تساؤلات الطلبه +كل ما يخص امتحان 2010

[Egyptian Dragon]

اتفق مع غالبية السادة اعضاء المنتدي في تعليقاتهم و لكن لي ملحوظة واحدة فقط ..........
الم يتم وضع اختبار تجريبي قبل الامتحان بفترة قصيرة ؟ ....... لماذا لم يلجاء السادة الافاضل واضعي الامتحانات الي لفت نظر الجميع ....المعلمين قبل الطلاب بوضع بض توعيات و نماذج هذه الاسئلة في هذا الاختبار ...... ام التضليل كان مقصودا ...... يا جماعة الطلاب اغلبهم لم يقصر و كذلك مدرسي المادة ......ولكن النتيجة ستصيب الجميع باحباط شديد ..... و ان غدا لناظره لقريب ......غفر الله لنا و لكم جميعا

[maom]

يا ناس الطالب المتوسط اللى عشمان ينجح راح فى داهية دة حرام حرام حرام حرام حرام حرام

[mr.a.a.a.]

الامتحان مخيب للامال سواء للطلاب و لأولياء الامور و حتي للمدرسين فبحق واضع الامتحان يتلذذ بدموع الاخرين كل سواء مدارس خاصة او حكومي او تجريبي او لغات الكل ساخط و ناقم علي الامتحان الذي تعدي كل الحدود ليضيع كل الامال التي تتمثل في درجات فقدت و تبددت لكي يهنيء هو و ينام مليء جفنيه مستريحا مطمئنا بأنه لن يحصل طالب او طالبة علي الدرجة النهائية او حتي شبه النهائية ( حسبي الله و نعم الوكيل) بالنسبة للتقرير فهو تجميل لواقع بغيض ما الا زيف في اغلبه ( كل ما ارجوه مراعاة طلابنا في التصحيح ) يكفي ما يكفي في بعض اللجان هذا ابن فلان وتلك بنت علان بيه و باشا و يضيع ابن و بنت الغلبان الذي ليس لهم الا الرحمن ( اتقوا الله عباد الله )

[as seif]

كل عام لمده عشر سنوات الامتحان ياتي صعب في سؤال واحد ولكن هذا العام عده اسئله .الامتحان التجريبي جاء من كتاب المدرسه وكتاب workbook .مما اعطي الطالب ارتياح نفسي لاخر العام.وحسبنا الله ونعم الوكيل.
اشرف سيف
مدرس لغه انجليزيه

[_Ream_]

يا ريت لو حد من المدرسين الافاضل اللي صححوا يقولنا الورق مستواه عامة عامل ايه و فيه كام درجة نهائية و كده

[Ala'a Eldin]

المدرسين فى صف الطالب ويراعون كل الإجابات
وحتى الإجابات القريبة من الصح بنعتبرها صح ونعطى عليها الدرجة كاملة
والدرجات معقولة جدا
لكن درجات نهائية نادرة

[alien2]

الدرجات فى نفس المعدل السنوى
ونسبة النجاح ممتازة

[MAZEN gamal]

the average isn't bad

[Mr. Essam Emam]

نسبة كل سنة وهناك طلبة حصلت على الدرجة النهائية بس عدد محدود

[arwa2008_mohamed]

للأسف احنا محتاجين اولاً وزير يكون تربوي يفهم هو بيعمل ايه. تعديل الهرم ما يكونش من فوق بكون من تحت. سيادة الوزير رغم انه خطوته بالفعل سليمة ولكن المفروض كان بدأ بالتعليم الابتدائي اللي فيه مدرسين حساب ما بيعرفوش يحلوا مسائل 6 ابتدائي و بعدين التعليم الاعدادي البايظ بكل المقاييس تعليم فاشل وبعدين التعليم الثانوي ولكن لا ألجا إلا لله واقول حسبي الله في كل من ساهم في بوظان التعليم في مصر واولادنا هم الضحية. فيا بنتي اللي كتب غلب وربنا يجعلك من اللي كتبوا

[محمد عثمان الجزار]

هو الاصلاح لازم يكون في الثلاث مراحل معا .... ولكن اللي بيحصل أنه مركز علي الثانوية كأن مفيش غيرها في التعليم ......
ولكن ما باليد حيلة .......

[داندن]

الحمد لله علي كل شئ
وحسبي الله و نعم الوكيل

[فنانة2020]

المفروض من وجهة نظرى انة يبتدى بالجيل من صغرة وينظم المعلومات اللى هتدخل دماغ الطفل مش شرط بالكم ولكن بالكيف وبالتالى يتيح للطفل الفرصة انة يبتدى يفكر هو ويبتكر من وحى افكارة وبالتالى هيكون التعليم اسهل واجمل وبرضة اكيد هيكون افيد من كدة لانى الكم الكبير من المعلومات اكيد محتاج فهم ولكن محتاج اكثر حفظ ومجهود وبالتالى مفيش فرصة واحدة حتى للتفكير لانى مفيش وقت ودة رأيى بالنسبة للاطفال اما بأة انى الوزير حابب يعدل فى الثانوى العام فانا من رايى انى فى اولى ثانوى مش مطلوب الا تنظيم معلومات الكتب وتبسيطها وحذف الزائد منها اما بأة تانية وتالتة فالهدف الاساسى اننا نحط كل طالب فى الكلية الصح والمكان المناسب لية فعلا فمن رايى انى اللغة التانية دى مفروض تطلع من المجموع لانها ثقافة عامة مش مجبر الطالب انة يتكلم بيها وغير كدة وكدة بمجرد انى السنة بتخلص بتتمسح اللغة دى من دماغ الطالب خالص ولو انى سيادة الوزير او نظام التعليم عمتا فارض انى لازم الطالب يكون معاة لغة تانية فياريت تكون برة المجموع لانى انا لو عايز دكتور كويس هكون عايز تفكيرة يكون كويس وعندة قدرة على الفهم وخصوصا فى الاحياء ودى اللى تلزم تخصصة بجانب طبعا اللغة الاولى بعد العربى وهى الانجليزى دة بس اللى مطالب بية اما بأة اجيبلة مواد تانية تأثر على مجموعة ومتلزمهوش فى حاجة دى انا ضدها بصراحة ودة برضة من وجهة نظرى

[titolion]

هل المدرسين بيحاسبوا علي الجرامر في القطعتين
انا في السؤال بتاع how far عملت
i quite agree
و عللت
كده انقص ولا لا

[titolion]

يا ريت اي مدرس يرد