لكل من يريد إبداء رأيه بخصوص تعديل الجدول

[Ma7moud007]

الجدول سئ جدا جدا جدا للغاية .. ازاى المستوى الرفيع الاربعاء .. و الاقتصاد و الاحصاء الخميس ...
مع ان الاقتصاد و الاحصاء محتاجة وقت كبير خاصة الاقتصاد
ثانيا الاحياء قبلها يوم واحد بس .. ازاى .. فى حد يلحق يخلص الاحياء فى يوم واحد بس ؟؟ !!!
ارجو تعديل الجدول ... و اظن ان جدول العام الماضى كان احسن بكتيييير
انا صدمت لما شوفت الجدول ده .. ارجوكم ابذلوا قصارى جهدكم لتعديل الجدول ..
و لكم جزيل الشكر

[theater2oo]

السلام عليكم شكرا لك يا طالب تانية ثانوى ولكن الجدول ده ملخبط كتير ازاى قبل التاريخ 5ايام ونص بس و علم النفس امامه6ايام ونص والتارخ 13 فصل ده حرام

[همس]

<span style="color:#CC0000">بسم الله الرحمن الرحيم

كيف حالكم جميعا ؟

بصوا يا جماعة انا طبعا اقترحت ان التعديل يكون العربي مع الدين والأنجليزي مكان اللغة الأجنبية التانية ..
بس في حاجة مهمة اوي كنت عاوزة اقولها لجميع الطلاب بالمرحلتين الاولى والتانية
لو فرضنا مثلا ان الجدول مش اتغير فيه حاجة هنعمل ايه ؟ هنقعد زعلانين ومحبطين عشان الجدول ؟ طبعا مش هينفع وده هيأثر على مذاكرتنا ..
الحل ان كل طالب ينظم المذاكرة من دلوقتي على الحسب الجدول المقترح ده ... وييحدد الأجزاء الي هو محتاج يذاكرها اكتر ومش مظبط نفسه فيها ... ويجي قبل الامتحان في الايام الي عنده يبدا بيها الاول وبعدين يحاول يعمل مراجعة شاملة للباقي الي هو مذاكره كويس وعارف نفسه انه مذاكره كويس ... ويتوكل على ربنا وطبعا لازم كلنا نبقى عارفين انه مهما كانت الفروق في الأيام بين المواد ومدتها قد ايه سواء يوم او اتنين او تلاتة .. مش هيفرق لان النتيجة هتكون حسب جهدك طوووووووووووول السنة وجهدك في الفترة ده يعني لو شدينا حلنا دلوقتي ربنا هيوفقنا ان شاء الله .... وتأكدوا (ان الله لا يضيع اجر من احسن عملا ) وربنا بيدي كل واحد على حسب تعبه في السنة كلها مش في التلات ايام او اليومين او اليوم الي بيبقوا قبل الامتحان ... بس انتوا خليكوا ريلاكس وتوكلوا على الله وربنا مع كل طالب وطالبة في الثانوية العامة ان شاء الله ...
أنا عارفة اني طولت عليكم بس والله لأني بحبكم كلكم ونفسي كلنا نفرح بالنسب العالية ان شاء الله
أختكم في الله : همس المشاعر

[fetogogo]

شكرا علي الجدول بس احنا هنقول راينا ازاي
feto

ازاي يا جماعه الاقتصاد والاحصاء ادامها نص يوم بس
حـــــــــــــــــــــــــــــــــــــــــــــــــ ـــــــــــــــــــــــــــــــرام
وبعدين الواحد هيبقي خارج من الميكانيكا ربنا اللي عالم بيه
feto

رياضه2222222
هم اللي مظلومين
حرام

[samar16]

أن هذا الجدول كان بمثابة صدمة لجميع الطلاب من مختلف الشعب سواء العلمية أو الادبية فهذا الجدول يضيع مجهود عام بأكمله بعد كل هذا التعب و الجهد و الاجتهاد نتيجة للضغط النفسي الذي يتعرض له الطالب لقصر فترة المراجعة و النهائية للمواد .

-لا يعقل أن تكون فترة مدة نصف يوم كافية لشعبة الرياضيات لمراجعة مادة الاقتصاد و الاحصاء التي تمثل 50 درجة من المجموع .

- لا يمكن ان تكون فترة يومين و نصف كافية لمراجعة مادة الفيزياء التي تحتاج الي ثلاثة ايام علي الاقل و التي تمثل 50 درجة من المجموع ايضاً .

- من المستحيل اعطاء يوم و نصف لمراجعة الاحياء فذلك بمثابة دمار لطلاب علمي علوم .

- نصف يوم لمادة علم النفس ليست مدة كافية بالمرة.

فهذا الجدول المقترح يعتبر غير عادل بالنسبة لجميع الطلاب بمختلف شعبهم و في ضوء هذا الجدول نجد ان فرصة تحقيق التفوق ضئيلة لكل من اجتهد علي مدار العام.

و لذلك نرجو اعادة النظر في ذلك مرة اخري و أن تؤخذ اراء الطلاب في الاعتبار لأن ذلك في النهاية يحدد مستقبل هؤلاء الطلبة .
















ولقد حاولت اعداد جدول يلائم جميع فئات الطلبة و عرضته علي زميلاتي و اضفنا بعض التعديلات و هذا هو الجدول النهائي الذي نقترحه و لقد حرصنا أن تمتحن جميع المواد المشتركة أولا و تكون النسب متكافئة للجميع .

و نريد معرفة جميع الاراء بالنسبة لذلك الجدول من كلا المرحلتين و كذلك من جميع الفئات العلمية و الادبية فان كان يناسبكم جميعا نقوم بعرضه ليأخذ بالاعتبار :

المرحلة الثانية :
9/6 لغة عربية و تربية دينية
11/6 تفاضل و تكامل
13/6 اقتصاد و احصاء
16/6 لغةاجنبية اولي
18/6 جبر و هندسة فراغية + تربية وطنية
20/6 جيويوجيا و علوم بيئة
21/6 ميكانيكا
23/6 أحياء و فنون
24/6 تاريخ
25/6 كيمياء
26/6 علم نفس
27/6 فلسفة و منطق
28/6 جغرافيا
30/6 فيزياء و قدرات


المرحلة الاولي:
10/6 لغة عربية و تربية دينية
12/6 تفاضل و حساب مثلثات
13/6 اقتصاد و احصاء
14/6 جبر
17/6 لغة اجنبية اولي
19/6 لغة اجنبية ثانية
20/6 جولوجيا و بيئة
23/6 احياء
24/6 تاريخ
25/6 كيمياء
26/6 علم نفس
27/6 فلسفة و منطق
28/6 جغرافيا

[محبة الله]

السلام عيكم اولا
الجدول اللى مقترح دا وحش جدا طبعا
يعنى ازاى قبل التفاضل والمثلثات والديييييييييييييين يووووووووووووووووم هنعمل فيهم اى بالظبط دول؟؟؟؟؟؟؟؟؟؟
والانجلش ازاى باه يباه قبلو بردو يوم؟ هنعمل فيه اي ولا اى دا بالظبط يعنى؟ دا حتى مانلحقش نراجع غلطاتنا فى الامتحانات اللى امتحناها
وقبل اللغة التانية يومين هنعمل فيهم اى حضراتكوا؟ دا يادوب نجمع فيهم المذكرات ونقول ياهادى عشان نقرا اساميهم بس
بالنسبة للجبر والكيمياء دا حلو اوى
دا بالنسبة للمرحلة الاولى علمى طبعا
وشكرا وربنا يستر

[sahwaaa]

يا جماعة الجدول دا مش مظبط وظالم
ياريت الدين يكون مع العربى
ونطول وقت التفاضل والمثلثات لانها مش معقولة يباه وقت الدين متساوى مع وقت التفاضل
وياريت يباه بين كل مادة والتانية على الاقل يومين بالذات قبل اللغة التانية
يااااااااااااااااااااااارب

[النوسانى]

لازم يبقى فيه مدة كافية ابل الاحياء فى المرحلة التانية

[ahmed recoba]

<div align="center">
يا جماعة المصيبة ان الجدول هيتنفذ وخلاص بتوع علمى علوم هيخلصوا ليه يوم 22 مستعجلين على ايه

هيشغلونا مع اوروبا 2000 ( زبالين ) كل واحد معاه المقشة والجاااااااااروف

انا شكلى هجيب 20 % واخش ...............( معهد اوروبا 2008 )

بالشفا يا غلاااااااااااااااااابة

وزى ما زميل هنا قال المهم الواحد يذاكر

لما يقولوا قدام الاحياء يوم ونصف سيتم افراز هرمون الادرينالين والانسولين والجاسترين وكله يشتغل والدماغ تهنج

وتبدع فى الامتحان

اما لو قبليها 9 ايام زى ما اقترح العضو العبقرى
الواحد هايأنتخ فى السرير .........</div>

[نمر الثلوج]

مرحبا

أولا :اقترح ان تكون التربية الدينية مع العربى
ثانيا:الفيزياء تكون كالعام الماضى قبلها ثلاث ايام و نصف
ثالثا:زيادة المدة قبل امتحان الاقتصاد و الحصاء مع عدم التاثير على مادة الكيمياء التى تقع بعدها

و أرجو التنبيه لأمر هام::اذا تم التعديل يجب ان يكون التعديل صحيحا مثلا اذا تم زيادة الوقت قبل احد المواد لا يكون ذلك على حساب مادة اخرى التى بعدها

[نمر الثلوج]

أحب أن أضيف للامانة أن هناك ميزة كبيرة فى الجدول لطلاب علمى علوم مرحلة ثانية حيث تم زيادة الوقت قبل مادة الكيمياء أرجو الحفاظ على هذه الزيادة

[amira26]

بسم الله الرحمن الرحيم

السلام عليكم: أرجوكم الجدول ده لازم يتغير بجد حرام كدة
انا فى ثالثة ثانوى علمى علوم لو سمحتم لازم يكون فيه يومين قبل امتحن اللغة الأنجليزية - ويكون امتحان الاحياء
مكان امتحان الفيزياء وقبله 5 ايام لأن الماده تقيلة - وقبل الوطنية يومين لمراعاة الجبر - وقبل المستوى يومين
او ثلاثة لمراعاة الميكانيكا - ويأتى أمتحان الفيزياء مكان امتحان الأحياء وقبله 7 أيام لأن المادة تقيلة جدا - وقبل
الفلسفة والمنطق أربعة ايام .....

أرجوكم لازم يكون فية وقت أكتر قبل كل أمتحان خاصة الأحياء والفيزياء
أرجوا ان تقرأوا رأيى ويتم تغير الجدول بصورة سليمة كما هو مطلوب وأرجو الرد أيضا


أرجو التنبيه لأمر هام::اذا تم التعديل يجب ان يكون التعديل صحيحا مثلا اذا تم زيادة الوقت قبل احد المواد لا يكون
ذلك على حساب مادة اخرى التى بعدها

[vina]

الدين ياريت يبقى مع ماده اساسيه( عربي E او المستوى)
علم النفس قابله نصف يوم (قليل جدا بالنسبة لادبي جولوجيا)

[وفاءمنصور]

انا طالبه فى المرحله الثانيه علمى رياضه
من فضلكم نعود الى جدول العام الماضى
او يراعى الآتى:
تزويد الايام قبل امتحان الفيزياء
لايمكن باى حال من الاحوال ان يكون قبل امتحان الاقتصاد والاحصاء نصف يوم
يجب جعل ماده المستوى الرفيع فى نهايه الامتحانات <_<
وضع ماده التفاضل والتكامل قبل الدين وكذلك ماده الجبر قبل ماده التربيه القوميه فى بدايه اليوم

هل يعقل ان ننتهى من الامتحانات يوم 21/6 قبل باقى الاقسام باسبوع مما جعل كل الجدول مضغوط

[هينار]

ياجماعة إنتوا نجدة بجد ربنا يخليكوا لمصر كلها ولا يوقعكوا فى ضيقة زى اللى أنا فيها أنا أخدة مادة أدبية علم نفس وأنا أساسا أخدة السنة ده كيميا وفيزيا يعنى قدامى نصف يوم بس قبل إمتحان الكيميا ممكن تقولولى إزاى ممكن الكيميا تتلم فى نصف يوم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وشكرااااااااااااااااااااااا