كفايه فور ثانويه !!

[ReceptiveGuy]

ذكرت يا أستاذ زيزو إن المناقشات ديه مش بتخلص
فما حبتش أتدخل فيها
حبيت بس أرد على وجهة النظر الديمقراطية
و أمشي جامب الحيط لحسن أتلسع بالنار

[tarekalbolkeny]

طبعا مصلحة المنتدى فوق كل شىء انا ماشى يا جماعه يا ريت تتركو استفسارتكم وانا او يورى او نيو نرد لما نرجع اوك
واحتمال ارد انا لوقعدت

[tarekalbolkeny]

تمشى جنب الحيط وتتلسع بالنار ليه لو خايف مش تخش ولا تشارك سورى

[ReceptiveGuy]

قصدي مش بحب أزعل حد مني
بس الكل متفق إن الاختلاف في الرأي لا يفسد للود قضية
عشان كده أنا متأكد إن ما حدش زعلان مني
وإللي يزعل يقوللي و أنا أراضيه
بس مش بحب المشاحانات الكلامية و البتاعية و الحاجات ديه
سلام يا مان

[قمر قمر]

دى مش مشاحنات كل واحد فينا له حق الاعتراض وابداء الراى
للوصول بالمنتدى الى الطريق الصيح

[بسبوسة]

اولا المفروض نلتمس الاعذار لمديرنا ومشرفنا العام مهما حصل محدش عارف ممكن يكون حصل ايه ثانيا الانقلاب ده مالوش اى لازمة ممكن يكون فيه خلافات فى المنتدى بس ده طبيعى علشان احنا فى فترة امتحانات وطبيعى محدش كتير يدخل وكمان استاذ اشرف مشغول جدا جدا يعنى المفروض نعذره وندعيله ربنا يعينه وهو غاب عن المنتدى علشان عارف انه فى ايد امينة وعلشان عارف ان اخواته حيلتمسوله كل الاعذار مش حينقلبوا عليه وده طبعا مع احترامى الشديد جدا لاستاذ بورسعيدى بس المفروض حاجة زى دى تتأجل لحد ماعبقرينو يدخل ويشرحلنا ظروفه وساعتها نشوف وكمان اشرف بقاله سنين مشرف على المنتدى ولو كانت شركة هايل جروب شايفاه مش مناسب كانت شالته من زمان وهم اكييد بيتابعوا الموقع حتى لو الادمين مدخلش بصفة رسمية
الاستاذ اشرف ساعدنا كتير جدا واوقات الامتحانات كان بيعذرنا لاننا مبندخلش مش معقول علشان فترة غابها ننقلب عليه بالشكل ده حتى نبقى خاينين للعشرة
انا اقتراحى هو تشكيل طاقم ادارة يساعد المشرف العام ولكن ليس الانقلاب عليه وتغييره انا ارفض ذلك بشده مش علشان انا مشرفة ولكن احنا هنا كلنا بنعتبره اخونا وحنلتمسله الاعذار مهما حصل
وانا بقالى معاه سنة وشوفت فعلا انه جدير بقيادة المنتدى ومش علشان تغيب فترة مهما كانت الفترة تحصل ثورة عليه وننقلب ضده

[ReceptiveGuy]

أحب أفكر الكل يا جماعة إنه ما يخدش الموضوع على محمل شخصي إطلاقاً
و إن الاختلاف في الرأي لا يفسد للود قضية
و لولا اختلاف الأذواق لبارت السلع
و أنا مش متضايق منه ومش متضايق من حد
لكن حركة تطوير مش أكتر
لول

[tarekalbolkeny]

لو هتتاجل لحد ما عبقرينو يخش يبقى مش هتتعمل ولا هتتنفذ

[قمر قمر]

تسلم ايدك بسبوسة
مستنينك يا استاذ اشرف

[بسبوسة]

اعتبروا نفسكم فى قضية النيابة قدمت الادلة ومن حق المتهم يدافع عن نفسه ماانا حاسة ان احنا فى محاكمة عسكرية
والمادة رقم ايه فى القانون بتاع ايه بتقول المتهم برئ حتى تثبت ادانته يعنى ماينفعش نقدم التهامات ونصدر الحكم قبل مانسمع الدفاع يبقى كده بنضربه فى ضهره وانا اطالب بتأجيل المحاكمة قصدى المناقشة للاجازة يكون كل الاعضاء موجودين

[ReceptiveGuy]

1- ما أظنش إن كلمة مستنينك هيه اللي هترجعه
2- مش انقلاب وما نقدرش نعمله من غير موافقته أساساً
3- يا ريت يا جماعة المؤيد للفكرة (قبل المعارض) يخفف من حدة الحوار شوية مش عايزين خناقات ولا مشاحنات و لا حد يزعل من حد ديه آراء بتعرض وبتتناقش زي مجلس الشعب بس لينا إحنا مش لمصر
4- كوني مؤيدأً للفكرة ليس أني أكره أستاذ أشرف أو أحب أستاذ بورسعيدي أو .....أو ..........أو ........ إلى آخره يا جماعة
أقسم بالله العظيم ديه آراء
و على فكرة أنا ما كنتش ناوي أخش قبل التاريخ اللي أنا حاطوه فما حدش يضايقني من نفسي أرجوكم
5- مش فاكر كنت هأقول إيه
ألف سلامة

[tarekalbolkeny]

مع السلامة استاذ صلاح ابدى احترامى لك لخوفك على مصلحة المنتدى وخوفك من حدوث زعل بين الاعضاء وبعضها

[ReceptiveGuy]

ما كنشي قصدي ألف سلامة يعني هاسيب الموضوع
لكن أنا بحب أقولها لكن شكلي كده هاسيبه الفجر بيدن
و العفو
غرضنا إسعادكم
العميل دائمأً على خطأ ههههههههههههههههههه

بصوا يا جماعة انا قريت كل الردود بجد هما فيه تلات اعضاء ردودهم جيدة جدا وكلو حلو انا موش قصدي الاساءة للاخرين بس انا مقتنع بوجهة نظر

استاذ زيزو والاخ محمد ( قمر قمر) والاخت ايمان وانا اؤيدهم بصراحة وهنشوف ايه اللي هيحصل لما الاستاذ اشرف يجي ونستنى بس بجد الاستاذ اشرف من الشخصيات المحترمة اللي قدمت كتير للمنتدى اه قل مجهوده عن الاول بس الله اعلم ممكن يكون هناكــ اسباب بس لا نكون جاحدين وناكريين للجميل

وانا اها مع ان الاستاذ مجدي يكون مدير بس موش مدير مطلق زي ما حضرته طلب وقال انه موش عاوز يبأى مدير مطلق لكن يعطى له بعض الصلاحيات وانا اؤيده فكرته وااعتبرها جدية جدا

[M.Neo]

بسم الله الرحمن الرحيم
في البداية

لما جتلنا الفكرة دي

لم تكن اعتراض علي الاستاذ اشرف علي الاطلاق ودي نقطة مهمة جدا وياريت ما حدش يتكلم فيها

احنا مش بنحب حد وبنكره حد

بعدين احنا قلنا يبقي للاعضاء الحق في اختيار مديرهم مهما كان المدير ده

المهم انه يكون من اختيار الاعضاء

انا والله اعلم ما يفرق مين مدير المنتدي لاني مش هخاف منه ولا هكون تحت جناحه او اصاحبة عشان مصلحه


بس احنا فكرنا بطريقة منطقية شوية

فكرنا مين ينفع يبقي مدير المنتدي

طبعا حطينا اعضاء كتير قدامنا بس بدءنا نصفيهم لحد ما وصلنا لبورسعيدي مع احترامي لكل العضاء اللي انتوا ذكرتوهم واللي احنا فكرنا فيهم

ولكن ليه بورسعيدي؟

بحكم سنه ورجاحة عقله واطلاعة علي المواضيع كلها وشغله كمان لانه عنده سيبر وده هيخليه موجود كل يوم معانا
بدون انقطاع ان شاء الله

بعدين احنا قلنا ما ينفعش نقول لعبقرينو انت مش هتبقي مدير المنتدي لازم عبقرينو ياخد حقه

وحقة ده ان احنا نعمل انتخابات بينه وبين الشخص اللي احنا مطالبين بيه

بس في نقطة تانية


ان احنا لو قولنا هنعمل انتخابات كده خبط لزق هيقولوا علينا هبل

والحق يتقال كان ناقصنا حاجه

موضوع نخلي فيه الاعضاء اللي هم اساس المنتدي

هم اللي يقولوا عايزين انتخابات ولا لاء

وده الموضوع اللي بين ايديكم دلوقت

انا عايز بس اقول حاجه


عبقرينو مع احترامي له لم يعد قادر علي العطاء للمنتدي

كم موضوع كتب ومنتظر رد عبقرينو ولم يوجد رد له

عبقرينو مؤسس المنتدي وقام بيه من سنتين او 3سنين

بس هو دلوقت خلاص انا حاسس انه مش قادر يوفق بين حياته وبين المنتدي (بدليل ان في اعضاء كتير متعرفش مين عبقرينو )


الله يعينه علي مشاغله فمش لازم نزودها بالمنتدي وحتي لو هو موافق علي تزويدها بالمنتدي

فبقوله صاحب بالين كداب

مستحيل يدي للاتنين حقهم

واحنا مطلبناش المستحيل والله

احنا قولنا الانتخابات تحدد اللي عايز عبقرينو في انتخابت جايه بينه وبين بورسعيدي

اللي عايز عبقرينو يقول واللي عايز بورسعيدي يقول

كله في ايد الاعضاء

وانا اتمني اتمني اتمني ان الاستاذ اشرف (عبقرينو ) يدخل ويقول رايه

انا منتظره من زمااااااااان جدا

وعايز اعرف رايه

يقول انه مشغول يقول انه مش قادر او يقول انه معانا انه موجود يقول اي حاجه ما يسبناش نتخبط في المنتدي

يا جماعة مشاكل كتير حصلت بسبب غيابه ومشاكل كتير كبرت واخدت اكتر من حقها بسبب غيابه

ومشاكل كتير طلبنا فيها مساعدته في انهائها وكان هو في صف المتفرجين

انا عايز اعرف ليه وايه رايه وايه رده

هو شخص مشكور علي مجهوده من يوم ما عرفنا المنتدي لحد دلوقت

بس هو دلوقت فين هل بيتفرج علينا وسايبنا

ولا ما يعرفش حاجه عن اللي بيحصل

لو بيتفرج خلاص مفيش وقت فاضل للفرجه

ولو مش عارف يا ريت اي حد يعرفه او يعرف يوصله يقوله الي بيحصل يدخل يشوف احنا عايزين ايه

يحاول يراضينا ويراضي اعضاء المنتدي اللي مستنين منه اكتر من كده

لو كان عبقرينو موجود مكنش حد حس بالخطر وحاول ينقذ المنتدي زي ما احنا عملنا

يوري كان هيسيب المنتدي بسبب مشكله في المنتدي

وبعديه طارق كان هيسيب المنتدي بسبب تجاهل عبقرينو لموضوع ليه

وبعدها زيزو كان ناوي يسيب المنتدي بسبب خلافاته وتدني اسلوب الحوار

لو كان عبقرينو موجود مكنش هيسمح لاي حاجه من دي هتحصل

كان مفروض يوقف اي مشكلة قبل ما تبدء



يااا أستاذ اشرف انا منتظرك

ومحتاج ردك انت مستني لحد ما نوصل فيين عشان ترد علينا

احنا بجد تعبنا من كتر انتظارك في كل المواضيع اللي محتاجه ردك

ومكنش قدمنا غير اللي عملناه ومش هنتراجع عنه

لازم كل حاجه تبقي في ايد الاعضاء

عشان المنتدي يبقي كويس

مفيش حاجه هتطور المنتدي وتحسنه غير الانتخابات وتنفيذ اختيارات الاعضاء

انا عارف اني طولت واتكلمت كتير ولاني ايدي وجعتني من الكتابة

بس انا كده طلعت كل اللي في قلبي بامانة

ومنتظر ردود اي عضو ومنتظر نقدكم لردي وانا مستني اي استفسار عن جزء غير واضح في كلامي

وياااااااارب
نكون كلنا

يد بيد نسعي لرقي المنتدي