إمتحان الكيمياء 2007

[منة الله ممدوح]

أرموا حمولكم على الله ربنا قادر على كل شيء . أنا برضه عكيت فى الأمتحان بس زعلنا مش هيرجع الماضى . ما علينا الا الدعاء .

[همس]

لااااااااااا حول ولا قوة الا بالله ياجماعة متخلوش الواحد يكره المنتدى انا كل يوم ادخل المنتدى اطلع منهارة منه ... والله حرام كفاية وجع اعصاب المسكنات خلصت عندنا في البيت من كتر ما الواحد بياخد منها انسوا بقه الي حصل حصل وبلاش وجع اعصاب الواحد تعب اوي بجد ....حراااااام وكفاية ارجوكم كل يوم خبر جديد يخلي الواحد هيقع من طوله ... ربنا يهدي الجميع

[shoo]

حسبى الله ونعم الوكيل

[ghost_123]

<div align="center"> بسم الله الرحمن الرحيم </div> النموذج صح ميه فى الميه وانا مش مقتنعه انها ثانويه خالص ولا عارفه ايه وجهه نظركم وخلاص اللى اتكتب اتكتبوالى ربنا كاتبه هنشوفه ارموا الثانويه بقى وعيشوا اجازتكم وما تنسوش اننا فى اجازه لحد 1|8 وبس الى هيقبل النصيحه اهلا والى مش هيقبل هو حر

[Omar Ahmed Hamed]

انا شايف ان الاستاذ منيو جاب المفيد
فعلا
واهنئك علي هذه البدايه القويه و اتمني لك المستقبل المشرف

[the_legend]

فعلا يا جماعه الامتحان مكنش تمام

[أ. الدادمونى]

شكرا للأساتذه / أ. جابر شكرى وأ. سيد عثمان وأ. جمعه الدهشان(عبدالله)

بس أنا من رأيى: إن الطالب اللى عملها أولية (يأخذ الدرجة كاملة) لأنها غير واضحة بالمنهج الجديد...

وإن الطالب اللى عملها ثانوية (يأخذ أيضاً الدرجة كاملة) لأن ذلك يتفق مع فهم الحقيقة العلمية...

ولا فيه رأى آخر؟

[gomaa]

هو دية الرئ يا أستاذنا ودا اللى بنقوله بالحرف الواحد

[أ. الدادمونى]

تمام يا أ. جمعه

[عاطف خليفة]

كل الحب والاحترام
كل التقدير
قدم الاستاذ سيد عثمان
كل الادلة القاطعة بان الخلية ثانوية
-----------------------------------------
ولي راي للاثبات وهو ان نحاول الاتصال
بالاستاذ الدكتور - محمد المتولي غنيم استاذ الكيمياء الكهربية كلية العلوم - طنطا
وهو احد المشرفين غلي كتاب الوزارة
-- والاتصال بالدكتور استاذ الاساتذة استاذ دكتور رافت عيسي - وهو استاذ الدكتور احمد زويل
والدكتور عيسي استاذ كهربية
---------------------------------------
واعدكم الاتصال بهم والرد
--------------------------------------
وعندي كورس للاستاذ الدكتور غنيم درسناه في تمهيدي الماجستير
سابحث عنه واوافيكم به ان شاء الله قريبا
----------------------------------------
والله الموفق

[عاطف خليفة]

واضم صوتي
الي استاذ جمعة واستاذ الدادموني
الطالب ياخد الدرجة كاملة في الحالتين

[سيد عثمان]

أشكرك يا دكتور عاطف على اهتمامك وانا من ناحيتي سوف ابحث في مراجع أخرى عن هذا الموضوع ومنتظر رد حضرتك بعد اتصال حضرتك بالدكاترة ولك مني جزيل الشكر

[gomaa]

جزاك الله كل خير يا دكتور عاطف واحنا فى الانتظار

[عاطف خليفة]

استاذي جابر شكري
استاذي سيد عثمان
استاذي جمعة
استاذي وائل الدسوقي
استاذي الدادموني
كل اساتذتي الكرام
--------------- لقد قمت بالاتصال بالاستاذ الكتور محمد صلاح كامل بنات استاذ الكيمياء العضوية غير المتجانسة قسم الكيمياء
--------------- جامعة اسيوط 0882331164
بمنزله الساعة 11 صباحا
وعرضت عليه السؤال
واتصل بدوره باساتذة الكيمياء الكهربية
في نفس الوقت
------------------ وكان الرد كالاتي
1- اسم الخلية خلية جلفانية
2- التفاعل تلقائي
3- القطب B هوالاعلي جهد اكسدة لانه مصدر الالكترونات للسلك الخارجي حدث له اكسدة
4- الخلية اولية - الخلية اولية - الخلية اولية - الخلية اولية
لانه لا يمكن شحنها
حيث باستمرار تشغيلها علي ما هي
يتاكل الانود تماما وتنضب الايونات في نصف خلية الكاثود وتتوقف الخلية عن العمل تماما
------------------------------------------------------------
وقد سجلت المكالمة علي التلفون المحمول
وساوافيكم بها
عندما اعرف اسطوانة التلفون علي الكمبيوتر اليوم
-----------------------------------------------------------
وغدا ان شاء الله
ساوافيكم برد كلية العلوم طنطا وعين شمس
كما وعدتكم صوتا وصورة
------------------------------------------------------------
وعلي من يريد الاتصال بالاستاذ الدكتور محمد صلاح كامل جامعة اسيوط
قبل الساعة 2 ظهر الثلاثاء
او بعد غد الخميس لانه مسافر
----------------------------------------------------------
اخوكم عاطف خليفة

[سيد عثمان]

مشكور ا جدا يا دكتور عاطف ولمزيد من الإقتناع بأن الخلية الجلفانية أولية لي تسائل بسيط
ياريت تسال السادة الدكاترة علية وهو
الخلية الجلفانية بصورتها الحالية وقبل نفاذ الأنود( الخارصين ) ماذا يحدث إذا وصلت بمصدر كهربي خارجي أكبر قليلا من قوتها الدافعة الكهربية هل ينعكس التفاعل أم لا
لأني أرى أن هذه الخلية ليست عملية أي وهى بصورتها الحالية لايمكن استخدامها في الحياة العملية لكي يتآكل الخارصين بعد مدة من إستخدامها بل هى نموذج أولي لخلية تحول الطاقة الكيميائية إلى طاقة كهربية
بمعنى أنه إذا تم توصيل الخلية الجلفانية بمصدر خارجي هل ينعكس إتجاة التيار أم لا وياريت تجرى هذه التجربة عمليا
إن شاء الله بعد إنتهاء فترة الإمتحانات سوف أجري هذه التجربة عمليا
فالخلايا العملية الأولية فعلا بطول مدة إستخدامها يتآكل الأنود ولذلك لايمكن إعادة شحنها
وتقريبا قربنا من الوصول للحقيقة إن شاء الله اي بعد التوصل للإجابة على هذا الإستفسار سأكون أول من يقتنع بأنها أولية فعلا
وياريت يكون الرد مدعم بصورة من مرجع علمي للتأكيد
ولك مني جزيل الشكر