حصريا بين ايديكم نموذج الاجابه فقط تتوقع كام بعد ما حملته

[beckham7]

أنــــا كنت جايب 99 % وان شاء الله حــجيب 50 فى الامتحان ده .لو متلككوش على أى درجة ان شاء الله ...متستغربوش انى الحمد لله حالل كويس فى الامتحان ده اصل الفزيا دى هوايتى وذاكر من مصادر تانية وبحاول اتوسع برة كتاب المدرسة وكمان اخويا فى هندسة وبيفهمهالى كويس اوى

[عماد فوزي الطودي]

علي كده ان شاء الله اجيب 46 او47 بس يا رب توقع ورقه الاجابه في راجل يتقي الله

[عماد فوزي الطودي]

لان السنه الماضي واحد زميلي كان خارج من الامتحان متوقع 50من50 وفي الاخر لقه نفسه جايب46.5 من 50 ربنا يستر

[فراق]

انا جايبة 202 ومتوقعة اقل حاجة 47 اذا لم يصححوا برأفة او يعيدوا توزيع الدرجات

[ortiga2010]

يارب منقصش عن أربعين

[الفارس96]

ازيكم يا شباب
انا اولا طالب بكلية العلوم قسم كيميا ودي كانت آخر سنه ليا في الكليه ان شاء الله ( ادعولي بقى )
انا اختي في ثانويه عامه معاكم وانا كنت معاها يوم الفيزيا
انا بصراحه حليت الامتحان بسهوله مكدبش عليكم بس السبب اني درست فيزيا كتير و بتوسع عن فيزيا الثانويه و كمان متعود على الشكل دا من الاسئله اللي هو معتمد على الفهم بالمقام الاول
ولما شفت نماذج الاجابة صعقت بصراحه دا شغل استهبال
ازاي طالب هيقعد يستنتج و يفسر و يعمل الحاجات دي كلها في 3 ساعات و امتحان بالطول دا
بجد حرام عليهم
مش عاوز اقولكم ان المدرسين كانوا بيتخانقوا على الاجابات بعد الامتحان والله العظيم
والمشكله اني مقدرتش اتكلم لأني عارف ان اختي هتنهار زياده لو اتكلمت لأنها مش مجاوبه كويس

المهم عاوز اقولكم انكم تركزوا في المواد الباقيه يعني العلمي علوم كيميا او احياء لسه قدامه مادتين ب 100 درجه ( التخصص + الماده الادبيه ) و معلش يعني ما تولع الفيزيا بس مضيعش من ايديا ال 100 درجه دول ان شاء الله و ربنا يكرمكم في المستوى الرفيع و تجيبوا ال 5 كاملين
دي كانت نصيحتي لأختي و نصيحتي ليكم كمان و ان شاء الله تدخلوا الكليات اللي بتتمنوها متفقدوش الامل ابدا و ربنا كبير و طالما انت تعبتم و انتوا عارفين انكوا بذلتوا اقصى مجهود ربنا مش هيضيع تعبكم هدر ان شاء الله

واياك اشوف حد منكم في علوم خليكوا في اللي اعلى منها D:

اخوكم
الفارس

[THE LEADER2010]

hانا بجد مش عارف اقول اية......
بس انا عن نفسى جايب 199.5 السنة اللى فاتت وهاجيب بتاع 44 او 45 بالكتير
والله العظيم حرااااااااااااااااااااااااااااااااااااااااااااام

[welcomeeee]

أنا جايبة السنة اللى فاتت 97,8 ومش هزيد عن 38 حرااااااااااام أنا كده ادمرت مع انى مذاكرتش أى مادة زى ما ذاكرت الفيزياء ربنا على الظالم والمفترى

[modableueyes]

خلاص يا جماعه اللى راح راح واللى حصل حصل
انا كنت رياضه 2
ودلوقتى الشارع مستنينى

[هانى خيري]

خبر عاجل
إعادة توزيع الدرجات في مادة الفيزياء..
احمدوا ربنا بقى .. وركزوا في اللي جاي بس ... من غير كتر كلام في الفيزياء

[rainbow]

حسبي الله و نعم الوكيل

[darsh gabr]

أنا جبت فى تانية 203.5

والفيزياء الحمد لله بعد ما شوفت النموذج زى قبل ما شوفته و زيادة نصف درجة للظروف يبقى إن شاء الله 48.5 و يا رب الحق طب مع ولاد ال... اللى خدوا الامتحان ربنا ياخدهم
اللى مغلطنى هو الرسم البيانى بتاع ال emf اللى ميحلهاش إلا اللى حلها قبل كده أو اللى أخذ المتحان إذا كان الموجهين كانوا غلطانين فيها يبقى احنا نعمل ايه

حسبنا الله و نعم الوكيل
و اتمنى لكم و الله زييى بالضبط لأنى أحببتكم فى الله
و الله على ما أقول شهيد

[darsh gabr]

أنا على فكرة كنت هنهار داخل اللجنة وقعدت داخل اللجنة زعلان ييجى نصف ساعة

والله أنا ما كنت حالل نصف الامتحان لغاية الساعة 11 إلا ربع بسبب التفكير فى مسألة اللزوجة و فى المسألة اللى فى السؤال التانى و الفولتميتر فى الرابع بس الحمد لله ربنا كرمنى وخلصت الامتحان الساعة 12 إلا 5 والله مرتجعتى للامتحان كانت نقل الأجوبة فى ورقة الاسئلة
و يا رب التوفيق فى أى مجال نخشه عسى أن يكون خيرا و نحن نظنه أنه شر

و بعدين فى المتوسط احنا هنودع للامتحان الأعظم كمان 40 سنة ده إن مكانشى دلوقتى يعنى هو حد ضامن عمره كل واحد يجهز نفسه للامتحان الأعظم عند الله و الذى يؤدى للخلود إن شاء الله خلود الجنة

[دكتور نجاة]

أنا أم بنوته معاكم جابت 201 العام الماضى ومتوقعلها أن شاء الله 47-48 ف الفيزياء بس أبشركم من فم مصحح للماده الرسمه بتاعت emf بتحسب صح على أى حال يعنى المنحنى لفوق أو لتحت تحسب وعيزاكوا تتوكلوا ع الله وحده والى أشترى لابنه أو بنته الامتحان والله ضيعه بيده لانه أشترى له غضب الله عليه وكيف هيكون له مستقبل عن طريق الغش أوعوا تنسوا أن الله عادل وأوعوا تتخيله أن المستقبل مرهون بالدرجات التى تحصلون عليها ف الثانويه أبدا والله فالحيا ةرأيت منها الكثير وأنا الان ع يقين أن من يسير ف الطريق الذى يرضىالله هو فقط الناجى لا اقول ف الاخره فقط لكن والله ف الدنيا ولوعرض عليه الامتحان ببلاش لرفضته لانى بحب بنتى واتمن لها السعادة التى لايمكن ان تاتى بغضب الله عليها
مساكين من غشوا ضيعوهم أبائهم والف خساره ع شباب البلدلولم يتمسك بالمبادء الاسلاميه والدينيه ع وجه العموم

[alaa_dash]

مش عارف يمكن اللي هقوله ده يطمن ولو واحد فيكوا :
انا في رابعة طب دولقتي .... يعني دفعة 2002 تقريبات او.. احسبوها انتوا بقه ...
جبت في الفيزياء 46 و في الاحياء 46.5 ..و ما قفلتش ولا مادة في السنتين ...الا الانجليزي جبت 25 و جيبت في المجموع الكلي 401.5
في التنسيق لقيت ان مجموعي اعلى من اعلى كلية ...رغم ان الفيزياء كانت سنتها في كتيييييييييييير مقفلينها و انا كنت متوقع اني يادوب طب اسيوط بالعافية ..
يعني اللي (متوقع نفسه ) يجيب 44 او 43 ما يزعلش اوي كده و يكمل ...خصوصا لو كان جايب مجموع كويس في سنة تانية .. ما تنسوش ان في خمس درجات مضمونين ان شاء الله في المستوى الرفيع..
يارب يوفقكوا جميعا للي فيه الخير ليكم