استفسار بخصوص ثانية ثانوي

emmawatson · #1 13-06-2009, 11:34 PM

السلام عليكم
لو سمحتوا انا عايزة اعرف هو تانية ثانوي خمس مواد بس؟؟(بالنسبة للعلمي)
فرنسي
انجليزي
عربي
رياضة
(كيمياء_أحياء)
اللي هي المواد الأساسية هي دي بس ولا في مواد تانية يعني بناخد مادة أدبي في تانية ولا في تالتة بس؟؟
لو سمحتوا يا ريت أي حد يعرف يجاوبني
وشكرا لكم

الدكتور2000 · #2 14-06-2009, 03:10 AM

وعليكم السلام.....ايوه هى دى المواد الاساسية والمادة الادبية بتكون فى تالتة ان شاء الله وربنا يوفقنا جميعا انشاء الله....*وشكرا*

محمد على ابوزياد · #3 14-06-2009, 05:02 PM

شوفى يا استاذتى العزيزة
الصف الثانى الثانوى
1- اللغة العربية
2- اللعة الانجليزية
3- اللغة الفرنسية
4- الرياضيات
علشان تكونى علمى
5- لازم كيمياء

علشان تكونى ادبى
1-عربى
2-انجليزى
3-فرنسى
4-رياضيات
5-ومادة من علم النفس او الفلسفة او التاريخ او جغرافيا

وفى الصف الثالث ان شاء الله
علشان تكونى علمى
مواد الاجبارية
1- عربى
2- انجليزى
ومادتين علمية
3- لازم فيزياء
4- احياء او رياضيات 2
5- مادة ادبية علم نفس او اقتصاد واحصاء

الصف الثالث ادبى
المواد الاجبارية مادتين
1- العربى
2- الانجليزى
3- 4- يبقى 3 مواد اختيارى 2 مادة ادبية من (علم النفس- الفلسفة - التاريخ )
خلى بالك من 3 و 4 هم ثلاث مواد اخذنا منهم مادة فى الصف الثانى ويبقى مادتين
ودايما طلاب الصف الثانى علم نفس والصف الثالث الفلسفة والتاريخ
5- يبقى مادة علمية الجيولوجيا

معلش لفيت دماغك شوية
وربنا يعينك على ث ع
تحياتى

سلامونا · #4 14-06-2009, 06:19 PM

ايهما اسهل مستوى رفيع عربى ام انجليزى

محمد على ابوزياد · #5 15-06-2009, 08:52 AM

اقتباس:

المشاركة الأصلية كتبت بواسطة سلامونا

ايهما اسهل مستوى رفيع عربى ام انجليزى

الاثنين احسن من بعض
لكن حسب ميولك انت
هل تحب العربى اكثر
ام الانجليزى
يعنى مستواك احسن فى مادة العربى ام الانجليزى
انت الذى ترد وتختار

emanhelal · #6 24-06-2009, 09:26 PM

طيب مستوى رفيع احياء ايه اخباره