آخر أخبار المعلم المساعد

[مدحت52]

المشاركة الأصلية كتبت بواسطة الفقيرة الى الله

يا جماعة ليا زميلاتى فى المدرسة ذهبت للاكاديمية بافادة icdl وعرفت منهم هناك انه مفيش تعيين فيه رخصة للمعلم بتتجدد كل خمس سنوات وده كلام اكيد عشان كدة لازم كلنا نقف ونشوف هنعمل ايه حرام بعد ده كله يقولوا عقد وطبعا انا بتمنى ان الكلام ده يكون غير صحيح لكن ده كلام من الاكاديمية نفسها وربنا ييسر للجميع الامور ويخيب ظننا ونتثبت ان شاء الله

للاسف كلامك صحيح وكلنا عارفين من فترة ان الرخصة كل خمس سنين وكمان عارفين ان الرخصة دي للاساسين قبل المتعاقدين لية بس التشاؤوم حرام عليكي اتقي الله الواحد كان هيجيلو صرع لما قريت العنوان بتاع حضرتك وفي الاخر تقولي ان الرخصة بتجدد كل خمس سنين طيب ما دا بيسري على الاساسين
يبقى هما كمان بقوا بالعقد !!

[احمدمحمدالسيدابومسلم]

واستخف قومه فاطاعوه والله كلنا سيحاسبنا ربنا على هذه السلبيه الرهيبه التى تدعو الحاكم الظالم الطاغيه للتمادى فى ظلمه وتجبره علينا هل السيد علاء مبارك نجل رئيسنا الحبيب يستطيع ان يتزوج وينفق على اسرته المبجله بمرتب المعلم المساعد الذى حصل على بكالوريوس التربيه قسم الرياضيات بتقدير عام جيد جدا ؟والله حراااااااااااااام

[pyony]

ان سمعت ان فيه ناس مضت عقد جديد وسمعت ايضا انه مفيش تثبيت وانه زيادة في المرتب والمكافاة220يوم واللى عنده اخبار يكتبها وتفاصيل العقد وشروطه :abdoog8:

[ام مرام]

حسبنا الله ونعم الوكيل

[M.Ahmed Elsaid]

لا حول ولا قوة الا بالله
حسبنا الله ونعم الوكيل فى اللى كان السبب فى حيرتنا دى

[ahmadseraj]

كل سنه بنسمع الكلام دا .. انتوا لسة بتصدقوا

[tatahgag]

ياجماعه لو مفيش تثبت يقى زى ماقلت مستقبل بيضيع

[ghoneem84]

ربنا يعوض علينا

[جعلوسفى]

التعين قادم لا محالة

[ابوعمر السعدنى]

لماذا انت متاكد هكذا يا جعلوسفى؟

[عاشقه الجنه 29]

ابقى قابلنى لما يجى التعين وسلملى على الترماى هو فيه ناس سلبية زينا كدة وتستنى تعين

[سها أحمد شوقي]

ربنا يسهلها علينا جميعا بجد نفسي ندخل علي إستمارة معلم أو موظف ونلاقي مكتوب فيها (معلم)

[MISS.DINA]

حرام عليكو والله الاحباط اللى كل شوية بتعملوه دة يلاش تشاؤم كفاية قدمو الخير عشان ربنا يجيبه وبعدين احنا الحمدلله احسن من غيرنا كتير فنحمد ربنا بقى ونستنى ونصبر ان الله مع الصابرين تفاءلو خيرا تجدوه

[MISS.DINA]

وبعدين انا رحت الادارة يوم الخميس عشان اسال عن اى جديد والاستاذ بتاع شئون العاملي قالى انتى قلقانة ليه انتى عقد مميز يعنى خلاص زيك زى الاساسى بالضبط وقالى منين ماتيجى حاجة جديدة اكيد هنبعت للمدرسة

[(هند)]

السلام عليكم
ان شاء الله الفرج قريب