خبر جميل الف مبروك لنا جميعا

[رانسى232]

وصل للمدرسة منشور رقم 63 بتاريخ 20\11\2011
بشان ضم الخدمة السابقة للمتعاقدين بوطيفة معلم مساعدوتم تثبيتهم بوطيفة معلم
والله يا جماعة الفاكس شفتة بعنيا وعلى فكرة انا محافطة الغربية واكيد اللى لسة موصلشى عندهم هيوصل قريبا جدا باذن الله ومرة تانية الف مبروك ويا ريت اللى يقرا الخبر ميخرجشى قبل ما يدعيلى ان ربنا يفك كربى

[أ/محمد على عاشور]

خبر جميل
شكرا لحضرتك
لو ممكن فحوى الفاكس

[ابو احمد النجار]

يارب يكون الخبر ده صحيح

[رانسى232]

فحوى الفاكس اول سطر وبعدين بيطلبوا من المديرين عمل اللازم

[tamershrif]

لاحظ انه قال من بدايه معلم مساعد وليس بداية التعاقد تفرق كثير يعنى انا مثلا تعاقد 2004 ولكن باقدمية 2008 بداية المعلم المساعد والله الموفق

[محمدمبروك]

انا مر علي 3سنين وليسة بالحصة اعمل اية ما فيش حد عندة حل ادارة كفر الشيخ

[biba200577]

يعنى دلوقتى لو واحد تعاقدمميز ٢٠٠٩ واتثبت ٢٠١١ يحق له الترقية ٢٠١٤ ولا ايه

[وليد أحمد حبلص]

يا جماعة الخبر ده غلط لان الفاكس على ورقتين الورقة الاولى بتقول لا يجوز ضم المدة السابقة وانا معايا الفاكس كامل

[خبير التقنيه]

ياجماعة من الاخر ما العمل لضم المدة على سبيل المثال
لو واحد متعاقد من 2002 مثلا ولم ينقطع عام واحد عن العمل حتى تاريخ التعين 1/3/2011
حد يعرفنا ويفهمنا ويشرحلنا من الناس اللى وصلهم الفاكس كامل
ولكم الشكر والاحترام

[sondok2]

وايه وضع المعلم المساعد اللي مر عليه ثلاث سنوات ولم يتم تعيينه لانه لم يختبر كادر حد هنا عنده علم

[ايناس طلعت محمد]

على فكرة ده معناه انه لم يتم اضافة فترة المعلم المساعد لانها فترة اختبار قبل التعيين ده اللى فهمته من الفاكس المعروض

[فتاة مصرية متعاقدة]

انا كنت تعاقد منذ2004 وبعقد ادارى يفسخ منشهر6 ونعودشهر9 وحتى 2008تم عمل عقد وزارى متصل واتعينت1/7/2011 ولا ادرى هل من حقى ضم هذه المدد ام بعضها علما بانى اديت الخدمة العامة

[rasha_ahmed]

فعلا ياجماعة انا من الغربية من المحلة كمان تبع ادارة شرق المحلة وروحت سلمت شهادة الخدمة العامة واستمارة 103 لضم سنوات الخدمة السابقه حتى اللى كان بالحصه هما قالوا لى من اول يوم اشتغلتى فيه حتى بالحصه

وانا على فكره تعين 1-7-2011