كل ما يخص تنسيق الدبلومات الفنية (بدأ التنسيق ) بالتوفيق

[اسلام هشام.]

يا جماعة عندى سؤال ارجو الرد عليه هو المجموع هو اللى بيحدد الرغبات اللى بتناسب المجموع ده ولا لأ

[الأستاذة أم شاهندة]

المشاركة الأصلية كتبت بواسطة اسلام هشام.

يا جماعة عندى سؤال ارجو الرد عليه هو المجموع هو اللى بيحدد الرغبات اللى بتناسب المجموع ده ولا لأ

المجموع والتخصص يا هشام

[الأستاذة أم شاهندة]

المشاركة الأصلية كتبت بواسطة العميل السرى

الرغبات الي ظاهره دي

1- معهد عالي حاسب ونظم ....... دة فية معاهد كتيير علي مستوي الجمهورية وكلهم خاصة اقل معهد بالفين ونص تقريبا ً


2- كليات التعليم الصناعي ........... دة حكومي وفية جامعة كلية التعليم الصناعي في سوهاج والسويس وبني سويف وكمان المجمع التكنولوجي المتكامل بالاميرية ودة الي بفكر فية بالنسبة لميولي وحكومي

3- جامعه عماليه (تكنولوجيا) بمصروفات تقريبا ً 2000 جنية

4- معهد فنى صناعى باين من اسمة حكومي طبعا ً

5- معهد البصريات فية معهد حكومي ومعهد خاص ب 4500 جنية

6- معهد فني لمواد البناء باين من اسمة حكومي طبعا ً

7- معهد عالي تجاري فية 3 اختيارات وكلهم خاص بفلوس من3 ل 4 الاف

8-فني منشأت بحرية حاجة محترمة وحكومي بس للاسف مش ميولي

9-معهد فنون تطبيقية وموضة حاجة فخامة ب 8000 جنية خاص اكيد


10-معهد ترميم اثار حكومي بس للاسف مش موجود غير في الاقصر


11-معهد عالي نظم علوم اداريةدة فية معاهد كتيير علي مستوي الجمهورية وكلهم خاصة اقل معهد بالفين ونص تقريبا ً

دة الي قدامي في الرغبات وانا محتار ادخل حاجة خاصة الي خايف متكونش معتمدة وتطلع اي كلام ولا اقدم في الحكومي الي مش لاقي حاجة عدلة فية ومش عارف اكتب الرغبات بالترتيب ازاي من الاعلي للاقل ياريت تقولولي اية الاعلي في الحاجات دي وانتو نازلين

الموضوع محير
وخصوصاً المصروفات عالية ويا عالم معتمد ولا إيه ؟
أو بالأصح يعتمد عليه فى الشغل ولا لا ؟
تفتكر ممكن تدخل معهد فنى صحى ومنه تدخل كلية بعد كدة ؟
ولا غيه ؟
أنا بحاول أفكر معاك


ربنا يعينك

[الماجيك14]

المشاركة الأصلية كتبت بواسطة الماجيك14

انا عايز اعرف
تنسيق دبلومات التلمذة الصناعية امتة
يا ريت حد يعرف ويرد عليا
انا روحت امبارح قالولى ما طالعش
هوة هيبقى لينا ارقام سرية ولا لا
ولا مش لينا تنسيق خالص ولا اية

محدش رد عليا بردوة

[الأستاذة أم شاهندة]

2500طالب سجلوا رغباتهم في التنسيق الإلكتروني للدبلومات
اليوم صرف ملفات الشهادات المعادلة
كتب -مجدي طنطاوي
سجل أمس 2500 طالب وطالبة من حملة الدبلومات الفنية المتوسطة وفوق المتوسطة بحد أدني 60% رغباتهم عبر الموقع الالكتروني للتنسيق لأول مرة.
يستمر تسجيل الرغبات حتي السابعة مساء الخميس القادم.
أعلن عبدالحميد سلامة - وكيل وزارة التعليم العالي والمشرف العام علي مكتب التنسيق - أنه حتي أمس حصل 4 آلاف طالب وطالبة من حملة الدبلومات التابعة لوزارة التربية والتعليم علي الرقم السري الخاص بتسجيل رغباتهم علي الموقع الالكتروني.
أضاف أنه من المنتظر إعلان نتيجة هؤلاء الطلاب وترشيحهم علي الكليات والمعاهد المختلفة طبقاً لمجاميعهم والأعداد المقررة للقبول أوائل الأسبوع القادم.

كتب - أشرف عبداللطيف:
في جامعة القاهرة واصل طلاب الدبلومات الفنية التقديم للالتحاق بالمعاهد الفنية.. شهد مكتب التنسيق الرئيسي بجامعة القاهرة إقبالاً من الطلاب لسحب أوراق التقدم.
أبدي الطلاب استياءهم من الزحام أمام المعمل الرئيسي بكلية الهندسة خاصة أن عدد الأجهزة الموجودة بداخله قليلة بالقياس لاعداد الطلاب الموجودين والذين يريدون دخول التنسيق.

كتب - فتحي أبوالحمد:
سادت معامل التنسيق الإلكتروني بجامعة عين شمس حالة من الهدوء لتسجيل رغبات طلاب الدبلومات الفنية لعدم إحضار الكارت الممغنط من مكتب التنسيق الرئيسي.
قال صلاح عبدالعظيم - أمين الجامعة المساعد لشئون التعليم والطلاب: إن الإقبال ضعيف نتيجة ذهاب الطلاب إلي مكتب التنسيق الرئيسي للحصول علي رقم التسجيل الالكتروني المكون من 15 رقماً علي الكارت الممغنط حتي يتمكن الطالب من إدخاله بالموقع الالكتروني ليتمكن من تسجيل رغباته الكترونياً.. أوضح أمين الجامعة المساعد أن اليوم الأول للتنسيق شهد تسجيل 10 حالات فقط عن طريق معامل الحاسبات والمعلومات وتم تخصيص فني كمبيوتر مع كل طالب لمساعدته في ملء استمارة الرغبات.. أشاد الدكتور عاطف العوام - نائب رئيس الجامعة لشئون التعليم والطلاب إلي أن طلاب اتحاد الجامعة يستقبلون طلاب الدبلومات الفنية داخل الحرم الجامعي وإرشادهم إلي مكتب معامل التنسيق .


http://www.algomhuria.net.eg/algomhu...s/detail01.asp

[الأستاذة أم شاهندة]

اقتباس:
المشاركة الأصلية كتبت بواسطة الماجيك14
انا عايز اعرف
تنسيق دبلومات التلمذة الصناعية امتة
يا ريت حد يعرف ويرد عليا
انا روحت امبارح قالولى ما طالعش
هوة هيبقى لينا ارقام سرية ولا لا
ولا مش لينا تنسيق خالص ولا اية

محدش رد عليا بردوة

للأسف لا معلومات عندى
عاود السؤال فى مكتب التنسيق
بالتوفيق

[العميل السرى]

الموضوع محير
وخصوصاً المصروفات عالية ويا عالم معتمد ولا إيه ؟
أو بالأصح يعتمد عليه فى الشغل ولا لا ؟
تفتكر ممكن تدخل معهد فنى صحى ومنه تدخل كلية بعد كدة ؟
ولا ايه ؟
أنا بحاول أفكر معاك

ربنا يعينك

والله زي ما تيجي انا اهلي بيقولوي مش مهم الفلوس بس انا الي مستخسر الفلوس في معهد مش مضمون زية زي الحكومي بس الي هيجنني ان مفيش بدائل عادية للاسف يعني اجيب 70% كل البدائل اقل من عادي وتخصصي دة الي ضيعني واول رغبة هتكون مجمع التكنولوجيا المتكاملة بالاميرية والباقي هحط المعاهد الخاصة والي يجيبو ربنا خير
وربنا يرزقك ويوفقك ويباركلك في شاهندة يارب وربنا يقدرنا علي رد الجميل

[اسلام هشام.]

طيب يا استاذة شاهندة أنا دبلوم صناعى خمس سنين وجبت83.52% لما دخلت على موقع التنسيق ظهرلى كل كليات الهندسة وكان مسموحلى ان اكتبهم فى الرغبات طيب يبقى معنى كده ان فى امل ان اقبل فى هندسة؟

[أحمد السقا 53]

هل أحد يعلم الحد الأدنى للقبول في تنسيق الجامعات للحاصلين على دبلومات التجارة 5 سنين

[مصراوى22]

المشاركة الأصلية كتبت بواسطة أحمد السقا 53

هل أحد يعلم الحد الأدنى للقبول في تنسيق الجامعات للحاصلين على دبلومات التجارة 5 سنين

اخى العزيز من الواقع الفعلى للخمس سنوات بالامس


كل اللى جاب 75% واكثر كتب كليات التجاره و


اما اقل من كده معاهد بفلوس ومتعدده الاماكن طالبه جايبه 72% 5 سنوات وكل حاجه لها معاهد بفلوس وبعيده

تخفيض التنسيق اشاعه

[Fifa_goal]

السلام عليكم
يا جماعه انا خلص السنادي والحمد لله دبلوم ثلاث سنوات وجبت 78قسم كهرباء وانا أمبارح روحت جامعه جبت كارت خدش وحاولت ادخل من عندي في بيت علي نت ودخلت علي موقع وفي صفحه ادخال البيانات عشان أحصل علي رقم دخول وسري يقول في خط في بيانات وهل في كليات هتقبل مجموعي وشكرآ

[الأستاذة أم شاهندة]

ادخل على النت من انترنت اكسبلولر مش فاير فوكس
وستجد الموقع تقبل البيانات
إن شاء الله

وبإذن الله ستجد الكليات المتاحة لك على حسب التخصص والمجموع ظاهرة فى الرغبات
بالتوفيق

[الأستاذة أم شاهندة]

المشاركة الأصلية كتبت بواسطة اسلام هشام.

طيب يا استاذة شاهندة أنا دبلوم صناعى خمس سنين وجبت83.52% لما دخلت على موقع التنسيق ظهرلى كل كليات الهندسة وكان مسموحلى ان اكتبهم فى الرغبات طيب يبقى معنى كده ان فى امل ان اقبل فى هندسة؟

طبعاً فيه أمل
والأمل فى وجه الله خير
توكل على الله وابقى فرحنى لما تظهر نتيجة التنسيق
إن شاء الله

[اسلام هشام.]

ربنا يطمن حضرتك يا أستاذة ام شاهندة فى الدنيا والاخرة ويرزقكِ الفردوس الاعلى اللهم آمين

[Fifa_goal]

أزيك يااستاذه أم شاهندة يارب دايمآ تكوني بخير ،انا دخلت وقبل الموقع والحمد لله
ودي الرغبات الي متاحه ليا
1_معهد فني صحي.
2‏_معهد عالي هندسة.
3‏_معهد عالي حاسب ونظم.
4‏_جامعه عمالية تكنولوجيا
5‏_معهد فني صناعي.
6‏_معهد البصريات.
7‏_معهد فني مواد بناء.
8‏_معهد عالي تجاري
9‏_فني منشأت بحرية.
10‏_معهد فنون تطبيقية.
11‏ ‏_معهد ترميم أثار بالاقصر.
12‏_معهد عالي نظم علوم ادارية.
وانا في محافظه قنا ومش عاوز ادخل حاجه في تجارة ولو حضرتكوا تعرفوا معهدعالي حكومي ابقوا قوليلي وانا بصراحه مش عارف هكتب أيه اناسجت زغبات بس أي حاجه عشان اكون سجلت وبعد كده أعدل رغباتي بعد مشاوره.