|
#106
19-12-2008, 01:35 AM
|
||||
|
||||
اقتباس:
اقتباس:
و ان شاء الله اكمل بس هما عامه قربوا يخلصوا فى رعايه الله
__________________
 In God's care HaPpiLy eVeR aFtEr 
|
|
#107
19-12-2008, 01:40 AM
|
||||
|
||||
|
الله يرحمك يا سبت
الله يرحمك يا سبت في كل بلكونة ف البيت كان السبت المتعلق ديما ع الحيط أنزله يرجع بالفول وعمره يوم ما دلق لي الزيت وأنزله يرجع جورنان وأنزله يرجع بالعيش وأنزله يرجع قمصان ف وسطهم أفرول الجيش وأنزله يرجع إنسان وأنزله يرجع نسمة وطفل لسه مش طايل سور الكورنيش وأنزله يرجع أفراح يوم النتيجة وزمايلي وشهادة نجاح وأنزله يرجع جوابات وأنزله يرجع حكايات دقة قلبي أول مرة قلت أنا حبيت وأنزله يرجع أيام وأنزله يرجع أحلام دلوقتي بنزل أنا والسبت والبيت ونرجع إيد ورا وإيد قدام لا فرح معانا ولا حتي إبرة وخيط
__________________
In God's care HaPpiLy eVeR aFtEr
|
|
#109
20-12-2008, 10:06 PM
|
||||
|
||||
|
أحيييييييييييييييييييييييييييييييييييييييييييييييي يييييييييييييييييييييييييييييييييييييييييييييييك
من كل قلبي .. وقد ذكرتني بالطبيب الشاعر إبراهيم ناجي الذي هجر الطب بسبب حبه للشعر وذكرتني بيوسف إدريس الطبيب الكاتب الذي هجر الطب بسبب حبه للكتابة .. ـــــ ((((((((((( لكن طبعا اوعى يا أخي الطبيب الجريء ............ تسيب الطب علشان الشعر ... احذر .. الناس دي سابته زمان أيام الخير .. لكن الأيام دي الخير اتسرق واتعمل محضر واتقيد ضد مجهول .. وبرغم اننا عارفين اللي سرقوه ...... لكن كلنا بنقول على طوووووول ..... مجهول . أصل الحكاية أننا من كتر الدق على الدماغ سيبنا اللحمة الرخيصة وبناكل بمزاجنا طعمية وفول . ولو حد سألك ان اللي كتب الكلام دا محمد وسية ؟؟؟ ............... إياك تقوووووووووووول . آخر تعديل بواسطة محمد عبد العظيم وسية ، 20-12-2008 الساعة 10:11 PM
|
|
#110
22-12-2008, 12:32 AM
|
||||
|
||||
|
اقتباس:
حضرتك اللى شكرا للمرور و الرد اللى كل مره بيثلج صدرى بجد  و اهو تقريبا بنخلص فيهم اقتباس:
ههههههههههه
لا حاضر 
__________________
In God's care HaPpiLy eVeR aFtEr
|
|
#111
22-12-2008, 12:49 AM
|
||||
|
||||
|
بمنتهي البراءة ...
سأليتني … بنتي نور .... ف أربع خمس امور مش ف كتاب القراءة .... قالتلي .. بابا بابا .. مش إنت .. يا بابا .. بتكتب أغاني .. وتقول أشعار .. أنا سمعت .. الشيخ يا بابا ... بيقول إنك يا بابا … ها تروح النار ... زي الوحشين يا بابا ... الحراميين الكفار .... قوللي يا بابا . يعني إيه إستعمار .... يعني إيه نيل ... يعني إيه هرم .. ومين اللي حط ... النسر فوق العلم ... يعني إيه يا بابا ... إستفتاء …. و يعني إيه إنتخاب ... ويعني إيه حر ... ويعني إيه نصاب…. يعني إيه إختلاس .. ويعني إيه هجاص .. ويعني إيه خصخصة .. يعني إيه يا بابا .... دستور …. يعني إيه معارضة .. ويعني إيه مظاهرة . وليه النهاردة ... خدنا أجازة ... م المدرسة ..... قوللي يا بابا .... يعني إيه قهر .. وفين … خط الفقر ... ويعني إيه حظ .. ويعني إيه زهر ... يعني إيه يا بابا ... حريه ….. يعني إيه إنسان .. ويعني إيه سرطان ... يعني إيه يا بابا ... خربوها …. ومين دول يا بابا .. ولاد القطقوطة ومين دي ... سمارة يا بابا .... وإزاي يا بابا ... ضاعت من قلبك ... يا بابا ..... إنت معايا .... فيه يا بابا ناس ... بتقول كفايه ... وفيه كمان عساكر ... مسكين عصايا ... وبنات متعورين ... وتانين … ماشين بيضحكوا ... هما دول إسرائلين .. ..... ويعني إيه ... ويعني إيه ... قولتلها …. نور ….. ممكن أسألك سؤال قالتلي …. إتفضل يا بابا ... قلتلها …. هيه قناة Space toon ... رقم كام ….. وخدتها ..... عشان تنام
__________________
In God's care HaPpiLy eVeR aFtEr
|
|
#113
23-12-2008, 03:52 PM
|
|||
|
|||
|
|
#115
29-01-2009, 10:25 PM
|
||||
|
||||
|
قد ايه الموضوع ده جميل؟؟
ازاي مشفتهوش قبل كده !!!! أنا مش عارف بس اديني خلصت امتحانات وفضيت واقرا براحتي بقى ..... علي سلامه ده شاعر متميز...كلامه بجد قد ايه بسيط وقد ايه يوصل للقلب وكل قصيدة تقريها تطلع منها منها بحاجة..بكلمة بجملة بحكمة كلام من اللي بنسمعه كل يوم..كلامي وكلامك وكلام الناس ..... على فكرة اول ديوان لعلي سلامه نزل من قريب...اسمه (ناقص حتة) ممكن تلاقوه في معرض الكتاب انا بقى بدور عليه في اسكندرية ومش لاقيه..لأن دار النشر بتاعته ملهاش فروع في اسكندرية بس عموما معظم أشعاره عندي وعلى فكرة هو ليه فيديوهات على اليوتيول بيقول فيها أشعاره بنفسه في ساقية عبد المنعم الصاوي وكمان بيغنيها مع وجيه عزيز..وانا لو لقيته حاجة جديدة مش حبخل على الموضوع الجميل ده 
|
|
#116
30-01-2009, 01:07 AM
|
||||
|
||||
|
اقتباس:
مش كنت اعرف طاب كويس جدااا كان قايل فى العاشره مساءً من فتره انه مش لاقى ناشر ابقى احاول ادور عليه مع انى متاكده انى مش حلاقيه قبل شهر تانى اساسا عبال ما ينزل هنا  اقتباس:
شكرا بجد لحضرتك على الرد
مبسوطه ان الموضوع عجبك جدا و ان شاء الله ابقى احاول ادور لو فيه حاجات تانيه بس اعتقد دول الاغلبيه فى رعايه الله
__________________
In God's care HaPpiLy eVeR aFtEr
|
|
#117
10-09-2009, 08:20 AM
|
||||
|
||||
|
بجد موضوع كثير جميل ومميز ومجهود جبار
جزاك الله كل خير على تقديم الموضوع الجميل ده لنا فى رعاية الله
__________________
صديقتى انتظرتك طويلا حتى فات الاوان فها انا امام جدار زمنى وقد ضاعت الامال
|
|
#118
17-09-2009, 04:00 AM
|
||||
|
||||
|
جزاك الله خير رااااااااااااااائع
|
|
#119
07-04-2014, 08:59 PM
|
|||
|
|||
|
m.badrawy***********
-------------------------- ----
ساعات بقلق بالليل [/quote]
يعني بالليل شوية كده قبل الفجر حسب الظروف كده بعد العصر خايف يوم أصحي.. وأفتح الشباك.. مالاقيش مصر ألاقيها لمت هدومها ومشيت لمت هدومها علي نيلها علي هرمها وطفشت وحلفت ميت يمين ماهي قاعدلنا ماهي زهقت.. تعبت.. إتخنقت أصلنا زودناها.. أكننا استعمرناها.. ورثناها مصر البنوتةالحلوة اللي زي القمر بقت عجوزة وشايبة وبان عليها الكبر خايف يوم أصحي.. وأفتح الشباك.. مالاقيش مصر
|
|
#120
07-04-2014, 09:01 PM
|
|||
|
|||
|
[=mohamed badrawi;5809406]-------------------------- ----
ساعات بقلق بالليل [/QUOTE][/QUOTE]
يعني بالليل شوية كده قبل الفجر حسب الظروف كده بعد العصر خايف يوم أصحي.. وأفتح الشباك.. مالاقيش مصر ألاقيها لمت هدومها ومشيت لمت هدومها علي نيلها علي هرمها وطفشت وحلفت ميت يمين ماهي قاعدلنا ماهي زهقت.. تعبت.. إتخنقت أصلنا زودناها.. أكننا استعمرناها.. ورثناها مصر البنوتةالحلوة اللي زي القمر بقت عجوزة وشايبة وبان عليها الكبر خايف يوم أصحي.. وأفتح الشباك.. مالاقيش مصر
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:05 PM.
