أخبار المعلمين بالاجر

[كاظمة]

ياريت يا جماعة كل المدرسين اللي بالاجر اللي عندهم أخبار اكيدةعن العقود او التثبيت يكتبوها هنا لأننا نسمع الكثير من الأخبار المتضاربة مع بعضها

[Observer]

سيتم تثبيت الموضوع لفترة
نرجو كل من لديه اخبار أو معلومات اكيدة ان يضعها هنا
والله الموفق

[mona_kids]

نتيجة المسابقة ظهرت لمدرسى الأجر يوم الأربعاء واتعلقت كشوف النتيجة بمديرية التربية والتعليم بالجيزة شارع البساتين وقالوا كمان يومين تعالوا اسالوا عن الاجراءات أنا وزميلاتى اسمنا نزل ماعدا واحدة

[M.Ahmed Elsaid]

مبروك عليكم وعقبال باقى المحافظات يارب

[كاظمة]

احنا لسة ما فيش اي اعلان عن المسابقة عندنا ربنا يوفق الجميع

[ريمون المصرى777]

ياريت ياجماعة توضحولنا مسابقة اية دى اللى ظهرت والمسابقة دى تخص المتعاقدين ولا اللى لسة هايتعاقدوا

[محمدالوزير2]

طيب اية اخبار الى شغال بالحصة فى الحاسب الى

[mona_kids]

احنا مدرسين بالأجر قدمنا فى المديرية ونزلت الكشوف وحنتحول لمعلمين مساعدين بعقود مميزة

[كاظمة]

المشاركة الأصلية كتبت بواسطة mona_kids

احنا مدرسين بالأجر قدمنا فى المديرية ونزلت الكشوف وحنتحول لمعلمين مساعدين بعقود مميزة

عايزة اعرف لو سمحت قدمتوا ازاي في المديرية وما الاوراق اللازمة لذلك وهل قدمتم من غير ما يعلنوا عن المسابقة ولا بعد الاعلان عنها

[mr-HESHAM]

بيقال ان فيه عقود جديده اول شهر مايو وكمان توجيه الرياضيات عندنا اخد اسماء كل العاملين بالاجر فى جميع مدارس المحافظه

[mona bahr]

مفيش اخبار عن مدرسي الاجر بمحافظة البحيرة

[mr-HESHAM]

التوجيه عندنا بيقول اول شهر مايو هتنزل عقود جديده

[كاظمة]

احنا بقى التوجيه عندنا قالوا ان في عقود في ابريل والشهر قرب يخلص وماقيش اي اخبار عن العقودنزلت ولا لأ

[mr-HESHAM]

المشاركة الأصلية كتبت بواسطة كاظمة

احنا بقى التوجيه عندنا قالوا ان في عقود في ابريل والشهر قرب يخلص وماقيش اي اخبار عن العقودنزلت ولا لأ

هوه الكلام الاكيد ان فيه عقود قريبه لان عندنا التوجيه من اسبوعين تقريبا جمع اسامى كل الناس الى شغالين بالاجر فى كل مدارس المحافظه وكمان بردو بيقال فى اول مايو مع الناس الى هتجدد العقود بتاعتها

[mona_kids]

احنا قدمنا فى المسابقة فى شهر 11 الموجه قالت لنا رحنا وقدمنا صور للبطاقة واقرار القيام بالعمل حتى تكون لنا الأولوية للعمل بنفس المدرسة وصور للشهادة