نصائح للجدد+موقع المناهج+آلة كاسيو..هديه!!

[mimo_mk]

مشكور يا بشمهندس
بس فى ملاحظة صغيرة الألة casio_fx9860g_sd

[elfarselzahby]

ياه على الأيام تصدق إن أنا متفائل بالهندسة الإليكترونية وكلامكم شجعنى أكثر وربنا يوفقنى ويوفقكم جميعا

[eng refa3y]

ازيكوا ياجماعه
اخوكم محمد هندسه الازهر
اولى تعدين وبترول
وانا بشكر امير على موضوعه الجميل وربنا يوفق الجميع
وانا من رأيى ان عماره او كمبيوتر هما احسن قسمبن للبنات

لو سمحت يا باشمهندس ممكن تكتب نوع ورقم الاله الحاسبه(الكمبيوتر دى) لان يظهر كده فى حاجه غلط و الصوره بتاعتها مش راضيه تظهر........ و شكرا اوى عالموضوع ده

اولا يا باشمهندس احب اشكر حضرتك عالمجهود الجبار ده ... و كان ليه استفسار ممكن؟؟؟؟
اولا انا فى 2 ثانوى و حابب ادخل هندسه بس فى مشكله.. انا نفسى ابقى جاااااااامد فى الرياضه (اقصد احل صح وبسرعه) انا الحمد لله بنسبه 95% من المسائل بحلها صح بس مش بسرعه اوى و ده بيضيع وقت جامد ممكن حضرتك تنصحنى اعمل كده ازاى؟؟؟؟؟؟؟
و متشكر جدا

[3etra3]

لو سمحت يا بشمهندس انا دلوقتي في اعدادي ومحتار بين مدني وعماره .بيقولوا ان بتوع عماره مش مطلوبين فالشغل بعد التخرج وان مدني مستقبلها احسن. الكلام ده صح ولا اه رايك. وياريت تقولي مواد عماره ومدني .وشكرا

[عبدة قورة]

شكرراااااااا على المجهود العظيم ده ياراجل

[أحمدعادل2010]

تسمحو لي احنا بندو علي قسم ايه الي حلو وقسم ايه مش حلو لازم ادخل قسم انا بحبو مش بيشتغل ولااااااااااااااااااااااا ايه الحكاية مش كمياء هي ياجماعة ربنا بيقول ( ان الله لايضيع اجر من احسن عملا ) صدق الله العظيم في ايه تانية ( في السماء رزقكم وما توعدون) يعني ايه الكلام ده يعني ممكن انت تكون عايز تتدخل مدني وهتموت لو مش دخلتو وربنا يريد ان يكون مجموعك مش وصلك لمدني ايه الحل الحل بكل بساطة ادخل القسم المتوفر لمجموعي واتقنه واتعلم بجد سيبك من حتة لزم ادخل ...................... لا سلمها لربنا وبعدين في موضوع الشغل لما كل اقسام هندسة بالكامل ليها شغل بسسسسس الي عايز يشتغل ؟ ومفيش فرق بين مهندس كذا ومهندس كذا الفكرة في اتقان قسمي والاجتهاد اني اكون كويس هقلك علي حاجة انا ليل قريبي خريج كلية تجارة بس مهتم بشغله ومجاله جدا ومرتبه مش بيخده مهندس خبرة 20 سنة

[الأمير الرقمى]

المشاركة الأصلية كتبت بواسطة أحمدعادل2010

تسمحو لي احنا بندو علي قسم ايه الي حلو وقسم ايه مش حلو لازم ادخل قسم انا بحبو مش بيشتغل ولااااااااااااااااااااااا ايه الحكاية مش كمياء هي ياجماعة ربنا بيقول ( ان الله لايضيع اجر من احسن عملا ) صدق الله العظيم في ايه تانية ( في السماء رزقكم وما توعدون) يعني ايه الكلام ده يعني ممكن انت تكون عايز تتدخل مدني وهتموت لو مش دخلتو وربنا يريد ان يكون مجموعك مش وصلك لمدني ايه الحل الحل بكل بساطة ادخل القسم المتوفر لمجموعي واتقنه واتعلم بجد سيبك من حتة لزم ادخل ...................... لا سلمها لربنا وبعدين في موضوع الشغل لما كل اقسام هندسة بالكامل ليها شغل بسسسسس الي عايز يشتغل ؟ ومفيش فرق بين مهندس كذا ومهندس كذا الفكرة في اتقان قسمي والاجتهاد اني اكون كويس هقلك علي حاجة انا ليل قريبي خريج كلية تجارة بس مهتم بشغله ومجاله جدا ومرتبه مش بيخده مهندس خبرة 20 سنة

لاكلام بعد كلامك...يشرفنى ردك الممتع والكافى والجامع

[eldalo3a & bas]

جماعة ادعولى انا ان شاء الله
داخلة هندسة بس برده محتاجة شوية دعم معنوى

[أحمدعادل2010]

انا كل الي شايفه تردد وده شيء يخوف وخصوصا لما تكون مهندس مسؤل انت مش عارف انتي عايز تدخل طب هتكون مسؤل ازاي وهتخد قرارات خاصة بشغلك وانت معاك ناس شغالة تحت ادرارتك انتي مش عارف تحدد اساسا انتي هتكون مهندس كويس ولا كل الي بتفكر فيه القسم ده شغال ................................ ولا هيقعد في البيت نصيحة اي قسم في العالم هتقعد في البيت زيك زي اي حد واخد اعدادي وبس طب ايه العمل تعرف قسمك ده بتكلم علي ايه واعرفه بجد وكل حاجة عنه كامل خلي دماغك شغال 24 ×24 في اي قسم من هندسة والي انا اعرفه ايحد بيشتغل ده لو عندو استعداد انه يشتغل وطبعا بيسال القسم ده صعب ولا سهل انت داخل هندسة ليه واضح داخل تهزر او تاخد شهادة كل اقسام الهندسة جميلة اي قسم اه اي قسم والاقسام صعبة اه صعبة دي هندسة يا جماعة بالنسبة لشغل النظري بتقولو انو مش بيفيد لااااااااااااااااااااااا طبعا بيفيد لو انتي بتفكر طبعا لكن انتي مش بتفكر انتي بتحفظ يا جماعة حراااااااااااااااااااااااااام عليكو

[الأمير الرقمى]

السلام عليكم ورحمة الله وبركاته ياشباب

والله مفتقدكم كثيرا .. واعذرونى حيث أن العمل قد أخذنى كثيرا

ولكنى عزمت على معاوده التواصل معكم بانتظام من الآن فصاعدا إن شاء الله

وسأقوم بالرد على معظم المشاركات التى لم أرد عليها سابقا

المشاركة الأصلية كتبت بواسطة ابن_مصر

السلام عليكم يا باشمهندس وباشكرك كتير على الافاده اللى انا اخدتها من موضوعك الجميل

اعرفك بنفسى

انا هندسة اعدادى وكنت ناوى ادخل ميكاترونكس بس الناس خوفتنى منها وقالت انك بتدرس شويه ميكانكس على شويه اليكترك

ولا حصلت ميكانيكال ولا اليكتريكال وانت فى الاخر هتخسر كتير وهتضيع من عمرك ياما



حابب اعرف مجالات عمل الميكاتروتكس لان حضرتك بتقول انك شفتها فى مصانع كتير

ونظام الدراسه من طبيعة المواد وخلافه

واهميتها بالنسبه لمصر على اساس انها دوله ناميه .. هل وجود مهندسين ميكاترونكس يقدم شىء للبلد ام انهم عاله عليها

وشكرا ليك ومنتظر ردك باسرع مايكون

مين اللى قالك الكلام ده؟ .. دا أحلى و أمتع شغل هو الميكاترونيكس .. أى مصنع هتشتغل فيه هتلاقى إن معظم الشغل مابين الالكترونيكس و الكهربا و الميكانيكا .. وهذا هو مربط الفرس فى الميكا ترونكس. لأنه بيجمع مابين التخصصات دى و يخليك ملم بيها

تجربة شخصيه :
أنا عن نفسى اشتغلت فترة بأحد مصانع اللاستيك بالعاشر وصدمت حين وضعت عليا مسؤولية ماكينات البلاستيك ( ماكينات حقن ونفخ) , وطبعا ماكينات يعنى أجزاء ميكانيكيه بتتحكم فيها الكهربا و الالكترونكس .. طبعا تعبت شويه فى الأول .. بس الحمد لله بدأت أفتح كتبى القديمه تانى و أدور ع النت لحد ما بدات أستوعب الأمور.

الخلاصه:
لو شايف انك حابب شغل المصانع و الماشين والكلام ده .. اتوكل على الله وخش ميكاترونيكس وسيبك من المثبطين

المشاركة الأصلية كتبت بواسطة eng_lfc

استفسار مهم
الألة الكاسيو 82 تمشى فى اعدادى هندسة و لا لأ
أرجو الرد

فى اعدادى هندسه .. صدقنى أقل آله ممكن تمشى معاك .. بس يفضل لو آله بتحل الماتريكس والتكاملات المحدوده .. مع ملاحظة ان بعض الكليات مبتسمحش بدخول آلات معينه الامتحان .. فلازم تتأكد الأول ان الآله اللى هتشتريها مسموح الدخول بها للامتحان .. وإلا هتلاقى صدمه يوم الامتحان بإنه بيقولك طلع الآله دى بره .. طبعا مقولكش هيجرالك إيه !!!!!

المشاركة الأصلية كتبت بواسطة yehy

ده انا اتخنقت موقع الكليه مش بيفتح بدور على اى خد او اى رابطه مش لاقلى انا شكلى هكره هندسة شبين قبل ما ادخله حتى المنتدى رخم لو اى حد هندسة شبين قرا دى يرد ارجوكم احسن عامل زى ال فى صحراء و

ومن امتى وفيه موقع كليه أو جامعه فى مصر عليه القيمه .. أى موقع منهم مش هتلاقى عليه إلا أسماء العمداء وصورهم .. مواقع كليتنا حاجه تكسف للأسف

المشاركة الأصلية كتبت بواسطة engineering draw

انتة شايف اصعب حاجة فى اعدادى ايه هيا ؟؟؟؟ >>>>>>> على اساس انك خبيير
xd

صدقنى ما فيش , دا مش عشان أنا يعنى متفوق جدا ولا حاجه .. أنا تقديرى فيها كان جيد .. كل اللى فى الموضوع ان المواد كتيره بس شويه.

المشاركة الأصلية كتبت بواسطة ندى ابراهيم جوهر

اهلا انا ندى عضوة جديدة فى اعدادى بجد نفسى اشكر الامير الرقمى على مجهوداته بس محتاجة اعرف هو ايه احسن قسم للبنات وبجد انا حاسة انى ضايعة اوى ومش عارقة اذاكر فلو ممكن تقولى على نظام مذاكرة جديد لانك عارف مذاكرة ثانوى كان شكلها ايه ويارب يوفقك كمان وكمان بس محتاجة ردك بسرعة لو ممكن

المشاركة الأصلية كتبت بواسطة elfarselzahby

ياه على الأيام تصدق إن أنا متفائل بالهندسة الإليكترونية وكلامكم شجعنى أكثر وربنا يوفقنى ويوفقكم جميعا

بالتوفيق إن شاء الله

المشاركة الأصلية كتبت بواسطة eng refa3y

ازيكوا ياجماعه
اخوكم محمد هندسه الازهر
اولى تعدين وبترول
وانا بشكر امير على موضوعه الجميل وربنا يوفق الجميع
وانا من رأيى ان عماره او كمبيوتر هما احسن قسمبن للبنات

ربنا يبارك فيك .. كلامك بخصوص أفضل قسم للبنات مظبوط فعلا من ناحية الجانب العملى .. أما من ناحية الدراسه , فمفيش أى فرق بين الولاد أو البنات من ناحية الاستيعاب فى أى قسم.

المشاركة الأصلية كتبت بواسطة نفسه يبقى مهندس

اولا يا باشمهندس احب اشكر حضرتك عالمجهود الجبار ده ... و كان ليه استفسار ممكن؟؟؟؟
اولا انا فى 2 ثانوى و حابب ادخل هندسه بس فى مشكله.. انا نفسى ابقى جاااااااامد فى الرياضه (اقصد احل صح وبسرعه) انا الحمد لله بنسبه 95% من المسائل بحلها صح بس مش بسرعه اوى و ده بيضيع وقت جامد ممكن حضرتك تنصحنى اعمل كده ازاى؟؟؟؟؟؟؟
و متشكر جدا

إنك تحل مسائل أكتر عشان تكتسب الثقه , وبالتالى تقدر تسرع من رتمك فى حل المسائل .. خاصة ان المسائل تقريبا متشابهه فى كل فرع من فروع الرياضيات من ناحية سيستم الحل.

المشاركة الأصلية كتبت بواسطة 3etra3

لو سمحت يا بشمهندس انا دلوقتي في اعدادي ومحتار بين مدني وعماره .بيقولوا ان بتوع عماره مش مطلوبين فالشغل بعد التخرج وان مدني مستقبلها احسن. الكلام ده صح ولا اه رايك. وياريت تقولي مواد عماره ومدني .وشكرا

أولا خلى بالك إن دخول الأقسام بالمجموع .. فنصيحتى الأول انك تجيب مجموع عالى فى اعدادى هندسه عشان تقدر تدخل أى قسم انت عاوزه خاصة وانى أعرف ان قسم عماره بياخد من مجاميع عاليه وعدد الدارسين فيه بيكون قليل.
للأسف معنديش خلفيه عن مواد القسمسن لأنى تخصص كهربا .. لكن ممكن تسأل حد من زملاءك اللى فى الدفعه اللى بعدك

[ma7moud_mada]

مشكووووووووووور على مجهودك الرائع

[Medo torNado]

هوا قسم الميجا ترونكس موجودة في كل الجامعات ولا في جامعات معينة ......؟؟؟؟؟؟
10c3d94b-4d7f-4835-829c-7174b964b06a
1.03.01

[وزير الحب]

بسم الله الرحمن الرحيم

انا بجد استفدت من موضوعك
بس عندي سؤال رفيع
انا ان شاء الله هادخل جامعة فاروس كلية الهندسة في اسكندرية لأني التنسيق جابلي استنفاذ رغبات ( شهادة سعودية)

السؤال : هو انا اقدر اشتغل وانا بدرس هندسة معماري؟
عشان انا هابقى فاضي واهلي في السعودية وعايز اضيع وقت فراغي في الشغل.



وشكرا على الاهتمام وربنا يوفقك ...... وادعيلي معاك