حصرى ...........روائع سيلفانو بعد الدمج - الصفحة 6

سيلفانو · #76 21-10-2011, 11:59 PM

مــــــــــــــــــــش عـــــــــــــــآ‘يزك

اقتباس:

المشاركة الأصلية كتبت بواسطة سيلفانو

SIZE="5"]

من النهارده انا مش عايزك
وهقدر انسى قلبى حبك
وزى ميوم أقنعته يحبك
لازم اقدر اخليه ينساكى

مش بسببك ولا عيب فيكى
انتى عارفة انا كنت شاريكى
لكن صعبه اوى لياليكى
وانا مقبلش ابات ليله باكى

رافضة اشوفك وخدتى قرارك
وانا ردى عليكى وعلى افكارك
انى لا هرضا تانى بنارك
ولا محتاج حبك وهواكى

انا لابعيب فيكى ولا حتى فقلبك
ولا كاره فيكى طريقة حبك
لكن فعلا انا هبقا ظلمتك
عشان مش هعرف اكون فرضاكى

انا لا بقول حاضر ولا بحنى فراسى
ولا كان قلبى فليله قاسى
ومهما دوقت المر فكاسى
بعزة نفسى هفضل احاكى

طباعنا غريبة عن بعض شوية
عيزانى عاشق مليان حنيه
وحياتنا ملياها رومانسيه
ومكنش فيوم منك انا شاكى

انا اه عشت استنا الحب
وعشت اتمنى يدق القلب
واتمنيت منك ياما القرب
لكن مش هفضل وياكى

اتمنيت لحظه انى اشوفك
رفضتى وكان عذرك خوفك
عارفة لو كان رفضك لكسوفك
كنت رضيت بذلى معاكى

ومادام مفيش بينا الامان
يبقا انا بالنسبالك انسان
يا اما هكون غدار خوان
او مش هصون حبى جواكى

وطالما انتى كده شيفانى
انا مش هبقا معاكى انانى
انا هرجع بزمانى من تانى
وكأن معشتش لحظه معاكى

من النهارده انا مش عايزك
وهقدر انسى قلبى حبك
وزى ميوم أقنعته يحبك
لازم اقدر اخليه ينساكى

بقـــلمى :::: نـــــــــ NoOoR ـــــو ر ::::

[/SIZE]

سيلفانو · #77 22-10-2011, 12:00 AM

لــــــــــــــــوجين

اقتباس:

المشاركة الأصلية كتبت بواسطة لوجين20

حصل ايه لده كله يا سيلفانو
مالك يابنى
طويله اوى وبتحكى بعتاب وبلوم
شكلك مجروح ومخنوق
حبيت بالسرعه دى وتراجعت بالسرعه دى
عجيبة؟
طب محتاجين تفسير؟

نسيت اقولك انها هايله
احييك لانك رجعت لنفس اللون تانى
حزن وقلق
ولكن مازلت صاحب قلم مبدع

سيلفانو · #78 22-10-2011, 12:02 AM

عبد الشكووووور

اقتباس:

المشاركة الأصلية كتبت بواسطة احمد عبدالشكور

ولازم الصدمة دى يالوجين كدة بعد الغياب
*
*
*
عموما
حمد الله على السلامة يانور العزيز
نورت الاستراحة
شكرا لوجين

سيلفانو · #79 22-10-2011, 12:04 AM

سيلفانـــــــــــو

اقتباس:

المشاركة الأصلية كتبت بواسطة سيلفانو

هههههههههههههههههههههههه
ايه يا لوجين حاسس انك بتطبطبى عليا ليه كده عشان معيطش

مشكورة يا لوجين على مرورك الرائع الذى دائما ما انتظرة واتمناه

دمتى بخير

سيلفانو · #80 22-10-2011, 12:05 AM

سيلفــــــــــــآ‘نو

اقتباس:

المشاركة الأصلية كتبت بواسطة سيلفانو

الله يسلمك يا حبيب قلبى
وشكرا لتواصلك معايا ديما
ومرورك الغالى اوى عليا

سيلفانو · #81 22-10-2011, 12:09 AM

حياتى نورتها بتلاوة وحفظ القرأن

اقتباس:

المشاركة الأصلية كتبت بواسطة حياتى نورتها بتلاوة وحفظ القرأن

من النهارده انا مش عايزك
وهقدر انسى قلبى حبك
وزى ميوم أقنعته يحبك
لازم اقدر اخليه ينساكى

كلمات جميله
وما احلها
التحدى بيصنع المعجزات

سيلفانو · #82 22-10-2011, 12:12 AM

مشكور حياتى نورتها بتلاوة وحفظ القرآن
على مرورك الغالى

دمت بكل الخير

سيلفانو · #83 22-10-2011, 12:18 AM

مين ظالم مين ؟

اقتباس:

المشاركة الأصلية كتبت بواسطة سيلفانو

مش عارف ليه حاسس بخداعها
بتمثل ولا حقيقى فأوجاعها
نفسى بجد من تانى اسمعها
وحشتنى لكن قلبى حزين

فاكرة انى قاسى القلب
وانى كمان بارد فالحب
تييجى تسمع دقات القلب
وتسمع منه اشد انين

حاسس انها جوة فدمى
وهيه سبب احزانى وهمى
ومالية كل ايامى بألمى
ووخدانى نارها بس لفين ؟

شوية احس بطيبة ورقة
وشوية احس بنار الفرقه
ده كل مشاعرى منى اهى سارقة
وبغيرها هيه مش راضيين

راضى يا قلبى بمر عذابك
راضى بنار واقفة على بابك
جرحك ييجى من احبابك
وبردو تفضل مالعاشقين

مكنت يا قلبى حر طليق
وللدنيا كنت صديق وشقيق
دلوقتى اعز حبيب ورفيق
عايز يبقا من الناسيين

لكن يمكن بجد حبك
ونفسه يفضل بجد جمبك
اصبر ومتنطقش بحكمك
لسه فيه ايام جايين

يمكن دلوقتى بيبكى عليك
ومن جرحك نفسه يداويك
او جرحه اكبر من اللى بيك
واحنا اللى عليه قاسيين

مش عارف مين بقا ظالم مين
هو احلى ايام وسنين
واملى وعمرى ونور العين
هو اللى ظالمنى ومالينى انين ؟
ولا انا وقلبى الظالمين ؟

بقلمى :::: نور

سيلفانو · #84 22-10-2011, 12:20 AM

ضياء الدين سعيد

اقتباس:

المشاركة الأصلية كتبت بواسطة ضياء الدين سعيد

حوار مع القلب
أنين عاشق

كلمات غنائية رائعة
أستمر
وإلى الأمام
في إنتظار كل ما هو جديد

تقبل مروري وتحياتي

سيلفانو · #85 22-10-2011, 12:21 AM

همس الـــــــصمت

اقتباس:

المشاركة الأصلية كتبت بواسطة همس الصمت

قصيدة رقيقة جدا

سيلفانو · #86 22-10-2011, 12:23 AM

هقفل عيونى بكفوفى

اقتباس:

المشاركة الأصلية كتبت بواسطة سيلفانو

حبها عذبنى تعبنى خلانى عايش محتار
الشوق ليها غلبنى وقلبى بسببها فنار
برقتها بتكسبنى وترجع تسقينى مرار
يعنى ده قلب حاببنى ؟ ولا قلب غدار ؟

رسينى يا حب عمرى
على بر استنى عليه
يا شمس نهارى وقمرى
يا كل اللى حلمت بيه
فرحانه بويلى وسهرى
ولا قلبى خايفة عليه
مش عارف ايه هو قدرى
ومعاكى هوصل لأيه ؟

خايف مالدنيا تاخدنى
ومعرفش ارجعلك تانى
خايف قلبك يبعدنى
وينتهى وياكى زمانى
ولو احاسيسك بترفضى
يبقا خسارة هوانى
ده الكون كان كله حاسدنى
والفرحه ماليه كيانى

متقولى لو عيزانى
واقبلى فيا ظروفى
لكن لو مش قابلانى
خسارة قلقى وخوفى
ولو فعلا مش حسانى
منى ولا شيىء هتشوفى
ولو يوم شوفتك فمكانى
هقفل عيونى بكفوفى

حبها عذبنى تعبنى خلانى عايش محتار
الشوق ليها غلبنى وقلبى بسببها فنار
برقتها بتكسبنى وترجع تسقينى مرار
يعنى ده قلب حاببنى ؟ ولا قلب غدار ؟

بقلمى ::: نور

سيلفانو · #87 22-10-2011, 12:25 AM

عبد الشكووور

اقتباس:

المشاركة الأصلية كتبت بواسطة احمد عبدالشكور

رائع شاعرنا المحترم
إحساس عالى
ذوق رفيع المستوى
شكرا على مجهودك الرائع

سيلفانو · #88 22-10-2011, 12:27 AM

Dark Tulip

اقتباس:

المشاركة الأصلية كتبت بواسطة Dark Tulip

جميلة اوى اوى ... رغم انها جت ع الجرح ههههه

تسلم ايادى حضرتك ..

سيلفانو · #89 22-10-2011, 12:29 AM

كنارة الحب الحزينه

اقتباس:

المشاركة الأصلية كتبت بواسطة كنارة الحب الحزينة

نور احترامى لك يسبق تقديرى لكلماتك
سأظل دائماً بأنتظار جديدك
دمت بخير

سيلفانو · #90 22-10-2011, 12:31 AM

عايش فيكى عبد فقير

اقتباس:

المشاركة الأصلية كتبت بواسطة سيلفانو

مش لاقى يا دنيا فيكى الخير
عايش فيكى كأنى اسير
بتاخدى حقى وتديه للغير
وقاسيت ياما فيكى كتير

مولود فيكى عشان اتعذب
وديما ظلمك فيا بيغلب
وكرباج غدرك فيا بيضرب
والفرح كأنه دخان بيطير

هيه قساوتك ليا لوحدى
ليه الحنيه لغيرى بتدى
وكل مقاوم ليا تهدى
وظلمك ليا ظلم كبير

عايش فيكى عشان اتهان
عايش بس عشان اتخان
ليه مكونش منك متصان
وليه جرحى منك كده بكتيير

ايه غلطى بس وفأيه اجرمت
ده انا ياما فيكى كتير اتحرمت
ولا عمرى شكيت ولا اتكلمت
وكأنك صياد وانا ليكى طير

نارك منها ياما اتحرقت
ولفرحك انا والله اشتاقت
ولا عمرى لحلم غيرى سرقت
وعايش فيكى عبد فقير

مش لاقى يا دنيا فيكى الخير
عايش فيكى كأنى اسير
بتاخدى حقى وتديه للغير
وقاسيت ياما فيكى كتير

بـــقلمى ::: نور