فلاش تفاعلى به 100 سؤال واجاباتهم على التكاثر

[حبيبة أحمد فتحي]

جزاك الله خيراً

[حبيبة أحمد فتحي]

جزاك الله خيراً

[حبيبة أحمد فتحي]

جزاك الله خيراً

[حبيبة أحمد فتحي]

جزاك الله خيراً

[حبيبة أحمد فتحي]

جزاك الله خيراً

[حبيبة أحمد فتحي]

جزاك الله خيراً

[مريم كمال الاودن]

شكرا جدا وربنا يقدرك وتفيدنا اكتر

[sad nono]

-تفكك المشيمة فى الشهر الخامس

ادى ذلك الا الاجهاض لان تفكك المشيمة بينتج عنه نقص افراز هرمون البروجسترون الذي يعمل على زيادة سمك بطانة الرحم وزيادة الامداد الدموي بها خلال اشهر الحمل التسعة وبالتالي يقل تماسك الجنين بالرحم وهي تغيرات كان من المفترض ان تتم في الشهر التاسع فتؤدي للولادة اما حدوثها في الشهر الخامس يؤدي الى اجهاض الجنين .

2-مازا يحدث اذا تلفت الغدة النخامية بعد 10 ايام من الطمث
اولا بشكل عام وكلي تلف الغدة النخامية يؤدي الى موت الشخص لانها تعتبر المايستروا المسؤول عن افراز معظم الهرمونات الهامة بالجسم اما بشكل خاص فتأثير ذلك على دورة الطمث ما يلي :
لن يتم افراز الهرمون المصفر LH المفترض افرازه في اليوم الـ 14 من الطمث وبالتالي لن تتحرر البويضة من حويصلة جراف ولن يتكون الجسم الاصفر وبالتالي لا يتم اخصابها ..

3- علل يحدث التلقيح الخلطى للازهار الخنثى
وذلك للسببين الموجودين في الكتاب تحت بعض مش فاكراهم بالظبط دلوقتي

الfshوبالتاليلن

هرمون الـ fsh ليس له علاقة على ما اعتقد لانه بيقول بعد اليوم العاشر يعني ما ما بيكون خلاص اتفرز ونضجت حويصلة جراف اللي هيستمر نضجها 10 ايام وبعد كدا تبدأ عملية التبويض ..

[a7med bondok]

بسم الله الرحمن الرحيم


ديه اسئلة هى مش صعبهه اوى بس عايز اجابه نموذجيه ومؤكده لها برجاء


الفصل الثالث

ما الطريق الذي يسلكه جزىء ثانى اكسيد الكربون بالامعاء الدقيقه وحتى خروجه من الجسم

عدد مركبات nadh الناتجة عن جزئ واحد من الجلوكوز بالتفس اللاهوائي (2 والا صفر)

تتبع خطوات وصول جزئ اكسجين الى كل من

أ) خلايا بشرة ساق
ب)خلايا بشرة جلد

ولو ممكن تفسير طريقة الحل والتفكير عند التعرض لائله يكون فيها لفات زى كده وطريقة مرور اى جزيء من مكان لاخر بالجسم

يعنىزى ازاى وصول خليه دم للفخد والكلام ده


الفصل السابع

ممكن شرح ايه اللى بيحصل في الميوسين والكيوتين عند انقباض العضلات يعنى شرح الية الانقباض بس بطريقتك الخاصه مش من كتب

واجابة السؤالين دول

1) في بعض الاحيان لو تاخرت عن ري النبتات لمدة طويلة فانها تموت ما هى اسباب ذلك

2)اذكر التغييرات التى تطرا على المنطقة المضيئة وشبه المضيئة والداكنة في حالة انقباض العضلة الهيكلية


فصل التكاثر

اذكر الاساس العلمي الذى تقوم عليه زراعة الانسجة ؟ (سهل بس مش متاكد اوى من اجابته)

ثانيا في الاسبيروجيرا ازاى تتكاثر بالاقتران رغم ان الخيطين يندمجو في الاقتران السلمي والجانبي لتكوين خيط واحد انا مش فاهم فيها حاجه


اخيرا انا بس عاوز نصيحة منمك في مذاكرة الرسومات ومرادعة الاحياء والاهم ازاى اتعامل مع الاسئلة اللى فيها لف ودوران زى اللى فاتو مثلا رغم ان في اصعب منها وفي حاجات بتبقى مش موجوده بالمنهج اصلا ونلاقى عليها اسئلة او على الاقل بتدخل في اجابات بعض الاسئلة


انا اسف انى طولت عليكم بس اعذرونى انا يعتبر بعتمد بنسبة كبيرة علىن نفسي في الاحياء لان الدرس مبيكونش تركيزي فيه كبير والسلام عليكم

[amothman123]

الفصل الثالث

ما الطريق الذي يسلكه جزىء ثانى اكسيد الكربون بالامعاء الدقيقه وحتى خروجه من الجسم

السؤال دة جاوبته هنا قبل كدة
و آسف على الإنجليزى الى جاى خمنه من منهجك علشان ماعرفش ترجمته
لأنى أحياء إنجليزى

يمر عن طريق الـ epithelial wall من الخملة إلى الوريد البابى الكبدى إلى الكبد إلى الوريد البابى إلى الأذين الأيمن عن طريق الـ inferior vena cava إلى البطين الأيمن إلى الشريان الرئوى إلى الرئتين حيث ينقسم فرعى الشريان الرئوى إلى arterioles إلى blood capilaries التى تحيط بالحويصلة الهوائين ليحدث تبادل غازات فيدخل الـ co2 إلى الحويصلة و منه إلى خارج الرئتين عن طريق الـ trachea فالحنجرة ثم الـ pharynx و من الأنف إلى خارج الجسم

عدد مركبات nadh الناتجة عن جزئ واحد من الجلوكوز بالتفس اللاهوائي (2 والا صفر)


صفر و بالمناسبة اكسدة الجلوكوز تتم بفقد الجلوكوز للأيلكترونات أى خدمة أكيد السؤال دة واقف فى ايدك

تتبع خطوات وصول جزئ اكسجين الى كل من

أ) خلايا بشرة ساق

ساق النبات يبقى بالطريقة المباشرة بتبادل الغازات فيدخل الأكسجين إليه فوراً بالانتشار

ب)خلايا بشرة جلد

الأكسجين يدخل عن طريق الأنف ثم البلعوم ثم الحنجرة إلى trachea ثم الـ bronchi و الـ bronchioles ثم إلى الرئتين إلى الحويصلات الهوائية تحديداً و يحصل تبادل للغازات فيدخل الأكسجين إلى الدم الذى يُحمل عن طريق الأوردة الرئوية الأربعة إلى الأذين الأيسر إلى البطين الأيسر إلى الأورطى إلى بشرة الجلد


ولو ممكن تفسير طريقة الحل والتفكير عند التعرض لائله يكون فيها لفات زى كده وطريقة مرور اى جزيء من مكان لاخر بالجسم

يعنىزى ازاى وصول خليه دم للفخد والكلام ده


الأسئلة دى صدقنى أتفه أسئلة المنهج
لازم بس تبقى فاهم الدورة الدموية لا أكثر و لا أقل مش حفظها بس
و انت هاتعرف تجمع الخيوط فى أسئلة التتبع
يعنى لما أقولك تتبع مسار خلية دم حمراء من الكبد إلى الرئة
هاقولك عادى .. انت عارف أن الكبد بيطلع منه الوريد الكبدى
يبقى من الكبد للوريد الكبدى إلى القلب عن طريق الأذين الأيمن إلى البطين الأيمن إلى الشريان الرئوى إلى الرئة
و لما أقولك تتبع مسار حبة إسبرين من الفم حتى وصولها إلى المخ !!
هاقولك عادى خالص مفيش مشاكل
هاتنزل من الفم و تمر على الجهاز الهضمى كله من أول الفم إلى البلعوم إلى المرئ إلى المعدة إلى الأمعاء الدقيقة إلى الوريد البابى الكبدى إلى الكبد للوريد الكبدى إلى القلب عن طريق الأذين الأيمن إلى البطين الأيمن إلى الشريان الرئوى إلى الرئة إلى الحويصلات الهوائية و يحدث تبادل غازات ثم يعود الدم إلى القلب من خلال الأوردة الرئوية إلى الأذين الأيسر إلى البطين الأيسر و من الاورطى إلى المخ
سهلة مش كدة ؟!

حط أساس ليك بس أن الأورطى بيودى لكل جزء فى الجسم هو عايز يوصله له من القلب

الفصل السابع

ممكن شرح ايه اللى بيحصل في الميوسين والكيوتين عند انقباض العضلات يعنى شرح الية الانقباض بس بطريقتك الخاصه مش من كتب


على حد معرفتى بالعربى يعنى
الخيوط المستعرضة عندما تنشأ من الميوسين و تتصل بالأكتين
و فى وجود الكالسيوم و الطاقة
تعمل على جذب فى المناطق المضيئة ( الأكتين ) من كلا الجانبين نحو بعضهم
يعنى يقربهم من بعض
يعنى أية بقى الكلام دة
تخيل أن عندك حجرين واقفين على الطريق
و أن في أثنين بيدفعوا الحجرين دة فى اتجاه بعضهم لحد ما يقربوا من بعض
نفس الكلام بالنسبة للروابط المستعرضة ( طبعاً باستثناء أنها بتشدهم من النصف
يعنى لو A هو الميوسين و I هو الاكتين
محطوطين بالشكل دة

I .... A .....I

تبقى النقط الى بينهم دى هى الروابط المستعرضة التى تجذبهم فى اتجاه بعضهم البعض
كدة

I>>>>A<<<<I

مما يؤدى إلى انقباض العضية

واجابة السؤالين دول

1) في بعض الاحيان لو تاخرت عن ري النبتات لمدة طويلة فانها تموت ما هى اسباب ذلك


لتكون فقاعات الهواء فى أوعية الخشب مما يؤدى إلى قطع عمود المياة فيؤدى لجفاف النبات و موته

2)اذكر التغييرات التى تطرا على المنطقة المضيئة وشبه المضيئة والداكنة في حالة انقباض العضلة الهيكلية

اشرحها من الكتاب و بالمناسبة المنطقة الضوئية بتقل مساحتها بسبب الانقباض لأنها بتقرب من بعضها

فصل التكاثر

اذكر الاساس العلمي الذى تقوم عليه زراعة الانسجة ؟ (سهل بس مش متاكد اوى من اجابته)

يا راجل حرام عليك
دة سؤال تسميع
النباتات المحتوية على المعلومات الوراثية الكاملة يمكنها أن تصبح نباتاً كاملاً لو زرعت فى وسط غذائى مناسب يحتوى على الهرمونات النباتية بنسب معينة

ثانيا في الاسبيروجيرا ازاى تتكاثر بالاقتران رغم ان الخيطين يندمجو في الاقتران السلمي والجانبي لتكوين خيط واحد انا مش فاهم فيها حاجه

مش فاهم السؤال خيطين مين الى بيندمجوا ؟

اخيرا انا بس عاوز نصيحة منمك في مذاكرة الرسومات ومرادعة الاحياء والاهم ازاى اتعامل مع الاسئلة اللى فيها لف ودوران زى اللى فاتو مثلا رغم ان في اصعب منها وفي حاجات بتبقى مش موجوده بالمنهج اصلا ونلاقى عليها اسئلة او على الاقل بتدخل في اجابات بعض الاسئلة

مفيش حاجة اسمها مش موجودة فى المنهج
كله عندك فى الكتاب بس مش شرط تبقى مكتوبة بطريقة مباشرة
و مش شرط تبقى مكتوبة أصلها أحياناً تعتمد على استنتاجك للمعلومة الى عندك
زى سؤال موت النبات .. مش سؤال مباشر و مش مكتوب لكنه استنتاج من معلومة عرفتها من الفصل الثانى
أصل الأحياء علم يعنى فهم + تحليل + حفظ



انا اسف انى طولت عليكم بس اعذرونى انا يعتبر بعتمد بنسبة كبيرة علىن نفسي في الاحياء لان الدرس مبيكونش تركيزي فيه كبير والسلام عليكم

لا كدة ماينفعش
لازم تركز جامد مع مدرسك
لأن سؤال زى انقباض العضلة دة أو سؤال الاقتران الى أنا مش فاهمه
لو انت ركزت مع المدرس كنت هاتوصلهم بسهولة

[a7med bondok]

شكرا لسيك والله سؤال زراعة الانسجة انا عارفه بس بشوف اجابتك عموما يا عزيز انا بس فى سؤال الاسبيروجيرا اقصد الخيطين (الخيط الطحلبي) يعنى اتنين يندمجو عشان يكونوا خيط واحد في النهايه

بس لي فكره انا والله باحل كتير صح الحمد لله

[amothman123]

المشاركة الأصلية كتبت بواسطة طالب المستقبل

شكرا لسيك والله سؤال زراعة الانسجة انا عارفه بس بشوف اجابتك عموما يا عزيز انا بس فى سؤال الاسبيروجيرا اقصد الخيطين (الخيط الطحلبي) يعنى اتنين يندمجو عشان يكونوا خيط واحد في النهايه

بس لي فكره انا والله باحل كتير صح الحمد لله

ما اندمجوش ولا حاجة على فكرة
كل ما فى الأمر أن البروتوبلازم بتاع خليه فى واحد من الخيطين
عبر قناة الاقتران نحو البروتوبلازم الموجود الخلية المقابلة فى الخيط المقابل
و يندمج البروتوبلازم مش الخيطين مكوناً اللاقحة الى بتبقى فى نفس الخلية فى الخيط و تبقى لاقحة جرثومية عادى جداً
أنما الخيطين فى حد ذاتهم .. موجودين .
بالمناسبة .. لو 10000 خيط تكاثروا بالاقتران السلمى
هايطلعولى 10000 خيط بردك
و العفو

[a7med bondok]

يعنى لما بيمر البروتوبلازم للخيط الاخر ممكن هذا الخيط ان يتكاثر مرة اخرى

عموما انت بمناسبة انك انجلش ششوف حل دول استغلك بالمره في الانجلش هما برضه سهلين بس عاوز اشوف حلى صح والا لا


i dont understand why he (shouts _ is shouting)


we (take_are taking) our final exam next june

[a7med bondok]

علل الاخراج بالنتح صورة غير مباشرة للاخراج في النبات

[amothman123]

is shouting
take

النتح صورة غير مباشرة للإخراج فى النبات
لية بقى .. تعاول نفكر فيها كدة قبل ما نقول الإجابة
دلوقتى النتح دة عامل زى العرق تمام .. باستثناء فرق واحد
يعنى العرق بيقلل درجة حرارة الجسم
و النتح برضة بيقلل درجة حرار النبات
أمال أية الاختلاف ؟!
الفرق أن العرق وظيفته الثانية التخلص من الماء و الأملاح الزائدة و الكلام دة
دة إخراج مباشر لأن دى من وظائفه
أنما النتح بقى
وظيفته الثانية أنه بيرفع الماء فى أوعية الخشب لحد ما يوصل للورقة
يعنى هو وظيفته مش إخراج أصلاً
دة هو وظيفته أصلاً تقليل درجة حرارة النبات و تكوين قوة رفع لرفع الماء من الاوعية إلى الخشب
و وسيلته فى كدة تبخير الماء فى الـ mesophyll tissues surronding the air chamber of stomata
مش عارفها أترجمها إنجليزى دى معلش .. المهم أن الخروج الماء فيه مش الهدف الأصلى منه الإخراج
يبقى هو كدة صورة غير مباشرة
أنما لو شوفنا العرق . آة دة لو وظيفة إخراجية مباشرة و هو التخلص من الماء و الاملاح الزائدة + وظيفته الأساسية فى تقليل درجة الحرارة
تانى نقطة برضة أن الماء يتم التخلص منه فى النتح على شكل بخار ماء مش على شكل ماء يعنى الماء يتحول إلى بخار ماء الأول عكس الـ guttation

يبقى هاتقوله
لأن النتح هو فقدان الماء فى شكل بخار الماء و النتح يعمل على تقليل درجة الحرارة فى النبات ( ياريت لو تشرحله الحتة الى عندك فى الكتاب تحت العنوان دة بتاع تقليل درجة الحرارة ) و رفع الماء فى الأوعية إلى الورقة و ذلك حتى تحدث عملية البناء الضوئى و يقوم النتح برفع الماء عن طريق تبخر الماء من mesophyll tissues surronding the air chamber of stomata ( تلاقى الجملة دى عندك فى الكتاب بالعربى انقلها هنا ) الذى يتبخر من الـ stomata فيضطر .... ( اشرحها من الكتاب برضك بس بسرعة علشان المصحح مايزهقش ) فيتم إخراج الماء من النبات بطريقة غير مباشرة لتوليد قوة دفع لرفع المياة إلى ارتفاعات عالية