لديك1رساله خاصه جديده

[فتى الأزهر]

أولا: جزاك الله خير الجزاء على هذا الموضوع

وفعلا فى كثير من السلبيات المنتشرة فى المنتدى سببها الأعضاء
منها ما ذكرت وأيضا كثير من اعضاء مهتم بالأقسام الترفيهية وما أشبهها ولم يدخل و يفكر حتى فى الدخول إلى الأقسام الدينية
وهناك بعض الأعضاء لا يردون إلا على موضوعات مجموعة من الأعضاء فقط لا غير
وآخرون يردون على الموضوعات فقط دون أن يقرأ الموضوع فقط يدوب العنوان يقرأه "ويرد جزاك الله خيرا" ليزيد من عدد مشاركاته

وأتمنى أن تتلاشى هذه السلبيات فى القريب العاجل

[زهرة الاسلام]

لازم تكون عضو فعال فى المجتمع تسمع وتقرأ وتشارك وترد مش نسمع ونسكت

[الطيب الحنون]

والله عندك حق يا استاذ محمد اما انا مش فى مدرسة يعنى مدخلتش خالص والله
بس الحمد لله على هذا النعمة التى انعم الله على والله ولى التوفيق

[momy]

جزاك اللة خيرا
احنا اتشجعنا للرد
بس مش كل المواضيع نرد عليها

[abosaid]

طب والله تسلم وكويس ان في واحد قدر يقول لا وده هو اول طريق تقدم الشعوب وانا معجب بجراتك وشجاعتك وصراحتك
اخوك في الله abosaid

[sun rays 2010]

والله عندك حق تيجي تبص على موضوع كويس المشاركات 1 والمشاهدات 100 معلش أصلها أزمة صوابع

[diro]

موضوع جميل يامحمد مش جديد عليك طبعا
بس حاجه تنرفز انك تتعب وتعمل موضوع ماتلاقيش
حد يرد وتلاقيهم يشاهدوا بس


بس بجد انا اشتركت فى منتديات تانيه كتير
ولا بدخل ولا واحد فيهم
بس بجد المنتدى ده جامدا وبحس فيا انا الاعضاء
بينهم اولفه تحب تدخل عشان تقرا مواضيعهم

بس بجد ياريت يامحمد كلامك ياثر شويه
ويبطلوا الامبالاه وعدم الرد ويشاركوا معانا

شكرا يامحمد وتقبل مرورى يا جميل

[super hero 1991]

انانا كنت مجرد قاريء لا مشارك ولكني ان شاء الله ساشترك فعليا بفكري و قلميا سيكون معبرا عنة بكل صراحة وادب و شكرا علي الموضوع

[asmaag]

كل الحكايه اننا بنكسل بس
مش اكتر او مفيش تعليق
بس الحكايه فعلا تنرفز بس ولا يهمك يا محمد المهم صحتك
على فكره العضو الجديد الاول بيستطلع اهم المواضيع

[asmaag]

وبعد كده بيشارك عادى
والدليل اننا كلنا اهو شاركنا فى الموضوع
عشان الموضوع شد كل الاعضاء

[سـهيـلـة]

بصراحة انا ساعات بحب اقرا بس ساعات مش ببقى عايزة اكتب

[wanda]

يا محمد بجد انا كنت عايزة اكتب حاجه زى ديه
لان بجد المنتدى بقى فيه ناس مش بترد
بس كويس الناس تحس على دمهم شويه
ويخلوا عندهم شويه من الابيض
بس بجد بجد اسلوب جامد وبجد انا مش عارفه لو
جه يوم وبعدت عن ثانويه هعمل ايه ...
ربنا يستر...
جميل جدااا

[ماكجيفر]

المشاركة الأصلية كتبت بواسطة MohammeD el_SadaT

• أولاً

إسمها إنت مش إنتى دا حتى إسمى بايى
MohammeD el_SadaT

• ثانياً

أنا مش معترض على النقد أنا معترض على الإسلوب المستفز

• ثالثاً

لو خدتى بال حضرتك هتلاقى إن الموضوع معظم الأعضاء اللى فيه متجاوبه

• رابعاً

ممكن تقوليلى على نقط الإختلاف بالراحه ويا تقنعينى يا أقنعك

والله انت راجل زي العسل ... أنا مقدرتش اكمل قراية باقي الردود ... من كتر اعجابي بالرد ... قولت لازم اعلق ... ويمكن متصدقنيش لو قولتلك حبيتك من أسلوب ردك في الموضوع ككل ... جزاك الله خيرا وبارك فيك كما بارك في الزيت الطيب وياريت المجتمع المصري كله يتخلص من داء السلبية المعفن ده اللي جايبنا ورا ونحاول نبقى ايجابيين عشان ربنا ينصرنا ... وليا رجاء صغير ... ياريت تغير الصورة المرعبة دي بيتهيألي مش ماشية مع شخصيتك اللذيذة يابو حميد .

[مسيو منتصر الجميلي]

طبعا عندك حق لأن الرد في حد ذاته هو إثراء للمنتدي بصفة عامة ولكاتبالموضوع بصفة خاصة

[ماكجيفر]

ومن خلال قرائتي للموضوع و أغلب ردود الأعضاء أحب اعرض نتائجي التحليلية التي توصلت إليها على النحو التالي :
البعض فهم المغزى الرئيسي من الموضوع , والبعض الآخر اهتم بجوانب أخرى للموضوع هي جوانب صحيحة ولكنها غير مفيدة في الموضوع , وآخرون اهتموا بتفاهات وتراهات لا جدوى منها ولا فائدة ... لا أدري أهو جهل أم عبث ولهو أم ماذا ؟؟!

بالنسبة للمغزى الأساسي من الموضوع حسب ما تبين لي هو دعوة إلى الإيجابية ومحق السلبية , أما الجوانب الأخرى التي تعرض إليها البعض فهي مجموعة من الأعذار لمن يقرأ الموضوع ولم يرد يعني مثلا
في أعضاء بتبقى مشغولة وفي اللي مش بيعجبهم الموضوع ومش بيرضى يجرح صاحب الموضوع وفي اللي مش بيرد جهلا منه بالموضوع وما إلى ذلك ... ماشي مقولناش حاجة بس اعتقد ان محمد هنا بيتكلم عن العضو اللي قادر على الرد من جميع الجوانب ومع ذلك بيطنش وينفض ... قد يقول قائل : يا عم انت كل واحد حر يرد ميردش دي حرية شخصية ... اقوله احنا قولنا كده مش عشان نغصبك ترد لكن عشان رأيك يهمنا وأكيد هيفيد الموضوع حتى لو وضحت بطريقة كويسة ومنطق سليم ان الموضوع مش عجبك يمكن يكون رأيك صح ونستفيد منه كلنا ... وفي انهاية أحب اشكر صاحب الموضوع , وكل الأعضاء اللي شاركوا بآرائهم , وبدعي ربنا يهدي كل تافه ويمنحه عقل رشيد سليم يستطيع من خلاله الحكم على الأمور بشكل جيد . و آسف على الإطالة .