شبعانه غش ف غش
وبعدين من امتي الحد الادنى بيبقى 94% كانوا بيجيبوا 101% والحد الادنى بيبقى 90 او 91 %
وبعدين حرام في ناس كتير اتظلمت انا السنه ال فاتت قدمت تظلم عشان الكمياء والجبر لقيت 14 درجه مخدتش ولا نص درجه حلال ده ولا حرام كانوا هيرفعوني 7% يعني من الارض للسما
والسنه دي مرضيتش اقدم مع اني مدمره ف درجات كتير بس قولت قدر الله وما شاء فعل
بجد انتوا لو حاسين بقهرة الطالب واهله لما يبقى حاسس انه ضايع مش هتقولوا كده
وبعدين هما مغلطوش وبالعكس عملوا ال مقدرناش احنا نعمله !
بس ف النهايه يا ريت اتسمع لكلامهم
والناس اللي ف الوزاره هاممهم ايه ما هو اي واحد فيهم عنده ابن بيجيب 200% وبيدخل الكليه ال هو عاوزها
الدور والباقي ع الغلابه ال زينا

ومعلش لو خدتوا بالكوا كاتبين ف اليافطه ال هما ماسكينها انا مش لاقي مكاني ما هما عندهم حق لما النهارده ف الجرنال كاتبين ان طلاب المرحله الاولى احتلوا جميع الاماكن طيب واحنا هنروح على فين نرمي نفسنا ف البحر ان شاء الله انا جايبه 85% وع التنسيق ده يبقى انا ولا مرحله تالته بقى!!!
بس ف النهايه ممكن اسأل سؤال ....
لما الحد الادنى للمرحله الاولى واخد من 94% طب المرحله التانيه والتالته هتبقى من كام ؟؟

ومعلش طولت عليكم بس بجد اسم الموضوع استفزني اوووووي؟؟

كلام جميل بالظبط ده االلى أنا عايزة أقوله وأنا دلوقتى اقتنعت ان ف مصر مينفعش الواحد يشتغل أو يدرس الحاجة اللى هوا عايزها

[Nesma Mohammed]

المشاركة الأصلية كتبت بواسطة فيروز*

على كلام حضرتك كل واحد عاوز يدخل كلية يعمل مظاهرة عشان يدخلها....!!!.!

دى اسمها فوضى..

كلنا قبلك كان عندنا آمال ندخل كليات وما دخلناها وعادى رضينا بقضاء الله وعرفنا ان ربنا قسمه هو الخير دايما...

(وعسى ان تكرهوا شيئا وهو خير لكم وعسى ان تحبوا شيئا وهو شرا لكم)
وبعدين ايه كليات القمة..؟؟؟؟

مش عارفة ليه التسمية دى؟؟؟

كل انسان فى مكانه ممكن يكون قمة بتفوقة وإخلاصه وحبه لما يقوم به

أولا حضرتك مينعش تستنتجى من كلامى اللى انتى عايزاه مقصدش أبدا بكلامى ان أى حد عايز يدخل كلية يعمل مظاهرات علشان يدخلها متفسريش كلامى زى ما انتى عايزة
وبعدين أنا مقصدش كليات القمة تحديدا أنا أقصد انك متدخليش واحد كلية كارهها وتقوليله تفوق فيها لما هوا أصلا كارهها يحبها ازااااااااااااااى محتاجة معجرة !!
وبردو قولت مية مرة احنا راضيين بقضاء ربنا بس ناخد بالاسباب ربنا قال كدة ولعله خير بردو بس

[Nesma Mohammed]

المشاركة الأصلية كتبت بواسطة rock book

اللى قالك 50 دول كدابين لان كان هناك عدد كبير جدا ومستعد اوريكوا الصور والوزير قابل 7 من الطلاب وبمعنى اصح يعتبر طردهم والناس اتعصبت بعد اللى حصل وحط نفسك مكان اى اب او اى ام لما تلاقى مستقبل ابنها او بنتها بيروح بجرة قلم من الوزير بجد موقف صعب جدا

عندك حق ف كل كلمة

[Nesma Mohammed]

المشاركة الأصلية كتبت بواسطة aly4000

دول عيال فشلة ولا تفقه شي ولا ياخذ علي الفاشل شي
وهيخبطو راسهم في الحيطة

طيب انتوا بتقولوا دى الأخلاق اللى اتعلمتوها ف المدارس ههههههه !!! يعنى هيا دى بقى الأخلاق اللى انتوا اتعلمتوها قول لنفسك

[mohamedsary]

مش فاشلة لما واحد يجيب 93.5 ومش لاقى حاجة يدخلها لا هندسة ولا حاسبات يبقا اية يا محترمين لما واح يجيب 97.5 ومش عارف يدخ اسنا حتى دا ظلم لما انتو مش عايزن طلبة لية تعلمونا ينعل التعليم على الى عايزة يا جماعة واللة انا اتبهدلت فى السنتين وتعبت وانهرت لما المرحلة الاولى فاتتنى على درجة عايزنا ندخل خاص (سمك لبن تمر هندى )

[reery]

يا شباب كل اللى ضد التظاهر السلمى سواء انانية منه انه ينفرد بالكلية اللى عايزهــــــا او خايف على البلد او جبان و بيدارى ورا خوفـــه و قالوا اتحرقكوا مش حيعمللكوا حاجه


انا حقولكم ايه اللى حصل امبارح بعد تظاهر الطلبه امام مجلس الوزراء امبارح (الاربعاء)

طلعوهم لمقابلة عصــام شرف بس كان الدكتور مشي و قابلهم مستشــار الدكتور راجل محترم جاى من الثورة مش محسوب على النظام السابـــق و كلمهم بمنتهى الاحترام (و ديه كفايه حتى لو معملهمش حاجه ) و قالهم انتوا عندكوا حق و مطالبكم مشروعـــة وواضح جدا طريقته في تشجيع الكليأأت الخاصة و استهجن الطريقه اللى كلمهم بيها او بمعنى اصح طردهـم بيها خورشيد باشـــــــــــــــا و قالهم بكرة تجيبوا اولياء اموركـــم لمقابلة الدكتور عصام و انزلوا بأعداد كبيرة عشان صوتكــم يوصــل ( ده شخص مسؤول و ادرى اذا كان ده بيبوظ البلد و لا لأ ) و ان شاء الله حيتعاد النظر في التنسيق بما يتناسب مع الاعداد المتاحه بدون ظلــم او تقليل جودة الكليــــــــــــــات

لما تطالب بحقك في البلــد عشان عارف ان فيه فساد ده مش بلطجــه ده طالما الموضوع بشكـل سلمى امال انتوا شباب ثورة ازاى