لطلاب الثانوية اسالنا اى سؤال عن اى جامعه

[محمود خاطر]

ممكن اعرف هية مودرن اكاديمي كويسة ولا لا

[blackjoker15]

المشاركة الأصلية كتبت بواسطة angel_of_heaven

ياجماعة انا فى 3ث وجبت 88 السنة الى فاتت وجبت 22 فى الانجليزى ونفسى اعرف كلية تجارة انجليزى بتاخد من كام والانجليزى من كام يعنى هينفع ادخلها ولا لا ولازم اجيب كام فى الانجليزى

يا جماعه يرات اى حد يعرف ازاى بيتم تنسيق تجاره انجليش يرد علينا و هل بتاخد من ادبى اكتر ولا من علمى و يسلام لو حد يعرف بالظبط خدت كام السنه االفات

ت

[manon]

يا جماعه انا عايزه اسال عن قوق انجليش وايه هو الشغل اللي ممكن الاقيه بالكليه دي وايه الكورسات اللي لازم اخودها عشان تساعدني في اي انتر فيو

[shimagad_91]

بعنى ايه الشهادات المعادلة اللى بتتكلموا عليها دى ياريت لو سمحتم حد يفهمنى يعنى ايه؟

[محمود خاطر]

يا جما عة انا علمي رياضة وفي الصف الثالث الثانوي وعايز ادخل علوم حاسب وسمعت ان في حجة اسمها مودرن اكاديمي وسمعت عن اكاديمية اخبار اليوم ممكن حد يقولي مين احسن ارجوكو الرد بسرعة

[اموووول]

يا جماعه ممكن حد يقولى اداب انجلش بتاخد كام مجموع الانجلش

[ضرغام]

السلام عليكم
ممكن اعرف كلية آثار تقبل من كام بالظبط وهى اية ممستقبلها
قصدى بعد التخرخ اية الوظايف الوجودة للخرجيي وهل مطلوب مجموعلغات ولا ية ؟؟؟؟

[riri_angel]

هاى انا فى 3 ث فى السعودية ادبى و......عايزة اخش اعلا او سياسة واقتصاد فممكن تجبلى معلةمات عنهم والا قسام الى فيهم وكدة...وكمان طلب انا عايزة اعرف تنسيق الكليتين السنة الى فاتت فى مصر وبالنسبة للمغتربين........وشكراااا

[sarah-yas]

هااي انا مصرية و عايشة في المغرب
في 2 ثانويه عامة علمي علوم
نفسي ادخل الجامعة الفرنسية في مدينة الشروق
يا ريت اللي بيدرس فيها او اللي يعرفها او يعرف حد فيها يقولي هي مستواها حلو و لا لأ
و يقولي بردو هو في امتحان قدرات و لا مقابلة و بتبقى سهلة و لا صعبة
مستنية ردودكم
و مرسي مقدماااااااا

[REHAM_00]

ممكن حد يقولي كلية السن خدت السنة اللي فاتت من كام بالظبط و بيقولو ان اللغات الاساسية فيها انجليزي والماني وفرنساوي وايطالي غير اللغة اللي بتتخصص فيها طيب لو اتخصصت في الماني يبقى هاخده مرتين؟ارجو الافادة

[محمود خاطر]

المشاركة الأصلية كتبت بواسطة riri_angel

هاى انا فى 3 ث فى السعودية ادبى و......عايزة اخش اعلا او سياسة واقتصاد فممكن تجبلى معلةمات عنهم والا قسام الى فيهم وكدة...وكمان طلب انا عايزة اعرف تنسيق الكليتين السنة الى فاتت فى مصر وبالنسبة للمغتربين........وشكراااا

كل المفروض عليكي 65 % اظن دة سهل جدا جدا بالنسبة لامتحانات الخليج ،على فكرة انا كنت في مملكة البحرين وعارف اللي فيها ، انا برشحلك سياسة واقتصاد علشان اعلام لازم تكوني بتلبسي بطريقة معينة وطبعا هتغضبي ربنا بطريقة اللبس وبعدها هتموتي وبعدها هيكون حسابك مع ربنا الله اعلم ،علشان كدة خليكي في سياسة واقتصاد ومش بقولك 65 % علشان تجيبي 65% لالالالالالا خليكي في 97% او 87% او 77% يني ضمني نفسك وادعي و قولي يا رب حقق اللي في دماغ محمود خاطر فانك انت العزيز الحكيم

[blackjoker15]

المشاركة الأصلية كتبت بواسطة العندليب الحزين

ولا حد ما معبرنا خلاص

عندك حق والهى !! انتوا فين يا مشرفين؟؟

[كويتية صغيرونة]

ياجماعة أنا أدرس بمصر وبدخل جامعة بمصر
بس أبي أسأل الجامعة البريطانية معترف بها دوليا ولا لأ

نخلى العلم أني في ثانية ثانوي وكويتية
وايش الجامعات الخاصة المعترف بها دوليا
أنا أبي أتخصص طب اسنان أو صيدلة أو طب بشري

ياريت تفودوني

[♥έĻ-мΰšŧâρèdâ♥]

اخر الاخبار حتى الان فى موضوع التنسيق

قرر مجلس الجامعات الخاصة في اجتماعه الخميس برئاسة الكتور هانى هلال وزير التعليم العالى والبحث العلمى اعداد المقبولين بالجامعات الخاصة للعام الجامعى 2007 - 2008 وبلغت اعدادهم 21 الف طالب وطالبة في 14 جامعة وذلك في اطار الحد الادنى للقبول بالكليات المختلفة الذى تم اقراراه على النحو التالي:

كليات الطب البشرى وطب الاسنان والصيدلة "80%"، وكليات العلاج الطبيعى "75%"، وكليات الهندسة "70%"، وكليات الحاسبات والتكنولوجيا الحيوية "65%"، وكليات الفنون التطبيقية والعلوم الطبية التطبيقية والمساعدة والاقتصاد والادارة والاعلام واللغات والعلوم السياسية "60%".

كما وافق المجلس في اجتماعه على بدء الدراسة بكليتى التمريض بالجامعة البريطانية و تكنولوجيا الاعلام بجامعة سيناء واقر انشاء كليتين للاتصال والاعلام والتربية بالجامعة البريطانية وذلك في ضوء اكتمال الدراسات الخاصة بالانشاء-

كما تقرر بدء عمل مكتب القبول للجامعات الخاصة على ثلاث مراحل تبدأ الاولى عقب ظهور نتيجة المرحلة الاولى لتنسيق القبول للجامعات والمعاهد العليا ، والثانية بعد ظهور نتيجة المرحلة الثالثة لتنسيق القبول .

وتبدا المرحلة الثالثة للقبول بالجامعات الخاصة في الاسبوع الاخير من اكتوبر القادم وعلى كل جامعة خاصة ان تقدم اوراق الطلاب المتقدمين اليها الى مكتب القبول بالجامعات الخاصة خلال الفترات سالفة الذكر.

واكد المجلس على ضرورة الالتزام بالضوابط والمعايير المقررة للقبول بهذه الجامعات، وكذلك التقيد بالاعداد المتفق عليها واستيفاء الطلاب المتقدمين للشروط والبيانات المطلوبة وعدم الاخلال باى منها.

[asadmasr]

انا طالب في ثانية ثانوي علمي علوم مشكلتي الكبري اني عارف المجال الي انا عايز اشتغل فيه و مش عارف اخشله من اي كلية انا عايز اخش هندسة وراثية بس مش لاقي اي جامعة فيها المجال ده بس يعني مثلا سمعت انه في المجال ده في كليات متخصصة ليه بس بس انا مش عارف هي فين ممكن تسعدوني