اكتر حاجة بتضايقك ففى نفسك

[طارق ممدوح ذكي محمد]

المشاركة الأصلية كتبت بواسطة mona

انا اكتر حاجة مضيقانى انى مهملة والوقت بيجرى من تحت ايدى بدون اى استفادة ومش عارفة اعمل ايه مع كل المواد اللى عليا السنة دى

السلام عليكم ورحمة الله

بسرعة شوفي اكتر المواد او الدروس اللي بتحبيها وابدأي بمذاكرتها تدريجياً

و بعدها وبالتدريج برده ابتدي وخدي من المواد والدروس الاخرى وكل ما تنجزي جزء

من المواد اللي صعبه عليكي حددلي لنفسك جايزة تشجعك على بذل الجهد

والاهم من ده كله انك تنظمي وقتك بجد وياريت تصحي بدري وتصلي الفجر

وتبدأي في المذاكرة الوقت ده .. ما تتخيليش وقت جميل جداً ومبارك من الله

والانسان بيكون فيه في غاية النشاط والعقل كمان بيكون تركيزه عالي جداً

ربنا يوفقك وتبدأي بسرعة الوقت بيجري

[Nemo_92]

اكرمك الله على هذه النصائح الغالية
وجزاك كل خير

[dedy_dody]

انا بقى اكتر حاجة بتضايقنى فيا ان انا الحمد لله انسانة كويسة جدا وراضية عن نفسى رضا تام بس مش راضية عن اى حاجة حواليه لا راضية عن حياتى ولا عن اصحابى ولا عن حاجة ودايمت حاسة ان الشخص المناسب بيجى فى الوقت غير المناسب والظروف غير المناسبة يعنى مفيش حاجة فى حياتى حلوة خالص

[طارق ممدوح ذكي محمد]

المشاركة الأصلية كتبت بواسطة mona

اكرمك الله على هذه النصائح الغالية
وجزاك كل خير

جزاك الله كل الخير .. مع خالص دعواتي بالتوفيق والتفوق

[فرح &&]

الحاجات اللي مضايقاني في نفسي
اولا انعدام الثقة في النفس
ثانيا على طول متنرفزة وبزعق وبتعصب ومعرفش ساعتها اللي قدامي ومخنونة من نفسي على طول
نفسي بجد اتخلص من المشاكل دي لاني مش بثق في نفسي والحكاية دي مدمراني

[هانى الشرقاوى]

عشقى للوحدة لدرجة انى بقيت عايش فى عالم لوحدى معزول عن العالم الخارجى
عالم ملكى انا لوحدى

[Al_Mahdy]

بسم الله الرحمن الرحيم

انا باة وبلا فخر الحمد لله بقدر اتحكم فى نفسى فى قصة الصلاه وكدة بس طبعا بيباة غصب عنى انها مش فى اوقاتها بس العيوب مليانى لدرجة ان انا اتخنات من نفسى ومفيش حاجة بتمشى غير لما ادعى ربنا و بدل الساعة يوم بس بتتحقق الحمد لله نبدا باة بسرد اللى بيضايقنى من نفسى:-


1-انانية او بيقولو علية انانية بس بدايق من ان حد يقولى كدة لان انا كدة فى الماديات لكن كمعنوييات بتنازل كتير جدا عن حثى وخصوصا لو كان شخص بحبه وباجى على نفسى كتير اوى (مشاعرى) يعنى لو اصحابى اللى بحبهم اوى زعلو منى بسكت شوية وبعدين انا اللى اصالحهم ختى لو مش غلطانه

2-بحس كتير انى بتعامل مع اصحابى احسن من اخواتى واهلى رغم انى بحب اخواتى جدا وبعتبرهم اللى مربينى

3-لما بتعصب مبحسش انا مين وفين ومع مين بزعأ وخلاص وباول كلام غريب ممكن لما اهدا مفتكرش انى الته بس لما بحاول مزعأش وعليش صوتى بعيط وجامد (عياطى مبيحصلش غير وانا فى بيتى او مع المقربين لية معرفش ليه؟)

4-اوات بحس انى مخنوقة ومش طايقة حد وادور على سبب ملايش واوات تانية بحسش كدة غير لما ادخل البيت

5-وجبــــــــــــــــــــــــــــــــــــــــانة جدا مش فى حياتى بالعكس انا جرئه جدا انا جبانة فى احلامى بحلم بحجات لما بحكيها بحس انها مش بتخوف ولا حاجة بس ممكن درجة خوفى وانا نايمة توصل انى اصحا معيطة

6-اللى ميعرفنيش بياول علية متكبرة مش عارفة ليه رغم ان اللى يعرفونى وتعاملو معايا بيالولى ان ابل ميعرفونى كانو فكرنى متكبرة بس لما عرفونى حبونى

7-احساسى السريع بالزمب

8-ميولى للوحدة او مع اصحابى لكن مش مع اهلى بس الوحدة بتغلب حتى اصحابى

9-لما بحب بجد ولما بكره بكره بجد رغم انه صعب الوصول لدرجة حب او كره لشخص فى العادة التعامل كويس وخلاص (بس بحب اصحابى)

10-بحب الحزن لما اباة لوحدى وادام الناس بدحك جدا بس مش عارفة ليه بدون قصد ادام الناس خنقتى بتتحول لدحك بس لما بسكت من الدحك بيغرفو انى مدايقة بس بموووووووووووووووووووت فى الهزار بس لوحدى اليل لما بفرح

11-معرفش اخبى اللى جوايا رغم ان انا بير لاسرار اصحابى

12-بتكلم وانا نايمة عن كل حاجة

13-متردده جدا بس زى مالت فى الاول ان لما بتردد بتجه لربنا

14-لما حد بيحاول يستفزنى بباة بارده جدا وبحتفظ ببرودى جدا لكن لى نقط ضعف الحمد لله محدش يعرفها


كفاية كدة انا عارفة ان دة كافى انه يدخلنى مستشفى امراض نفسية وعصبية
ربنا يستر

[الرهينه]

اكتر حاجة بتضايقك فى نفسك

اكتر حاجة بتضايقنى

* انى ممكن اتأثر بالكلام .. بس فى موضوع انا متردده فيه لكن لو حاجه واثقة فيها خلاص

* بكون مضايقة جدا بس بمجرد انى اتكلم مع حد ببقى فريش خالص انا مش شيفاه عيب بس فى كتير بيفسروه على انه نفاق او ازدواجية

* بتنرفز بسرعة جدا بس لو حد بيحاول يستفزنى ببدل الاماكن وبستفزه لدرجة انه ممكن يعيط

ميرسى ع الموضوع وميرسى مستر طارق على مساعدة حضرتك

[Taleba Me7tasa]

اني قلبي اسود (زي ما واحدة صاحبتي بتقولي )
يعني بسامح بسهولة جدا
بس مش بنسى المواقف الوحشة خاااااالص
حتى لو عدي عليها قد ايه
وحتى لو اللي اساءلي اتغير ف طباعه مثلا
بابقى متوقعة منه الاساءة ف اي وقت
ولما بازعل منه ف موقف قريب
بازعل اوي زيادة عن اللي الموقف يتطلبه
عشان بافتكر القديم

ومشكلة كمان


لما باحب واحدة صاحبتي باحبها اوي
وباجي على نفسي اوي ف حاجات كتير
مش حكاية تضحية ولا كلام كبير من دة
لا يعني بيبقى زيادة عن اللزوم

انا بيضايقني ف نفسي حاجات كتيررر
كل ما تنقح عليا حاجة هادخل اقولها

[Golden Eagle]

المشاركة الأصلية كتبت بواسطة طارق ممدوح ذكي محمد

ربنــا يتولاه بقى .. انا هقطع نفسي

هههههههههههههههههههههه

يا ريت تكتب وتشرح مشكلتك حتى ع الخاص

وتحت امرك

و الله إجابه م الآخر
هههههههههههههههه
هاشوف حضرتك كتبت للتلاته اللي فاتو إيه و أعمله ( ع الأقل هحاول )

[Golden Eagle]

الظاهر أن حضرتك ما رديتش علي أي واحد م التلاته دول
طب ناخدهم واحده واحده
أولا ً أني منعزل شوية عن الناس و اني مش باتكلم بتلقائيه
هي دي أهم مشكله عندي
لكن حتي البرود باعتبره ميزه مش عيب

[nody.dody]

انا بكون اصحاب بسرعهجدا بحبهم لابعد الحدود ولكن مش بلاقى نفس الاحساس دائما بيبقوا باردبن فى مشاعرهم ولما بكرهك او يعنى بخاصمهم عمرى ماقدرت انى اصلحهم حتى لو سبب تافه بتصعب على نفيى وبعيط وبرده مش بعرف ارجع معهم زى الاول ببقى انا اللى مش عايزه يعنى هم عايزين بس انا مش قادره اكلمهم حتى عادى زى اى رملاء

[احمد فاروق1991]

واضح ان الاستاذ طارق مش موجود فى المنتدى من فترة طويلة ان شاء الله يرجع

[doaa shedid]

المشاركة الأصلية كتبت بواسطة احمد فاروق1991

انا عايز كل عضو يخش الموضوع يكتب اية اكتر حاجة مضايقاة من نفسة ياريت نتكلم بصراحة

انا عن نفسى اكتر حاجة بتضايقنى ( احلام اليقظة ) مش عارف اتخلص منها تعبانى جدااااااااااااااااااا

طبعا الموضوع اكثر من رائئئئئئئئئئئئئئع

فى البداية هرد على مشكلتك ده طبعا لو سمحتلى

(الحلم ده دنيتك التى تملكها وحدك وتملك كل ما فيها، فلا تتنازل عنها حتى يمكن ان تتحمل دنيتنا جميعا بكل ما يفرض علينا فيها ، تمسك بهاااااااااااااااا)

احلام اليقظة دى ظاهرة صحية جداااااااااااا ، لانها اقرب للخيال ودى الحالة الوحيدة الي بتقدر تعيش فيها اى حاجة فى الحياه زى ما انت عايز مش زى الواقع مبيفرضها عليك

من الناحية النفسية انت كده بتخرج طاقات نفسك فى احلام اليقظة ، وعلى فكرة ده بينعكس على الواقع لانك بتحاول حتى من غير ما تدرك ذلك انك تحقق لواقع كما تخيلته



انا الي بيضايقنى من نفسى

ان دماغى بتشتغل 24 ساعة فى الـ24 ساعة ، نفسى ارتاح بجد شويه من التفكير ، كمان بتعامل مع الناس من خلال فهم نفسياتهم وده بيرهقنى جدا رغم ان بكسب ناس كتير ومصدر ثقة لناس كتير
انما خلاااااااااااااااااااص تعبت بجد

[sara_gm90]

ارادتى ضعيفه ومش بقدر احقق معظم احلامى