"تنسيق الثانوية العامة" ( استفسارات تم الاجابة عليها ) (موضوع تجميعى )

[mohy1]

يا جماعة انا ضاع الرقم السري بتاع التنسيق اعمل ايه

[نقاء الروح]

هو حضرتك اخدتو من المدرسة ؟؟

ولا جبته منين بالضبط ..

[stoof]

الرقم السري بتاع ايميل الوزارة هو الرقم القومي بتاعك الي موجود في البطاقة او في شهادة الميلاد
أما لو قصدك كود الطالب إنت ممكن تجيبه من هنا :
http://thanwya.moe.gov.eg/thanwya/
تختار الجنسية والمرحلة و تكتب الرقم القومي بتاعك هيظهر لك كود الطالب
اما لو ضاع الكلمة السر الي كانت في ورقة الكود ..... عندك حلين الاول إنك ممكن تتصل على 19126 وقولهم كدة وهما هيدلوك على الحل
و ممكن تروح الإدارة العامة للإمتحانات و تجيبه من هناك .............. انا السنة الي فاتت ضاع مني ورقة الكود و كلمة السر رحت هناك وهما طبعولي ورقة جديدة

[stoof]

انا كمان رحت المدرسة و سحبت الملف بتاعي و مش ادوني إي حاجة خالص
بس لو عايزه الخط روحي أقرب مركز موبينيل و هتاخدي معاكي رقم الجلوس و البطاقة الشخصية ... و هما هيدوكي الخط
بس متتكلميش بيه كتير عشان ودانك مش توجعك ^__^

[stoof]

أنا مرحلة تانية ( سنة الفراغ .... ) والحمد لله على كل شيء جبت 96.1 % يعني 394 من 410 علمي علوم
هل في أمل في كلية الطب ولا ..................

أرجو المساعدة ممن عنده معلومة صحيحة

[نقاء الروح]

المشاركة الأصلية كتبت بواسطة stoof

انا كمان رحت المدرسة و سحبت الملف بتاعي و مش ادوني إي حاجة خالص
بس لو عايزه الخط روحي أقرب مركز موبينيل و هتاخدي معاكي رقم الجلوس و البطاقة الشخصية ... و هما هيدوكي الخط
بس متتكلميش بيه كتير عشان ودانك مش توجعك ^__^

شكرا لحضرتك عالرد ..
بس انا قصدي على الرقم السري بتاع التنسيق
ال بيكون على كرت موبينيل ..

انا مش يهمني الخط .. الخطوط مالية الدنيا ..

حبيت بس اطمن عشان لو كدة ارجع مدرستي ..

[الدكتور سنايبر]

إذا تم حساب متوسط 5 سنوات الماضية فربما لا تدخل

لكن بكل تأكيد تام لن يتم الأخذ بذلك وهذا الكلام من مكتب التنسيق نفسه

حيث سينخفض أقل حد أدنى في 5 سنوات السابقة من 1: 3 %

بما يعني أن أقل حد أدنى للطب يمكن أن يصل إلى 94%

ولذا فإني أطمأنك أخي / مصطفى بأنك إن شاء الله في كلية الطب

فلا تقلق والتوفيق من عند الله

[الدكتور سنايبر]

كما أنك يمكنك أن تتأكد من ذلك

بعد أن يعلن الدكتور / هاني هلال عن الأعداد المقبولة لهذا العام في الطب

ثم تعرف ترتيبك على مستوى شعبة العلمي علوم

[hend ragab]

المشاركة الأصلية كتبت بواسطة الأستاذة أم شاهندة

لا يا بنتى راجع مدرستك عشان تقدرى تعرفى المواد التى لم تحصلى فيها على درجة النجاح لمن لم يعرف
وحتى تعرفى جدول الدور التانى
الملحق هو هو الدور التانى
بتدخلى تمحتى بس لا تحصلى إلا على الدرجة الصغرى للمادة مهما جبتى من درجات أكتر

شكرااا ربنا يباركلك

بس انا عندى سؤال تانى انا فاضلى 6.5 درجات هما بياخدو ال6.5 ولا كأنى ممتحنتش قبل كدة وهياخدوا العشرين بتوع النجاح

معليش انا تعبتكم معايا بس انا فعلا مكنش فاهمة

[stoof]

بصي انا قالولي في المدرسة التنسيق هيكون من خلال الايميل بتاع الوزارة و في ناس بتقول إنه هيكون من خلال موقع التنسيق .............
نحن في انتظار الحقيقة التي سوف تظهر بعد يوم أو يومين ....

^__^

[نقاء الروح]

امم اوك ..

جاري الانتظار ..

وربنا يستر ..

[عـــادل]

فعلا انا سحبت الملف بتاعى واخدت ظرف فيه الايميل اللى انا كنت عارفه اصلاه من موقع الوزارة ويظهر ان الرقم السرى هو الرقم القومى مش زى السنة اللى فاتت رقم سرى فى شريحة محمول

[stoof]

شكرا أخي دكتور سنايبر على إفادتي أرجو من الله أن يوفقك في حياتك .....



شكرا جزيلا

أخوك : mostafa

[stoof]

ربنا معانا كلنا إن شاء الله وندخل الكلية الي عايزنا ........

بالتوفيق للجميع

[hend ragab]

معليش يا جماعة انا اسفة سؤال تانى

انا دلوقتى مثلا لو دخلت الامتحان ومجبتش 20 جبت مثلا 19 ورسبت فى المادة

وجيت امتحنها فى المرحلة التانية بمتحن الامتحان من الاول يعنى كأنى لاول مرة بمتحنه ولا بيزودوا الدرجات اللى محتجاها على الدرجة الصغرى (ولو عملو كدة بيزودو على 6.5 ولا ال19)

انا اسفة والله انا عارفة انى زهقتكم بس انا مش عارفة أسأل حد غيركم لان محدش من اللى حواليا فاهم حاجة

انا اسفة تانى مرة